越發地道河內料理

營業中

休息中

排咗40分鐘先入到。舖頭面積好細，好少座位。招牌河內牛柳牛丸粉  湯底：走清甜路線，唔係濃郁牛肉味嗰種。比較出色嘅係佢將d 越南香草葉整到碎碎地，融入喺湯底度，所以飲落去係清甜嘅清湯加越南香草嘅味道。材料：有兩粒牛丸，濃郁好味。牛肉係細細碎碎嘅賣相同口感，口感唔係高質牛肉果種爽滑，份量有啲少。🤔越南法式三文治 麵包好脆，同時又唔會好硬或者拮口，質感唔錯。味道就係以酸蘿蔔嘅味道為主，再夾一啲豬肝醬嘅味道。個人口味會prefer肉嘅口感同味道再出啲，或者再濃郁啲嘅豬肝醬味。🤔越發牛油雞翼 食落第一啖都有牛油味道，但係之後會更加多係甜嘅味道。個人會prefer唔甜，以牛油味為主嘅牛油雞翼。😐河内芽車快 比較出色嘅係有啲麻油味，增加咗香味同層次。但係再食落去就會覺得太重嘅酸酸味甜甜味道。之前來食過覺得酸甜味太重，今次已經叫佢少汁，但係食落都仲係太酸太甜。材料方面唔算多雞絲，主要係充滿紅蘿蔔白蘿蔔嘅口感。🤔越南柑桔梳打 30正常青檸梳打嘅味道，冇柑桔味，冇咩特別。另外，扣少少分係餐廳用紙碟嚟裝住啲餸，無論係環保定係賣相方面都差咗少少。總結嚟講，味道唔錯，係可以返食嘅舖頭，但係又未至於話食落會嘩一

計埋之前排隊中途放棄嗰兩次，今日已經係第三次嚟排越發😅 趁去完廟街夜繽紛，就由佐敦行過旺角排吓隊，本身由夜晚7:45排到pho上枱足足約一個鐘🫡 而係我哋坐咗落去冇幾耐餐廳就已經截咗龍今次我哋兩個人就一共嗌咗河內牛柳粉 $85招牌牛柳牛丸粉 $100招牌越南脆春卷 $70越發牛油雞翼 $80兩碗牛肉粉，除咗牛柳牛丸粉多咗兩粒開邊牛丸之外，其實沒有太大分別😅 我就建議如果黎試都係嗌牛柳粉，再淨嗌一個牛丸湯會比較划算🤔 首先碗粉嘅湯頭十分清澈，是一碗很高分的牛骨清湯，不過我個人就比較鍾意濃湯和有更多香料，這碗湯比較符合我男朋友口味😋 河粉煮得不會過熟，不會太碎👍🏻 牛柳用料上盛， 非常新鮮，而且好有牛味👍🏻 整體牛柳粉能打入我心目中 Top 3，大推👍🏻 脆春卷一共有三條，入面用料都是一些正常的粉絲和雜菜絲，調味適中👍🏻 今日的春卷是炸好就上枱熱辣辣，非常惹味😋 建議點越發自家製的酸汁和生菜包起來一齊食味道更佳👍🏻 牛油雞翼一共有五隻，都係即制上枱👍🏻佢哋嘅牛油雞翼相對於坊間的味道比較特別，係甜口的🤔應該係炸過之後再沾糖漿和炸蒜再上枱🤔 我自己就不太喜歡，因為食雞翼嘅時候炸蒜和糖會比較

假期打風有咩好？就係可以唔洗排隊去食啲平日好長龍既餐廳🤣 琴日3 點幾去左油麻地越發， 可以直入超感動！ 以前第一次食，閒日都等左一個鐘🥹🍲招牌牛柳牛丸粉 HKD 100 呢碗pho 特別吸晴， 因為好綠🟢 湯底鮮甜， 飲落好舒服， 河粉都煮得岩岩好， 配既油炸鬼幾脆口～ 牛柳比較碎但唔肥， 牛丸好濃牛味仲好juicy ~ 如果個湯有白蘿蔔就正啦🧆燒肉丸撈檬 HKD 80 呢碗有驚喜！ 撈檬個汁甜點多少少， 撈檬材料好多 ， 除左花生、蘿蔔洋蔥青瓜絲、乾蔥片之外，仲有檸檬葉同木瓜/ 芒果粒！ 食起上後好開胃～口感豐富！ 肉丸形狀有啲似腸仔切片， 咸香十足😋🍗 越發牛油雞翼 HKD 80 上枱超級熱辣辣🔥 呢間牛油雞翼有別於傳統，唔脆身， 似用蜜糖包住雞翼， 再加上蒜粒， 甜甜地亦好香。 不過略嫌比較痴牙， 雞翼都細隻啲， 我都係中意傳統炸香個種多啲 ， HKD80 5隻唔算平， 下次會想試另一啲小食多啲 🤪

去過幾次, 唔係太多人排就係賣哂截龍, 今次專程食晚市頭輪, 但都係食唔到蕃茄蟹檬 😥招牌牛柳牛丸粉 - 湯頭的確很清甜但濃郁牛骨味, 加埋青檸同辣椒絲味道更有層次變化, 不過牛柳同河粉份量都偏少, 牛丸都係一開二, 女生食量都未必滿足越發牛油雞翼 - 雞翼蘸滿蜜糖再炸焗, 然後加上炸蒜粒, 香口juicy而且出面食唔到呢個味招牌越南脆春卷 - 跟埋生菜同薄荷葉可以包住食, 香脆外皮包住粉絲肉鬆, 加埋甜酸汁好醒神正宗越南滴漏咖啡 / 越發招牌冰咖啡 - 2款都冇苦澀味, 反而有回甘又唔會過過甜

想食越發好耐，但每次唔係勁多人排隊就係已經賣晒，今次終於畀我食到喇～ 招牌牛柳牛丸粉： 呢個可能係佢地最受歡迎嘅粉喇，同一時間入座嘅十居其九都係叫呢個，如果以 $100 碗粉嚟計，佢個賣相同份量其實唔算好好，不過，佢個湯頭就真係做得唔錯，比起其他越南粉嘅鋪頭，鍾意佢唔會太過油，亦唔會太濃味，牛柳同牛丸都好好食，佢跟埋個粉仲有啲油炸鬼、青檸同椒絲，先飲一啖原味湯再加青檸同椒絲可以好飲到中間嘅變化，如果肉嘅份量可以多少少其實都近乎完美。招牌越南脆春卷： 佢地嘅小食都係好出色，春卷上枱熱辣辣，外皮非常之脆，用菜包住嚟食加埋入面唔同口感嘅菜料，食得好爽～ 越發牛油雞翼： 呢個亦係出色，佢同坊間食開嘅越式炸牛油雞翼好唔同，佢係雞翼面有蜜糖再喺上面有好多炸蒜粒，又香甜又辛口，好食！越南滴漏咖啡： 本身諗住都係正路野叫杯野食下，點知都有啲驚喜喎～！ 平時飲越南滴漏咖啡 經常都會陣苦澀味，但係佢呢個又無乜，仲有陣甘味，撈埋煉奶再甜的，好飲～！ 唯一嘅問題，就係一坐低就已經話 蕃茄蟹檬 已經賣晒，唯有下次再睇下有冇機會食到喇～。

上一次來堂食大概已經是兩年前了😌不竟不是每個朋友都不介意排隊等食😉今次專門帶一個朋友來試，還好他沒有等到發脾氣🤭我很開心小店還是一樣，桌子不多，所以等位時間也可能比較長一點。不過能在香港食到這樣水準的生牛河，也算值得一如以往，湯底鮮甜，唔似連鎖店飲幾啖就口渴😃牛肉鮮嫩，食到尾都唔會靭👍牛丸依舊Juicy😊蒜香牛油雞翼依然係我的最愛😍呢到個牛油雞翼特別在加咗蜜糖，配埋香脆嘅蒜片，食落雖然會黐牙，但相當惹味😋雞翼又唔會炸得太乾憎憎😃老闆話近年衝著來食牛河嘅客人不少，導致餐廳原本有些美食都停售了。粉卷和飯都暫停供應，畢竟點的客人不多，也不能浪費食材…美加回來的朋友常投訴香港的越南河粉難吃😂很高興這次帶來的朋友吃過很滿意☺️不然我應該會被埋怨排隊等一個小時了😂🤣

無論是吃飯繁忙時間抑或平常的時間，這間餐廳每次我們經過的時候都看見大排長龍，剛巧今天晚上我們有些空閒的時間，所以便晚上 6時多來排隊了，結果最後我們等到晚上 8點才能用餐由於餐廳只有八張座位，同時亦不設派籌的服務，客人需要在餐廳門外排隊，而且排隊時間更需時半小時至一小時以上，幸好現在天氣比較清涼，所以感覺上才比較舒適餐廳的食物選擇其實不太多，所以我們便點了幾款比較熱門的食物，分別包括碳燒豬肉伴越南檬粉、招牌牛柳牛丸粉和越發牛油雞翼，飲品則選了柑桔冰茶和熱情果梳打No.1【碳燒豬肉伴越南檬粉】 $80上菜的時候碳燒豬肉浸泡在湯中，而越南檬粉則另上，餐廳說它的食法和沾麵十分相似，將檬粉沾上一些湯汁後，便可以和豬肉一起食用了但是我萬萬想不到浸泡豬肉的湯汁，竟然是加了越式魚露，它的味道和醋十分相似，而我本人並不喜歡醋的味道，對我而言簡直是味如雞肋最後我直接把所有檬粉泡在老公的牛柳粉湯中，才能繼續享用至於豬肉的份量其實不算太多，但是肉質都算柔軟嫩滑，鮮味多汁，同時亦滲透了魚露的味道，所以基本上我全部都送給老公品嚐了No.2【招牌牛柳牛丸粉】 $96比起剛才「風味獨特」的豬肉伴檬粉，這份牛柳牛丸粉

星期六晚上6:30來到，等了30分鐘有位，排隊期間店員已比餐牌，準備入座前就落埋單。坐底先有兩杯水，睇落平平無奇，飲落有驚喜，是有班蘭葉味的水👍碳燒豬肉拼越南檬粉($80)第一次食此形式的撈檬，檬粉已分開10份，好似沾麵咁浸魚露湯食，魚露湯酸酸地很開胃。湯入面的碳燒豬肉有碳香，仲有一粒肉丸，整體好食好特別。招牌牛柳牛丸粉($96)食超南菜必食的牛河，湯底有牛味但不會太鹹，配上大量葱及香料，用油炸鬼浸湯食不錯。越發牛油雞翼($75)雞翼是先炸後炒，面有蜜糖再灑上炸蒜，有小小黐牙，不過好食。越發招牌冰咖啡($39)越南柑桔梳打($28)舖位不大，只有7張枱，店員十分親切，上菜時會介紹菜式及教點食，非常好服務。