火五越式牛肉粉專門店 (其昌樓)

火五越式牛肉粉專門店 (佐敦店)佐敦白加士街55號其昌樓地舖今日好想食越南菜 係佐敦見到好吸引咁 又好抵WO 價錢又唔貴 火五生熟牛肉粉呢個一上枱勁大陣香味 個湯幾甜 有啲牛肉香味 唔會太油 🥳有大大塊洋蔥同蔥花 熟牛肉係牛腩 都幾大大舊既🤓湯底好熱所以生牛肉黎到 但入口都係幾嫩滑火車頭牛肉河湯頭非常清甜可以自己加入芽菜香茅同埋青檸汁(但我自己就麻麻地青檸既)生牛肉、熟牛肉、扎肉、和牛牛丸好少地方既牛丸係用和牛🤩超好食仲要勁有肉汁 麵煮得岩岩好手作大蝦米紙卷好多菜木瓜同每一舊都有蝦蝦完全唔霉 有咬口但要沾少少魚露 先最好食😋意大利黑醋汁蒜蓉牛油雞翼呢個超有驚喜🥹好正又好好食好大隻又啖啖肉 炸粉簿簿地食起上黎 成口都係脆口蒜香呢個賣點唔係雞翼 居然係黑醋汁 入口酸酸MAYMAY❤️好特別呀…查看更多

尋日出佐敦，又去外賣平台睇吓會員有咩餐廳有七五折，見呢間都幾多食評，價錢亦唔貴，就揀佢。唔駛點等就有位，餐廳座位都幾闊落，坐得都幾舒服，但冷氣就唔多夠，我又怕熱，感覺有啲焗。因為一個人，所以試唔到太多嘢，睇咗輪揀咗火五火車頭牛肉湯檬同越南三色冰，火車頭有生牛肉，熟牛肉，和牛牛丸同扎肉，如果冇折正價$68唔係特別平，正常火車頭份量比較多，但佢生同熟牛肉只係得一嚿，仲要細細嚿，唔係有折就比碗細嘅你啩？上枱見到真係有啲失望，見到好似冇餸咁，檬粉亦唔多，不過見到可以揀多粉同不用加錢，但冇理由要食粉食飽㗎？佢同另外一間出名嘅越南粉「錦X」嘅火車頭份量真係差太遠，人哋生熟牛肉最少都有兩件，而且大大件，每次都食得好滿足（遲啲要去食，補償今次失望嘅心靈）當然佢嘅價錢比佢貴少少，但係都係少少。所以我後尾都要追加一個炸蝦春卷，春卷係長同幼身嘅，味道唔差但佢整得麻麻，個皮比較厚，三色冰正正常常，因為要正價單點先有折，所以咁樣叫其實唔係平好多，因為單點嘢飲通常貴，如果你唔叫嘢飲就平得多啲。睇食評OpenRice買嘅套餐好抵，可以一試，不過緊係有時間同日子限制，如果用到都幾抵。整體質素唔差，但呢個火車頭嘅份量真係令人失望，不過都可以再試其他嘢，睇佢餐單一般價錢唔貴，如果有折其實都幾抵。…查看更多

大部分人去佐敦都會去食叉燒意粉飲牛奶無留意行前兩步有間高質越南牛肉粉小店 🥩火五越式牛肉粉專門店🍲主打越式美食 菜式選擇多價錢親民 性價比極高✨火五生熟牛肉湯檬濃郁鮮甜牛骨湯底帶少少胡椒味生牛肉加牛肋條份量多 肉質軟淋 好食 😋✨法式咖喱牛肋撈檬牛肋牛味濃郁 肉質軟淋惹味咖喱汁加上檬粉汁原來好夾配上青瓜絲、蘿蔔絲好食好食 😋✨必點小食✨黃金蝦球 ✨外皮用鹹蛋黃炸得鬆脆蝦球爽滑彈牙好邪惡但好好食🤤✨越式炸蝦春卷外皮香脆 中間包住美味蝦肉 值得一試 午餐時段加$10可以叫任何飲品✨越式香滑濃咖啡✨越南三色冰…查看更多

🇭🇰火五越式 PHO牛肉粉專門店🍲兩次黎都係滿座 疫情下仲有好多外賣單 整體感覺幾抵食小食推銷大家試佢地黃金類既炸物😆🍲火五火車頭牛肉粉(💰$68) 佢地既牛肉粉超大碗 再大食都一定夠食 呢款配料就係咩有少少 勝在可以試多幾樣 牛肉 和牛牛丸 扎肉等等 生牛肉滑身 牛丸濃味彈牙不錯🙌🏻熟牛肉今次就老左少少另外上左芽菜同青檸 可以按自己喜好決定落唔落河粉有彈性 牛骨湯清甜😋🫔越式炸蝦春卷 (💰$28/3pcs) 春卷係長條形 幾脆口 食到有蝦肉餡 唔會得d 配料味👍🏻🍖意大利黑醋汁蒜蓉牛油雞翼(💰$38/5pcs) 黑醋汁帶點酸甜淋係面 帶點開胃感覺雞翼大小適中 上台夠熱度♨️另外加埋蒜蓉牛油 牛油味相對冇咁出如果鐘意牛油既朋友可能試另一款😉☕凍越式香滑濃咖啡(💰+$10) 佢地既特飲只有凍飲天氣凍都頂硬上啦🤣🤣越南啡用煉奶代替糖份同牛奶 整體味道夠濃而且香滑 不過建議大家記得叫少冰…查看更多

即叫即炸 原隻軟殼蟹🦀好少過嚟佐敦，今次就黎食越南野🥰雖然個鋪面細細，六七點嘅時間都幾多客人～炸軟殼蟹撈檬 $68原隻軟殼蟹上😨勁誇張好大隻！即叫即炸，熱辣辣同好香脆 軟殼蟹都算大份，唔係淨係食到炸粉嗰種！成碟個份量勁多，撈檬配埋啲汁酸酸辣辣，好開胃☺️豬頸肉油香飯 $58咖喱都幾濃郁，偏向重口味嗰種，上枱已經聞到好大浸咖喱味🤣豬頸肉都勁多份量 呢個價錢非常抵食👍🏻越式炸蝦春卷 $28有三條，都係即叫即炸，相對等嘅時間耐少少，好脆口 好食😃星洲黃金蝦球 $38雖然我唔係好鍾意鹹蛋黃，但係佢呢個都真係做得幾好食，亦都係熱辣辣😆鹹蛋黃醬味做好出，但係唔算太鹹 蝦球都幾彈口，唔係淨係食到炸粉嗰種😋🧐店舖仲有個位係俾人自助浸水，都幾貼心，衛生👍🏻總括嚟講，呢間喎抵食又大份，非常足料！味道都唔錯，但係可能琴日食咗好多都係炸嘢，比較偏油膩🥲會有種負擔感！同埋啲嘢都比較重口味 食完可能要食下菜飲多啲水啦😂…查看更多

今日同男朋友行開佐敦，發現好少喺呢邊食嘢，見到呢間越式餐廳價錢幾合理就入咗去試吓😆餐廳裝修簡潔，我坐單邊卡，都算幾闊落～我哋叫咗五樣嘢食同兩杯嘢飲，粉麵方面，叫咗一個火五火車頭牛肉粉 ($62)，湯底好濃牛骨味，都算重口味～入面啲配料非常豐富，有牛丸、扎肉、生牛肉同熟牛肉☺️肉類都唔會韌，有牛味，而我覺得牛丸最好食😍一咬開係會爆汁架！另一碗就叫咗香茅豬頸肉撈檬 ($58)，好大兜，好彩我哋大食🤣除咗好多檬粉，仲有好多蘿蔔絲同青瓜絲，撈埋一齊食好有口感，豬頸肉都燒得好脆～我哋都叫咗三款小食，火五特式鳳爪 ($22)真係好惹味，啲酸辣汁入哂鳳爪入面😋鳳爪好有咬口，啱哂我！另外，意大利黑醋汁蒜蓉牛油雞翼 ($38)都好大隻，上面黑醋汁平衡返油膩感，加埋蒜蓉，係重口味之選😋越式炸蝦春卷 ($28)係好長長一條，有三條，入面係蝦膠👍嘢飲就叫咗一杯白桃茶 ($19)同一杯白桃梳打 ($19)，兩杯都少甜，甜度適中，入面仲有啲白桃粒粒，非常好味😋餐廳位置都好就腳，價錢親民，值得一試👍…查看更多

成日喺外賣平台度見到，都冇試過，今日咁岩經過就試吓，lunch時間去食都算多人，一坐低就見到門口有一張枱仔，擺滿晒外賣🤭全部都係外賣平台,真係好好生意喎～阿女叫左一碗火五火車頭牛肉粉，我就揀左越式魚翅花膠雞湯河，一見到魚翅花膠即刻忍唔住要試吓，第一次喺食越式野嘅地方見到魚翅花膠呢個組合🤫我哋仲叫咗炸蝦春卷同香茅雞翼，三色冰同青檬梳打，先講火車頭嗰碗，好足料，牛丸，牛肉，扎肉….阿女話湯底好好味，而且都好鬼大碗，佢食唔哂。我嗰碗魚翅花膠雞，份量就正常，但就覺得吸收咗好多骨膠原😂雞肉都軟身，湯底清得黎🈶️陣陣嘅魚翅香味，另外香茅雞翼都入味嘅，但我個人就唔鍾意雞翼上面有d葱😅炸蝦春卷熱辣辣，而且仲好大條👍🏻加埋杯嘢飲，真係飽到上心口😮‍💨整體黎講味道同價錢都OK☝🏻下次會再食🤤…查看更多

今日路經佐敦突然想食越南粉，行到白加士街見到間火五越式牛肉粉專門店，見到咁啱有位就入去。店裡唔係好大，但竟然有廁所，值得一讚，店裡冷氣都OK，怕熱嘅我都可以唔使開手提風扇。呢度有河粉/檬粉丶撈檬丶越式油香飯、小食，木瓜沙律、米紙卷、仲有啲越式飲品選擇。我哋點咗火五火車頭牛肉粉 $62有生牛肉、牛筋、牛腩、牛丸、札肉等，河粉都幾大碗 (芽菜丶九層塔會另外上，唔鍾意嘅可以唔落) 都幾貼心。牛丸仲係我鍾意食嘅濃汁牛肉😍 正呀炸軟殼蟹撈檬 $68軟殼蟹都炸得幾脆，配上青瓜絲、蘿蔔絲加埋配撈檬酸酸地嘅汁，夏天食會特別零舍開胃，都係幾大碗。香茅雞翼(四件) $22雞翼都OK 嘅，覺得都幾抵食。越式炸蝦春卷 $28春卷都炸得幾香脆。越南三式冰 $19 (跟午餐只加 $10)三式其實我都唔式只知有椰奶，蒟蒻咁，椰奶唔會好甜，啱晒鍾意飲少甜嘅我。凍越式香滑濃咖啡 $19 (跟午餐只加 $10)咖啡味濃，鍾意濃咖啡就啱整體都唔錯，大家都食到好飽😂…查看更多

呢條街都幾多嘢食 今日想食越南野就入佐去試下～～ 主打係越式牛肉粉 但撈檬同油香飯既選擇都頗多🙆🏼‍♀️.▫️火五火車頭牛肉檬粉 $62依間店多粉竟然係唔洗加錢😳 所以係勁大碗 火車頭有齊生熟牛肉 扎肉同和牛牛丸～ 可以一次過試晒四款牛🤭湯頭飲落好清甜 循例有好多葱花同洋葱調味 唔會話過鹹同太油膩 都幾香濃😚 檬粉偏碎但好滑順索湯🤤 生牛肉食落都嫩口 熟牛肉姐係牛腩 肥瘦都有 比起生牛肉多佐陣嚼勁 扎肉索佐湯幾濃味 最好食係牛丸😳 竟然依個價錢食到和牛牛丸 仲要有2大粒!! 勁好食juicy又多汁 同埋紥實彈牙 好驚喜😍.▫️法式咖喱豬頸肉撈檬 $58大兜到傻佐😳😳😳 巨量既甘筍青瓜完全唔怕唔夠兜😂 起初仲食越南野嗌咖喱會有啲伏 但又唔會 反而係好濃厚 個味幾特別 有啲似沙嗲醬咁幾惹味 唔算好辣同埋汁既份量都夠多😚 撈埋檬粉異常地夾 枱面仲有其他撈檬醬可以落～～豬勁肉上面有啲炸蒜粒 食落好香口 有咖哩搭配所以食落都juicy有𡁻口 同埋份量都比得幾多～.▫️越式炸蝦春卷 $28小食種類都幾多 仲有越式最出名嘅米紙卷同木瓜沙律 但今次試炸的幼身長春卷😛 食落都依然脆口 餡料都幾多😚.▫️蠔油唐生菜 $19估唔到都幾大碟 同埋唔會太多油 清清地可以解一解膩🙆🏼‍♀️.▫️凍越式香滑濃咖啡 $19飲落真係好香濃滑順 真係好濃郁既咖啡焦香味 但又唔會太苦 提神一流 仲要都幾大杯😚.總結，食到勁飽咁行返出黎 真係好大碗🙈 食物質素都好唔錯 牛肉粉個湯底夠香濃 同埋個牛丸真係好好食🥺 仲有唔好低估左個咖喱撈檬 真係幾唔錯😚 同埋價錢都幾合理仲要唔使加一😳…查看更多

🌸佐敦美食🌸火五越式牛肉粉專門店🌸佐敦有各式各樣的林林種種的餐廳美食，夏日炎炎，想吃越式撈檬，因此今天就到了一間越南菜餐廳-「火五越式牛肉粉專門店」品嚐午餐！這間越南菜餐廳裝修簡約，設有高清大電視供食客一邊品嚐美食一邊觀看電視節目❗️餐廳店員態度十分友善，她們都非常之清楚了解餐廳提供的食物❗️能夠向客人詳盡地介紹餐點❗️餐廳的食物價錢親民，惠顧撈檬更可以要求多檬粉❗️保證客人食得飽❗️我們一行二人共惠顧了以下餐點：1️⃣🌟香茅美國黑毛豬扒撈檬 $58一大塊切件的美國黑毛香茅豬扒香脆美味，帶著啖啖香茅味道，而檬粉份量十足，而且配有甘荀絲及幼粒的花生，配以越式撈檬汁，十分清新開胃❗️美味指數：⭕⭕⭕⭕️⭕️賣相指數：⭕⭕⭕❌❌抵食指數：⭕⭕⭕⭕️⭕️2️⃣🌟法式咖哩牛肋撈檬 $56法式咖喱汁香口濃郁，配以肉質軟淋的啖啖牛肋肉，配搭一流❗️美味指數：⭕⭕⭕⭕️❌賣相指數：⭕⭕⭕❌❌抵食指數：⭕⭕⭕⭕️⭕️3️⃣🌟手作大蝦米紙卷 $38 手作紙米卷配有香脆大蝦肉，加上新鮮青瓜絲、甘荀絲等時蔬，味道格外鮮美，而且賣相精緻❗️美味指數：⭕⭕⭕⭕️⭕️賣相指數：⭕⭕⭕⭕️⭕️抵食指數：⭕⭕⭕⭕️⭕️4️⃣🌟越式炸蝦春卷 $28炸蝦春卷呈長條型，外脆內軟，配有鮮味彈牙的蝦肉❗️美味指數：⭕⭕⭕⭕️❌賣相指數：⭕⭕⭕❌❌抵食指數：⭕⭕⭕⭕️⭕️5️⃣🌟凍咸檸梳打 跟餐 加$10份量十足的凍咸檸梳打配以傳統手搖飲品店的包裝，方便衞生❗️味道帶淡淡咸檸味道，醒胃消暑，是夏日解渴開胃之選❗️美味指數：⭕⭕⭕⭕️❌賣相指數：⭕⭕⭕❌❌抵食指數：⭕⭕⭕⭕️⭕️🌟為是次餐廳人惠顧的推薦菜式❗總括而言，此越式餐廳的食物質表不俗，而且性價比高，價錢親民，食物份量十足❗️地點鄰近佐敦站，交通方便，屬於佐敦一帶的越式餐廳之選❗️…查看更多

佐敦一向多野食，不過lunch突然想食越南野，咁啱經過呢間好似幾出名，一於試試佢😋▪️火五火車頭牛肉粉 ($62)一碗有生牛肉、熟牛肉 (牛筋&牛腩)、和牛牛丸同扎肉。又大碗又足料而且牛腩超腍，牛丸彈牙又juicy，而且湯底超濃郁，如果有埋青檸就perfect池啦😛不過呢碗野係大碗到食唔晒😳▪️越式炸蝦春卷 ($28)3條又長又熱又脆，加埋爽口蝦滑🦐好好味🤤▪️意大利黑醋汁蒜蓉牛油雞翼 ($38) 蒜蓉味香，配黑醋汁有驚喜，中和左平時食牛油雞翼既油膩感飲品就又係大杯抵飲，絕對係清涼消暑😀▪️青檸梳打 ($19) + 越南椰汁冰 ($19)性價比高，仲要不設加一大件夾抵食…查看更多

就到10點大限，喺佐敦嘅街頭仲未決定食咩好，聽天由命啦，伏死罷就，求其揀間餐廳醫肚最實際，於是就嚟咗呢間越南餐廳價錢係一般水平，諗住應該係細細碗，一上檯當場嘩咗一聲，勁大碗，大過大胃個頭多多聲唔係份量發達，材料就簡單喎，河粉有韌性唔鬆散，牛丸超有牛香，仲勁彈牙呢碗咖喱飯同埋勁大碗，色水吸引唔只得咖喱汁㗎，牛肉牛根都勁多，而且好嫩口仲要係油香飯做底，認真抵食大熱天時，飲返杯青檸梳打勁解渴鹹檸超正，已經幫係攪成碎，啖啖都飲到檸肉，好刺激雞翼大大件，炸得好脆，大量蒜蓉別具滋味春卷勁長，起碼兩條中指咁長，咬落依然啖啖蝦肉終於趕得切10點前食完，勁飽勁滿足呀…查看更多

佐敦出名多好野食，所以去開尖沙咀行街之前，決定去佐敦食個lunch先🍴 行到佐敦內街，見到呢間食越南野既餐廳，見到餐牌幾抵食，決定入去試下🚶🏻‍♀️🥢 法式咖哩豬頸肉香油飯（$58）先試左一啖冇汁既油飯，真係好香，而米係一粒粒好爽身，而咖哩係唔辣嘅，係咖哩味好香嘅，洋蔥粒切到飯咁細粒，而咖哩汁亦唔會太多，撈落個飯都冇整到個飯濕哂淋哂👍🏻豬頸肉爽，有香茅味，而個飯側邊仲有酸蘿蔔絲同青木瓜絲🤗💫 記得撈勻個汁先食飯🥢 香茅美國黑毛豬扒撈檬（$56）因為天氣實在太熱，所以當然要叫返個撈檬食☀️ 黑毛豬扒有香茅味，煎過香口但又唔會油🥩 撈檬配左大量紅蘿蔔/白蘿蔔絲❤️好清爽，而撈檬汁/辣椒/3款特式醬都放左係枱面俾你自己落🤗可以試左d特式醬先再落個撈檬汁❣️💫 呢個好似都幾多人點🥢 越式炸蝦春卷（$28）超長🤣 中間係蝦膠，好足料，有d麻油味（平時食蝦丸有既味），亦唔係好似平時咁有啲沙律醬喺中間遮左啲蝦味❣️推榴槤炸彈（$48）超正👍🏻 好流心creamy，榴槤味重，外皮炸得好脆，而入面既皮係煙韌，超推❣️青檸梳打（跟餐加$10）好清新好重青檸味，酸酸maymay咁，夏日之選💫 份量多 價錢抵食💫 小食做得出色…查看更多

傍晚時分 白加士街每間餐廳都好熱鬧 我地今次就揀左食越南菜既火五 買外賣番屋企慢慢食🥰 呢到真係好抵食 粉麵飯$42起 小食$28起 仲要好多選擇 難怪咁多人食😜主食我地揀左火五和牛牛丸+扎肉河同香茅豬頸肉撈檬😋 佢地既和牛牛丸真係非常推薦比大家😍 非常彈牙 入面仲有肉汁 好高質啊 外賣河粉同湯分開上 唔怕吸哂d湯😜 香茅豬頸肉撈檬既汁好惹味 偏重口味 建議逐少落 不過好濃味好正👍🏻小食咁抵我哋當然都要試下啦 揀左越式炸蝦春卷 意大利黑醋汁蒜蓉牛油雞翼同星洲黃金蝦球🍤 有氣炸鍋嘅朋友不妨氣炸番3-4分鐘再食 真係好似堂食咁香脆😍 春卷有六條 餡料入味😋 平時牛油雞翼都好油膩 呢到既蒜蓉牛油雞翼加左意大利黑醋汁 啱啱好中和左油膩感 入味又好食👍🏻 黃金蝦球蝦肉爽口彈牙 比鹹蛋黃醬包住 邪惡到不得了😈 2個人食都係$200左右 抵食🌟…查看更多

出街食嘢的節奏不可以停😂😂😂今日去咗一間性價比超高嘅越南美食－🔥火五 越式牛肉粉專門店🌟火五火車頭牛肉粉 $62包含有(生牛肉、熟牛肉、和牛牛丸、扎肉)超大份量超滿足，兩個人share綽綽有餘😊牛肉超新鮮超有牛肉味、牛丸爽滑又彈牙👍👍👍🌟火五咖喱吉列豬扒飯 $48超大塊豬扒，外表金黃鬆脆內裡依然好Juicy好嫩滑，配上秘製咖喱汁餸飯一流😋😋😋🌟火五特色鳳爪撈檬 $42秘製特色鳳爪，無骨、少少辣🌶再加上秘製嘅醬汁撈檬完全凸顯晒越南美食嘅風味🥰🥰🥰多加粉、飯都係免費㗎❤️❤️❤️仲有大小朋友都喜愛的越式炸蝦春卷 $28 (卜卜脆超好味，入邊仲有好大隻鮮蝦🦐添)午餐跟餐特飲都只係$10-越南三色冰-越南椰子冰呢一餐真係物超所值👍👍👍👍火五越式牛肉粉專門店📍地址：佐敦白加士街55號其昌樓地舖#火五越式牛肉粉專門店 #越南美食 #越南風味 #hkfoodie #hkfood #生牛肉 #熟牛肉 #和牛牛丸 #越式菜 #越式特飲…查看更多