Grill ขนทอง (駱克駅)

營業中

休息中

🐖 豬頸肉（$25)豬頸肉烤得惹味唔乾柴，仲帶有香口脆邊🤍 白豬肉腸（$26）豬肉腸燒得好juicy，豬肉味濃仲帶有淡淡黑椒味道，唔會好辣🦑 魷魚鬚（$25）魷魚鬚彈牙有嚼勁，烤得啱啱好唔會過火，加上用左青辣椒醬燒，係三串串燒中辣度比較高嘅，而且佢唔係死辣，啲辣慢慢滲出，香辣惹味好過癮🐓 泰式去骨海南雞飯餐（$69）海南雞係去左骨嘅啱晒我呢啲唔鍾意噒骨嘅懶鬼，食落去啖啖肉，雞肉好嫩滑而且脂肪唔多唔肥膩，蘸上甜嘅黑醬油/泰式酸辣醬就更惹味；油飯清香唔油膩偏乾身，米飯粒粒分明；跟餐仲免費送一杯奶茶/檸檬茶，凍熱同價，呢個套餐仲係全日供應💚 泰式青咖喱大魚蛋（$28）青咖喱嘅椰香味濃，帶有少少辣，咖哩汁份量唔少，魚蛋大大粒，爽口彈牙唔粉❤️‍🔥 冬蔭功湯（$40）冬蔭功湯濃郁足料，有蝦同草菇，酸辣層次豐富，除咗有蝦嘅鮮味，仲飲到好突出嘅香茅同檸檬葉味道，熱辣辣好暖胃🐦‍🔥 泰式酸辣鳳爪（杯裝）（$36）份量頗多有5-6隻，鳳爪帶有軟骨有嚼勁，入面仲有洋蔥，紅蘿蔔同芹菜，雖則話係酸辣，酸味味道比較突出，酸酸味味好開胃，辣味唔算重🇹🇭 大半年前同朋友系銅鑼灣店食過一次，今次到訪食物同服務質素依然保

中環蘭桂坊grill開左黎銅鑼灣，可以堂食而且座位寬敞，多張大枱，開到凌晨5:30，適合三五知己相聚吹水。酸辣鳳爪沙律$65沙律好大份，開胃前菜必選。全牛串燒配香辣炒飯 $72串燒必食，揀套餐最抵食！串燒3串（雞牛豬）仲可以指明一款，我當然揀全牛啦。獨家香辣炒飯必試，好好食又唔會好辣，同菜莆一齊炒，爽脆有口感。豬手豬髀飯$72豬脾軟腍配酸辣汁，開胃好味。套餐包凍熱檸茶，檸水，奶茶。冬蔭功湯$40泰國餐必飲冬蔭公湯，雖然一杯仔，但好足料，有鮮蝦，椰奶味好香。串燒推薦魷魚鬚，豬頸肉～魷魚鬚$25豬頸肉$25有機露荀$22泰式魚餅$25牛仔骨$48菠蘿$22雞肉$18

【豬牛雞串燒配菠蘿炒飯】是一道極具異國風情的主菜。重點的沙爹醬香濃郁，完美地與豬肉、牛肉和雞肉結合，搭配的菠蘿炒飯甜中帶酸，為整體增添了清爽的對比。【雞肉】鮮嫩多汁，簡單的泰式海鮮醬調味突顯了肉的鮮美。【豬頸肉】脂香四溢，烤得恰到好處，外脆內嫩，微微的焦香讓人垂涎欲滴。【有機露荀】則帶來了清新的蔬菜香氣，烤制後仍保持爽脆。【魷魚鬚】彈牙有勁，海鮮的鮮味在燒烤中得到了極大的提升。【雞皮】酥脆可口，香氣十足，脂香濃郁，是不容錯過的一道。【雞中翼】外皮香脆，內裡多汁，一款是沙嗲醬一款是泰式海鮮醬，味道濃郁而不失細膩。【凍檸檬茶】清爽解膩，完美中和了燒烤的油膩感。

餐廳：Grill地點：銅鑼灣駱克道菜式：泰式串燒餐牌：串燒（肉類，海鮮，蔬菜），海南雞，泰式飯幾款，沙律，小食，飲品。午餐由11:45到6點，有3款飯同一款沙律選，餐包野飲，有檸茶，檸水，或者奶茶揀。先係門口落單比錢，然後收銀會比個數字牌你自己揾位坐低，之後服務員會送食物比你。泰式青咖喱牛腩飯 $72第一次食呢度既泰式青咖喱牛腩飯。泰式青咖喱好香又滑溜，熱辣辣淋落白飯度，味道微微辣又甜甜地，椰汁好香，撈飯真係一流！牛腩有4舊，我食到一舊帶少少牛筋更好味。蔬菜有爽口翠玉瓜，泰式茄子，同青豆角，好新鮮。泰式串燒雞肉配炒飯及雜菜 $68泰式串燒雞肉三串，燒得燶燶地，連少少皮，食落啖啖肉。另上沙爹醬。個沙爹醬花生味濃，甜甜地好惹味。雜菜即係串燒下面墊底既椰菜，份量好多。泰式炒飯粉粉分明，味道都頗辣，加左菜炒，好惹味。好多食客都揀呢款飯。凍檸水（跟餐）飯餐跟指定飲品。凍檸水叫左走甜，入面有三塊檸檬，夠解渴。豬頸肉 $25叫左一串豬頸肉串燒，一客4件，係燶邊架！食落爽脆，口感好正。味道叫左辣，呢款肉配芫茜酸辣醬，酸酸辣辣好開胃。去骨海南雞半隻 $135去骨海南雞半隻都好大隻，真係全部去哂骨，連雞翼

每次經過grill都會被烤香味吸引，佢地d串燒實在燒到好香🔥！最近發現原來佢地有lunch set 的，可以有飯又有得食串燒，而且價錢合理。餐廳內好colorful好多畫，坐得都舒服。🌟泰式串燒雞肉配炒飯- 個人覺得點呢款最開心，因為可以一次過食到豬、雞、牛串燒，每串都好香口😋飯惹味濃香🌟去骨泰國海南雞飯- 海南雞飯全去骨, 連雞翼都去埋骨，正！旁邊的飯好夠「薑」味，水準不錯。另外還點了幾款串燒，可以慢慢食傾下計。特別喜歡白鱔，烤得香口之餘肉質夠juicy！魷魚都好香口惹味。下次再來食其他串燒😆🔥

走在駱克道街上，被餐廳玻璃窗內的串燒深深吸引著呢！是一間泰式餐廳呢～餐廳牆壁是色彩鮮豔的壁畫，坐位是類似吧枱，有點高身的。除了串燒和泰國菜外，還有提供泰國生啤🍺和Cocktail🍸。♡青木瓜手撕雞沙律$72很清新的組合！除了青木瓜絲外，還有蘿蔔絲和青瓜，製成絲狀，更方便客人進食呢～手撕雞份量都不少，配合醬汁吃味道好開胃啊😍♡泰式串燒配炒飯及雜菜$72炒飯是深啡色，帶點微辣，味道香口而且十分惹味，感覺很有火候🔥！串燒下有些生菜，串燒分別是雞、牛、豬各一串，配上沙嗲醬，味道不錯！♡雞中翼$22♡牛仔骨$45♡豬頸肉$25調味料香味撲鼻，非常惹味😋三款串燒肉質都很軟稔，時間烤得剛好，不會烤得太乾，咬下去充滿肉汁。•雞中翼很香口•牛仔骨肥瘦適中，煙韌且有濃郁牛肉味•豬頸肉很有口感♡焦糖燉蛋$36想不到泰國菜餐廳都有法式的焦糖燉蛋！而且很好吃👍味道出色～面層有一片焦糖，下面是香濃幼滑的燉蛋😍♡龍眼冰$25🥤龍眼肉很多，喝下去味道鮮甜透心涼～▪︎另設有中環分店✖️餐廳不設加一服務費

成日經過銅羅灣駱克道呢間Grill都聞到好香既烤肉味，今日不如食返餐，位置好就脚。Grill主打泰式串燒，串燒有肉類海鮮同蔬菜單點。除左串燒，餐牌亦有海南雞，幾款泰式飯，沙律，仲有飲品。今日黎呢個時間都有午市套餐，一共有4款套餐。冬陰功湯 $40先黎一客冬陰功湯。第一次試呢度既冬陰功湯，原來係用紙杯裝，熱辣辣。個湯味道少辣，調得幾好。入面有兩隻去殼蝦同兩粒草菇。上面加d荽茜。泰式串燒配炒飯及雜菜 $69個人非常鍾意泰式串燒同泰式炒飯。呢個餐就兩樣都有。泰式串燒有齊豬牛雞，都燒得好香口。全部燒得燶燶地，味道都好夠，本身都微辣。最鍾意雞肉已走皮，可減低邪惡感。另上沙爹醬。雜菜即係串燒下面墊底既椰菜。泰式炒飯夠濕潤，味道少辣，加左青豆粒一起炒，更可增添口感。跟餐配有檸茶，檸水，或者奶茶。凍檸水用個保溫杯裝住，入面有3片檸檬，唔過甜。泰式青咖哩大魚蛋 $28呢個泰式青咖哩大魚蛋非常似港式小食，直頭用杯裝上，一客有兩大粒，魚蛋質感食落非常彈牙，而個青咖哩汁好惹味，面頭見到少少辣油。散叫串燒用紙袋上，熱辣辣。白鱔 $65白鱔個人真係覺得必點，雖然少貴。叫左唔辣。塊皮超脆口，肉質彈牙，質感好似鰻魚。

對著銅鑼灣C出口的大馬路，新開一間新店，這間是由中環蘭桂坊一間人氣旺盛的泰式串燒店的首間分店，之前也吃過一次。透過玻璃窗可看到密密麻麻的串燒製作過程，好壯觀～超長供應時間的午市套餐由11:30am至6pm，比起單點便宜外，還附送飲品，更免加一服務費。泰式串燒雞、豬、牛配炒飯(午餐) - $69有齊豬牛雞三款招牌串燒，每一串也插滿厚厚的肉，串燒可以要求辛辣口味，另配惹味的沙嗲醬好濃花生香。泰式炒飯粒粒分明均勻包著醬汁，有微酸微辣感。去骨泰國海南雞飯(午餐) - $69油亮的雞皮有少少雞汁不油膩，雪白的雞肉好嫩滑順口，配酸辣汁和黑豉油。魷魚鬚 - $25/1整串也是嫩脆有勁道的魷魚鬚，邊位帶點焦脆，塗滿惹味的酸辣醬汁。雞中翼 - $22/1兩隻燒雞翼帶點輕微焦燶，更惹味。牛肉 - $20/1有著濃郁牛肉味，更有少少黑椒香，好軟腍。豬頸肉 - $25/1有豐富的脂肪，入口特別爽口，有少少香甜的醬汁。泰式魚餅 - $25/1魚餅的魚肉混合檸檬葉、豆角和魚香，味道偏向辛辣。凍奶茶 & 凍檸茶(跟餐)泰式奶茶味道偏向奶味重及甜。

銅鑼灣駱克駅樓下的Grill 泰式餐廳🍴 Set Lunch 都幾抵食～ $69 有雞牛豬串燒配泰式炒飯～ 再跟餐飲🥤餐廳嘅泰匹炒飯有啲似糯米雞裏面嘅糯米飯、但就無咁黏，都算係米粒均勻。味道都唔算太鹹，幾惹味🤤 三條串燒都幾好食，即使唔掂沙嗲醬都已經夠好味，好似本身燒嘅時候都落咗少少蜜糖🍯 有少少甜味～ 同埋燒得幾好，有少少炭燒噥邊。另外我地仲叫咗幾種好味嘅串燒1 菠蘿🍍 燒到好香，糖份好高好邪惡😈2 魷魚鬚🦑 搽咗醬汁燒燒完都唔會好dry，而且又咬開、唔會太煙韌3 豬頸肉🐷　QQ彈牙，醬汁惹味4 燒蘆筍 加咗海鹽燒，清爽多汁之餘又有味泰式酸辣鳳爪沙律🥗 鳳爪數目都有唔少～ 但菜嘅份量眾多，所以都食唔哂～ 🙈 味道少少難，酸酸地～

中環蘭桂坊既Grill就食得多啦，原來銅羅灣駱克道都開左間Grill，今日就黎試試。餐廳係正港鐵站出口對面，位置方便。同老蘭一樣，呢度主打泰式串燒，有多款唔同肉類，海鮮同蔬菜既串燒，餐牌亦有海南雞，幾款泰式飯，沙律，仲有飲品。原來呢度都有酒類飲品供應。居然都有午市套餐，一共有4款選擇，首先一人叫一個餐先。另外再叫串燒同小食。首先去收銀處落單俾錢，然後自己揾位坐低放低數字牌，等送上食物。呢度無加一服務費。青木瓜手撕雞沙律 $69青木瓜手撕雞沙律成座山咁，下底係滿滿既青木瓜，中間加左d紅蘿蔔絲同青瓜絲，上面就鋪滿手撕雞。醬汁另外用膠兜上。青木瓜絲都幾生，好爽脆，加左d甜酸汁都幾好食。雞絲既質感都幾好，好瘦不過又淋。泰式串燒配炒飯及雜菜 $69泰式串燒分別有豬牛雞，牛肉啖啖肉，豬肉香口，雞肉已走皮，全部脆皮架，個人覺得牛最好食。另上沙爹醬，不過我覺得唔洗，本身已經夠好食。串燒有椰菜墊底。炒飯加左青豆粒一起炒。食落濕潤，味道辣辣地，好惹味。呢個抵食！餐包野飲，有檸茶，檸水，奶茶揀。我地都揀左凍檸水，甜度剛好。串燒我叫左3串，包括白鱔，牛仔骨，同豬頸肉，用紙袋包住上。白鱔 $65白鱔叫左唔辣，不