米気

營業中

休息中

今日和媽媽來到黃埔附近的一家日本餐廳，原本以為這種高級的和風餐廳價格會比較昂貴，但lunch set 原來相當抵食，難怪餐廳近乎滿座；而且難得餐廳服務態度滿分，後生靚仔既侍應哥哥禮貌又有耐性，臨走仲幫我開門，值得讚讚  今次揀左兩個套餐，一個係我最愛的汁燒鰻魚($ 118)鰻魚份量十足，有兩大塊而且非常厚肉，豐腴肥美，烤到金黃油亮，令人食指大動，肉質不會軟腍，食得出魚油香；日本珍珠米蒸到粒粒分明，顆粒飽滿，粘而不膩，口感綿軟，跟餐小食-冰涼的明太子豆腐非常適合夏天享用，做前菜健康又清新，豆腐口感滑嫩，配上明太子和香蔥清爽不膩；和風茄子簡簡單單卻食到茄子香，味道細膩，推薦！另一個豚肉大根生姜燒($72)豚肉完全吸收了姜味和日本燒汁，味道好香，而日本大根蘿蔔食落非常爽口；小食芝麻醬秋葵，平時不喜秋葵滑潺潺的口感，但配上芝麻醬香又清新，令人食唔停口；而另加($18)的柚子醋海藻沙律入口滑脆，淋上柚子醋微酸帶甜，營養又開胃 所有食物有好好味，包括味噲湯、漬物和招牌黑糖米水等；味噌湯味道不似一般日店鹹，比較符合我的口味，湯亦十分足料豐富；招牌黑糖米水飲得出淡淡米香味，完全不甜膩食完之後媽味仲問我

最近買餸、煮飯都變成興趣，有時想煮一餐日本家常料理都覺得多工序，決定去米氣食返餐美味嘅一汁多菜。小鉢簡左鰹魚汁菠菜、主菜簡左豚肉大根生姜燒、餐飲簡左米氣黑糖米水。跟餐嘅仲有具たくさん（超多料）嘅味噌湯同漬物。先要大讚鰹魚汁菠菜，鰹魚汁鮮甜，經過鰹魚汁醃浸過嘅菠菜好爽口，唔係淋曬個種，正！要煲出鮮甜嘅鰹魚汁需要高質嘅鰹魚片、大量心機同時間，可以以依個價錢食到高質嘅鰹魚汁菠菜實在有驚喜👍🏻唔好睇豚肉大根生姜燒好似只係一小碟，但其實分量都多，食極都仲有😂大根煮得入味，而豚肉亦煮得岩岩好，易咬開唔會韌。豚肉生姜燒向來應有嘅油膩感都有做到，而個人覺得相比其他餐廳，米氣嘅唔算油膩，汁配白飯食係一流，而且灑上一味粉同蔥花更帶出整體味道，令人會上癮嘅一品。漬物不過不失；味噌湯意外地好多料！有大根、油豆腐等等⋯飲完成個人都舒服曬，好滿足☺️黑糖米水亦只係微甜，對怕太甜嘅我黎講岩岩好👍🏻疫情下入店時堂食只有我一枱，坐係窗邊望住人來人往嘅街道，邊細味簡單又美味嘅日本家庭料理，彷彿形成兩個世界。偶爾慢活都唔錯。P.S. 食完依餐後無好口渴嘅情況出現，所以都證明到佢地主要用運用食材原有味道去製作料理，唔係狂用味精

星期日去咗黃埔行街，再探索一下附近有乜美食。其實我喺呢頭返過工，所以對呢區都算熟悉。區內開滿各式各樣嘅餐廳，連鎖店或者小食店通通都有，競爭可算係非常大😳！今次我哋就去咗間應該新新地嘅餐廳「米気」，上次嚟好似都未見到佢。餐廳環境走簡約風，即係無X良品Style，帶畀人舒服平靜嘅感覺。我哋坐喺卡位，十分闊落，而且仲有太陽光曬入嚟😊。可能由於無得做晚市堂食嘅關係，餐廳現時得一個餐牌，就係🌤全日供應(11:30-17:30)嘅午市套餐。套餐包括主食、冷盤、飲品、白飯、湯品同漬物。而需要選擇嘅項目就係主食、冷盤同飲品，其中前兩者都係八選一。價錢以主食價格定奪，由$58-$118不等，額外追加冷盤就每款$18。我覺得好抵食喎，尤其係最貴嗰款係我最憎食嘅鰻魚，一定唔會嗌🙈。我哋兩個人Share食，就可以試到更多款式。唔駛等好耐，食物就送上；🍱攞盤就如日本人嘅早午餐，因為用咗好多大大小小唔同嘅碗碟裝住食物。套餐本身只係包咗一款冷盤，但見追加一份唔貴，所以我哋各自都加咗份，成個感覺即刻再繽紛啲😍。由於每樣食物都真係好好味😋，所以我決定逐一介紹。味噌番茄燴肥牛($76)，唔好睇個碟唔大，份量其實一啲都唔少