喜滿樓菜館

營業中

休息中

好鍾意食海鮮～知道土瓜灣有間地道菜館，有好多海鮮小菜選擇～而且出名夠鑊氣 ！😙菜館仲好注重健康，少鹽少油👍🏼食小菜唔會食到成咀油🤤而每款小菜仲會附送老火靚湯同白飯。打開菜單👀發現小菜選擇超多～海鮮丶肉類丶家禽丶時蔬，應有盡有👍🏼除咗懷舊菜式，仲有好多創意小菜。我地叫咗2款海鮮小菜💗都好正！😙啱晒我口味！◼️砵酒桶蠔煲 $178上枱時吱吱聲香噴噴，真係鑊氣十足～桶蠔大大隻啖啖肉～充滿鮮味！💗加埋香濃嘅砵酒汁，同埋索晒啲精華嘅洋蔥絲～香口至極！◼️豉油王蝦🦐 $98蝦嘅豉油鹹香剛剛恰好，肉質好爽彈，乾身香口，完全不油膩，相當惹味～佐飯一流！◼️熱奶茶屋企人係奶茶控👍🏼去到邊都要嘆吓杯熱奶茶～佢話呢度嘅奶茶都好香好滑～好合心意。呢度擁有舊式菜館嘅親民地道格局，又夠乾淨企理衛生。下次嚟～要試試店家馳名手工菜「芝麻雞 」💗因為工序繁複，想食嘅話要預訂架～小菜選擇超多～影左D菜單比大家參考～

今日響附近睇樓盤，所以睇下有咩地道野食，了解下附近居民平時會食d 咩，竟然被我發現有間好抵食既小菜😋😋🌟 豉油王蝦 ($98)炒得好香，食落惹味，有好香既豉油味，亦唔會太咸，蝦肉新鮮👍🏻👍🏻廚師將蝦切開一半，令蝦肉好入味👍🏻👍🏻🌟 椒鹽鮮魷 （$98）魷魚🦑好鮮甜，味道調得好好，即叫即炸，粉漿唔會太厚，炸得好香口，外脆內軟😋😋🌟 濃湯金銀蛋浸豆苗 （$88）豆苗翠綠，好新鮮，湯底濃郁，唔會好咸，味道岩岩好，而且有好香既咸香味，必點😋😋🌟 蜜椒薯角牛柳粒 （$88）薯仔，牛柳粒走油再用上蜜糖同黑椒炒，好惹味，好有穫氣，調味調得岩岩好，薯仔爽脆，牛柳粒肉質軟熟，新鮮，牛味香濃😋😋