千歲擔擔麪

營業中

休息中

👨🏻‍🍳千歲擔擔麪 (觀塘)📍觀塘協和街33號裕民坊YM²3樓302A號舖 「平台花園中的平價親民上海菜🫶🏻」 Openrice搜尋搵到，系裕民坊商場入面🙈裕民坊有一花園平台，恬靜舒適，兩邊有餐廳。 茶茗只有普洱同香片選擇🙈 🍽️詠藜園擔擔麵 $43老闆好nice🤣我地問可吾可以小小小辣，佢話緊系得🤣🫶🏻湯底濃而不咸，底有好多蔥花肉碎，好香口🤤另有改良版，系麵面加肉碎。麵身幼細偏軟，但又不會散👍🏻 🍽️楊家小籠包 $48正常🤤👍🏻 🍽️一口鍋貼 $45真系一口！！好的骰😻 🍽️炸銀絲卷 $36正常🤤 餐廳寬敞，坐位舒服，食物都系熱上，正常發揮的京川滬菜，但系價錢竟然親民😳👍🏻 #千歲擔擔麪

今晚又來吃詠藜園擔擔麵，與裕民坊一起成長的「千歲擔擔麪」，擔擔麵的美味與位置的方便，的確是不二之選，軟滑的麵條掛着濃濃麻香湯汁，味道香而不辣，濃郁而不鹹。小食前菜~微辣大豆芽菜，不錯！咕嚕肉~軟軟嫩嫩的口感，肉排成肉球狀，十分吸睛，三色椒、菠蘿粒與洋葱是最佳配搭，醬汁甜酸度得宜，越食越開胃！紅燒豆腐~紅燒的烹調，令豆腐外皮入味且吃起來略帶嚼勁，咬下後還是豆腐水嫩的口感，配合濃香醬汁，無論送酒下飯皆相宜。炸銀絲卷配煉奶~~銀絲卷做得很用心，切開的黃色銀絲卷，還看見絲絲卷卷的切口，蘸煉奶吃，香、甜、軟、脆，四大天王都來齊喔！ 

今晚嚟到觀塘裕民坊嘅千歲擔擔麵，店內嘅環境乾淨整潔，以傳統中餐廳的裝修為主，除咗長枱之外，仲有圓枱位置，啱曬一家人嚟食呀～店員安排座位之後，仲俾咗紙本餐牌我哋，又或者鍾意嘅可以掃qr code 係電話慢慢睇再落單。✨酸辣湯熱騰騰嘅酸辣湯嘅材料豐富，酸辣開胃🤤🤤✨詠藜園擔擔麵🍜食川菜館，點可以唔叫擔擔麵，擔擔麵嘅湯底甘香濃郁，麵質幼而爽滑，味道調得啱啱好！✨楊家小籠包 小籠包粒粒飽滿，而且包住滿滿嘅湯汁，一人兩隻，真係心思思想叫多一籠！✨一口鍋貼🥟脆脆嘅外皮沾上少少醋，食落好香口呢。✨炸春卷酥酥脆脆嘅春卷炸至金黃色，餡料豐富，口感層次分明，可以蘸喼汁食呀～✨炸銀絲卷銀絲卷酥脆鬆軟，中間仲有南瓜蓉。✨豆沙鍋餅 外皮煎炸得又香又脆，豆沙餡香滑軟熟，入口個陣仲卜卜脆～

今日又約咗朋友喺觀塘食飯，嚟到呢間食上海菜嘅餐廳，朋友推介擔擔麵好好食，一於試吓！ 楊家小籠包皮薄餡足，包住勁多肉汁，一咬落去肉汁充斥住整個口腔🤤 功夫燻魚🐟外皮炸得好香脆，但唔係蓋過魚嘅味道，魚肉嫩滑。醬汁用唔同香料熬製，蠔油嘅鮮味加上冰糖嘅甜味，好香濃。 詠藜園擔擔麵🍜揀咗唔辣，湯頭濃郁，好香花生味。麵條吸收咗啲湯，唔會變腍，而且味道調校得啱啱好，唔會太咸要係咁飲水😂果然係招牌菜👍🏻 砂鍋雲吞雞🥟🐓份量十足，雲吞好大粒，雞肉煮到已經好腍，加上津白，令雞湯十分鮮甜。 本身諗住嗌奶油津白，經理好貼心咁同我哋講：唔好嗌津白啦，因為雲吞雞已經有好多😂

好耐冇食正宗擔擔麵，今日咁岩經過ym2，第一時間諗起前身係「詠藜園」嘅「千歲擔擔麵」。地方闊落，遠離人煙稠密嘅APM，連接平台花園感覺開陽環境舒適🍀另一邊仲有VIP房大圓枱自成一各。詠藜園擔擔麵(不辣）擔擔麵有分原裝版本和改良版本，改良版本加左豬肉末。我當然揀選經典原裝版本，今次仲走辣。湯底稀稠適中，湯底以豬骨和老雞熬製，味道有層次，加入香蔥，芝麻和花生碎，令湯底更添鮮味。麵條則以人手打造，爽滑富彈性，整體美味吸引～楊家小籠包 （4隻）皮薄得通透，承載着滿滿的肉汁😋豬肉餡料肥瘦適中有肉香！好吃到一個人都可以吃掉一整籠😋 一囗鍋貼（5隻）外皮煎得香脆，肉餡美味，不過還是覺得正常size會比較滿足😂 鍋貼就是要大啖大啖吃啊!銀芽炒鱔糊一人套餐$72包括一款前菜冷盤，小菜，湯和白飯🍚例湯有雞腳冬瓜，清甜滋潤。冷盤選了雞絲粉皮，麻醬夠香，入口清爽。炒鱔糊略嫌欠缺鑊氣，芡汁多但味道較淡，加上韭黃或蒜蓉爆炒會比較理想。豆沙鍋餅$48即叫即做熱辣辣，鍋餅皮外脆內軟，每件都夾著香甜幼滑紅豆蓉，但份量唔算好大。

今日到觀塘行吓差唔多時間就去裕民坊搵食, 見呢間食擔擔麵好似唔錯就入左去試!!詠藜園擔擔麵（不辣） - $39對於一個鍾情擔擔麵既人黎講, 呢碗擔擔麵未算合格, 仲要佢個招牌主打, 一放低, 聞到麻醬味; 湯未算熱, 食落就好少麻醬味, 麵偏淋身少少, 好一般...楊家小籠包（4隻）- $48唔錯!!個皮薄夾起又唔穿, 湯汁多亦鮮甜, 餡料份量幾多但肉就偏鞋, 都算係咁!一口鍋貼（5隻）- $45呢個係朋友點的, 呢個鍋貼一上菜時, 我心諗有無搞錯呀, 咁細隻, 重要無特別好食, 好普通, 一出餐廳就同朋友講個鍋貼完全呃錢, 但朋友話佢名叫"一口", 好啦, 我錯...但係唔需要試, 價錢過貴炸銀絲卷 - $36朋友叫, 佢以為係蘿蔔酥, 一黎到變左炸饅頭! 但好好食, 炸到外脆內軟, 配埋煉奶就一絕!炸春卷（3條）- $39外皮炸到好脆, 餡料略為過少, 令到個春卷薄身...多返餡料口感會好少少餐廳環境就一般, 周不時有烏蠅飛過; 服務體驗OK, 侍應會好快收起食完既碟同好有禮貌

第一次到訪，職員帶位坐下埋邊雙人枱，一坐低就見地下有隻已反肚小強，地下有垃圾沒掃乾淨、地板亦有黑麻麻的污漬。立即同樓面要求調位，坐咗隔離一張4人枱。清潔衞生有待改善！

觀塘裕民坊重建之後都未黎過睇下變成點去參觀之前就做定功課睇下有咩新餐廳好食😌見到foodie 介紹千歲擔擔麵先知原來佢係詠藜園嘅分店！🤩所以就bookmark 定想試下從前嘅味道懷舊一番.🌟詠藜園擔擔麵（不辣）($39)擔擔麵湯底好香花生醬味🍜面頭亦都鋪咗肉碎、花生同蔥湯底濃郁之餘麵條亦都彈牙聽到隔離枱問店員先知原來改良擔擔麵係素擔擔麵 下次都想試下😚.🌟楊家小籠包（4隻）($48)小籠包係上海菜嘅名物皮非常薄 一啖咬落去成個口都係湯汁所以食時要小心 以免燙傷個咀好味到一籠都唔夠皮😍.🌟蔥油薄餅 ($38)蔥油餅同街邊食嗰啲有分別呢一個整得較薄身唔會話好似街邊嗰啲有厚厚嘅麵粉煎到脆卜卜就算放到凍咗食落都仲係脆👍🏻.🌟上海粗炒 ($88)粗炒炒得唔油膩 而且仲好濕潤多汁唔會乾爭爭 份量都好大碟😋調味亦都唔錯而且蔬菜同麵嘅比例啱啱好.🌟豆沙鍋餅 ($48)去到最後當然唔少得甜品豆沙鍋餅一向係我非常喜愛嘅甜品呢度嘅豆沙鍋餅皮薄餡多豆沙唔會好甜 味道啱啱好🤤.餐廳位於商場最高層 旁邊就係平台花園🌳所以景致優美 而且店內嘅裝修亦都大方整潔喺度飲茶同食點心都好寫意

香港近年老字號愈來愈少，原來已有70多年歷史的「詠藜園」，最近在觀塘裕民坊新開副線，新店名號「千歲擔擔麪」，今天乘購物之便，順路一嘗川滬風味。館子位於在花園平台傍，一系列長型玻璃窗可以透進陽光，也看到綠悠悠的花園，仿如置身花園用膳，也有暖和感。我們的餐前小點：楊家小籠包，先嘗美味湯汁再細嚼皮薄肉鮮小籠包，很愜意。詠藜園擔擔麵，麵條掛着濃濃的麻香湯汁與豬肉碎，我們怕辣楝了不辣，因此香而不辣，濃郁而不鹹。椒鹽肉排，椒鹽香氣溢出，添肉排酥香，肉質軟滑十分可口。豆沙鍋餅，是唯一的甜品，香脆的鍋餅蘊藏豆沙饀蓉，清甜不膩。來自大馬的果汁罐裝：橙汁、石榴汁，我選擇石榴汁，有石榴清香，味道很合適。