西關老祖 (文苑樓)

營業中

休息中

香港街頭小食大都離不關雞蛋仔、格仔餅、燒賣、魚蛋等，西關老祖卻偏偏另闢蹊徑，主打揉合創意的懷舊小食，2022年曾經來過一試印象深刻，不久後更獲得《香港澳門米芝蓮指南 2023》必比登推薦，個人認為絕對實至名歸。單看藍白色文青風門面或會令人誤會是間咖啡店，以外賣為主而門外只設有一個堂食座位，客人需於自助點餐機下單，並只可以八達通、信用卡或電子錢包付款而不接受現金。相比上次到訪餐牌已經有所更新，但仍少不了西關瀨粉、炸黑毛豬肉粽、極黑黯然銷魂飯等招牌菜式，即點即製之餘黑毛豬油、辣菜脯、XO醬、麻辣油等大部分食材均為自家製造，誠意十足。極黑·黯然銷魂飯 ($66)有別於一般粵式燒味叉燒，選用西班牙杜洛克黑毛豬腩肉製成，軟嫩豐腴充滿油香，切成薄片故肥而不膩，叉燒汁更帶蜜汁甜味。煎雙蛋燶邊香口，雖然飯量較配料更多，但蛋漿與豬油一同滲入白飯，即使單獨品嘗飯底依然無懈可撃。XO醬·爆炒腸粉 ($38)腸粉炒至表面微微焦脆，質感軟滑但毫不軟爛，自家製XO醬用上蝦米、瑤柱、金華火腿​等炮製而成，微微辛麻香辣但整體口味不如預期中濃重。西關瀨粉 ($32)手工瀨粉沿用廣東西關古法以粘米粉製成，質感柔韌有致，湯

下午時間餓餓地, 點左個一人餐落樓下自取, 用OPENRICE 既訂餐服務, 非常方便。 一個餐包一個瀨粉, 一份炒蛋再送一罐可樂都只係41蚊, 非常抵食。作為西關既常客, 真心覺得佢既食物水平非常不錯, 唯獨等餐時間有點長, 所以提提大家一定要預早15-20分鐘落左ORDER 先慢慢行過去取餐。 值得一提係佢既黑松露炒蛋非常好食, 個人覺我比澳牛既炒蛋仲要好食, 建議大家試試佢。

下午茶時間， 諗緊屋企煮出前一丁好定落街食野好。 不過見過街落緊雨， 又唔想食邪惡公仔面， 於是通過openrice 平台叫左呢間餐廳既外賣自取。提提大家， 如果想食呢間餐廳， 記得記得記得提前15-25分鐘落定order, 不然就要有企係門口等20分鐘既準備。一個顛倒我對瀨粉概念既瀨粉， 不過算唔錯好味， 建議大家試辣既, 不然味道會好啖。跟餐可叫一個小食， 因為我叫左兩個餐， 所以跟餐叫左炸燒賣同芝士薯條。 兩款小食都唔錯， 不過炸燒賣略嫌太多炸粉。但考慮到2個餐都唔駛90蚊， 連埋老婆阿仔3個人食都唔駛30蚊， 真心算非常抵食了

最新因疫情關係 又禁咗堂食🙁係佐敦附近周圍搵下食～見到呢間西間老祖都幾多人推薦 所以就外賣返屋企食～ 門面唔算大 只有小量座位 所以大部分人都係外賣拎走 叫完外賣等左一陣就可以拎得👍🏻👍🏻 佢地係似自助點餐機落order 都幾方便😋 見到佢地有出名不同醬料 e.g. 豬油、XO 醬、麻辣醬同辣菜脯～～ 睇到都覺得惹味😆西關老祖話明出名古法瀨粉 緊係要試下呢個招牌瀨粉啦！佢有得簡辣/唔辣菜脯 我今次試下辣！呢個瀨粉質感好濃稠 加埋辣菜脯個味岩岩好 不過菜脯比我想像中要辣🤣 岩晒d食得辣既朋友另一特色係呢個炸黑毛豬肉棕！第一次食炸咗既粽 點知意外地好食😋！個口感類似薯餅 唔覺唔覺會食到停唔到口 不過最好同人share 因為份量真係好唔客氣☺️仲多左款小食—XO醬炒腸粉，味道好夠 係懷舊既港式味道😍唔錯 最後又差唔多食晒!飲品方面 叫左佢地既低糖豆漿～～ 餐廳default 左係低糖 中和岩岩既罪惡感✌🏼✌🏼本人唔鐘意飲太甜 所以呢杯低糖豆漿岩晒我 疫情禁堂食期間大家都可以外賣返去試下呢個懷舊味道☺️☺️😍

天寒地凍，食啲暖笠笠嘅正氣野就最啱胃口😋 經過佐敦街頭見到呢間裝修型格嘅外賣店，google完先知原來係主打一款來自老廣州嘅自家製瀨粉😲 傳統嘢真係買少見少😮‍💨決定買返碗支持下傳統味道！🙌🏻🙌🏻🙌🏻《 西關瀬粉 》$25 4 / 5作為鎮店之寶，每個細節都落足心機！瀬粉係用粘米粉搓成，口感軟糯，放入用雞湯、香菇同豬油熬製嘅上湯度滾🍲 煮成濃稠嘅上湯米羮🤤 一啖落肚全身暖哂😝面層嘅豬油渣亦係自家提煉，金黃酥脆，油脂香濃🐷 蔥花同辣菜脯可以自由配搭，個人建議可以加多啲增添風味😋 由於時間關係淨係試咗瀨粉，除咗呢味傳統小食之外，佢地亦有創意搞鬼系列，例如「炸煎黑毛豬粽」同「黑松露蛋多士」等，留返下次再試😋———————————————🏠環境舒適度：外賣自取🥡👅舔脷回頭度：💛💛💛💛📸打卡able度：💛💛💛———————————————

💎總評分：8.0/10-之前經過葵廣見到呢間小店原來喺佐敦開左分店呀！主打古法瀨粉同傳統美食，但係門口一D都唔老土😎，純白色設計仲要係自助落單，有一個小bar枱可以俾兩三個人堂食，不過小編今次就選擇take away🥡！Menu有唔少特色野都好吸引，例如炸粽，其他地方真係好少見，而且仲有自家製食品同醬料可供零售買走🛍️！1️⃣ 西關瀨粉 (自家製) 配黑毛豬油渣 $25店名係西關老祖，又出名食古法瀨粉，當然試下呢個signature啦🌟！第一次食，原來西關瀨粉嘅外型係短小而粗壯😂，少少似狗仔粉，一開始怕佢會油淋淋，但係原來豬油渣係分開另上自己落，湯底唔會有一層油👌🏻。㨂左小辣，所以裏面放左D辣菜甫、連埋香葱OMG好好食💯！湯底夠惹味而且好濃嘅米香味，＄25就有咁大碗真係好抵食👏🏻。2️⃣ 極黑・黯然銷魂飯 $56自家製嘅黑叉燒質素超出預期🐖，肥瘦適中有咬口，厚切鋪面成功將肉汁滲入D飯度，仲配兩隻煎得完美嘅太陽蛋🍳，一拮穿個蛋黃D蛋漿流晒出嚟，有視覺享受之餘撈飯食一流🤤。套餐價跟coke zero🥤，當lunch或dinner都夠晒滿足！3️⃣ 爆炒・XO醬蘿蔔糕 $38見小店有一整底嘅秘傳瑤柱蘿蔔糕

無意間發現咗間 幾高質嘅外賣小店 即叫即整好多小食都係自家製同埋加咗XO醬 真係超惹味❤️🔖 爆炒·XO醬腸粉腸粉嫩滑 醬汁炒得均勻 帶點微微金黃脆邊重點 加入鮮味嘅XO醬 成件事變得更惹味( ᵒ̴̶̷᷄꒳ᵒ̴̶̷᷅ )🔖 煎·老祖秘傳蘿蔔糕蘿蔔糕香脆惹味 加咗XO醬 帶啲微辣好鬼正仲要粒粒都食到瑤柱～正🤤🔖 老祖秘傳麻香咖喱配咖喱三寶咖喱三寶 即係豬皮、蘿蔔和陳皮魚蛋香濃咖喱再加少少麻香 煮得入味 真心非常好食!🔖 XO·怒炸金龍燒賣就是炸燒賣 不過選用了好味嘅金龍燒賣😋🔖 西關瀨粉瀨粉同想像中嘅瀨粉唔同 唔係好長個款反而有啲類似狗仔粉 但可以揀辣度🔥

屯馬綫開通後，除左去多左九龍城同土瓜灣覓食之外其實柯士甸站附近都有好多好野食🍽之前喺同事推薦下就去左呢間外賣店啱曬夜晚有時懶得煮飯嘅我😎🌟炸·黑毛豬肉粽（$45）蒸糉就食得多，炸粽真係好少食見到呢個係推薦菜式就忍唔住叫左表面脆口嘅糯米同內層煙韌嘅糯米令口感非常豐富黑毛豬嘅肉質鬆化，肉味亦好濃🐷鋪頭會俾多包糖食客用黎蘸糖食用🧂黑毛豬豬肉同白糖入口即化，肉嘅鹹味同糖嘅甜味融合一齊白糖更加提升鮮味，令人慾罷不能🥰🌟西關瀨粉（$15）係，你冇睇錯一碗只係15蚊，非常抵食🤩西關瀨粉係廣州傳統小吃，同狗仔粉有dd相似但自家製瀨粉更加幼滑煙韌，仲帶淡淡米香🍚再加上菜脯、冬菇、蝦米、葱，仲有重點嘅豬油渣🦐🍄豬油渣甘香卜卜脆，夾埋其他配料令成碗粉更香口惹味🌟爆炒·XO醬蘿蔔糕（$38）無論蘿蔔糕定XO醬都係鋪頭自家製🥢蘿蔔糕即叫即煎，四面都煎至金黃色，外酥內軟加上XO醬香辣惹味、鮮味濃郁每塊蘿蔔糕都均勻入味，未番到屋企已經忍唔住偷食🤤🌟老祖 • 紅豆孖沙（$28）紅豆沙選用左天津紅豆起沙，仲用埋北海道十勝紅豆煮用紅豆粒完整軟腍而不過爛，可以一次過享受兩種口感🤓同時甜度適中，陳皮香氣迷人喺咁熱嘅天氣下，凍

係住宅區有一間新派裝修小店，幾特別。佢主打外賣，所以店內只有一張導演椅供堂食既人，門口有部自助落單機，仲支援多個支付平台，好方便。落完單，可以睇到佢即場整我既食物。一向係瀨粉忠實粉絲既我，叫左佢個招牌西關瀨粉加辣。一打開外賣碗，望落好似平時食既狗仔粉，不過佢既瀨粉好特別，比傳統既粗，咬落較有口感。最重要既係佢$15渣，如果番工附近有，真係日日食都得，又抵又好食。炸黑毛豬肉棕，我俾男朋友盲猜下呢個係咩菜式，佢一咬落去就估到，因為食落去真係好有食棕既感覺，有糯米既香，再加豬肉既口感，配埋薄薄既炸粉，好有新鮮感。爆炒xo 醬蘿蔔糕，蘿蔔糕口感唔會係好粉，加埋xo 醬好惹味。老祖至尊頹飯，食落真係頹飯既感覺，但係好好味。佢既肉，做得好好食，好特別。自家製豆漿，好好飲，而且佢係微糖，更加飲到豆香。特別要讚佢係用玻璃樽裝住，好特別，之後仲可以重用番個樽。咁樣都係$150，幾抵食，又食得好飽。

係旺角買完野，都唔知食乜嘢嘅時候突然醒起社交平台有講過呢間舖頭有買西關瀨粉，個樣極似粉仔，鍾意食粉仔嘅我就由旺角行去佐敦試一試😋😋地點非常忍秘，要轉角再轉角先搵到！店舖以白色簡約設計，同旁邊黑黑沉沉嘅店舖成強烈對比，主要做外賣，門口有小bar枱共二人立食！店內播放Jazz / Blues？🤔🤔嘅輕鬆音樂，賣嘅係傳統嘅蘿蔔糕、關西瀨粉等，用嘅係日本材料，每件事每樣嘢都好獨立，同時擺埋一齊，得意得黎又幾夾😁😁分別叫咗幾樣野:～～～極邪惡 . 黑毛豬油撈飯～～～豬油清香，唔會有油‘益‘味，有種less is more嘅感覺😋😙😙～～～老祖 . 黑松露炒蛋～～～蛋味夠濃、質感柔嫩，可惜黑松露味比蛋蓋過😐😐～～～自家製即磨豆漿（微糖、凍）～～～日式豆漿，冇咩味🙄🙄～～～西關瀨粉（配野味辣菜脯）～～～口味特別，似食緊一碗煲得好綿嘅粥，豬油渣幾脆，食完會好舒服😌😌～～～炸 . 煎黑毛豬肉糭～～～薯餅型嘅豬肉糭🤪🤪，每塊糭入邊都有黑毛豬肉，塊塊都煎得金金黃黃，外表討好，咬落好脆、好脆、好脆☺️☺️油炸嘅野😑😑就自然朔咗好多油，加埋係糯米所以食咗兩三塊就會好飽同好‘濟’😬😬所以有附加砂糖俾你配嚟食減低油膩感

見到介紹第一時間來試試！原來做外賣，問咗職員，職員非常有禮貌，唔介紹可以坐喺門口食，門口有一張導演椅同少少位置，可以容納1人現埸食😋👍🏻🤩應該新開冇幾耐，見到廚房新整，乾淨，冇油煙！佢哋用嘅食材眼見應該不錯！鷄蛋用日本蛋👍🏻👍🏻餐牌大部份自家制，全電子落單，非常方便！即叫即炸！必食西關瀬粉👍🏻👍🏻100分冇添加，食得出店主用心製造炸黑毛豬肉粽- 一片一片豬肉每件都有，非常均勻！好味😋可以炸関係加糯米，食完都幾飽！自家製即磨豆漿- 飲得出應該不是叫貨回來，清清淡淡👍🏻👍🏻價錢公道！一定再來食