荳子 (德福廣場1期)

營業中

休息中

穩陣發揮好食西餐，甜品有驚喜😋！・・・・・・・・・・・・・・・・・・・・🍝 蟹膏甲羅燒黃金蟹肉意大利粉 HK$148・味道：意粉以鹹蛋黃醬包住，鹹香十足仲食到鹹蛋黃粒粒，幾香口嘅。比較之下個蟹膏甲羅燒就唔夠濃同香。蟹肉正常發揮。・口感：整體正常冇伏。🍟 黑松露蛋黃醬薯條 跟餐＋HK$30・味道：少有黑松露味唔夠嘅黑松露醬😂，蛋黃醬都唔似，似沙律醬mix蛋黃醬咁～應該間間餐廳嘅黑松露醬都係同一來貨，唔會自己整醬啦，唔明點解個醬好似沙律醬咁喎～薯條啱啱炸起好熱，熱到擺咗陣先入口都好辣口XD。・口感：薯條夠熱但唔夠脆～🐖 德國燒豬手(碎上) HK$242・味道：豬手膠質滿滿，漿口嘅油脂感好正！不過食耐咗覺得有啲鹹。・口感：皮脆，肉略嫌柴咗啲～☕️ 泡沫鮮奶伯爵茶 HK$32・味道：正常發揮～個人鍾意佢泡沫偏少，飲落多啲啡XD・口感：順口唔澀～🍞 焦糖脆餅流心吐司 HK$82 👍🏻・味道：作為對甜味甜度好挑剔嘅肚波，個焦糖醬係甜而不膩，而且真係有陣焦香但唔係苦澀。微暖嘅焦糖醬配凍冰冰嘅雲尼拿雪糕，冰火交融一定正！・口感：吐司香脆。內里軟熟，yum yum～・・・・・・・・・・・・・・・・・・・・

我平日7pm經過已經排緊隊㗎喇~連weekend 4,5pm 呢啲非繁忙時間都係排長龍🤨日日都咁旺場…算係信心嘅保證🥳最吸引到我嘅就係<<蟹膏甲羅燒黃金蟹肉意大利粉>>($148)原個蟹膏甲羅燒齊上，呢個已經夠吸睛🤩蟹肉嘅鮮味 x 蟹膏嘅鹹香味 令成個白汁意粉嘅味道層次提升👍🏻整體嘅濃稠度適中，唔會愈食愈腬😋仲有得加$30 追配<<黑松露薯條>>Standard 嘅好味👌🏻同<<德國啤酒洋蔥圈>>($62)一樣~~冇特別大驚喜，想食炸嘅小食就叫啦🍟🧅芝士控必點<<千島醬蟹棒蟹子帆立貝薄餅>>($112)留意拉絲效果👇🏻👇🏻👇🏻四個人食，每人一塊就啱啱好!之前同媽咪兩個人share…食兩塊鋪滿海量芝士嘅pizza會一秒飽咗😅不過千島醬同蟹棒蟹子不嬲都係perfect match~所以真係次次都想encore佢🥰

Beans 係唯一一間我會定期幫襯嘅Cafe, 佢既食物同飲品質素都保持到高水準，每次都令人滿意。今次嗌咗個新菜式「黑蒜．磯燒鮑魚．蜆肉白酒意粉」，佢屬於一種偏向乾炒嘅意粉，黑蒜白酒嘅醬汁有少少甜甜地，食嘅時候唔會覺得好油膩，反而有啲清新嘅感覺，同海鮮鮑魚蜆肉好夾。絕對可以試吓！🫶🏻另外嗌咗「蟹膏甲羅燒黃金蟹肉意大利粉🦀」，呢個意粉已經數唔到order幾多次🙈每次同唔同朋友都會想嗌依款一齊share。蟹肉蟹膏嘅鮮味令到成個意粉都好香。我哋仲跟餐加咗個黑松露薯條（$28），份量好多好抵食，粗身薯條真係好正🤤今次第一次叫佢嘅甜品「Green Tea Waffles🍵」，除咗主角窩夫🧇，佢仲有好多配料例如紅豆麻薯、綠茶雪糕等等，好豐富👍🏻餐飲我哋叫咗「法式焦糖燉蛋拿鐵」同埋「伯爵茶拿鐵」，兩杯都相當好飲☕️

我最欣賞荳子嘅野 除左野食保持水準外 每次出餐嘅餐碟裝飾整得好好看 對於重儀式感嘅我黎講 好滿意 好滿足🥰黑松露軟殼蟹意粉 我對軟殼蟹麻麻地 反而蟹黃醬撈意粉食 一流🤤不過不失啦 相較於龍蝦湯，我個人反而最中意飲蘑菇🍄忌廉湯😗重頭戲黎啦~我認真對蟹黃醬/任何醬汁撈意粉，飯都抵擋唔到❤尤其係意粉整得軟硬度啱啱好 撈埋蟹膏一起食 真心可以再黎一碟😋OK 確實高估左兩個女人嘅食量🤣食完兩碟粉 到雞翼黎到 我地已經食唔落 不過我最後都有試到一舊 係脆口嘅 不過我麻麻地炸物 除非整到好鬼好食😏不愧係特濃朱古力 又濃又甜🤫 唯一滿足到我 都係視覺享受🤗