禮 (打鼓嶺道)

營業中

休息中

去開九龍塘想搵宵夜 估唔到有間居酒屋勁多串燒選擇 原來質素都唔錯❣️古早蟹籽沙律 $88有吞拿魚蓉 青瓜 生菜 蟹籽 洋蔥 估唔到啲吞拿魚蓉仲多過啲菜咁濟 差唔多係用吞拿魚嚟包住啲菜食啖啖肉勁香❣️清酒煮蜆 $88加入昆布煮嘅清酒湯相當鮮甜 大蜆隻隻大粒肉 過吓口癮都忍唔住飲埋啲湯❣️蟹膏玉子燒 $88即叫即整嘅玉子燒 入邊包裹住鹹香蟹膏 配上甜甜地嘅玉子燒夠match❣️忌廉蟹肉薯餅 $58原先以為入邊剩係得啲🦀肉碎 點知一咬爆漿好似cream狀流出嚟 蟹香味十足❣️京蔥雞肉串 $48清甜多汁嘅京蔥卷灑滿彩色芝麻賣相勁吸引夾雜嫩滑雞肉 一啖爽口一啖嫩滑好滿足❣️媽媽鹹蛋豬肉棒 $48見到好有特色但係又驚好鹹 嚟到有啲出乎意料豬肉棒沾上微鹹鹹蛋醬嘅點綴十分出色❣️雞心 $32軟糯雞心清潔得好乾淨 鹽燒更能保持原味❣️雞軟骨 $38都食雞點會唔食雞軟骨 燒到脆卜卜好咬口識落索索聲好過癮❣️雞腎 $32肌肉有彈性肉質緊密 非常爽口好惹味❣️雞頸肉 $38平時食燒味雞頸都只係一細舊 但成串大大舊吉滿真係好考功夫口感大致上同雞肉串相若 嫩滑非常❣️厚切牛舌芯 $68呢個壓軸串燒真心推

上次嚟食過lunch，已經覺得又抵食又好味，既然中秋話落大雨，咁就book嚟呢度賞月亮燈啦八貫手握壽司 ($368)大大件嘅壽司，放喺月亮燈下影相，真係好靚呀！！！兵庫縣室津生蠔 ($58隻)味道超級鮮甜，又肥又大隻，而家更加係當造，食完真係一口蠔氣，正呀！黑松露A6和牛三文治 ($368)和牛肉厚，而且油份激重，不過一定要趁熱快快食！再加上黑松露醬點綴，放喺彎月碟上，非常有心思！脆皮風鱔 ($88)魚皮真係脆得好緊要，一陣濃郁炭香，肉質鮮嫩肉厚媽媽鹹蛋豬肉棒 ($48)一咬開原來鹹蛋就喺入面！感覺就好似住家菜鹹蛋蒸肉餅，不過呢個就係變身成串燒，味道依舊但更有趣味蟹膏玉子燒 ($88)玉子燒好滑溜，陣陣蛋香再加上香甜蟹膏，成落整體非常香滑，令人欲罷不能食完想再食呢度雖然細細間，但環境舒適，店員服務非常良好而且不斷加茶。走嗰陣落大雨，仲好貼心咁教我哋點坐車走。的確令人有賓至如歸嘅感覺

九龍城點止有好好食嘅泰菜，原來有一間咁好食嘅日式串燒居酒屋！一坐底，店員會放低餐前小食，辣辣哋🤣跟住我哋睇睇餐牌，呢間小店有好多特色串燒，例如富士蘋果煙肉串，媽媽鹹蛋豬肉串等等！第一次見喳！首先上菜嘅係清酒煮蜆！我哋先試試個湯，好清甜啊，有胡椒味，有少少似胡椒豬肚湯🤣，但其實唔係好濃胡椒味，啱啱好！酒味又唔會過濃，蜆好大隻同好新鮮！讚👍🏻第二樣就係蟹膏玉子燒！呢個玉子燒真係不得了！勁好食！必食呀！玉子煮得剛剛好，好滑，唔會太厚，又有蛋汁，入面夾住好香濃嘅蟹膏，每一啖都有豐富嘅蟹膏味，勁好食😋第三樣蟹籽沙律！估唔到咁大碟！上面有好多沙律醬，下面又有黑醋汁！仲有好多蟹籽同蟹柳絲，好耐無食過咁足料蟹子沙律！跟住食食下，老闆突然拎個幸運輪比我地抽獎，我哋中左生啤一位，任飲！正呀！第四樣富士蘋果煙肉串同雞軟骨肉棒！富士蘋果串，食落個感覺好似菠蘿腸仔咁😂，哈哈，唔係個味道似，純粹係個feel似。蘋果燒完仲好爽口，正！雞軟骨肉棒個燒汁好正呀！最後我哋叫咗芝士年糕！好好食！芝士味勁濃！讚！整體來講，串燒店嘅服務好好，又會同我哋串燒要耐少少，又有得抽獎！我哋都會再食過😋下次試新嘢！