Restoran SAYA

營業中

休息中

之前有幫襯過佢哋嘅荃灣分店，覺得佢哋嘅食物都幾高質，所以呢日lunch決定嚟佢哋位於大角咀嘅總店食飯😙 餐廳由2023年開始，連續3年攞到米芝蓮必比登推介㗎🤩小食拼盤呢碟好啱一大班人開心share，拼盤包咗沙爹雞串、豬頸肉條、炸墨魚餅、炸雞棗同埋蝦片，我就特別鍾意串燒同豬頸肉條，真係好香口😌泰式炭火鹽燒魚呢個係好多人食就啱晒，有一大條魚，魚肉用咗鹽同香茅燒，肉質嫩滑🐟 仲配咗生菜同米粉，可以點少少泰式秘製醬汁夾住魚肉食 。炭火燒牛肉牛肉好粉嫩，肉質軟腍，食落有濃濃嘅牛肉味，點埋青醬食就更有風味🐮泰式咖喱蟹汁軟殼蟹呢碟嘅軟殼蟹有足足兩隻，咖喱入面有蟹肉同蛋，所以質地偏杰身🥘 本身呢碟已經包咗蒜蓉包，搭配咖喱一齊食好正 。蟹肉奄列賣相平平無奇，但係切開就見到好多蟹肉🦀所以食落除咗有蛋香，仲有啖啖蟹肉鮮味 。飛天炒通菜係泰國菜經常食嘅菜式，呢度嘅通菜都好嫩，唔會有渣，帶點辣辣地，幾惹味🥬泰北咖哩金麵配燒雞呢個係餐廳推介嘅菜式之一，用咖喱配搭扁身麵，都幾掛汁，咖喱嘅味道帶點辛辣🙈 雖然一路食一路滴汗，但係非常過癮呀🤪 側邊仲有嫩滑嘅燒雞扒，仲keep住有肉汁回收🐥飲品我哋幾個仲嗌咗四杯飲品，全

今次被朋友拉左來食間泰菜。店內裝修用左湖水綠，配搭藤製傢具和壁畫，充滿泰國風情。重點一片玻璃幕牆透着街燈進來，整個配置十分舒服有格調，令人有種想坐久一點的感覺。🔸飛天炒通菜 $88鑊氣充足，清脆可口，馬拉盞味濃而不膩。🔸蟹肉奄列 $178上菜已經聞到香濃既蛋味，切開後見到蟹肉十足，極濃的蟹味係口中爆開，口感滑溜及鬆軟，配上辣醬層次更豐富。🔸泰式咖喱蟹汁軟殼蟹 $188 💯整餐MVP ，極度大推。咖哩汁內是滿滿的蟹肉，香脆軟殼蟹加上蟹肉咖哩汁，蟹味濃郁得難以想像，每一口都充滿鮮甜的蟹味。另外再配上鬆脆香口的蒜蓉包亦都令人垂涎三尺。🔸燒豬頸肉沙律 $138豬頸肉非常香口及爽口，調味咸中帶酸，配搭紫洋菜及包生菜，口感及味道層次更上一層樓，胃口都打開。🔸芒果糯米飯 $78必點的菜式之一。芒果香甜、微暖的糯米飯口感煙靭再加上略帶咸味的椰漿，咸甜交雜，幸福感滿滿❤️大滿足！

大角咀嘅米芝蓮餐廳——Restoran Saya，真係一個好正嘅聚會地方！餐廳裝修充滿泰國風情，牆上掛住泰式畫作，燈光柔和，令人感覺好放鬆。店員係泰國人，態度真係好友善~▫️炭燒豬頸肉肉質鮮嫩，炭香味十足，配搭上特製醬汁，真係好味！▫️印度飛餅應該係自制嘅，比較厚身。沾上咖喱汁食，簡直係絕配！▫️蟹肉奄列好多蟹肉，蟹肉新鮮，蛋香濃郁，口感滑順。▫️咖哩金麵配燒雞驚喜!!有兩款麵，一軟一脆。咖哩辣辣甜甜好惹味，麵吸收咗咖喱嘅香味，加上燒雞嘅肉質，味道層次豐富。▫️飛天炒通菜清脆可口，調味唔油膩。▫️芒果糯米飯芒果甜得剛好，糯米飯配上椰漿，正~▫️椰汁沙冰清涼消暑，令人心情愉快。總括而言，Restoran Saya唔單止環境好，食物質素更係一流，絕對係一個適合朋友聚會嘅好地方！下次一定要再嚟試其他菜式！

早前和朋友來食米芝蓮泰菜餐廳，湖水綠的色調，環境超美。藤製家具和精美的壁畫，讓人感受到濃厚的泰國民族風情。美食美味又價格合理，絕對值得一來！蟹肉奄列 $178奄列大件，蛋皮酥香，蛋味濃郁，包住滿滿的鮮甜的蟹肉，配上酸辣的是拉差辣醬酸辣惹味，非常美味。泰北咖哩金麵 $128咖喱汁香料味重，帶有酸辣的風味，拌上醃菜後，味道更加突出。而蛋麵色澤金黃似扁意粉，口感順滑有彈性。旁邊的油炸蛋麵則口感脆卜卜，不過未整碎食的話，會食到成嘴醬汁有點論盡。雞扒肉質軟嫩，入味有炭燒風味。整體都好美味。泰式咖喱蟹汁軟殼蟹 $188蛋花咖喱不辣，帶有椰香，浸住脆口的軟殼蟹，每一口都能品味到蟹肉的鮮美。配上香脆的蒜蓉麵包，鹹香惹味。印度飛餅 $38飛餅大塊，口感煙韌，單吃已經非常美味，再沾點剩餘的咖哩汁，簡直是完美搭配！芒果糯米飯 $78芒果塊砌成的玫瑰花好有美感，就像《小王子》心中那朵唯一的玫瑰，令人個心甜一甜，打卡冧女一流。芒果清甜，糯米飯軟糯，淋上椰漿，甜中帶鹹，非常滋味。薑汁菠蘿沙冰 $58清甜的菠蘿汁與芳香的薑汁搭配，冰凍後口感清爽，非常值得推薦。椰汁沙冰 $58淡淡的椰香，甜度需要可再加。沙冰上的椰子

慶祝母親節，試試呢間泰北菜米芝蓮餐廳🎖️事先經OpenRice訂位，前兩日會打電話confirm booking位置較隱世，埋沒起一堆私人屋苑中Menu選擇唔算多，簡而精▶️ 泰式芒果柚子沙律 ($98)開胃沙律，份量比較細不過就好多芒果、西柚同車厘茄配合簡單鹹鹹嘅醬汁、炸蒜係一個鹹甜酸苦兼具嘅菜式😛▶️ 沙嗲雞串6串 ($88x2)呢個好食到再encore 串燒大大條，全部都係肉雞肉鮮嫩😋沙嗲醬汁入味唔過鹹旁邊配兩條蒜蓉麵包▶️ 泰式青咖喱雞 ($138)呢個用雞扒，更加滑嫩厚肉🐔青咖喱冇預期咁辣🌶️味道正宗入面好多雜菜：青豆、椰菜花、蘑菇、三色椒等配合自家製香草麵包🍞可以點青咖喱食麵包微脆，搽咗層牛油，冇一般泰國菜蒜蓉包咁油膩重味！▶️ 炭火燒牛肉 ($208)✨絕對係今餐VIP，必叫✨燒牛肉半生熟🥩中間保持紅潤入口超淋零筋🤤唔使用牙咬咁同一般西餐食嘅牛扒唔同，另一番風味本身落咗粗鹽烹調所以鹹鹹地不過旁邊嘅醬汁都好食，味道似法式田螺醬👍🏻▶️ 泰式炸蠔仔餅 ($128)入面啲蠔仔算大粒，咬落爆汁新鮮▶️ 炭燒豬頸肉 ($138)呢個份量幾多，切成薄片入口爽脆🐷▶️ 蟹肉奄列 ($178)都幾大卷奄列

奧運站附近原來有間連續兩年米芝連推介嘅泰國菜❗️前兩日試過，認真好食😋.簡單介紹一下⋯《依善辣豬肉碎生菜包》好多好多肉，加埋啲herbs味道調教得幾好，超級抵食🤑不過實在太足料，可能反而唔夠生菜食喎🤣《瑪莎文咖喱·牛肋條》有咖喱味但唔辣，少甜，牛肋條炆得夠時間，硬度適中。個蒜蓉包用focaccia，好食到我想叫多一條🤤《辣椒膏炒花甲》又係好足料！辣椒膏唔太辣，有鮮味。《泰式炭火鹽燒魚》💡記住需要兩日前預訂！條魚好大條！肉質嫩滑魚肉新鮮。旁邊拌生菜剛剛好用來食埋啲豬肉碎😆《蟹肉奄列》蟹肉多到爆出嚟‼️呢度菜味道比較淡，當然點本來嘅辣醬都好食嘅但我覺得點咖喱汁或花甲嘅辣椒膏都好夾，可以試吓～.總括嚟講，所有菜式味道都好夾，可以一齊食。份量算大，建議3-4個人一齊食的話可以試到更多不同菜式.《餐廳環境》優雅有情調，色彩繽紛，地鋪對住條街，好有泰國嘅氣氛🥭呢度唔只好食，亦啱同朋友聚會/拍拖/打卡📸.果然係米芝連推介，好有水準👍🏼👍🏼👍🏼

❣️聽過呢間平民價泰菜米芝蓮一段時間，最近終於約朋友去食，估唔到都幾多人去，仲有$148 free flow 紅白酒❣️餐廳燈光舒服 ，好似去左泰國陽光下❣️而家經openrice 訂座仲有8折！最最最推介係蟹肉奄列，入面勁多蟹肉🦀蟹肉奄列$178- 入面爆滿蟹肉，基本上啖啖都係蟹肉，配上炒蛋香，口感豐富，好食又大🈵足，正！🥘泰式咖喱蟹汁軟殼蟹$188- 同樣真材實料入面滿滿蟹肉，好足料！咖喱椰香味濃，微辣，入面仲好多紅椒黃椒、洋蔥🥚泰式煎蠔仔餅$128- 大大塊配上超多蠔，隻隻大大隻肥美🍸冬陰$88- 滿滿冬陰公香嘅cocktail，幾特別- 另外仲可以飲泰式椰青，配合泰國風情🥗飛天炒通菜$88- 難得係通菜好嫩，味道惹味又唔油膩ps 食野時必點沙茶醬，清新香茅味，係靈魂醬料

專誠來一趟，米之蓮必比登推介的 Restoran SAYA，裝潢採用湖水綠色背景，配搭藤製傢具和壁畫，充滿泰國風情！我們選擇落地玻璃窗邊位用餐，忙裏偷閑之感強！🍹斑蘭椰林飄香 $88顏色漂亮，斑蘭味香，薄荷般冰涼，可口！🌶️辣椒膏炒花甲 $128辣椒膏香濃惹味，厚厚地貼在花甲身上，為鮮嫩以外增香辛層次，令人欲罷不能，佐酒一流。🦀蟹肉奄列 $178期望落實，奄列飽滿富蛋向，蟹肉新鮮足料，淡淡滋味！🥩炭火燒牛肉 $208燒得好，牛肉充滿炭火香，鬆軟粉嫩。🍜🐓泰北咖喱金麵配燒雞 $128有特色，咖喱汁濃郁，鴛鴦麵條原味及脆麵共存，燒雞皮脆肉嫩，泰北招牌麵，果然唔錯，值得一試！整體來說，食物水準不俗，價錢合理，運作暢順，怪不得客似雲來。

上網見到呢間泰菜裝修好特別，特登約朋友嚟呢度食晚飯❣️最令我驚喜嘅係，除咗打卡靚之外食物都係勁高質，可以話係極滿足嘅一個晚上‼️依善辣豬肉碎生菜包 ⭐️⭐️⭐️⭐️⭐️原來依善即係泰國東北嗰邊，而依善嘅口味係比較濃烈，咁樣就啱晒我啦😍我平時都好鍾意食辣嘢，所以呢度嘅生菜包應付有餘！辣肉碎炒得又香又辣，用爽脆嘅生菜包住食，入口後feel到強烈嘅泰國味爆發出嚟‼️辣椒膏炒花甲 ⭐️⭐️⭐️⭐️⭐️辣椒膏味道勁濃而且辛辣感夠，伴隨強烈嘅金不換味道👍🏻花甲雖然唔算大隻，但係花甲肉算幾肥厚，鍾意食海鮮嘅可以試吓❣️蟹肉奄列 ⭐️⭐️⭐️⭐️⭐️蟹肉奄列其實喺泰菜嚟講都幾常見，估唔到呢度用唔係太高嘅價錢已經可以試到！切開見到啲煙已經覺得好正，奄列包裹住好多蟹肉，而且食得出蟹肉好新鮮🦀伴隨嘅辣醬一定要點，佢係辣味中帶少少酸味，對我嚟講唔算好辣😁牛肉炒寬河粉 ⭐️⭐️⭐️⭐️⭐️平時好少食寬河粉，原來寬河粉除咗比較大塊之外，仲比一般河粉多咗一種煙靭感👍🏻其實食泰菜就係要食佢強烈嘅口味，呢個寬河粉完全滿足我嘅要求，牛肉份量多肉質有咬口，建議食之前一定要落青檸汁，少少嘅酸味會令到整體味道提升不少！芒果糯米飯 ⭐️⭐️⭐️⭐️⭐️見到芒果糯米飯有生日版，以為要生日

話說今日去附近睇戲，就搵咗間米芝蓮嘅泰菜試吓，我哋叫咗幾個餸 share，叫咗個蟹肉奄列，配埋個辣汁好好味，切開仲有一疏疏嘅蟹肉喺裏面，又唔好油，啖啖鮮味🤤🤤泰式咖哩軟殼蟹，呢個咖哩汁好惹味又唔會好辣，個軟殼蟹系熱辣辣咁上，炸得好好，唔會俾啲汁浸到冧曬炭燒豬頸肉，火候控制得好好，仲喺好juicy，配埋個秘製醬汁，好食😋😋叫咗杯椰汁沙冰同埋泰式奶茶，都一樣喺咁高水準，泰式奶茶好正宗。椰汁沙冰上仲有啲椰子絲，飲落去之後仲係可以有啲咬口👍👍

大角咀多嘢食係人都知，估唔到哩到有間米芝蓮泰國菜，預約咗先去，即刻可以入去唔使等，入面環境色彩繽紛，感覺令人開心，但店員帶完位之後無啦啦又調咗我哋坐另一張枱個位冷氣勁大，同埋頭頂燈光直射落嚟真係幾唔得最好改善下蟹肉奄列熱辣辣一切開入面出晒煙，蟹肉都算多同新鮮，蛋幾香，似半煎炸果種，係實淨啲嘅奄列，有香料味，旁邊有個酸甜汁，覺得唔點都夠味，點咗就開胃啲泰北咖喱金麵都係好重香料味，金麵炸過但唔油，配埋咖哩食幾惹味，雞肉不過不失

嚟呢間餐廳食飯，係因為有一日喺openrice主頁見到呢個廣告，心諗米芝蓮泰國菜都唔會平，但係睇睇個menu，都還可以，係中等價錢，但打著米芝蓮旗號就去試試。喺openrice book咗位，7點鐘店內都差唔多滿座，我哋坐嘅係窗邊高吧台，要排排坐望住窗口食飯。椰青 $58好熟，啲肉勁淋，都算香，但唔凍，只係室溫，椰青夠凍會比較好飲。泰北咖哩金麵 $128聽講係招牌菜，叫翻個試吓。啲咖哩都幾辣的，見到好大堆個啲係脆條，又或者係脆麵？浸啲咖哩汁會好食啲，不過我哋覺得一般所以只食咗好少。麵喺個堆洋蔥下面，有一堆正常煮過浸住咖哩汁嘅麵，樣子同口感都似伊麵，煮淋咗同埋浸住汁幾入味，好食過脆麵。旁邊仲有一堆燒雞扒，燒得幾香唔錯。炭燒豬頸肉 $138燒得唔夠，偏淋，亦冇乜炭香味，都偏薄炭火燒牛肉 $208有十舊，份量都算ok都係燒得唔係好夠，又唔係好熱，有啲位比較難咬，同埋唔太濃牛味蟹肉奄列 $168呢個好似都算招牌菜，同埋其他餐廳比較少見。上菜個樣幾靚，入面唔算好多蟹肉或者好香蟹味，但都有的，呢舊奄列會食到好滯。

閒日夜晚黎到呢間湖水藍綠既餐廳，頓時有種去左熱帶地區度假既感覺🏖️▪️ 蟹肉奄列 （7.5/10）💲168係泰國最出名既蟹肉奄列，都應該非Jay Fai莫屬🤭不過上次去既時候，無時間去食😢唯有係香港食住呢個止下癮先，蛋煎得比較熟，包到好實身，勝在內餡飽滿，都有幾多新鮮蟹肉，配上是拉差辣椒醬🌶️▪️ 炭燒豬頸肉 （7/10）💲138薄切豬頸肉，炭燒過後都係乾身啲，入口帶微彈，份量亦多，個醬會有點辣🐷▪️ 和牛炒寬河粉 （7/10）💲148牛肉口感正常，但係食唔出和牛級數🤪加左粟米芯、蘿蔔絲、芥蘭等去炒，寬河粉薄滑身，帶點煙韌🤓▪️ 椰子沙冰（6.5/10）💲58面頭有啲椰子脆脆，不過沙冰比較稀淡，唔夠椰子味🥥🔎 整體評分（7/10）

【Restoran SAYA|米芝蓮必比登推介】食開泰菜就會接二連三咁食，今晚就去咗一間米芝蓮都推薦嘅特色泰北菜，聞說廚師係泰國人，夠晒風味吧！勁興奮，一行入餐廳就被一陣湖水綠色沉浸住，幾好Feel咁！..🌿小食拼盤好多唔同味道嘅泰式炸物，我覺得最特別係炸雞棗，用腐皮包住雞肉碎炸。糯米腸，手工蝦片都好正，將香葉與蝦片夾埋一齊食，香葉有少少檸檬香，仲有配埋個醬，甜甜酸酸好正！..🌿蟹肉奄列奄列蛋餅我無諗過泰式原來可以咁好食，首先蛋味好濃，平時屋企會買泰國蛋，唔知係唔係蛋香啲呢！切開奄列睇到好實淨，裡面蟹肉好澎湃，味道有蛋香又有蟹肉嘅鮮味！..🌿芒果糯米飯芒果砌到成朵花咁，旁邊仲有切粒嘅芒果，糯米飯暖暖上枱，比想像中軟糯，如果煙韌啲口感會好咬口啲，但加埋椰漿都幾啱冬天。..🌿利賓納荔枝梳打，香茅班蘭茶利賓納好耐無飲啦，見到呢度有都幾驚喜。香茅班蘭茶熱飲幾唔錯，啱晒冬天。🇹🇭Restoran SAYA📍地址: 大角咀嘉善街18號利奧坊地下G701號舖#大角嘴美食 #泰國菜 #好食

是日小妹到訪了一間位於大角咀嘅泰國菜餐廳，聽聞這間餐廳係首次入圍米芝蓮2023必比登推介香港美食名單，餐廳主打高質傳統泰式菜，由泰國廚師親自主理。人氣招牌菜有炭火燒牛肉、炭火鹽燒魚、泰北咖哩金麵、蟹肉奄列、芒果糯米飯等，小妹當然也要試試看🤤🤤🤤炭燒豬頸肉 $138豬頸肉薄切，邊緣燒至焦脆，肉質嫰有肉汁，薄切下品嚐到油潤口感，配上泰式酸辣汁，惹味可口蟹肉奄列 $158奄列大大件，薄薄蛋皮，內裡充滿蟹肉絲，份量多，肉質鮮甜意大利香草蒜蓉麵包 $38烘烤後嘅香草蒜蓉麵包，外脆內軟，陣陣蒜蓉焦香，那種留在口腔內揮之不去嘅重口味，酥香惹味，令人無法抗拒，小妹同樣地對佢又愛又恨😂餐廳裝修以湖水綠為主調，走泰式復古民族風，牆壁掛滿復古海報和傳統泰式壁畫，舒適藤櫈配上民族風的坐墊，再配上各款泰式美食，令人有種彷如置身泰國當地小店，打卡一流。有興趣嘅朋友們，有機會要試試喔😉