肉肉大米

營業中

休息中

有日平日lunch同埋友人去咗沙田呢間新開嘅另一間日本過江龍漢堡扒專門店，拎咗飛等咗大概15分鐘就有得入去，入去前會喺購票機落訂單先，呢間嘅套餐比較有彈性，可以根據自己食量揀三個或者兩個漢堡扒。今次同朋友分別叫咗兩個餐，一個係兩塊原味和牛漢堡扒加一塊和牛芝士漢堡扒，另一個係各一塊和牛芝士漢堡扒加和牛蟹肉漢堡扒，套餐已經包括咗一碗飯、少量蔬菜、一碗麵豉湯同埋一隻已經打咗加咗豉油嘅生雞蛋，而且白飯蔬菜同湯都可以任加。一坐低冇耐，啲漢堡扒好快就上枱，漢堡扒裏面嘅肉比較偏生，侍應話可以按照自己嘅生熟喜好程度再煎耐啲個扒先進食。建議嘅進食方法係先就咁食原汁原味嘅漢堡扒，然後再加埋啲醬汁配料一齊食，最後係將隻蛋撈埋落啲飯一齊享用。調味料相對簡單，冇乜特別驚喜，加上漢堡扒本身已經調咗味道，其實都需要點調味料。呢度嘅漢堡扒搓出嚟感覺比較鬆散，味道都唔錯，比較印象深刻嘅係食和牛芝士漢堡扒，上枱嘅時候塊扒已經鋪咗一層熱熔芝士，跟住侍應會即刻喺面前再額外跑一堆芝士碎喺塊扒上面，拎嚟送飯一流。最後就係試蟹肉和牛漢堡扒，呢塊扒本身已經放咗喺一個鐵兜上面，裏面浸咗啲調味酸汁，漢堡扒上面嘅紫蘇葉放咗一啲蟹肉、蘿蔔蓉

呢間餐廳設有吧台座位同開放式廚房，食客可以即席睇到現烤漢堡嘅過程👨🏻‍🍳店內只提供唔同口味組合嘅漢堡定食，當中嘅米飯、西蘭花、蜆肉麵豉湯都係無限refill，絕對食得飽👍🏼💗蟹肉、芝士、和牛混搭漢堡套餐（$140）漢堡扒由九州黑毛和牛混合美國牛肉所製，每日新鮮現絞，再以人手拍打。店員會先煎至6-8成熟，令表面微焦，鎖着肉汁，食個陣再自行加熱到理想熟度🐂；而米飯就採用日本東北嘅「虹煌米」🍚原味漢堡扒建議配上日本生蛋一齊食🥚流心蛋液加上牛味濃郁嘅漢堡扒非常美味，唯一挑剔係肉汁唔夠多🥩亦可額外加上唔同醬料，包括洋葱醬汁、燒肉醬、胡椒鹽、沙茶醬、芥末鹽麴、蒜香辣椒醬等，食起嚟各有風味😋另一款口味就係芝士和牛漢堡扒，店員會先在漢堡扒表面放上一片車打芝士焗融，再係客人面前即刨芝士，芝味極香濃，不過食得多會有少少膩🧀最後有香港限定嘅蟹肉和牛漢堡扒，漢堡扒頂層放上蟹肉、蘿蔔蓉、青檸、紫蘇葉，再淋上柚子醋，口感清爽解膩🦀個人認為呢款最好食🤤

繼ifc中環食完高質漢堡之後這間肉質素固然沒有太高質，但勝在特色之一是芝士和牛漢堡和個蜆肉湯都係好好味，芝士配漢堡是完美配搭組合很難會中伏的第一件原味（加生雞蛋）沒有什麼特別第二件芝士和牛漢堡（真係好完美配搭）第三件蟹肉和牛漢堡（因為其實都係分開加咗蟹肉喺上面我開頭以為係混埋一齊）整體三件嚟講只係得芝士和牛漢堡比較好食，所以建議大家嚟食就係食呢一個+1件自己鍾意嘅就OK。好無聊啊，又加隻蛋落去另外認真介紹一下就個蜆肉味噌湯係幾好味，同埋可以任fill算失敗是要排隊很久2:30pm排到4:30pm，沒耐性和沒準備真的不要隨意試（若你預左來等來拎定籌先是ok）以及明明見到日本師傅煎漢堡（但到我食就換了普通職員煎，失望呀）埋單$308兩位各食三塊不一樣的漢堡（百二分飽肚）

人氣極高的「肉肉大米」剛剛開業～本為食貓自然要去湊熱鬧。這間日式牛肉漢堡扒專門店，由日本「株式會社物語集團」卡2022件在內地創立，早兩個星期剛登陸香港，選址沙田新城市廣場。餐廳提供三款漢堡扒選擇：原味、芝士、以及香港限定的蟹肉和牛。漢堡扒每日新鮮絞肉，由九州黑毛和牛和美國牛肉混合製成，口感彈牙。每個漢堡扒重量約90-95g，先煎至6-8成熟，表面微焦鎖住肉汁，我們可以在小鐵板加熱至理想生熟度。配的白飯也不馬虎，店內使用來自日本東北地區的「虹煌米」，在店內精米並用軟淨水煮成，頗有誠意。．這晚我和妹妹都選擇了最豐富的三件漢堡扒套餐：❇︎ 蟹肉 x 芝士 x 和牛 漢堡扒套餐 | $𝟏𝟒𝟎 ❇︎ 蟹肉 x 和牛 x 和牛 漢堡扒套餐 | $𝟏𝟐𝟓．套餐除了三塊不同口味的漢堡扒，還有無限供應的米飯、蜆肉味噌湯及西蘭花，性價比相當高！而桌上有各式各樣的調味品，包括燒肉醬、洋蔥醬、奧羅拉醬、胡椒鹽、蒜香辣椒醬、沙茶醬、芥末鹽麴、黃芥末醬及爽口醃菜等，可以按自己口味DIY，令每一口都有不同風味。．◆ 原味漢堡扒：搭配隨餐附上的日本生雞蛋，蛋液拌上漢堡扒與各式醬汁，配飯一流。◆ 芝士和牛漢堡扒：店員在漢