Around Wellington

營業中

休息中

星期五晚上黎到餐廳，冇Book枱既話已經話冇位了！！咁岩連續兩日都要黎銅鑼灣，咁就第二日lunch再戰啦！今次我地事先有打去餐廳book枱！ 不過下午既登龍街，同夜晚實在相差太遠喇！！靜好多！！尋晚爆晒棚既餐廳，呢個下午都冇人排隊了！如果大家唔想排隊，假日lunch去登龍街都係一個選擇！廢話少講！！今次我地重點黎試我地bookmark左既兩款食物😆😆我好鐘意食蟹膏同甲羅燒！！ 其實整得係幾好食，不過可能太大期望，反而覺得有少少普通！ 甲羅燒入面既蟹肉夾雜住少少蟹殼，大家食既時候要小心d,唔好咬崩牙！！登登！！呢個先係我最期待既！！好彩呢個完全冇令我失望！！個花雕雞做得好入味！食之前點下個汁，真係好好食！！ 仲有兩隻鮑魚！佢林得黎又有口感，做得好好！烏冬點花雕汁呢個配搭好新奇，但又好夾！！ 呢個一定會encore!! 不過因為我地係假日，所以冇lunch set！價錢就比較貴，如果Dinner係呢個價就正路好多😆😆

呢間樓上餐廳，平日有午市套餐 HK$88-$158，每週都有些更新。每一份午市套餐有前菜+主菜+指定飲品。點其他飲品，可以正價減HK$20，另外也可以加HK$20多一件日式芝士蛋糕。話梅花雕醉雞配稻庭烏冬 (HK$98)．好一個中日式主菜，凍食，好啱依家夏天食😍．一整隻雞髀切出6件厚切啖啖肉，已起骨，雞肉幾嫩滑，酒香十足，本身已經有些花雕味道，不過我都會把雞肉點入話梅花雕酒醬油汁，令酒味更濃．稻庭烏冬，冰凍的，好煙韌，份量也很多呀，感覺食極都仲有嘅🤔蟹籽蟹肉蓋飯配甲羅燒 (HK$138)．大量蟹肉、蟹籽，蟹膏燒得香香的，鹹香又美味，撈飯食好正！😍麻辣燴雞肉飯 (HK$88)．我試咗件雞肉，幾嫩滑，入味但不太辣，少少麻．碗內多汁，撈飯食一流！．仲有木耳和蔬菜，均衡飲食😁是日餐湯．同事點的，好似係椰菜湯，看似幾creamy多椰菜碎粒，配幾粒麵包粒*金柚蝦沙律．多金柚子粒、多蝦、配沙律菜和柚子醋醬，清新開胃Smoothie (HK$52/杯，跟午餐減$20)．調飲得幾好飲喎，碎冰粒幼細，大杯，可以飲好耐～．我哋各自點咗3款smoothies: ．Pina Colada — 菠蘿、椰子

一早book咗呢間去試好野，聽講 <蟹籽蟹肉蓋飯配甲羅燒> 係必試架!我同朋友去叫咗2個set dinner ,一個係  "蟹籽蟹肉蓋飯配甲羅燒"  同 "無花果巴馬火腿pizza"從未試過無花果同巴馬火腿呢個組合。一於試下!蟹籽蟹肉蓋飯配甲羅燒 (推介🌟🌟🌟🌟🌟)白飯上面有好多蟹肉同蟹籽再加埋甲羅燒嘅蟹膏!!嘩，啖啖都係鮮味!勁rich!!!而且最重要係抵食~呢個價錢食到咁高質素既野食~ 幸福又黎啦! 真係一定要試+推介*無花果巴馬火腿pizza薄皮，咬落去好脆~ 又估唔到無花果同巴馬火腿呢個組合係咁夾。本身佢有芝士，味道都濃，會感覺好膩，但加埋無花果，令到佢一d 都唔覺得佢好膩~ 好fresh!! 值得一試!!!!Overall: 我會再去幫襯!