飲茶 (已結業)

衝住佢地嘅“睇住流奶”流心奶黃包黎嘅賣相超得意！！不得不說又真係堅流心而且餐具都好得意！燈光好光猛啦，影食物相都靚d，唯一唔好可能就係開係food court隔離人流太多食落發現其他野食都唔錯有色蝦餃同黑面墨餃雖然食落唔係話真係有幾特別啦 但係真係整得好有心機！比普通蝦餃貴少少又真係講得過去嘅😍而最令我驚喜嘅居然係個野菌泡飯我個fd叫嘅時候我仲心諗 泡飯咪好奇怪咯因為我本身係比較鐘意食炒飯嘅 干身少少但係原來佢係脆脆地嘅飯黎 配上湯汁都唔會變霖左 真係正！

其實已不是第一次光顧這間YUM CHA，也試過其他不同的分店，其他分店給我的印像沒有特別深刻，整體都是覺得食物質素也算不錯，唯獨是這家尖沙咀分店，不止一次令人覺得，食物還OK，但侍應的待客態度真的有待改善。總共光顧過 3 次，每次都很強烈感覺到，餐廳員工對香港客人的態度很敷衍、不友善，但對遊客、外國人的態度卻很好（或者因為餐廳是位於酒店大廈內，所以厚此薄彼？），試過很多次，舉手想叫侍應，或者想問些東西，他們都扮見唔到、聽唔到（明明我們就在他面前），到我們再次舉手時，他們才敷衍回答（回答時語氣更是很不友善，沒有眼神交流，回應字數一隻起兩隻止，聽起來很不耐煩，很快便行咗去，完全不想多說的Feel），對我們的服務很求祈，放下任何東西時，都是很沒誠意的放下，令人感覺很差。我和朋友還笑說，如果下次再來，不如試吓一開口便講流利英文，或者普通話，可能這樣才會得到好的服務態度？如果整體員工是對所有顧客都抱著相同態度的話，那都算數，但可惜的事，總共光顧過 3 次，都發現員工只是對香港客人才這樣，對遊客及外國人態度卻很好（上 2 次都當自己唔好彩，但到第 3 次都是這樣，就應該不是唔好彩了）。這一次，我們

名就聽個好多次，食 今次係第一次，不過未必再有下次，同朋友遊逛尖沙咀，當然要醫肚先，朋友想試，我又未食過，就揀定目標《飲茶》地方唔算難揾，不過樓上係酒店，所以疑為行錯地方地方感覺乾淨整潔，可惜冇人招呼，行到入餐廳，其實又唔係好多客人，但冇人理我地，可能係睇唔到，最後，係我主動行埋個侍應度問佢攞位唔知係咪樓上係酒店，所以主要做遊客生意連最基本既招呼都唔覺得有，可能係我《大鄉里》原來叫茶都係寫紙Order，唔問，就真係冇人理，點心選擇唔算多，只係精緻，賣相特別比人打咭.呃like，價錢亦唔平，味道亦好見仁見智，本人覺得就一般，兩個人，六個點心，四百幾蚊，又食唔飽，真心覺得物非所值！

今日lunch去慶生🎂，㨂左間新派地方飲茶 —「飲茶」早兩日已經訂左位，所以一去到就立即入座。環境都唔錯，成大個open kitchen，見到好多師傅係入面埋頭苦幹💪🏿由於放飯時間只有一個鐘(但今日係早走遲返😂)，所以一坐低就拿拿淋點野食📝第一輪食物好快就到，先黎一份小吃併盤：寶石蘭度：其實係羽衣甘藍同埋紅石榴，羽衣甘藍切成薄薄一片本身無咩味道，點上少少醬汁，味道少少咸少少酸，幾好味😋青瓜皮蝦：薄薄既青瓜包住一隻脫左殼🦐，加上少少蒜蓉，味道ok啦，但無咩特別。雞絲拉皮：即係大家平時食既雞絲粉皮，由於我無特別興趣所以就無試到😅，不過賣相都唔錯。呢份龍鬚芥蘭除左外表特別之外，味道都唔錯，夠爽口，好多時出面食到的好多都會有苦澀味😖睇住流奶：流沙奶皇包是也。比好多地方食到既流沙包好味，又夠流心，係甜左少少，但都算係幾好味👍🏼吉川奶子：綠茶味流沙包，食落有陣陣綠茶味，一樣流心，無「睇住流奶」咁甜，好味😋胭脂玫瑰：有淡淡玫瑰花味道，餡料疑似豆沙蓉，不過玫瑰花味太淡了，感覺好一般😐一籠八戒：其實只係叉燒包，主要係比佢個樣吸引而叫，但可惜有位豬朋友個鼻整容失敗🙈近墨者黑：墨魚汁海鮮炒飯，飯粒分明，唔會