稍息

營業中

休息中

。O小姐。偽 和風午茶。日常。閑日冇嘢做，咁梗係要周圍搵咖啡舖啦躺平下..難得嚟到上環，即刻上網睇睇有邊間新開的Cafe先～唔打唔夠，嚟到呢間Relieve…平日嚟唔係好多人，首先你要行幾層樓梯先上到去嘅，入到門口，日系裝修🤩幾好呀，舒舒服服，人又唔多😎佢哋都唔係太肚餓，所以食件蛋糕，飲杯嘢，當自己去咗個旅行🫣先嚟一個蝶荳花海鹽芝士戚風蛋糕🫶🏻 - 蝶豆花就冇味嘅，不過海鹽加芝士又咸又甜嘅感覺，賣相啱晒打卡🤩我自己就叫咗杯培茶Latte - 茶味都唔錯，幾濃嘅，咖啡師個拉花好有心機呀🙈有人叫咗杯Dirty - 污糟兒，又凍又熱的感覺🤣呢間coffee shop都幾啱晒傾偈吹水🫶🏻 可以再幫襯😉 不過如果有set嘅話會抵食啲😅

上環昭和風咖啡店店內以扇紋花磚為主配上彩繪玻璃窗、洋吊燈同可愛的嘅貓貓裝飾超復古～ 食物有日式定食、炸物同手作蛋糕等好有特色 ▫️香煎三文魚扒定食🍱三文魚扒煎得好香口 直接醮味噌醬，味道甜甜的再加啲檸檬汁更清新 定食仲有足料嫩滑茶碗蒸、漬物同鮮甜蜆湯另外加嘅日本醬油蛋蛋黃味道好濃郁，伴飯食正 ▫️明太子雞翼係去骨嘅釀雞翼，好脹卜卜焦脆外皮配上濃郁明太子醬香口微辣，好惹味雞肉餡超多汁 ▫️蝶豆花海鹽芝士戚風蛋糕🦋淺藍色嘅蛋糕好少女心配上鹹香嘅海鹽芝士奶蓋，口感豐富蛋糕口感鬆軟，加埋麻糬餡有驚喜～ ▫️焙茶拿鐵杯子很美焙茶味夠香濃，口感順滑 ▫️抹茶拿鐵 🍵抹茶控表示可以再濃啲奶味較突出

完成工作上今年最重要嘅小事，同好友來稍息 ... 稍息☺️呈富士山樣子嘅蝶豆花海鹽芝士戚風蛋糕除左好適打卡之外😆味道上更俾我驚喜🥰剛入口時無太大嘅感覺，心諗「咪就係蛋糕囉，好似有啲乾」，但食到海鹽芝士麻糬餡料時，愈食愈滋味👍🏻他們嘅自家製飯糰 (明太子和芝士各一) 及「昭和之富士山」飲品都相當可口，並非單純俾人「打卡」嘅食物喔😋下次再同好友來稍息以及試定食🥰