海港薈

營業中

休息中

為免冬至正日酒樓人多又加價，提早平日跟家人做節。之前媽媽跟親友在海港薈飲過下午茶，說味道不錯，想做冬晚餐定在這裡，老人家既然有這要求，為有遵旨。＊＊＊＊＊＊＊＊＊＊＊＊＊海港薈所在的北京道1號，出名多高質中菜廳，而海港薈竟敢落戶於此，想必也有一定份量。’海港薈走新派酒樓路線，因為要配合平日的婚宴場地要求，牆上藍底花卉圖案，令具氣派的裝潢多了一份田園風格，透過落地玻璃，食客還可以俯瞰璀璨的維港夜景。餐具都有花卉圖案，跟酒樓的裝潢互相呼應。餐牌內全部餸菜都圖文並茂，令食客對餸菜更清楚。除了常見的中式小菜外，這裡亦有不少新派中菜，如以羅馬生菜、黑豚肉、黑松露......入饌。金磚豆腐粒($42)金磚豆腐炸皮夠薄，內裡的豆腐夠滑，椒鹽味突出，鹹鹹香香，很惹味。陳皮豆豉炒蝦球($168)這個炒蝦球絕對是無可挑剔，因為蝦球本身非常新鮮，蝦肉超級爽彈結實，陳皮和豆豉的味道亦點到即止，不會過重搶去蝦球的鮮味。蝦籽蔥燒原條黃玉參($268)黃玉參足有一隻前臂般長，份量十足，旁邊再以大蔥和西蘭花作伴碟。黃玉參放在小火爐上奉上，所以能一直保持熱度。黃玉參煮得夠腍又入味，只是略嫌過了一點火喉少了黃玉參的彈口感

今晚同老公一齊再光顧這間我們結婚擺酒的酒樓，原來已經改了做海港薈，佈置同之前的分別不大，都是有無敵維港景。酒樓主要以散叫小菜為主，另外臨近冬至，還有些做冬套餐。店員先送上小食醃酸蘿蔔，蘿蔔爽脆，酸酸甜甜幾開胃。金磚豆腐粒豆腐炸至表面金黃，外面香脆，裏面嫩滑，而且新鮮即炸，咬入去還冒煙。蝦籽蔥燒原條黃玉參原條海參表面灑上蝦籽，海參煮得又腍且入味，質感腍中帶點爽，蝦籽卜卜脆。陳皮豆豉炒蝦球以陳皮及豆豉去炒都是第一次見，但味道竟出乎意料地夾，豆豉咸咸香味跟陳皮甘香滲入蝦肉內，蝦球新鮮大隻，爽口彈牙，送飯一流。

表弟同佢女友拍左拖雖然唔係好耐, 不過已經認定左對方, 表弟更於上月趁旅行時成功求婚。由於舅母只得呢個心肝寶貝, 對佢嘅婚事非常緊張, 所以拜託我同老婆幫幫手同表弟打點佢嘅婚禮, 今日我地就約埋去呢間位於北京道1號新開張嘅海港薈食返餐, 睇睇適唔適合佢地搞婚宴。我地6點半左右已到海港薈, 一到餐廳已經俾呢度嘅環境吸引左, 側邊全落地玻璃外望無敵維港海景, 店員樓底高, 配合簡約而典雅嘅裝修, 環境非常舒適。另外, 餐廳大堂完全沒有柱位, 掛滿水晶燈,  主禮堂又有超巨型嘅屏幕,  好適合用作婚宴場地。餐牌圖文並茂, 設計精美, 菜式選擇都幾多, 價錢合理。我地點左一條黃玉參, 兩客前菜, 同埋兩款小菜, 加多個飯, 4個人應該好夠食。😁黑松露煙燻蛋$42煙燻蛋煙燻味濃, 唔會太咸, 流心蛋黃都好入味, 配上黑松露, 味道好夾。😋酒糟鴨舌 $52$52呢碟鴨舌有差唔多20件, 份量超多, 鴨舌吸滿左酒糟, 酒味香濃, 口感彈牙, 非常惹味。蝦籽蔥燒原條黃玉參 $268黃玉參比我地預計大條好多, 口感非常軟腍, 而且好入味, 表層舖上蝦籽, 令鮮味更突出。👍脆皮咕嚕黑豚肉 $128用黑豚肉