鴻星中菜 (MOKO新世紀廣場)

營業中

休息中

走到新世紀廣場已中午一點九，想飲杯茶吃個包， 就上6樓鴻星酒樓，早巳大排長龍等入座，我即刻取飛等候，職員告知派發的飛係兩點下午茶時段，多等10分鐘已可入座。最後未夠兩點已安排入座，過程流暢，雖然人多但唔混亂。魚湯浸白菜 ，魚湯呈奶白色， 魚湯味鮮甜而且白菜都浸得好入味。點心拼盤有蝦餃、燒賣、蟹肉餃、潮州粉果各二，滿足到款款都試下既心態，蝦餃彈牙但唔大隻， 其餘都不過不失。 叉燒腸粉， 皮略嫌唔夠薄，但叉燒入味，尚算合格。 燒味三款，燒肉皮脆，叉燒三肥七瘦但都冧，淆肉酒味香濃，三款都做得不錯。蝦多士，這款懷舊點心已好少洒樓有做，多士做得香脆鬆化，蝦膠足料。