Goobne Chicken (The Hart)

營業中

休息中

話說，本身同朋友約喺佐敦見面，行黎行去都諗唔到食咩，突然靈機一觸，好似好耐無炸雞啤酒，我們一行三人由佐敦行去尖沙咀食實在太想食！事隔年令，又再一次黎到Goobne，晚上9時依然滿座需要等位，可能大家都預計了明天八號風球，不用上班！上次試過辣味，今次出了一款<新口味> 重芝士，原諒我太耐無去過，唔知係咪新出！還點了一個粉絲Egg roll，同三杯鯊魚飲品！重芝士雞: 連我不太好芝士都接受到的，有點似芝士圈味道，不算太膩！雞肉依然滑滑，外皮炸得不口！不錯！蛋卷: 正，不膩！鯊魚飲品: 名聲過大，太甜，又貴，不過勝在可選擇有/無酒精！

即係咁，芝士雞啲多重芝士粉真係好味嘛，再食，今次去尖沙咀店食，都係等位等到傻，不過呢尖沙咀呢間無咁迫，同埋有真韓仔做侍應，好喇食呢，叫蜜糖雞先再食芝士雞唔好搶左味嘛，蜜糖雞有啲乾，cider好味過鯊魚酒，魚糕湯好多唔同樣一樣味既魚糕，又叫蛋卷中

吃過三次，試過尖沙咀同旺角店。。都是尖沙咀店好味d....常常都排長龍。因此我都醒目！打電話book定6:15pm食！這餐韓國菜幾好食！三個女生叫兩餸其實都已經好飽架啦！點菜撞正係韓妹侍應，要用英文，不過其實指了餐牌都得，身體語言是國際性架嘛，哈哈！ 蛋卷正，內有粉絲、青瓜、紫菜等等。最特别是上層的醬料，好惹味，令人停5到口，但已經飽左半個胃。 蜜糖咖哩烤雞🐔係食過最嫩的雞😍小妹5食得辣之唯一選擇！蜜糖味較重，咖哩味會少少地滲出來，但我5食咖哩都接受到！如果鍾意咖哩味重d的朋友，旁邊也附上一小杯自行加味！還有膠手套可以戴來食，幾貼心！ 鯊魚特飲特别解辣！其實上述食物，我都覺有dddd辣，但這杯岩晒！我揀左無酒精，好像好飲d....鯊魚血是紅莓味的，酸酸甜甜。。其實我好想買走隻鯊魚架！ ps..今次幫朋友慶生，外面帶來的生日蛋糕，是不會收切餅費的！

星期六6點半來到, 一出lift已經好多人等位原來不可以訂枱, 齊人先入得好在我地已經齊人, 等左15分鐘已經入得, 前我地十張飛全部未齊人唔入得... 大家記住叫朋友們早點到btw, 餐廳前身唔知係唔係做石燒??間格有點熟悉..坐係露枱位, 有幾盞暖燈但 cover唔晒全部枱, 唔夠暖, 同埋對住對面大廈, 感覺麻麻3個女仔跟住openrice叫左3樣野食, 2杯鯊魚飲好大杯, 不過又好似唔夠飲, 有酒精成份, 但唔覺苦, 條鯊魚好過癮 見好多人叫apple cider, 但諗住7仔都有, 就冇試到蛋卷好食, 侍應推介有粉絲蛋卷, 忘記價錢了蜜糖炸雞係令我失望的, 不是不好食, ok的! 但如果說出名的是炸雞, 不會想再來..有骨, 其實都算多骨..我開口說好多骨, 另一位朋友都認同ribs, 忘記了菜式名稱芝士底, 放落枱5分鐘後已經開始變硬, 要用叉剷起先食到, 跟分開食ribs n cheese冇分別總括來講, 不是不好食, 好食! 但冇想像中咁好食..唔太抵食

今次係第二次再黎呢間餐廳上一次都係心血來潮想食炸雞 見到好多人都話呢間餐廳好正 就黎左 果然正正正今次係男朋友媽咪生日 決定再帶佢地一家人黎食個日7點半度黎到  已經塞滿曬人 其實呢度比人企係度等位既地方真係唔多 所以都係我一個係度等差唔多到先叫佢地上黎 最後等左個幾鐘 終於入到去食喇蛋卷 份量好大 好正原味炸雞 好熱辣辣咁送上份 個人覺得吾點醬仲好味 但有樣吾好係要叫侍應先會提供手套好味 有好重橙味 但去到底有d甜炒豬手 好嫩好焾

我同我男朋友最唔鐘意等位，好彩呢度可以訂位！去到我見到超多人係度等緊因為得90mins用膳！所以我快快手手叫咗先香酥燒雞，d皮係脆嫁！冇好厚既粉槳，加上又薄又脆既雞皮，裡面仲有少少係好少既咖喱味。。。好惹味。甜辣雞，燒雞配甜辣醬，簡直係絕配蛋卷，真係冇咩特別，藍色飲品，味道好似日本梳打水加檸檬既沙冰總括黎講！我鐘意食燒雞多過炸雞，都係果句感覺上冇咁肥，實際上真係少好多油既

同朋友5個人黎食飯，環境唔錯，少少嘈，都座得舒服。最好係有得book位唔洗等!叫左2款雞，原味及甜辣醬（sweet and spicy)味, sweet and spicy 好好食。原味都唔差，佢的雞好嫩~唔會乾。個年糕好辣，我接受到不過有朋友唔得，怕辣唔好叫。順帶一提，佢地唔提供水，要買支裝$8支，我地最後叫左jar Lemon Soju, 味道都唔錯，易入口。整體唔錯，想食韓國野會再黎，唔洗去別家排隊了^^

與韓國友人在街上走，她興奮的指著這家店的招牌說，韓國也有這一定，很好吃。默默的把這家店放在TO EAT LIST中，終於有機會去試一下！這家店標榜用烤的方式烹調，所以較為健康。侍應生都英文很流利，服務速度蠻快的！讚！蛋卷 - 有點小微妙的感覺，蛋皮包著蟹柳腸仔等等，有點小學壽司的FEEL...沙律 - 紅腰豆粟米車厘茄蔬菜....感覺就是....沙律韓式烤雞 - 很！好！吃！看菜牌時看到這用青陽辣椒醃制，有點小擔心會不會太辣。誰知那個辣度根本就是剛！剛！好！很惹味很好吃！烤的手法讓皮不會沾上炸漿，但又烤得可以爽脆。雞肉肉汁被鎖住，雞腿那個滑嫰啊!!!!甜酸烤雞 - 追加的一碟。這個也好吃，但比起韓式烤雞有點小遜色。這個甜辣味道跟其他店的稍有不同，但還是蠻惹味，有FINGER LICKING的效果。

心血來潮想食炸雞試下呢間新餐廳佢個香酥烤雞不得了非常惹味香口又辣辣地好過癮唔怪得係招牌菜！超正！係我同朋友一致認為食過最好味的炸雞之一然後唔夠喉再叫了個辣味烤雞嘩救命辣到飛起個種辣係久久不能散個種辣到我眼淚都標埋我平時都鐘意食辣但呢種辣真係神級大家鐘意可以過下癮但有心理準備會噴火另外試了蛋卷係幾得意味道不錯呢間野賣點係烤雞不是炸雞 但其實食落都幾有炸雞感覺勝在唔會油淋淋會再幫襯但辣味烤雞真係好可怕