瀧

營業中

休息中

外國公司作風新派，就連春茗地點都一反傳統地揀咗間天婦羅專門店「瀧」，全因晚市推出嘅六八折剛好符合預算！佔用面積全層嘅日本餐廳光鮮企理，正門身後為師傅個大舞台。多人派對包哂圍繞著開放式廚房嘅高櫈吧位，食物煮好即可享用，夠哂熱辣辣！吧位身後有條海龍升天，繪出「瀧」字，霸氣十足！晚市餐牌上共有兩個選擇，其一為指定套餐「瀧」（$1,380/位），其二為可與廚師商討自定內容嘅「雅」（$980/位起）。主人家早已訂好菜單，埋位只需揀靚杯飲清酒。每位席上擺有自用餐具及濕紙巾。細心睇多兩睇，發現筷子原來係某日本木匠曾經講過最好揸嘅五角形款式，店主似乎有啲料到喎！等待天婦羅時，先有清脆嘅枝豆送酒。前菜中嘅萵筍蟹肉清甜爽嫩，三文魚籽於口腔內爆裂，即有提鮮之效。四式頭盤應建議由左邊嘅水雲杯起，逆時針方向食。勁酸嘅水雲醒神開胃；以味噌自家醃製嘅芝士可以話係另一類嘅重口味，好芝士嘅人就勁啱；節令嘅螢光魷魚好爽脆；橙碟上嘅海膽豆腐則芳香幼滑，最合個人心意。呈奶白色嘅鯛魚湯鮮濃甜美，暖胃非常。進入天婦羅環節，Barry師傅先介紹配點嘅四款調味，下圖左起分別為天然鹽、咖哩鹽、檸檬汁、蘿蔔蓉。打響頭炮一貫傳統地由靚蝦開

慶祝BB生日，特登揀左間中環嘅高級日本餐廳食Omakase。入到店面好快就被安排左係omakase檯前坐。食Omakase其中一樣食嘅，係食服務。服務都幾周到，一開頭比齊menu同濕毛巾。揀完食咩餐，一場長達三小時嘅食飯體驗就開始啦～前菜係松葉蟹蟹膏配昆布暏哩。一坐低就有蟹蓋食，超開心！！蟹膏加埋啫哩，口感好得意～第二道都係前菜：有柚子豆腐、甜薯、芥末魷魚同海膽鵪鶉蛋。當中最欣賞係個豆腐，真係好香柚子味，一擺落口有好fresh感覺。之後有湯濕濕個口：蜆肉清湯。其他餐廳或者只會有一隻蜆，但呢道比夠3隻！清有好清甜，好味！之後就到我最鍾意食嘅刺身啦！有平政魚、池魚同拖羅。當中大拖羅真係正到震！層油好肥好香，完全做到大拖羅應有口感！平政魚同池魚都非常新鮮。掂啊！下一道係子持魷魚。入面係滑珊珊嘅..老實講唔係好慣，當自己食緊秋葵咁，不過個汁好好食，好濃好似燒汁咁。經理話呢個係季節限定，當係試吓新嘢～已經數唔清係第幾道菜：慢煮豬肩。望落已經知道好淋好食，食落有炭燒味，而且煮到好軟，真係名符其實慢煮嘅料理！ 都幾有驚喜！望住師傅點蛋漿，就知道食天婦羅時間到啦！調味料有普通鹽、芥末鹽、檸檬同蘿蔔蓉。

開心星期五係應該放任一下食豪d，獎勵自己🤭朋友推介呢間位於中環既瀧，話呢到既tempura十分味美，而且環境好好。 果然無推介錯，餐廳環境感覺好private，唔太大唔會好多人，食物質素高，食材新鮮👍🏻👍🏻紅衫魚天婦羅配海膽汁海膽汁用新鮮海膽打成汁淋上新鮮炸起既紅衫魚天婦羅，舌尖的享受🤤 紅衫魚魚味偏淡但炸得好好食海膽汁十分鮮甜👍🏻👍🏻👍🏻秋刀魚天婦羅主廚話得佢會將秋刀魚做成tempura，第二度食唔到🤭 加入左紫蘇葉同梅醬，將秋刀魚卷起再炸到三成熟，味道出奇地夾同好食，梅醬酸酸地更能帶出秋刀魚鮮味🉐🉐🉐全部天婦羅都係師傅即製即炸，所以十分新鮮！蝦天婦羅🍤粉漿好薄，蝦唔大隻但尚算鮮甜，沾上少少鹽已經好出色蝦頭沾上咖哩鹽，味道比蝦身味道更鮮更濃😍蠔天婦羅用左青椒承住生蠔再炸，青椒可以兜番住蠔汁，更原汁原味唔需要沾任何調味料已經好鮮味蠔唔係炸至全熟，口感好好松葉蟹、海膽、蟹膏🦀海膽好鮮甜蟹膏好鮮甜松葉蟹好鮮甜撈埋黎食更鮮甜😍🤤北海道白玉粟米 - 生食粟米，好新鮮好甜☺️ 鴨胸 - 帶酒味，肉味濃郁花螺 - 爽口彈牙，味道偏淡Main course - 熊本牛肉🥩左邊三片係牛肩肉，用慢煮方式

專做天麩羅嘅日本料理店，今次嚟享受吓佢地嘅行政套餐。一入門口，有幅以龍為主題嘅日式壁畫，對住張開放式長桌，係Omasake店嘅指定設計，等你可以睇到職人們預備材料，有多啲互動，店面唔大，最入面係包廂。行政套餐($688加一)包括先付，前菜，特上刺身，天麩羅，合肴，食事，甜品。一道一道咁上，份量唔算多，但始終午餐時段比較忙，要預多少少時間等候。先付係以水雲加純菜啫喱，伴以山葵醋做成嘅杯裝小品，咸酸度剛好，純菜同水雲都係爽脆度高，較有咬口，再加醋酸提高食欲，係一個好好嘅開始。前菜係紅白魚糕(下)，配上柿同紅白蘿蔔漬(左)同水母加細蔥酢(右)，酸甜適度，裝盤亦更別緻，再加強食欲。刺身三味：甜蝦，赤身，野生油甘魚油甘魚非常鮮甜，比赤身鮮度更濃。天麩羅有甜蝦，沙追魚，瀨尿蝦，公魚，粟米芯，南瓜，配上海鹽，咖哩粉，檸檬汁，及九洲加靜江已調味蕪菁。沙追魚同瀨尿蝦都充分表現到其鮮味，肉汁亦充分保留，脆漿夠薄，如果天麩羅脆度同熱度都可加強就更為滿足。合肴為雞湯關東煮，雞湯鮮甜度充分滲入魚糕，豆腐，雞蛋內，湯底的確不俗。食事為天麩羅蝦餅飯及蕎麥麵蝦餅蝦隻數量不少，亦非常爽彈，配上日本珍珠米，滿足！蕎麥麵配