Casamigos

近排真係幾喜歡食西班牙菜，原來銅鑼灣都有好多間。依間設有室內和戶外座位。室內食客滿關係，唯有坐戶外啦。美食有好多選擇，見有好Tapas，可以試試。蕃茄鯷魚脆包 $75一客三件，多士香脆，鯷魚柔軟，加上酸甜蕃茄，美味開胃。香脆甜椒煎蟹餅 $128蟹餅外層香脆，內裡絲絲蟹肉味道鮮美，仲食到甜椒粒增加口感，而醬汁辣辣地幾惹味。茴香茄醬煮藍青口 $138青口肉唔多， 勝在多隻，味道鮮美，配以茴香番茄醬汁，味道香濃，好食。西班牙海鮮飯 $298海鮮飯香噴噴，大量海鮮配料令飯好鮮美入味，青口、大蝦和大蜆皆見，仲有蕃茄、青檸檬和橄欖，整體美味。紅絲絨油條配士多啤梨朱古力醬 $88油條口感酥脆，朱古力醬甜美，充滿芳香的士多啤梨的酸甜味。Red Sangria $98西班牙特色cocktail，紅酒帶有果香，大量果粒，味道清新。…查看更多

好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗冇幾耐之前食過西班牙Tapas 食得好開心，好鍾意 Tapas 細細碟可以試好多款嘅感覺。今次同朋友食飯，我揀咗另一間西班牙餐廳試吓！餐廳有室內同室外空間，室外感覺好似 chill D，有風機，但依家天氣仲係有少少熱，都係坐室內😂Tapas 嘅選擇好多，飲品list 好長，迷惘緊飲咩好，問店員有咩推介，店員安排咗調酒師介紹，問我哋飲唔飲酒，酒精濃度高低，有咩喜好後，就tailor-made兩杯cocktail，special tailor cocktail $168 一杯，比起menu 嘅cocktail 只係多$10就有tailor-made，感覺好正～🍴Pandora's box顏色好靚，係漸變嘅顏色，上層係Tempranillo (紅酒)，上網睇，原來呢款係西班牙國寶級嘅葡萄品種。下面係Gin + Campari + Chambor，另外再加蛋白同橙汁，呈現帶紅嘅橙色。第一啖飲落去係溫和嘅紅酒味，之後再飲，混合咗果香味，口感好滑，好飲！🍴Lady from Ulanara 調酒師話 Ulanara 係一個中國嘅姓氏，上網睇原來係滿州八大姓氏之一！呢款酒係 Gin + Branca Menta，另外仲有黃桃、蘋果汁同青瓜，杯酒係好清嘅金黃色，有種貴氣感，一飲落去，味道比較甜，非常易入口，好爽身嘅口感，呢款好好飲！開頭聽到Branca Menta 係一款甘草味嘅酒時，有少少擔心會唔鍾意個味，但原來佢嘅輕盈甘草味同杯酒係好夾！我覺得調酒師設計飲品好有心思，呢款酒嘅感覺好有貴氣皇族美女嘅外觀同味道～凍Tapas：🍴蕃茄鯷魚脆包（$75）有人好鍾意鯷魚，有人覺得好嗅唔鍾意，我唔記得自己有冇食過，就叫呢個試吓！我先試咗一啖鯷魚，鹹鹹香香味道都唔差，冇嗅到怪味，夾埋新鮮番茄莎莎同蛋黃醬，balance 到清新同濃味，加埋好香脆麵包嘅口感，好味！🍴椰香帶子八爪魚刺身薄片（$118）之前見嘅八爪魚凍Tapas 好多時都係配番茄橄欖油，呢款比較特別，係帶子同八爪魚刺身，仲有椰子蓉，刺身上面有椰子肉粒，口感上豐富D，椰子味亦比較輕盈，唔會蓋過兩款刺身嘅鮮甜味～🍴塞拉諾白毛豬火腿（$108）呢款係24個月嘅火腿，Jamón 係後腿，油香肉香比較均勻，24個月係中度風乾，薄薄一片唔會太乾仍然頗柔軟，鹹香味十足又唔會過鹹，送酒一流！熱Tapas：🍴蠔仔蛋餅配芫荽蛋黃醬（$130）本身對西班牙蛋餅已有既定嘅概念，諗緊加蠔仔好似有D 攪笑，但又令我非常好奇所以叫咗。外觀好似冇咩特別，但食落非常有驚喜！切開，入面有蛋醬流出嚟，跌咗大大隻非常飽滿嘅蠔出嚟，一啖咬落蛋餅，個口感好好，因為薯仔係一層層薄片，入面都有芫荽，但唔算好濃味，蛋汁加醬汁好creamy，真係驚喜又好味！最攪笑係，同行嘅朋友一D 都唔鍾意芫荽，雖然未至於完全放唔到入口，但會盡量避免，所以蛋餅上嘅芫荽由我攪掂！但係，佢竟然話入面嘅芫荽夾埋薯仔蛋餅同蠔係好好食，芫荽有佢嘅存在價值😂🍴香脆甜椒煎蟹餅（$128）開頭見到3粒細細粒，感覺好似好貴咁，但切開之後見到一絲絲嘅蟹肉係勁多，即刻覺得冇揸流灘！蟹餅好香脆，個醬汁帶辣味，令個蟹餅味道更加惹味！🍴茴香茄醬煮藍青口（$138）青口份量都幾多又夠飽滿，茴香番茄醬好濃厚，我覺得有落 chorizo～ 🍴炸布利芝士（$88）外面香脆，咬開時要小心，入面好熱，非常夠鹹香味呢～ Main：🍴西班牙烤乳豬 1/4（$398）乳豬皮好脆，咬開時會聽到聲音，肉桂蘋果醬可以減輕豬嘅油膩感！Sweets：🍴紅絲絨油條配士多啤梨朱古力醬（$88）油條外酥內軟，士多啤梨朱古力醬，我感覺係士多啤梨味比較重，類似2/3，酸甜味比較突出，朱古力嘅濃厚味係個 base，配埋有肉桂砂糖嘅油條好夾！呢間餐廳將一D 比較傳統嘅西班牙食品，作fusion 變化成為餐廳獨有嘅菜式，係幾特別又出奇咁夾，環境舒服有情調，店員嘅服務一流又細心，係一間會回頭嘅餐廳！記得一定要訂位，因為平日夜晚室內係full house，室外都有7成嘅入座，walk-in 可能只有室外位呢～☆My IG @tracyloveliving ☆…查看更多

🐟蕃茄鯷魚脆包 $75•Tomato Anchovy Crystal Loaf•脆包有蕃茄墊底，配上酸酸甜甜油浸醋既鯷魚，口感豐富，作為小酌時既開胃小菜非常適合😉-🦪蠔仔蛋餅配芫荽蛋黃醬 $130•Tortilla De Ostra con Cilantro Aioli•呢款蛋餅同傳統既西班牙薯仔蛋餅唔同，佢係運用左蠔仔同芫荽既fusion菜，驚喜地非常夾，蠔仔同芫荽份量都好多，我地超級鍾意，係一道絕對值得encore既菜😍鍾意食蠔仔同芫荽既朋友仔一定要試😎-🦆油封鴨髀伴橙香醬 $220•Orange Ginger Glaze Duck Leg Confit•外脆內軟既油封鴨髀，肉質鮮嫩，配上甜甜既橙香醬，口感十足，值得一試😋-🥘西班牙海鮮飯 $298•Seafood Paella•去到西班牙餐廳就梗係要食番個西班牙海鮮飯啦😝以番紅花調味既飯同好多新鮮海鮮烹煮而成，每一口都感受到海鮮既鮮味，絕對係必食之選🤤-🍫紅絲絨油條配士多啤梨朱古力醬 $88•Red Velvet Churros w/ Strawberry Chocolate•Red Velvet Churros非常特別，再配上酸酸甜甜既士多啤梨朱古力醬，好好味😚-🍹Bailey’s Blush $148🍷Red Sangria $98✨值得一題，餐廳既Staff真係超級nice👍🏼服務質素一百分💯…查看更多

星期日晚同朋友去銅鑼灣食飯，之前上網見到西班牙餐廳「Casamigos」好似唔錯，又可以順便飲杯嘢，就訂定枱試吓😆。餐廳環境幾好，室內面積雖然唔大，不過裝修靚，而且掛滿聖誕裝飾，氣氛一流🎄。另外，佢仲有室外座位，但天氣凍，我就無出去喇。呢度主打西班牙菜🇪🇸，即係唔少得Tapas小食啦，款式都幾多，涵蓋熱食同冷盤；另外亦有主食同甜品。店員們非常有禮貌，並會主動介紹菜式。八爪魚古斯米沙律配雪莉醋汁($108)，🐙呢款沙律唔係齋食菜，而係以八爪魚同古斯米為主角，後者口感有啲似藜麥同小米，再混入粟米、蘿蔔粒同鷹嘴豆等，再配以甜甜酸酸嘅雪莉醋汁🍐，成個組合幾新穎，又得意。松露火腿芝士三文治($88)，西班牙好流行呢種Bikini三文治👙🥪，麵包外層烘至微脆，內裡同時又好軟熟。雖然三文治望落好似薄薄哋，不過餡料其實好足，芝士流心效果強勁🧀，夾住火腿同雜菌，鹹香味濃。蕃茄鯷魚脆包($65)，🥖脆包一客有三件，上面嘅鯷魚用油醋醃製，所以味道偏酸，好醒神開胃🐟。比較有驚喜嘅係個脆包，因為真係脆到一個點，脆過薯片，好誇張！薑味橙香橡果黑毛豬鞍架($238)，店員特別提及豬鞍係慢煮🐷，所以肉身呈粉紅色，但其實唔係未熟㗎。豬鞍扒肉質細嫩，帶少少脂肪，食落更顯多汁。調味係橙薑味🍊，味道都幾自然，少少甜。伴菜有煎新薯同一啲菜葉，但就略嫌油咗啲。紅絲絨油條配士多啤梨朱古力醬($88)，我相信大家都對Churros唔陌生😉，好多餐廳都有得食，而呢度嘅製作好有誠意，就連粉團都係自己差。油條外層蘸滿砂糖脆卜卜，搭配嘅士多啤梨朱古力醬好重莓味🍓，幾特別喎。飲品方面，我哋本身想飲Sangria，但見啲Cocktail🍸好似幾正，就改變心意，而出品更係出色之作。右邊係Tiramisu($168)，佢係飲品版嘅提拉米蘇☕️，上層有咖啡粉同軟滑馬斯卡邦芝士，口感幾可亂真，另外仲Keep住飲到白蘭地嘅香氣。另一杯係無酒精嘅Satun's Ring($108)，佢係由阿華田、椰奶同薑餅整成🥥，幾款食材嘅味道都好平均，好飲得嚟又有特色，絕非茶記凍華田，哈哈。總括嚟講，呢間餐廳各方面都幾好👍，菜式選擇多，食物味道不俗，價錢就稍為高啲啲，但都OK。就算唔食嘢，都可以嚟打卡飲杯Chill吓啊🍹！…查看更多

最近喜愛探索唔同口味嘅菜式今次輪到西班牙菜 所以嚟到Casamigos頭盤先要一個松露薄燒牛西冷沙律($128)通常食沙律都要酸酸甜甜 但今次松露味好香 配沙律好fresh 加上薄西冷 咸咸地幾開胃除此之外可以試吓蕃茄鯷魚脆包($65)麵包吸收左鯷魚鮮鹹香嘅滋味 同蕃茄出奇地夾炸布利芝士($88)+香脆甜椒煎蟹餅($128)兩樣都係超級出色嘅小食😋前者雖然重口味 但係芝士味好濃郁後者外脆內軟熟 啖啖蟹肉 食多舊都唔覺漏！再嚟我最中意嘅蒜蓉白酒汁煮蜆 ($110)滿滿嘅蒜蓉鋪滿喺蜆中間 但冇蓋過蜆鮮味反而醬汁好吸引惹味 我好LIKE😍當然唔少得main dish 我地揀左比較特別薑味橙香橡果黑毛豬鞍架 ($238)絕對性價比高 豬鞍架肉質鮮嫩 唔會嚡熠熠特別之處就係配菜 羽衣甘藍係炸嘅！最後甜品紅絲絨油條配士多啤梨朱古力醬 ($88)熱辣辣嘅油條裏面係好似蘋果批嘅餡沾上自家製嘅士多啤梨朱古力醬 香甜好味☺…查看更多