天虹海鮮酒家

營業中

休息中

天虹海鮮酒家簡直係南丫島索罟灣嘅landmark，老公一直都好想試，於是就喺平日攞日假，享受一個寧靜嘅南丫島之旅。因為都打算去天虹食飯，所以預先已經預約咗天虹專線，由尖沙咀碼頭上船出發，直達南丫島索罟灣。雖然係平日，但都不乏捧場客，所以都有各式各樣嘅海鮮擠滿每一個魚缸。枱上已經預先放有調味醬，食過覺得好味嘅仲可以即場選購。我哋叫咗個二人餐，首先係牛油焗龍蝦，龍蝦嘅size唔算好大，但肉質仍然新鮮彈牙，仲有好多蝦膏，用牛油煮過之後特別香濃惹味。椒鹽賴尿蝦王都幾大隻，比我嘅手掌還要大，而且炸得香脆，基本上連殼都可以食埋。賴尿蝦肉唔算多但係就好鮮味，再加埋炸得脆脆嘅蝦殼簡直係絕配。之後就輪到食鮑魚，其實只係簡簡單單加咗陳皮、蔥絲清蒸，再淋上豉油，都已經夠晒味，鮑魚就夠新鮮彈牙！粉絲蒜蓉蒸扇貝就比較遜色啲，扇貝比較乾身，而且蒸到有點縮水，味道就尚可。炒菜好多蒜蓉。炒飯有兩隻大蝦，然後就係叉燒、炒蛋同埋大量蔥花， 唔食蔥嘅朋友記得要走葱。呢度有得叫椰青，坐喺海邊飲住椰青都幾爽！最後仲有甜品，係每人兩粒雪米滋🍦今日終於一償老公嘅心願，嚟到南丫島天虹食海鮮餐，始終呢度係做遊客生意，我覺得價錢都比較貴

因為有免費船來回索罟灣，一行7人，慳番二百幾船費，揀左喺天虹開餐！晚餐前食左豆花茶菓，只點了3-4人餐＋蒜蓉粉絲蒸扇貝(每人一隻)＋辣酒煮花螺＋炒飯套餐內的菜式整體不俗，味道好，份量都幾多，４人一定食到飽  蒜蓉粉絲蒸扇貝－蒜蓉粉絲夠多，蒸嘅時間幾好，呢味唔錯 辣酒煮花螺－好奇怪的辣酒，其顏色跟葡汁好似，有洋蔥一齊煮，有辣味但無酒香。友人不贊成反影意見，免得換湯不換藥。但二百幾蚊，分量少，Ｄ螺又細隻，唔值

上一次黎南丫島行是吃天虹，今次公司攪行山團，也是吃天虹。但不是同事今次說，我也不知道一家在南丫島的海鮮酒家，撚手的，竟然是菠蘿咕嚕肉。其實南丫島行山很容易，一小時正常必定行得完，要注意就是出發點，你應該選定從索罟灣出發行到榕樹灣，還是相反，如果你的其一目的是吃，那你就要想想是先吃後行還是先行後吃了。是日為公司包團，所以是免費，但同事話價錢唔算貴，我印象中上次黎食海鮮都唔係話十分貴，但上次印象味道只是一般，可能是期望過高吧。先黎白灼蝦，蝦新鮮唔在講，但始終是養蝦，蝦味始終差ｄ，同埋唔知係咪當日全場爆滿的關係，感覺是蒸定了或蒸耐了，過左火位自然沒那麼爽口，完全是新鮮搭夠。椒鹽鮮魷很不錯，粉唔厚但平均，包得晒件鮮魷又唔會甩皮甩骨，鮮魷唔老，個人覺得是很高水準的鮮魷，再配甜酸醬，食下食下不其然食多幾件。油鹽水花甲錯不在花甲，錯在殼和肉不是一比一，唔排除係因為大鑊煮，我地ｄ花甲去左第二碟，但也真是太多齋殼了；油鹽水也不夠濃，可以再多少少鹽花提出花甲的鮮味，但單只花甲絕對是夠鮮的。蒜蓉粉絲蒸扇貝已起內臟，只留下帶子柱去蒸，蒜蓉粉絲都好足料，入味的蒜蓉粉絲搶去不少風頭，好此味的朋友一定吃得過癮。豉椒