帕維亞意大利餐廳

營業中

休息中

九龍城最岀名應該係佢嘅泰國菜同潮州菜，兩樣我都好鍾意食，不過九龍城將會大規模重建，咁就趁佢重建之前試多幾間餐廳，今日呢一站就係呢間叫Pavia嘅意大利餐廳。唔知食咩好問咗職員有咩推薦，佢介紹我哋每人叫個Set Lunch，套餐包餐湯或沙律同埋一份主菜，咁我哋叫咗一人一份套餐，另外再加多份意大利雲呑。餐湯同沙律我哋一人要咗一樣，沙律係蜜桃鴨胸沙律，沙律同醬汁分開上，個醋汁酸酸哋食落相當開胃。餐湯係薑汁甘荀湯，我咁大個人未飲過薑汁湯，味道又岀奇地夾。另外前菜會跟埋四片蒜蓉包，冇乜咩特別不過勝在夠熱。成餐最貴嘅就係呢碟雲呑，仲貴過主菜，個雲呑比較特別之處係佢隻餡，一般意大利雲呑都會用肉類或者蔬菜加芝士做餡，餐廳用咗帶子同菇做餡，而且都相當足料，醬汁亦都非常香濃，唯一缺點就係真係有啲貴。主菜叫咗西冷扒同豬扒，兩款嘅配菜一樣，牛肉跟黑椒汁豬扒跟醋汁，兩款肉都唔會好硬，雖然我平時鍾意食牛扒多啲不過今次我會投豬扒一票，佢隻醋汁唔係成日見到，我覺得同豬扒非常夾。可以加錢要埋個甜品不過太飽冇叫到，總結而言水準都幾好，如果經過九龍城又唔想食泰國潮州菜可以考慮一下呢間。

平時去親九龍城都係食泰國菜，今次決定食d新野，行行下見到間意大利小店決定幫襯下！為左食得滿足d，我同朋友都叫左Set Dinner。首先上台既係蒜蓉包，個包勁香脆，會想encore。之後上台既係前菜蕃茄水牛芝士沙律，好鐘意呢種意大利既軟質芝士，質感煙韌味道易入口，配埋新鮮蕃茄同橄欖油好開胃。到餐湯喇，我地叫左蘑菇濃湯，真係唔係講笑，菇味真係勁濃，撈埋d cream黎飲好滿足！終於上主菜，焗法國鴨脾！一上台已經香到癲左，d 皮焗到超香脆，鴨脾肉勁軟熟，一切就與骨分離，鴨肉煮得岩岩好唔會好老好鞋仲好入味。另外伴碟個薯蓉好smooth好creamy都好出色！雖然單點既話好似都要$238幾蚊，但食完真係絕對值呢個價！（利申：我平時唔太食鴨！）第二碟主菜黎喇！係好普通既蜆肉扁意粉，但一間西餐廳有冇質素就係睇佢既意粉，呢碟意粉真係我近年食過最好食既意粉，意粉硬度炒得岩岩好，蒜香味勁濃！！重點係D蜆肉勁新鮮，咬落鮮甜又彈牙，而且係完全冇沙，呢碟意粉真係不得了，高度推介。最後甜品係Tiramisu，上台時見到賣相普普通通都冇乜期望，但真係don't judge a book by its cover，

評分(U - 5**)性價比cp value: 5*價錢price: 5味道taste: 5**服務態度service: 5*環境environment: 5總結conclusion: 5*☃️ 可以話係5*之選。路邊一間唔起眼的意大利餐廳，野食好食😋價錢合理，服務態度都好好。認真推介過鴨髀意大利飯，大家都要試試!!其實除咗個廁所可以再乾淨啲之外同埋返嘅我本身嘅肉質(雖然女朋友覺得唔錯)可以再好啲之外真係冇乜可以挑剔。

今日同男朋友去左九龍城，行行下，見到Pavia，望入去個樣好似幾令咁，反正未試過就入下去試新嘢。餐廳裝修GE牆色特別，簡單咁掛左D畫作，令我諗起外國GE住屋。餐廳播住悠揚GE音樂，係用餐GE時候更添情趣同氣氛！前菜我地叫左黑毛豬沙律Fig Ham Salad ($168)，哈密瓜爽甜清涼，黑毛豬火腿片就咸咸地，本身覺得呢2樣食材會係好唔夾GE，但原來食起來係勁開胃，而哈密瓜GE甜係可以完全吊哂肉味出黎，唔會好似單食咁太咸！。而Pavia的火腿片同出面街食GE有少少唔同，有D厚度同質感。餐包有蒜蓉包 Minestrone x2 ($116)，蒜蓉包 經過輕烤，上檯GE時候仲係熱辣辣，我鐘意食脆卜卜，於是搽左牛油之後，攤一攤先再食，咁樣食都幾好食！煙三文魚薄批 Smoked Salmon ($118)，本身食開Pizza hut ge pizza 多數都會放腸仔、雞肉、菠蘿等之類，今次呢個薄批就用左三文魚仲主打，三文魚用酒醃過，Pizza 界黎講都算係新穎，不妨可以一試！招牌菜！西班牙紅毛豬骨Duric Back Ribs ($298)，食落啖啖肉得黎係嫩口，唔會太肥膩，而且白外皮香口。我

同住喺九龍城嘅朋友提起過呢間西餐廳，佢都未曾聽聞，由於我之前食過，覺得質素唔錯，經常推介俾佢試下，是日收工我地就約埋過黎九龍城試試，反正大家嘅另一半都已經投入左西界盃，唔得閒同我地女人仔食飯。平日晚上，估唔到都全場滿座，大部分係一家大小，想必係住喺附近嘅朋友了，見佢地同店員都頗為熟絡。我地冇預約，坐接近門口嘅二人枱。環境比較似係啲老派西餐廳，燈光稍暗，頗有氣氛。唔想煩惱當然係一人一份套餐，包括前菜、餐湯、主菜、甜品、餐飲。店員先上餐包，蒜蓉包微溫，蒜香十足，又夠軟熟那不勒斯海鮮湯湯十分熱辣辣，味道濃郁，亦很足料，每份有一隻蝦、帶子、魷魚、魚肉，很有誠意前菜可選雜果沙律、焗法式田螺配薯蓉，揀左後者，新鮮熱辣焗起，店員都好細心，提醒碟邊很熱。以薯蓉墊底，薯蓉帶香草味，入口順滑到不得了，完全冇油膩感。田螺連殼上，一共六隻，焗到啱啱好，爽彈入味。我仲鐘意倒埋螺汁落薯蓉度食，更加香主菜方面有西冷扒、燒羊架、煎銀鱈魚，我揀左銀鱈魚試下。可能客人頗多，都等左一段時間先上到主菜。銀鱈魚份量適中，伴有雜菜、薯蓉。好喜歡呢度嘅薯蓉，滑溜之餘好似仲有陣奶香，唔飽滯。鱈魚煎到啱啱好，並無加過多調味，輕輕加少少

我鐘意去九龍城覓食，因為唔會太多人，又有好多值得支持嘅小店，今次就發現咗間過咗幾條街嘅高級意大利餐廳。其實呢間餐廳都開咗幾年，不過因為位置唔係九龍城主打嗰幾條街，所以比較少會過去！之前都有經過幾次，不過都冇入去，今次專誠過來！今日嚟係食lunch，Lunch set 以扒類為主，意粉有一款選擇！一落完order好快就送來了烤得香脆嘅蒜蓉包，顏色金黃！煙鴨胸脂肪肥美鮮嫩，廚師還把鴨胸輕輕烤了一下，令鴨胸更加惹味但不會過鹹！再配合蜜桃清甜味道，沙律油係自家製嘅，同個沙律好配合！加了沙律油嘅沙律，沙律菜絕對新鮮！這份是今日廚師推介嘅黑毛豬扒！這份黑毛豬肉質好柔軟，肉味濃郁而且肉汁又多，仲有陣陣橡果的Nutty味。全因黑毛豬係以橡果作飼料，所以脂肪特別甘香，帶有橡果的Nutty味！而且廚師把黑毛豬烤得帶有點炭燒香味，同時保持肉汁豐盈。旁邊嘅係廚師自家調製黑醋，甜味較為突出，酸味較還帶點果香甜味！Lunch Set可以加甜品，由$22-28不等，而呢個chocolate pudding 都只係$28，點可以唔試呀！chocolate pudding是否流心極其重要，輕輕切了一下朱古力漿已經開始流