SuperNormal (淘大商場2期)

營業中

休息中

今日去咗九龍灣淘大買少少野，行經見到呢間西餐廳，望到個menu就已經好想食，於是買咗外賣返屋企食☺️蒜片大蜆扁意粉 ($118)- 蜆肉幾足料，每啖都食到，非常滿足，蒜片嘅出現將成個意粉昇華左一個層次，蒜味香濃，帶出蜆肉嘅鮮味，風味十足- 意粉煮到啱啱好，軟硬適中，唔會太過軟身香辣茄蓉大蝦扁意粉 ($126)- 大蝦大隻得嚟好好有鮮味，咬落爽口彈牙，好有質素- 意粉醬汁香香香辣辣，好惹味，連埋茄蓉嘅酸酸甜甜，呢個配搭好夾，食到舔舔脷黑醋鵝肝安格斯牛肉漢堡 ($148)- 安格斯牛肉好大件，超級厚身，食落好重牛味，鵝肝都大大件，食到好滿足- 漢堡配料都好多元化，有蕃茄片、粟米脆片、菜，夾埋一齊食口感層次好豐富整體食物質素都幾唔錯，尤其是意粉，惹味得來又好食，食得好滋味😋

之前經過呢間餐廳幾次都full booking冇得walk in，睇落好似幾受歡迎，今日終於可以同朋友黎試下。餐廳座位都闊落，同朋友坐高櫈嘅位，冷氣比較大。牛油果帶子沙律幾清新，唔會話落好多沙律醬，帶子煮得剛剛好，個心好嫩滑😋 雞翼好香口，唔會炸到好乾身扁意粉好香，雖然冇汁但都唔會乾淨淨，不過個蜆有啲沙，美中不足。漢堡塊牛鎖得住啲肉汁，切開中間都係粉色，唔會好老，如果芝士可以溶多少少就更好喇！不過可能係小店，人手未必咁充足，如果店員主動加水就更貼心😉

2019年5月27日 星期一今日收咗工帶埋女朋友同其他同事一齊去九龍灣嘅其中一個同事屋企House warming，傾下計打完機之外就一齊落樓下食飯同事介紹我地黎食呢間餐廳，話係新開張，都幾受歡迎喎入到去好快就坐低左，見到裝修得幾靚，坐得好舒適因為實在係太肚餓，所以餐牌方面都無乜特別研究，大家就叫自己鐘意食既野，最後我地叫左好多意粉。。。首先黎既係小食原味薯條，食得到無太多調味，應該得少少鹽同炸好後落既紫菜碎。薯條岩岩炸起就上碟，所以好脆，而且都算大條之後有墨西哥脆片，上面有番茄肉醬、忌廉芝士同埋牛油果醬，其中我覺得最好食既係配蕃茄肉醬一齊食，因為酸酸地好醒胃跟住有明太子軟殻蟹漢堡，睇到原隻軟殻蟹咁放落個包裡面，切落份量都唔細，咬既時候好脆，炸粉唔太厚，食得到蟹既鮮味然後係各款唔同既意粉，有鮮魷魚蒜片牛肝菌扁意粉，有唔少魷魚係裡面，食落好彈牙，而牛肝菌就好似融入左係個粉到，每次食扁意粉都有淡淡既牛肝菌味呢個蒜片大蜆扁意粉都好驚喜，蜆好大隻又無乜沙，數量都幾多下，而且蒜味好重香煎露荀鵝肝牛肝菌意大利飯，有大大塊鵝肝係上面，油脂由上而下滲落去d飯到，每食一啖都有鵝肝同牛肝菌味最後仲有香辣大

之前返工都會經常係九龍灣覓食今日再黎到 就睇下表妹有咩好介紹呢間叫做SuperNormal 氣氛幾好同表妹叫左兩杯飲品Chill 下先我:青瓜薄荷青檸梳打 ($38)青瓜本身已經有清甜嘅味道加埋薄荷同青檸令到杯野飲更加清涼可口表妺:菠蘿荔枝梳打 ($38)另外叫左三款食物 全部都不錯第一樣係#藍芝士水牛城雞翼 ($68)邪惡嘅辣汁 令到雞翼好惹味但我覺得藍芝士沾醬的功勞也很大👍🏻之後蒜片大蜆扁意粉 ($98)蜆肉大隻 味道稍為淡左少少最後三重奏芝士安格斯牛肉漢堡 ($86)呢個價錢食到咁大份牛肉漢堡真係算好抵而且餡料都好足夠 所以絕對係性價比高😊________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂