西貢咖啡餅店

營業中

休息中

今日去西貢遊船河，上船前食個早餐先！好怕去碼頭邊嘅餐廳，又多人，水準又一般，上網搵定資料，發現呢間餐廳嘅麵包好正！我係「包精」即刻帶住兩隻馬騮都去試下，地方好近碼頭，行5分鐘就到！其實係一間麵包舖出面放不銹鋼枱櫈，可以坐低食，仲有個帳篷唔怕落雨！但因為座位對住對面食店，都無景睇！去到全場滿座，要企幾分鐘等位！有個女店員負責安排座位同執枱（比較粗聲粗氣，對熟客會好面口啲）但又唔係會喝罵客人，只係講說話較掘，普通不銹鋼桌椅，但因為地面不平，我杯咖啡搖到瀉了兩啖）等到有位就自己入店內買食物，期間麵包仲不停由廚房出爐，麵包嘅香味充滿附近地方，好多人唔等位都買個包走，我買了：菠蘿包--新鮮出爐，好大一個，熱辣辣，面頭脆卜卜，菠蘿皮好鬆脆，又甜，配中間麵包鬆軟，！好味道！葡撻--熱辣辣，外皮煙韌鬆脆（我知煙韌中帶鬆脆好似唔合理，但外皮真係比我咁嘅感覺）蛋漿好滑，唔會過甜，上面微燶嘅面好香！牛角包--好鬆脆，酥皮一掂都會甩好多出來，好香牛油味，中間鬆軟煙韌，香脆好味！凍檸茶（少甜）--好大杯，少甜！唔澀，茶底好濃唔錯！熱Mocha--瓦杯，朱古力味唔係好濃，咖啡味香，易入口！呢度麵包種類多，只恨自己