1963 木十豆寸

營業中

休息中

難得經過灣仔，試吓呢間想食咗好耐嘅餐廳🍴餐廳要行一層上樓，裝修行一個復古嘅裝修路線，整體嘅裝修都比較暗，如果想打卡可能都有啲難度。或者可能因為我日頭去，所以佢唔係開咗好多燈啦haha。餐廳係食台灣野，不過我想食清啲於是食咗茶漬飯，覺得都幾清新，個飯味偏淡，岩曬啲想食清啲既人☺️不過個雞扒就冇乜茶味，有啲似日式照燒雞扒咁樣上面有幾塊紫菜，配埋佢個芥末就覺得啱啱好。整體來講覺得唔錯，下次想試吓佢嘅其他嘢食。🍱

依間餐廳嘅環境佈置真係好啱打卡，勁靚😍仲要播住啲好懷舊feel嘅純音樂，單單係坐喺度都係一種享受🥰雖然講係咁講，但係我當然都係叫咗嘢食啦😂🤍麻辣鴨肉鴨血麵線🤍💵$80作為麻辣鴨血嘅fans，一見到有依款就即刻毫不猶豫咁揀咗佢🥰不過我覺得味道上嚟講有少少失望🥺麻辣嘅香味完全唔夠，好似淨係得辣味咁🙈不過佢個鴨血都算嫩滑，麵線嘅份量都好夠～鴨肉就係嗰啲急凍鴨胸肉，味道正常啦～🧡茶燻雞佐烏龍茶漬飯🧡💵$78茶燻雞食落好有驚喜😍茶味比我想像中突出，整體特別得嚟都幾好食😋仲要係大大塊無骨雞扒，啖啖肉好正🥰雖然佢有另外俾芥辣醬，但係我覺得唔點好過點，因為芥辣醬會蓋過晒茶燻味🙈個烏龍茶漬飯味道唔錯，配茶燻雞都好夾～值得一試☺️💜水果茶💜💵$28我覺得依度嘅水果茶仲好飲過出面啲台式飲品店！！勁足料，飲落去水果味超重😍仲有好多切晒做一粒粒嘅蘋果、番石榴同菠蘿🍍，可以一路飲一路食，正🥰💛冬瓜檸檬💛💵$15依款味道正常～有冬瓜茶嘅甜同時帶啲檸檬嘅酸，都幾清爽～P.s.有加一服務費💕overall💕餐廳佈置真係好靚😍

呢度最有特色嘅就係佢嘅裝修好復古 周圍擺咗好多懷舊嘅擺設 雖然野食唔算超級特出 不過環境特別同埋坐得舒服今日試咗4個lunch set1. 茶燻雞佐烏龍茶漬飯 - 呢個係幾個set入面最好食 茶燻雞好香唔會燒到好乾 因為上一次食晚餐嘅時候叫過茶燻雞但就燒過龍 烏龍茶漬飯個人幾鐘意 因為好清新 2. 滷肉飯套餐 - 一般正常滷水味 個海帶幾好食夠入味 滷肉飯都幾大碗同埋食到底都仲有汁3. 麻醬麵套餐 - exactly 係腸粉嘅味道 如果自己一個食晒應該都幾膩 個餐仲有碗貢丸湯 試左一啖超級鹹:S4.紅燒牛肉麵 - 以普遍牛肉麵嘅價錢黎講佢算幾平 仲有三大舊牛腩 可惜 超 級 硬 佢d筋係完全未炆腍 最後放棄真係咬唔到我哋落完單食緊野嘅時候分別有兩個staff過嚟問咗我哋三次嗌咗d咩 最後忍唔住住問佢哋係咪漏單因為問咗好多次同埋個牛肉麵好耐都未到 佢先話係廚房漏單啊所以咪問你哋爭咩 不過可能lunch time比較繁忙所以有d甩漏 偶爾想同fd揾個環境好d嘅餐廳可以揀呢間 不過食物質素真係唔太高 同埋記得要訂枱如果唔係通常都無位

呢一間台灣餐廳已經黎過幾次，但第一次寫食評。以前過嚟都好鍾意呢一度嘅裝修，充滿住復古嘅味道，利用唔同嘅懷舊裝飾同擺設營造成個氣氛。另外，餐廳嘅空間感都非常之大，枱與枱之間嘅距離都好充足，唔會俾人感覺好逼夾今次嚟到，就係試一試佢哋嘅午餐套餐，咁我分別叫咗佢哋嘅茶燻雞烏龍茶漬飯（$78）同養生清燉牛肉麵（$65）。首先個茶漬飯係配咗烏龍茶，味道都好香濃，另外個雞都好入味，有好濃郁嘅茶香散發出嚟！而且啲雞都好滑如果你覺得啲雞唔夠入味都可以配合個芥末醬另外個牛肉麵都唔錯，份量都好足夠，牛肉都好柔嫩，湯底都有清香嘅牛肉味！

想試呢間台灣餐廳都唔係咁容易🤭 幾個禮拜前嘅夜晚想去買個外賣, 佢忙到連訂單都唔接... 😇 卒之要等到呢排佢做緊外賣折扣優惠, 先有機會喺午飯時間過嚟買個外賣返去食~本來係諗住電話落咗單先, 但店員喺電話度同我講話要親身過嚟買先有嗰個外賣折扣, 好細心~ 🥰去到餐廳嘅時候12點幾, 有Walk in客坐喺度等緊位, 餐廳滿座, 我個外賣都等咗15至20分鐘 😌茶燻雞佐烏龍茶漬飯 ($78)茶燻味都幾特別, 略嫌乾身咗少少 滷肉飯套餐 ($65)呢個滷肉拼盤啲餸都幾豐富, 有豬耳, 牛腱, 豆干, 蛋, 蘿蔔, 海帶, 雞翼, 都幾入味, 送飯一流 隻雞翼可能熟啲會好啲.. 一個幾豐富嘅外賣, 絕對會回頭再幫襯, 希望下次有機會一試堂食, 餐廳環境同裝修睇落都好似幾唔錯~ 😎

又遇到一間食味高質嘅良心食肆。食物同埋環境都一流。睇得出花好多心思佈置。仲有得係度買口罩添。叫左幾樣野食都好味道：1.茶燻雞佐烏龍茶漬飯雞肉份量極大，肉厚，但仍嫩滑。煙燻味濃並有茶香，又配上特色醬汁，特別好吃。最驚喜係雞皮一d都唔肥，似乎有煎過，更香口。漬飯有淡淡的烏龍茶味，與稍濃味的燻雞成絕配。2.紅燒牛肉麵牛肉肉質真係超好，軟硬適中。牛肉普非常香，有種牛的油脂香味，肥瘦比例極佳。仲有牛筋，質感亦好好。麵質好特別，會較硬身，但一d都唔覺難咬，反而有嚼勁，幾好食。食落原來都幾大碗，足料。3.芭樂紅茶

朋友找我食lunch，非常好的問我有沒有邊間餐廳想試因為佢可以早到拎位，太幸福了吧！不用等有得食，即刻提議食呢間。餐廳有點難找，來回經過幾次也沒有發現它的存在，在唐樓裡上兩層樓梯才到達。一入去，別有洞天的感覺，主打懷舊蔚藍色調很舒服。裝潢得很有家的感覺。我們點了古早味滷排骨飯$70和茶燻雞佐烏龍茶漬飯$78。 食物到:- 賣相都很吸引。一個個餐盤盛著花碌碌的餐具好得意。古早味滷排骨搭滷肉飯$70 排骨肉質軟腍，味道惹味不過咸，佐飯一流。是挺好吃。配魯肉飯但滷肉少得可憐。茶燻雞佐烏龍茶漬飯$78這個上枱時嗅到濃濃的燶味，每一件雞都沾滿那濃烈的燶味，吃入口時怪怪的，是那燻味嗎？是這樣子嗎？不知道，反正不好吃那味道怪怪的。午餐不配飮品價錢不算便宜，但在這環境下還算合理。