魚你相聚

營業中

休息中

來長沙灣呢邊探親戚，順便喺附近食埋飯先返屋企！親戚推介呢間魚你相聚，聽講用平民價錢就可以食到嘅正宗四川風味菜式，又有多款一人套餐提供，而且有辣又有唔辣，啱晒唔同人嘅口味～✨一人套餐(鮮嫩肥牛+麻辣濃湯+豆腐+薯仔+絲苗白飯)肥牛肉質柔軟，肉味鮮美！豆腐同薯仔片都吸收咗麻辣湯底嘅香辣味，配搭絲苗白飯就啱晒啦～✨花膠濃湯雞煲配手工薯粉花膠濃湯雞煲真材實料，有嫩滑花膠同埋嫩滑嘅雞件！湯底仲好鮮甜添，同煙韌有口感嘅手工薯粉都幾夾～✨麻辣手撕雞手撕雞香辣惹味，味道經典～✨脆炸吉列豬扒吉列豬扒酥脆可口，連埋沙律醬一齊食真係超正～✨紅糖糍粑糍粑外層酥脆內裡軟糯，配搭埋紅糖漿同埋花生粉，甜而不膩～✨凍 紅豆冰奶茶奶茶奶香茶濃，底層仲有口感豐富嘅粒粒紅豆～✨凍 利賓納梳打特飲微甜清爽，仲可以解辣添～

今晚食左一餐超級嬲的晚餐，位於長沙灣邨地下一間食店，其實之前經過好多次都想去試，今晚終於去試試晚飯，我點左一個花膠濃湯雞煲（$75），晚餐送到時本身賣相已經不吸引，再睇真啲半棵娃娃菜已佔個煲一半，再數數只有6件好細的雞，骨多過肉，見到真係接受唔到，所以叫左個侍應過嚟問問，點知個侍應答我（雞就梗係有骨有肉啦！咁你想點呀），我同佢講我知雞梗係有骨有肉，但都唔好咁離譜呀！之後佢叫左一個坐收銀的女人過嚟，個女人攞左我煲野入左廚房，行返出嚟同我同講（我地已經比左雞脾你啦仲想點），真係非常感謝你隻雞脾，我都費事再同佢地理論，點知坐係我隔離搭枱嘅婆婆佢話我煲野似下欄野，聽到呢句仲唔開心，婆婆同伯伯點左一個煲仔飯，我問婆婆煲仔飯好無食呀！伯伯話好難食以後都唔會再幫襯😂結果我成煲野都無食埋單走左拍攝效果關係影到好似好多，實際真的不是