田記魚蛋牛腩專門店 (塘尾道)

營業中

休息中

今日喺太子做野路過一間食牛腩嘅餐廳叫田記魚蛋牛腩專門店之前食過都唔錯👍🏻今次入去試下其他食物先✨牛腩撈麵🐮🥩🍜要求瘦腩真係有瘦碗麵好大碗🍵仲跟一碗清湯湯上有好多葱好清新🥒🥬碗湯唔鹹，用來撈麵食完都唔口渴牛腩份量多，擺放分兩層🤟🏻加埋共有十幾舊🤟🏻🤟🏻而且舊舊牛腩都好瘦冇咩肥膏👍🏻👍🏻食落啖啖肉，仲好有牛肉同埋牛油香😋撈麵加埋辣椒油一齊食仲有惹味🌶️🔥✨芥蘭🥬要求全走芥蘭大碟，起碼有七大條🥬有齊粗幼之分可以食到芥蘭唔同部分嘅口感同埋味道👍🏻✨凍齋啡☕️🧊要走甜真係有走到咖啡大杯，仲聞到陣陣咖啡飄香☕️飲完都一肚水餐廳位置好易搵未過馬路已經見到佢個招牌🤟🏻餐廳內通風冷氣充足💨💨食碗熱辣辣嘅麵都冇流汗餐廳仲好好咁label 好枱面上嘅醬料🧂同埋有提供紙巾俾食客 （個紙巾盒痴咗上牆）👍🏻侍應態度又好親切有禮呢個價錢食到早質牛腩性價比甚高🤟🏻

已不知是第幾次幫襯，真心說，魚蛋超滑，兼有魚味，見到海報寫住百分百魚肉製作，真係味道一流，但魚餃就沒有特別，而坑腩都是愈食愈吸引，而且性價比高，當其他店的清湯腩都是60幾元時，這裡的崩沙腩麵只是$54，極抵。崩沙腩麵的配料蘿蔔夠甜，而芥蘭也沒有煮得過熟，完全符合了嘴刁朋友的胃口，朋友食完，都要立即買了一斤魚蛋及一條魚片回家孝敬父母，絕對推薦。店舖近雷生春，附近出名的食肆極多，但始終還是田記最抵食，真正地道香港美食。

太子塘尾道一帶唔算好旺，夜晚嘅時候唔係特別好多餐廳，但係見到呢間特別燈火通明，就吸引咗我喺寒冷嘅天氣入去食個熱辣辣嘅湯麵。✨環境✨坐得比平時嘅湯麵舖頭舒服，入邊亦都好光猛同埋乾淨，最貼心嘅係每張枱側邊都有一盒盒紙巾。✨食物✨🍜牛三寶粗面加紫菜 ($51+7)叫咗個牛三粗，包含左牛腩、牛筋、牛柏葉，另外用$7加咗個紫菜。呢個牛三粗話係我食過最好食嘅牛三粗絕對唔過分，個湯好重牛味，而啲牛腩同埋牛柏葉都炆得好冧，牛筋亦都係入口即溶嘅感覺。🍜魚三寶幼麵 （$37）魚三寶幼麵就有魚片、魚蛋、魚皮餃，呢個幼麵清清地，係暖胃嘅不二之選。另外仲叫咗個芥蘭同埋加咗兩杯嘢飲，分別係熱檸賓同埋熱好立克。個菜份量好足料，而兩杯嘢飲都係好足料，檸檬佢絕對冇比少，同埋係我飲過最足料嘅好立克。特別值得一提係每張枱都提供好多唔同嘅醬料，有一個係麻辣辣椒油，加落啲湯麵度，真係非常之野味，如果食得辣嘅人，一定會推薦佢哋試吓呢個辣椒油。呢間小店貌似平平無奇，但係比到我驚喜，如果外國遊客黎叫我帶去食啲地道嘅麵食，呢間會係我首選。

今日同朋友去到太子「田記」試下著名崩沙牛腩。🐮🐮🐮🐮🐮🐮可能過左食飯時間，無咩人，一入去就坐低左，枱面乾淨企理。👍我地兩個都係牛腩🐮發燒友，食牛腩梗係淨食啦！淨金牌牛腩$98叫左大大碟崩沙牛腩附送一碗湯，牛腩底係大大舊白蘿蔔，吸晒啲牛腩汁，咬落清甜無渣。主角係崩沙牛腩梗係無得彈啦，肥瘦適中，啖啖肉。個人喜歡加少少辣椒油，份量兩個人都好滿足。鮮蝦雲吞麵$33🦐招牌魚蛋麵$33🐟我同朋友各自叫左碗雲吞麵同魚蛋麵一齊食，雲吞用料充足，里面蝦肉結實，咬落好彈牙。另外我用左粒雲吞換左朋友d魚蛋，估唔到咁好食，彈牙爽口。😛芥蘭$16🌱🌱🌱食咁多肉就叫碟芥蘭清下腸胃🤓，芥蘭碌得剛剛好，好翠綠，岩岩好，無苦味。下次黎太子可以再試下。

作為牛腩關注組成員之一，知道「田記」的牛腩頗為出名，我就必須要親身嚐一下，看看其炮製牛腩的功力如何。我在OpenRice 查詢，看到塘尾道店的有最多好評，就去這間。看到田記門面，寫着這裡的魚蛋是自家製造，所以都想順道試試。除牛腩之外，自家製的魚蛋都可以反映一間粉面店的實力。中午時份，田記店內已經座無虛席，看得出大部分都是街坊食開的，證明田記有它的魅力可以吸引回頭客。• 1. 崩沙牛腩河粉今日來的目的就是要一試田記的牛腩。既然田記有崩沙牛腩，寫明是煙韌爽口，牛味濃郁，那就當然要驗明正身。不要以為田記是在「吹水」，崩沙牛腩的肥瘦層次分別，咬一口實在無需過多咀嚼，牛味超濃。餐牌寫着崩沙牛腩是數量有限賣完即止，可以的話一定要叫崩沙牛腩，絕對推薦。• 2. 牛三寶米線食過崩沙牛腩，都想嚐嚐牛的其他部位。食開粉面的都知道，牛腩、牛肚和牛筋都是在港式粉面中最受歡迎的，難得田記有一碗「牛三寶」可以滿足到三個要求，實在太方便。牛三款的牛腩就比剛才崩沙牛腩的有些分別，相對之下會較瘦。不過牛筋和牛肚處理得不錯，牛筋非常大條，其骨膠原十足；牛肚就不韌口，頗為彈牙。• 3. 淨魚三寶剛才提到，田記的魚蛋是自家製