海記合桃坊甜品 (已結業)

我鍾意食甜品，特別係中式嘅甜品，即係糖水。依家係其中一間我認為好出色嘅中式糖水舖， 因為佢嘅糖水唔太甜同足料，而出面食開嘅糖水舖係溝粉再加糖水。但奈何座位比較迫，肥大嬸入去坐有啲尷尬。之前食咗好幾次沙沙合桃糊，今次試新嘢，係芝麻糊。沙沙合桃糊好味在於佢嘅質地好滑，唔算太甜，再加上粒粒嘅碎合桃，撈埋一齊後，口感 又滑又咬口。今次試下芝麻糊，口感同合桃糊一樣，好滑，唔算太甜，但食到燶燶地既味道，應該係炒香嘅黑芝麻味，食到一半，覺得有啲膩，所以要同人分享，下次有機會再試其他中式糖水。

不愛攻打四方城，但卻喜歡食糊！要認認真真糊一次，不是雞鴨鵝都搶吃，真要費心細、講攻略及算時機，仍記得有次給地產商截糊，令人氣結難下！要結合香、滑、甜、稠，四者均恰到好處的一碗好糊，背後講求主料、配料、炒功、米漿、隔渣、攪拌、放糖等多個步驟的功力，缺一不可成好糊！嘗試過「海記」糊的出品，感覺是街坊價錢、質素的代表，喜歡食糊的朋友不妨一試！不曉得沙沙合桃糊是否由「海記」首創，不過這對一碗好糊的評價並不重要。沙沙是指合桃糊面層盛著滿滿的合桃粒，香脆的合桃粒猶如沙子般，咀嚼時亦會發出沙沙的聲響！合桃粒伴著滑溜、稠密、細香的合桃糊進食，不單令合桃糊增添活潑的氣息，更令合桃糊的香氣更盛，效果令人相當滿意！黑漆、亮澤的芝麻糊絕不花朽、以純樸面貌示人。質感同樣順滑，稀稠適中、芝麻香氣濃厚，輕糖少甜也甚為健康！雖然食糊的次數不多，但望糊出的都能見拜見鄉紳父老，包括「海記」！