Yadllie Plate 야들리애플래이트 (海之戀商場)

今日經開荃灣天地買衫，之前想試這間荃灣韓式烤雞店，但一直冇機會，今日終於可以一試了環境：餐廳很闊落，裝修很時尚風格，乾淨企理，坐得好舒服，上菜速度快，服務員有禮貌。半半炸雞，我分別點咗韓國醬油和蜜糖乳酪味，份量超級多，還有番薯條伴碟，外皮炸得非常脆，肉汁依然保持到，果然係招牌菜，非常惹味芝士蟹籽蛋捲新鮮上枱，有非常重的蛋香味，驚喜就係超級多蟹籽夾心，口感好好火炙牛濃濃的牛肉味，服務員還會即時用火槍表層輕輕再燒一次，非常好食鱈魚乾海螺拌麵份量超級多，基本上兩個人食唔晒，鱈魚乾同海螺都非常多，配埋韓式辣醬，非常惹味好食八爪魚煎餅煎餅非常脆口，餡料非常多，還有兩款醬汁自由選擇，點埋一齊食非常好食，值得推薦巨峰乳酸梳打濃濃的巨峰味，飲品入邊還有很多乳酪爆珠，好過癮蜜瓜及朱古力雪冰份量超級多，朱古力沙冰非常入味，蜜瓜雪冰都係濃厚的蜜瓜味，中間還有支蜜瓜雪條，都係非常好味總結：有質素的韓式烤雞店，款式種類眾多，食物有質素，份量很大，餐廳環境舒適，絕對值得推薦

Yadllie Plate 🍽️火炙牛 $98一上枱 職員會拎火槍再燒一燒啲牛 啲牛肉好嫩亦都好香口👍🏻八爪魚煎餅 $138呢個好推薦!! 八爪魚嘅份量好多 絕對唔會得麵粉 而且煎得好香口👍🏻芝士蟹籽蛋捲 $135呢個都喺好推薦 入面真喺有滿滿嘅蟹籽 入口啖啖都喺蟹籽👍🏻海賊王的寶物 $248故名思義就喺海鮮拼盤 有炸魚、炸蝦、炸八爪魚、洋蔥圈 份量好多好香口 不過怕熱氣嘅朋友仔就未必啱食啦 半半炸雞 $218有原味、大邱辣醬、大蔥絲、蜜味乳酪粉同黃金蒜香可以揀 我就揀咗蜜味乳酪粉同黃金蒜香 一共有八件雞 雞肉好嫩 不過個人比較鍾意黃金蒜香嘅味道整體嚟講 每份嘢食份量都好足 上面啲嘢食夠曬三個人食 同埋好旺場 我哋7點半食飽走個陣已經全場滿座～

終於有時間同星月⭐️🌙兩個坐低食一餐，午餐已經好開心了。荃灣海之戀有間 #韓式炸雞 🍗 Yadllie Plate @yadllie_plate #yadllieplatehk #荃灣美食 💥驚喜二重奏二重奏入面包括一件大大件既肉眼扒同四件炸雞，一次過滿足兩種味道👅。肉眼扒係廚房整到兩成熟，自己就用熱石決定食幾熟，食落仲保持到肉嫩多汁而炸雞炸到外皮金黃香脆，入口仲係好juicy鮮嫩多汁💥醬豬碲豬碲肥瘦適中，唔會太肥膩，濃厚醬油味夠哂入味，豬皮煙靭，肉質唔會鞋口，沾上醬料就會有另一番風味。💥八爪魚煎餅煎餅做得好香脆，食落香口，滿滿青蒽香配搭彈牙八爪魚🐙，沾少少魚露，滋味更上一層樓💥芝士蟹籽蛋捲金黃色蛋捲內裏包住滿滿蟹籽，入口先有濃濃蛋香，接住就係蟹籽卜卜卜咁爆開，雞蛋的香甜配上蟹籽的鹹鮮，仲有拉絲芝士🧀，超級邪惡💥香芋沙冰香芋味好香，即時想起香芋味脆皮樂🤣，好清爽。💥海鹽焦糖沙冰🧊沙冰入口綿密，淡淡甜味夾雜微微海鹽的鹹味，感覺好清爽，一啖透心涼。打咭📸必點 💥芒果雪冰新鮮芒果🥭粒粒佈滿雪冰邊，頂層仲有一球雪糕，好吸睛，打咭呃like 👍🏻，雪冰食入口好似食開既綿綿冰，入口即溶，芒果🥭香甜，

今次已經係我第唔知幾次幫襯呢間餐廳了😆餐廳無論係環境、價錢、食物質素還是服務都做得同樣出色,真係值得一再回頭👍🏻黃金蒜香無骨雞呢份炸雞份量多到有成十幾二十件,但係都只係$128咋!!🥹菜品一上嘅時候已經聞到濃郁嘅蒜香味,夠曬入味🥰而且雞肉炸得啱啱好,即能鎖住肉汁亦能保持雞肉嘅鮮嫩度,認真唔錯🤞🏻海軍醬油湯鍋之前試過佢哋嘅芝士八爪魚已經覺得佢哋嘅海鮮好新鮮🤩今次特登嗌咗呢個海鮮鍋再回味返佢個八爪魚🐙今次食依然保持到水準,八爪魚咬落好彈牙好新鮮,食得出唔係冰鮮材料😋海鮮鍋材料都好豐富,除咗八爪魚仲有好多款唔同嘅海鮮同蔬菜,搭配埋芝士和年糕一齊食口感更佳🤤烤牛肉水冷麵牛肉煎得剛剛好,粉嫩粉嫩的😽食落煎香味十足而且嫩滑,搭配埋冰冷嘅水冷麵一齊食感覺好清爽🫶芝士蟹籽蛋捲呢個蛋捲絕對有驚喜!蛋捲好厚實好多層,而且每層都裹滿蟹籽和芝士,一啖食落去好滿足😽海鹽焦糖沙冰 & 藍橙荔枝梳打甜品賣相唔錯,適合晒女士打卡,而且水準都唔錯芒果雪冰食韓國嘢點可以唔食佢哋嘅冰啊?今次就試咗呢個芒果雪冰🍧甜品鋪滿芒果嘅果肉,而且碎冰唔係純冰,而係有芒果味㗎!真係一啲都唔馬虎😙

好姊妹想試好耐今日收早同佢嚟到海之戀商場開餐上次嚟無Lunch menu 啱晒啦想食五花腩又怕食唔晒可以叫L08 石燒腩肉伴香蔥煎餅$158跟新鮮泡菜+新鮮沙律餐飲：手調百香果水果茶上枱仲熱辣辣～生菜包住泡菜五花腩實在太爽沙律除左菜仲有梨甜好甜百香果好香唔會太甜上次試左柚子今次試下蜂蜜米酒$78有蜂巢掛邊，打卡一流，影完影成舊放埋落去有追開我文既都知我好鍾意韓國米酒加埋蜂蜜真係好夾飲到最尾食埋件蜂巢即刻感覺好滋潤芝士蟹籽蛋捲$128係每次必點，因為真係太好食香辣芝士八爪魚$138店員會幫忙將🧀🐙糾纏係一齊芝士拉絲卷住爽口微辣既八爪魚～絕呀！配埋香蔥煎餅都唔錯火灸牛$98朋友未試過，所以又叫，有些少唔同既係呢邊無醬汁係底，不過各有千秋食到咁上下又口渴再叫左杯菠蘿米酒$58呢杯飲落有汽同蜂蜜/柚子又唔一樣我心目中排名1️⃣🍯蜂蜜2️⃣🍍菠蘿3️⃣柚子仲爭益力多未試，但今日真係飲唔落朋友叫左藍橙荔枝梳打$48好靚呀！藍海呀！好有層次~又係一杯打卡飲品頭先話飲唔落係因為要留番個位食甜品上次試左蜜瓜今次試朱古力雪冰$88幾驚喜喎係黑朱古力唔太甜配雲尼拿雪糕有d朱古力脆脆🧊保持到水準好綿滑無冰粒下次試🥭好無呢

同朋友嚟到海之戀商場一間韓式餐廳，間餐廳好大，但平日夜晚都要等位，可見呢間餐廳好受歡迎，我哋排咗半個鐘左右。首先嗌咗個有得玩又有得食紫菜手抓飯，戴上膠手套整飯球，啲餸嘅份量好充足，加埋芝士落去好好食！嗌咗個海軍醬油湯鍋，食到一般部隊鍋唔會食嘅餸，隻八爪魚超大隻，爽口彈牙，大推🐙芝士蟹籽蛋捲好大塊，切到6件，啲蟹子十分多，朋友覺得呢碟最好食！淑女辣醬炒年糕超大鍋，份量好勁，辣度你預係譚仔5小辣呢個level。半半炸雞嗌咗「蔥蔥蔥」同埋「蜜味乳酪粉」，估唔到仲配番薯條，食到好飽！嘢飲嗌咗香芋沙冰同埋藍橙荔枝梳打，2杯都大杯又解渴！

去開Donki，經過見到喺韓國有50間分店嘅Yadllie Plate喺荃灣都開咗分店，一於試吓～▪️魚介湯鍋🐟🫕都幾大鍋，除咗有10串唔同款式嘅魚糕，仲有好多配料，例如油揚、年糕、雞蛋、豆腐、蘿蔔、菇類，同埋菜，非常豐富▪️蜜味乳酪粉無骨雞🧀🍗蜜味乳酪粉，其實即係芝士粉，食落甜甜哋。無骨雞啖啖肉，炸得香脆，但就唔算好juicy，同埋有啲比較細嚿，雖然仲有炸蕃薯條，但整體份量一般▪️芝士蟹籽蛋捲🧀🥚芝士拉絲，入面仲包住好多蟹籽，咬落脆卜卜，幾有口感，不過價錢過百就都少少唔抵▪️蜜瓜雪冰🍈🍧好大碗冰，仲有條蜜瓜雪條，充滿蜜瓜味。不過果肉就冇乜味，同埋啲cream有啲漏，感覺冇cream會更好Yadllie Plate 야들리애플래이트📍荃灣大河道100號海之戀商場2樓2030-2032號舖📍旺角西洋菜街1號兆萬中心11樓