莆田 (荃灣廣場)

每季都有當造Menu📖今期梗係食大閘蟹啦🦀同朋友仔食左個2人餐👯‍♀️💁🏻‍♀️有齊前菜 • 大閘蟹 • 小菜 • 主食 • 糖水份量好足，大家都食到好滿足😌~•~•~•~•~•~•~•~•~•~•~•~•~•~•~•~•~•~•~• 🦀大閘蟹2人餐 (蟹乸~4兩 • $558 / 蟹公~5兩 • $598)🦀包前菜 • 大閘蟹2隻 • 小菜x2 • 主食 • 薑汁紅棗燉雪燕🈹堂食金秋大閘蟹套餐 ，每位送薑茶1杯🍵.▪️精美雙拼燜筍🤎 (已去粗纖維部份) • 水晶肴肉💖(細細粒 • QQ彈彈).▪️大閘蟹 • 2隻 (口味可揀 : 清蒸 / 熟醉)揀左💁🏻‍♀️蟹乸 : 雖然依個月份蟹公當造，但依2隻(乸)都好多膏。熟醉口味 : 濃濃酒香 • 回味甘甜🥃.▪️小菜 (2款)▫️莆田荔枝肉酸酸甜甜，仲有原粒大大粒荔枝肉🩷.▫️芥蘭豆皮芥蘭莖部嫩嫩爽口💚清淡既豆皮沾滿醬汁好食😋仲有甘筍🥕 • 珍珠筍🌽，顏色更豐富。.▪️風味主食（福建海鮮滷麵 / 興化炒米粉 / 經典包菜飯 • 揀1款）▫️興化炒米粉有多種配料 - 蜆肉 • 蝦🦐 • 紫菜 • 肥豬肉 • 小貝粒 • 菇菇 • 菜 • 花生🥜…，幼米粉乾爽鬆身🤍.▫️薑汁紅棗燉雪燕比附送既薑茶🫚辣味較溫和 • 甜度適中🥣.▪冬瓜薏米水 ($28)可揀凍 / 温。可袪濕 • 去水腫 💦.▪茶位 ($18/位)▪小食 ($12).~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻‍♀️需另加𝟏𝟎% 服務費~•~•~•~•~•~•~•~•~•~•~•~•~•~•~•~•~•~•~• …Read More

同屋企人食飯揀咗莆田，最主要想食佢哋嘅黃花魚同啲小菜，三個人揀咗5道菜式，包括1）農家海蠣湯、2）福建特色海蠣煎 、3）鹽焗黃花魚、4）興化炒米粉 同5）鮮貝燴絲瓜，味道唔會太油膩，好啱我哋口味我哋揀咗兩種食法嘅蠔仔。第一種係農家海蠣湯，絕對係開胃首選，湯入面嘅蠔仔鮮嫩多汁，湯汁濃郁，有淡淡海鮮味，而且份量十足第二種係蠔仔煎。呢個都係佢哋其中一種招牌菜。新鮮蠔仔煎味道不過不失，惟一係略嫌蔥有點多另外揀左最新推出嘅菜式 — 鹽焗黃花魚，呢個真係賣相幾特別，係鹽焗而成。入口好順滑，感覺似蒸嘅魚肉一樣咁鮮嫩，又冇咩骨。份量唔算多，但口感的確好味，值得推介興化炒米粉就相對平凡，唔算好惹味，而且材料同米粉好似分開炒一樣，唔算好融合鮮貝燴絲瓜口感幾好，絲瓜爽脆，鮮嫩多汁，又有瑤柱嘅鮮甜，燴煮得恰到好處，呢道係比較清甜嘅選擇總括而言，莆田都係值得一試嘅，當晚嘅服務員態度都好友善。食材算新鮮，如果係中意食中菜嘅朋友，都不失為一個幾合適嘅選擇…Read More

小弟第一次寫食評，請各位高抬貴手多多指教。之前喺地鐵站成日睇到莆田廣告，已經有啲想去試吓，去到荃灣廣場莆田嘅時候，見到入邊嘅座位都算闊落，乾淨，等咗大概20分鐘就有位。一入到去就叫咗三樣餸，分別係蒜蓉蒸海蟶，興化炒米粉，金銀上湯時蔬。第一道係蒜蓉蒸海蟶，蒜蓉味極香，面頭有啲蔥花同埋芫荽，滾油淋喺面頭，令到香氣極之突出。首先清潔方面，蟶子清理得好乾淨，冇沙，每一隻蟶子都好飽滿，不愧為佢嘅招牌菜，蟶子加上豉油嘅味道配搭非常之好，整體嚟講，呢個價錢CP值極高。第二道係興化炒米粉，米粉炒得極之乾身，呢道主食唔係重味道，不過調味剛剛好，唔錯唔錯。最後一道係金銀上湯時蔬，識食嘅一定第一啖試吓佢個湯，一飲落去，鹹蛋黃味非常之濃郁，送飯一流，加埋啲菜同埋皮蛋一齊食真係一流。總括嚟講，環境舒服，坐得尚算闊落，食物質素不錯。下次嚟到一定會試鐵板鹽焗蟶子。諗起都有啲肚餓🤤…Read More

呢排忙到成日都係下午茶時段先有時間食晏，所以就可以用平價發掘吓午市同晚市都比較貴嘅餐廳。今日就嚟試一試呢間打住米芝蓮一星旗號嘅莆田！下午茶咁多樣嘢食，先至收$49一位，十分吸引。2樣點心就揀咗杞子白米糕同埋酥脆莆田扁肉，由於未試過扁肉，所以出於好奇就叫咗佢。主食就叫咗相當有名嘅興化炒米粉！最後仲有一份跟餐甜品，但無寫明係邊款，所以都有啲期待！等待期間就食住呢個前菜先！酸酸鹹鹹辣辣咁嘅味，又幾滋味。不過如果係想窮食嘅朋友就可能要留意吓啦，因為呢小碟都會收返10蚊嫁。但我就唔介意嘅，難得嚟到，不妨一試！食到7788嘅時候就上咗點心同埋甜點啦！無諗到上菜都用咁精緻嘅碟仔同埋木具，眼前一亮！個白米糕就正常發揮，我本身都鍾意食呢啲糕點，覺得米味都幾出！同埋都有飽腹感嘅。個扁肉我就帶住好奇心咁試，一試覺得其實姐係細粒版嘅鍋貼，但就真係好小型嘅版本🤣。反而個蓮子雪耳湯食落都滋潤嘅，但係就完全食唔出味，有啲失望。主菜就係興化炒米粉！莆田嘅米粉真係好出色。首先，個米粉嘅口感係完全唔同平時食嗰啲，一送上嚟已經見到好似啲好細密嘅網咁，食落略略煙韌，落味啱啱好，唔會太鹹亦都唔會太淡！而且可以見到雖然係下午茶size, 但係都係落足料喎。呢個滿分！食食吓覺得啲嘢食咁出色，唔點返杯嘢飲好似掙咁啲嘢咁，見menu上面咁落力介紹呢杯紅毛榴槤汁，就試一試佢。結果飲後感就係完全唔值$36咁貴，首先個size同menu上面嘅size都差咁多先，第二就係完全唔覺得來莆田必點，只係好普通水準嘅一杯嘢飲，唔係難飲，但吹大咗！其實啲嘢食嘅原味已經好夠，所以我就無落到辣媽醬入啲嘢食度。但見個外表咁吸引，都有試咗一小啖, 佢唔會太辣，有適當調味！下次再食會試吓落入主食度總結嚟講，想揀有質素又飽肚嘅下午茶食嘅話，莆田就最好不過。但唯一缺點係4點至到5點半會閂一閂，但我3:45先到都仲比我入座，嘢食都好快嚟齊嘅。如果想呢段時間食嘅朋友又想坐耐啲嘅話要留意返啦。…Read More

一向都覺得莆田價錢偏貴，所以好少會揀呢到食LUNCH。今日遲左食LUNCH，已經係2:30，見莆田嘅下午茶只係$49起，當LUNCH食都幾抵。下午茶時段客人唔太多，可以安安靜靜食一餐。$49下午茶包括2款點心，1款主食，1款甜品$59下午茶點心款式會轉為小菜，同樣係2款。今次先試$49點心款，怕食唔哂。點心：杞子白米糕 + 古法番薯包白米糕有D似白糖糕，但無白糖糕嘅酸味，而且質感較白糖糕實。原本以為蕃薯包有蕃薯餡，原來無，蕃薯味亦唔特出，質感好實，明顯較白米糕遜色。由於兩款點心都比較實，有D飽肚，所以食完我已經飽左一半。主食：興化炒米粉應該係莆田較出名嘅主食，米粉好幼細，配料十足，味道剛好，唔好過鹹，炒得好乾身，米粉一絲絲分明，無炒到變糊，望落好細碟，其實份量十足，唔洗怕唔夠飽。甜品：雪耳糖水主食始終帶有油份，甜品配上清新嘅雪耳糖水，正好沖一沖淡之前嘅油膩感，糖水唔會太甜，確實可以黎多2碗~~~…Read More

三個女仔食量吾大，又想坐得舒服傾下計，於是決定去食一向都幾中意既餐廳-《莆田》叫左5道餸，吾係話超飽，但份量剛好！前菜叫左「九轉小腸」見到好似個個都叫，黎到有小蠟燭保持溫度，味道，將豬腸多層捲起，咬起黎有口感但份量略少，偏貴。第二道餸叫左個炒米粉不過不失，餸嘅份量適量，米粉量不夠入味。之後仲叫咗兩碟蟶子味道吾錯，朋友們力讚花雕蒸蟶子😆帶有陣陣花雕香味酥炒竽芯甜甜地帶咸炒得外層香脆👍🏻都係我既推薦整體上菜快，菜式能保持水準，環境舒適，推薦！…Read More

午市套餐($68元)選擇多(可選一個主食+三款小食)，隨餐附上一碗湯，每枱皆免費提供前菜及菊花茶(免+1)。-酸酸地很開胃的免費前菜，黑木耳很爽口，不錯。-跟餐每人都有一碗的湯(蠔仔海帶湯?)味道清新，都幾好飲，仲非常足料。-小吃方面，我們兩人共點六款:水晶豬蹄凍，家常炆筍乾，鹽焗豬肝，滷水嫰豆腐X2，蝦苗拌頭水紫菜。**特別推介** 豬蹄凍，少少辣很惹味，另外，滷水豆腐及紫菜味道都不錯啊。-主食方面，我們點了炒米粉和包菜飯，兩款都很好吃，不過包菜飯相對較油，米粉較清淡，邊樣更出色就因應個人口味，但兩款都值得一試。(餐廳內幾乎所有人叫米粉吃的，可能米粉是招牌菜式)-總結來說，午餐而言$68或許不算十分便宜，但食物質素/ 份量以及服務都對得起這個價錢，午市免收加一及免費茶水和前菜，CP值都算高啊！…Read More

間唔中都會黎莆田食，今次比廣告既蟶子吸引左視線，福建來的蟶子和我哋平時食開長條型既不同，牠的形狀比較似紐西蘭青口咁大隻。依到有成8款做法既蟶子菜式，我地一口氣叫左最受歡迎的兩款，分別係酒糟和鹽焗蟶子。冰爽酒糟聖子先來酒糟蟶子，一入口已有一股酒香滲入味蕾，聖子和酒香頗夾。肉質結實，口感真的好像紐西蘭青口。鐵板鹽焗蟶子原來同一隻蟶子唔同做法有唔同嘅口感出來。之前酒糟做的蟶子肉質較結實，酒香滲透蟶子。而哩個卻會試出蟶子的真正口感如果酒糟做法令到牠似紐西蘭青口，那麼鹽焗的話，他就像法國的藍青口。肉汁是鮮嫩多汁帶點鹹香，完全呈現聖子鮮甜的特質原汁原味才得知食材的質素。百秒黃花魚好咁耐冇試這個菜色，今次亦沒失水準！只係用左100秒做的黃花魚魚肉鮮甜而嫩滑，不愧為莆田的十大之最！興化炒米粉這個米粉和平時吃的米粉很不同，質地比較幼細而柔軟，更有米香味怪不得這個興化米粉被列為「非物質裡世界遺產」。記得上一次在別的分店食的炒米粉略嫌爭小小味道，但呢次一貫出色的味道口感又返來了。另外加埋莆田的辣椒醬一齊食，更滋味…Read More

莆田住進軍香港已有一段時間，有米芝蓮一星加持，分店越開越多，身為褔建人早已想試試，剛好今天在荃灣廣場見到，終於可以一試。餐廳最近推出哆頭蟶節活動，$199就可嘗到2款蟶子菜式，另外餐牌上亦看見很多香港少有的正宗的閩菜，光是餐牌已經夠我打上合格分數。冰爽酒糟蟶子哆頭蟶是香港俗稱的扁蟶，本身是褔建一帶的特產，扁蟶比香港餐桌上常見的竹蟶及蟶子皇細小，但本身比較鮮甜，故此用一些簡單的做法，就更突出蟶子本身的味道。酒糟蟶子以簡單的酒香烘托蟶子本身的清甜，蟶子肉質肥美飽滿，作為一道開胃冷盤一流。鐵板鹽焗蟶子鹽焗蟶子是褔建傳統的做法，同樣以簡單的鹽作調味，蟶子肉質比前一道菜較乾身，故令味道集中，更能顯出蟶子的鹹鮮清甜。百秒黃花魚黃花魚口感細緻鮮嫩，但要注意魚骨稍多，以魚湯純粹的天然真味作點綴，將魚肉和魚湯一同入口，味道相得益彰。興化炒米粉一上桌就知道十分對辦，因為米粉是用上褔建的幼身米粉，炒得乾身，絲毫不油膩﹐細嚼下更能品出米香，與清蔬的滋味相配，令人有意外驚喜。…Read More

今日和朋友在荃灣約咗睇戲,睇戲前醫咗個肚先,這個商場好多嘢食,我和友人行咗一陣,揀了這間閩菜餐廳。試下新菜式,餐廳用藍綠色為主,感覺舒服,一入門口,已經見到個推廣,哆頭蟶節,品味八變。正值當做,而且有好多個做法。有而家做推廣,叫兩款唔同味道都係198。每張枱都有相對的距離,坐得舒服,店員嘅服務都很親切。餐牌用彩色印制,每個餸都好吸引我們叫了冰爽酒糟蟶子和鐵板鹽焗蟶子。另外,還叫了百秒黃花魚和興化炒米粉 。首先講下蟶子,冰爽酒糟蟶子,這個是冷盤 用酒糟浸滿了蟶子,每隻蟶子的大小均一,所以吸收酒的多少都均等。食下去就好似醉雞一樣,好香醇的酒味,肉質爽口,好新鮮。鹽焗蟶子,用鐵板送上時還有個蓋冚住的,一打開,見到用了很多鹽冚著蟶子,仲熱辣辣，等了一會才食,用手取來吃,點知都是很熱,因為用鹽冚住,所以保温得很耐。這個焗的蟶子較為香口和乾身,有鮮味。所以我較喜歡這個味道。正。另外,叫了得獎名菜,百秒黃花魚。則是用100秒來烹調。好期待。這道菜用魚湯浸住黃花魚,只見到用羗和葱來烹調,魚雖然不是太大,但魚肉好滑,魚湯好鮮味,唔腥。一人一條都不為過。食咗兩樣海鮮,叫番個主糧。興化炒米粉,這個米粉比較幼身,仲有蝦,花生,冬菇，菜 ,配料很多。食落同平時啲炒米有點不同。這個在太陽下自然曬乾嘅米粉,果然米香味好濃,味道唔錯,食完啱啱好。見原到餐牌還有很多其他菜式,買相好吸引,可以下次再試。…Read More

近來對福建菜多左認知, 原因係有個朋友近期返左鄉下帶左D家鄉手信比我, 但係從來未食過褔建菜嘅我又點識整.所以就黎左對莆田食下, 希望食完之後返去可以識得整黎食，入面都幾多位，岩哂同屋企人食飯一入去就已經被細細隻活生生嘅蟶子吸引住我嘅眼球, 而且而家仲做緊PROMO, 所以我就簡左2款蟶子食, 分別係冰爽酒糟蟶子同埋鐵板鹽焗蟶子.入面仲有好多我未曾食過既菜式作為前菜嘅冰爽酒糟蟶子，大概有13隻，咬入口散發啖啖嘅酒香味，有d似食醉雞既味道，而且蟶子夠哂冰凍，而肉就淋過平時既肉，但夠哂肥美，好鬼juicy蟶子打開後就又白又滑，一d沙都冇鐵板鹽焗蟶子係利用鹽嘅熱力將蟶子焗熟，食落味道鮮甜，但又唔會過咸，可以充分食得出本身蟶子嘅鮮味，令人食完一隻又一隻黃花魚魚肉好滑溜，火路真係控制得岩岩好，骨唔太多，主要係有一條大骨，d魚湯簡直係精華，鮮味無窮最後就係興化米粉, 幼如絲嘅米粉每一條都充斥淡淡嘅米香味, 再加上唔同嘅配料, 例如蜆肉,蝦,冬菇等, 令簡簡單單嘅炒米粉變得不平凡鍾意食辣既朋友，可以試下加個秘製辣醬，可以令米粉錦上添花…Read More

放假同舊同事去荃灣大會堂睇表演，耐唔耐都要感受一下文化氣息。而荃灣廣場就坐落於荃灣大會堂後面，睇完表演就直接去晚餐，係商場水牌睇吓有什麼餐廳選擇呢，就見到新加坡米之蓮名店「莆田」，上到四樓就見到。「莆田」今期推廣係蟶子，有一個set,$198兩份蟶子，一份是鐵板鹽焗蟶子，另一份是冰爽酒糟蟶子好抵食👍🏻👍🏻決定叫一set 。先嚟餐前小食鐵板鹽焗蟶子是莆田的銷量冠軍🏆當然非浪得虛明，上枱時鐵板熱騰騰的，蟶子半插在鹽上，焗得微焦的，香氣撲鼻，打開蟶子時焦香咸香鮮味湧出，而蟶子的肉身仍然好好汁，配上焦香的蟶子邊，入口有講不出的鮮美。另一創新菜式冰爽酒糟蟶子，酒糟是一種是由糯米或者大米經過酵母發酵而製成的一種甜酒。好適合製作涼盤，而蟶子浸在酒糟中，能提升佢嘅海鮮味，夏天好啱胃口。我哋再叫了百秒黃花魚，呢個係莆田招牌菜，不能錯過，來自福建寧德出品的黃花魚，嚴格挑選重量在180g~200g 的魚，才能做到100秒剛好蒸熟，佢用上砂鍋能好好保持住個溫度，在鍋底放上薑粒，而魚用中肚開邊的方式劏開，蒸出嚟嘅魚汁在鍋蓋，精華所在，記住要飲勿浪費，而魚肉嫩滑無比，鮮甜多汁。再叫了一個興化炒米粉，由莆田黃石鎮出產的米粉，用太陽自然曬乾，並被列入為非物質文化遺產，口感爽口柔軟，配料有紫菜、花生🥜、鮮蝦、蜆、菜、小蝦米，呢個米粉好有特色👍🏻👍🏻…Read More

與友人既年度飯聚，機緣巧合下黎左呢間我次次行過望過都冇機會入既餐廳！夜晚七點半左右唔駛等好耐位就入得喇，間餐廳寫住如果等超過三十分鐘會有野食送，有趣！坐低就有水果黎做前菜，仲有碟小食 (雖然唔多岩口味，哈哈)經友人推薦，點左好幾款佢覺得好食既菜，其中我覺得肉絲包最好食！ (其實唔記得個名...) 個包好趣身，似炸饅頭，但薄身啲仲有唔少芝麻，幾香口，配上唔會太鹹既肉，係唔錯！另外個興化炒米粉都算有特色，口感特別，米粉好軟身，唔太識形容，入口會半溶，近似棉花糖。其中一款料係餐廳本身特別既紫菜，都幾好食。不過份量唔多。佢有個辣醬，望落似係有心機整既，偏酸既。椒鹽炸豬手都可以一試，似功夫菜，外脆內軟，軟既係筋同膏，唔怕三高就試試佢啦！香酥鴨都炸得唔錯，芥蘭豆皮味道都可以。總括而言點既菜都算有水準既，可以再黎！價錢唔算平但可接受，服務就冇咩好特別。…Read More

莆田（褔建菜）米之蓮一星餐廳囪水自製豆腐$52豆腐吸曬d汁👍🏻九轉小腸$79我不吃內臟、試了一口沒有'壓'味，朋友說好吃興化炒米粉$78配埋辣媽辣油得香口、米粉幼細不錯芋香鴨$96芋容很綿可惜鴨肉太大塊好韌䀋焗豬潤$59我也沒吃😅風味松鼠魚$249酸汁味道恰當酥炸冰心榴槤$42榴槤心太硬👎🏻👎🏻👎🏻沒有影相的菜式馬來風光$79即係馬拉盞炒菜炒得有火喉冰磚楊梅水$32有驚喜的梅水總結：下次一定會去銅鑼灣試下、呢間都滿意…Read More

在香港比較少見主打福建菜的餐廳，而當中的菜式亦相對較為陌生。前陣子跟朋友行經荃灣廣場，見到一間來自新加坡，主打福建菜的中餐，裝潢優閑時尚，座位闊大舒適，細看下原來該店大有來頭，在新加坡曾多次獲米芝蓮星級推介，朋友亦聽說這店的出品不錯，遂決定一 起入去試一下。細閲餐牌，見此店新近推出了頭水紫菜系列的菜式，有涼拌，有煎蛋，有放湯，看賣相清淡得來亦頗吸引，令大家都有一嘗的衝動，一拍即合即時點了幾款試一下。根據店家提供的資料顯示，頭水紫菜為初次長成採收的紫菜，營養豐 富，矜貴程度媲美紫菜中的黃金。既然如此珍貴，就試一下有何特別 之處。蝦苗拌頭水紫菜賣相精美，以長薄青瓜片圍圈，裡面堆滿烏黑亮麗的紫菜，驟眼彷如魚子醬般吸引。紫菜拌入蝦苗、芫荽碎與酸香的醬汁，滑嫩爽口，加上蝦苗的微鮮和芫荽的清香，酸中帶微鹹，滲出淡淡海洋氣息，清中有濃，開胃怡神。九轉小腸，店員介紹為該店必點菜式之一，看上去平平無奇的一道菜 式，原來是經過千錘百煉的功夫菜。這店的師傅以傳統九摺式穿套手法，將豬腸層層摺疊穿套起來，再放入鹵水醬汁鹵製入味。小腸厚切上碟，單看賣相已見到功架所在，腸裡疊得密麻麻一層一層，感覺沒有一般腸類的鬆軟脂香，入口帶嚼勁但不會韌，口感爽彈結實，Q軟入味，滿腔鹵香而不帶羶味，沒有任何肥膏，感覺健康。冰浸涼瓜，一端上來賣相已驚為天人，大廚將苦瓜切成極薄透光的一片片，以冰塊墊底相疊砌成盛開的菊花一般，大廚精湛的刀功和獨特的創意可見一斑，沾上清香的蜂蜜同吃，冰涼爽脆甘苦蜜甜集於一身，是一道十分清新清爽的前菜。頭水紫菜煎蛋，賣相像極韓式煎餅，煎得酥香可口，內裡滿是紫菜，紫菜香加上蛋香，味道鮮美而不油膩，平時真的未有聽過這種做法，更遑論曾經試過，但想不到兩者相遇後原來是如此簡單的真味，下次在家都可以自己試做一下。紫菜海蠣湯，海蠣即蠔仔，細細粒但飽滿，份量頗多，滑溜甘香，配上紫菜的鮮嫩，湯汁鮮上加鮮，醇厚濃郁，雖然大廚加入味酒辟去了部分海產的腥味，但那澎湃的海洋氣息仍然掩蓋不了，無與倫比。興化炒米粉，堆到成座山一般的米粉，用料份量頗多幾有睇頭。興化米粉質地幼細爽口，加上蝦仁、花甲、花生、豆卜，菜段拌炒，面頭放上紫菜，配料十分豐富，米粉炒得乾爽不會太多油，調味鹹香剛好，口感清爽幼滑。福建菜的款式和一般中菜果然有點不同，整體來說，這店的出品賣相精緻，口味清淡，簡單中見真味，感覺健康，就筆者這個濃味愛好者而言，味道略嫌偏淡，但個人卻認為十分迎合現今注重健康飲食的風氣，尤其應會適合女士偏清的口味。整體來說，就地方，招呼，食物質素而言，各方面都做得講究認真，亦算不俗，不愧為得到星級推介的食府。…Read More