銀龍咖啡茶座

營業中

休息中

鼠年🐭新春行大運🚶🏻‍♀️🚶🏻‍♂️原本都想返深圳hea下但係疫情嚴重🤦🏻‍♀️不過都唔好破壞假期嘅氣氛。。。唯有帶住口😷罩喺香港四圍遊。。。求其喺觀塘食咗啲嘢就搭車去鯉魚門行吓。。。。好耐冇嚟過呢個地方因為食海鮮太貴啦💰💰💰💰。。可能農曆新年假期有部份食肆都仍在休息。。無意之中就撞到這間茶餐廳。。當然係俾佢那廣告吸引啦👀👀 #蛋白腐乳西多士。。。一望到呢個名稱就覺得非常邪惡😈😈不過我鍾意😻。。所以二話不說就入餐廳了。。原來今日農曆新年假期菜單係加咗價。。不過唔緊要最緊要有得食😋😋😋我哋唔係太肚餓所以叫咗一份蛋白腐乳西多士。。一杯他們出名嘅熱奶茶。。另外本來想叫一杯啡走。。。但係職員話佢哋係用三合一咖啡粉🤨。。聽到呢樣真係呆呆🤪🤪。。茶餐廳唔係嘛😵冇師傅沖咖啡都買部咖啡機吧🤦🏻‍♀️。。所以求其叫咗杯檸茶算🤷🏻‍♀️西多士一上枱。。。。已feel到嗰份誠意🤩。。熱燙燙脹卜卜的😻😻。。。再加上少少煉奶。。估唔到同腐乳係咁夾嘅。。真係有一種叮一聲🛎嘅感覺。。。好好味呀😍😍😍。。而且唔偷工減料真係食到嗰陣腐乳味😋。。不過話說回頭年初二嘅奶茶我就覺得有點失準🙅🏻‍♀️。。有負奶茶王嘅美譽。。新年加價冇問題

小弟好少何去到鯉魚門，而今次去竟然唔係為咗買海鮮，係為咗西多士？！入門口，完全係細個個時樓下冰室嘅感覺！卡位，磁磚牆身，大水吧枱！真港式冰室格局！平時食西多，通常都係糖膠或者練奶，新派d就朱古力牆，士多啤梨醬之類。今次真係估佢唔到！外表平平無奇，一切開，竟然有海嘅氣息！唔通真係近海？非也，原來係因為用咗腐乳做夾心！份量都唔細，1個人(好似我。。。)食的話，食到尾會有d咸，2個人分享的話就剛剛好。另一精選當然係奶茶王啦！我心中嘅奶茶必須要夠香滑。呢杯奶茶王，你問我，我覺得值！絶對可以一試！而且可以下次再黎！臨走個時仲有小插曲！原來有台灣一間電視台黎做訪問！原來真係咁出名？

久聞呢間茶餐廳好耐因知道佢地首創一種好有特色既港式食物呢日終於有機會一嚐·傳統香港茶記裝修風格年代感既綠色格仔地磚茶記應有既菜式都有齊·<腐乳西多士> $25賣相同普通西多士一樣但勝在即叫即炸熱辣辣炸前麵包預先搽上腐乳炸好後裡面再搽花生醬麵包炸得外面脆內鬆軟估唔到咸咸地既腐乳味味道新奇但又唔覺奇怪最後五分鐘極速消滅～好好好味窩😍😍😍·<紅豆冰> $25西多士當然要配紅豆冰因為係下午茶最啱配搭紅豆份量超多花奶好香每食一啖西多飲一啖冰好爽呀～😋·<芒果布甸> $26最後黎多個港式甜品一罐花奶可以任你加新鮮芒果肉好甜呀～·<總結>特色腐乳西多士值得一試！👍🏻