大邊爐火鍋店

雖然九龍城最多並最有名氣是泰國菜, 但最近開始都開了不少泰國菜以外的餐廳 😚 秋風起, 開始入秋, 又是時候來打邊爐, 我們便選了這間已有20年歷史的大邊爐。我們需要走上一層, 空間比想像中細, 但坐位尚算可以。湯底有十多款, 我們選了海底椰清雞湯, $148, 可以清潤一下 😊 嗅一嗅湯是香氣撲鼻香的, 不過味道偏淡, 配料除了椰子雞外, 還有豬骨, 少量花膠跟蜜棗。個人覺得豬骨比雞更好吃 😝 蜜棗很甜, 花膠就粘性比較高。安格斯肥牛 (大) $428西班牙黑毛豬 $188牛肉色澤紅潤, 油脂分布均勻, 當中某幾塊中間肥膏多了一點, 但是能接受到的程度 😉 肥牛未必算很大塊, 但比一般切得厚身, 口感相對豐富 ☺️ 肉質並不粗糙, 吃到淡淡的牛肉味。黑毛豬同樣新鮮, 明顯是高質豬🐷, 但吃一口就知道牛肉出色甚多! 😆炸魚皮 $50脆香腐皮 $68一大盤炸魚皮, 非常脆口, 浸在湯一兩秒拿上來就剛剛好 🥰 腐皮大概是餐廳自家製, 同外面吃到的有分別, 豆味十分濃郁, 皮薄之餘都有咬口 👍🏻 論脆炸程度就當然不及魚皮吧 🤭手打墨魚丸 $90自制蝦滑 $156特色魚蓉麵 $48手打的墨魚丸果然不同口感, 非常彈牙, 未熟之前細細粒, 淥熟後就像個波一樣 😬 蝦滑都一樣彈牙, 而且有大量蟹籽。魚蓉麵實際是鯪魚肉, 吃得出比一般餐廳新鮮, 雖然本人不太喜歡鯪魚都吃了不少。整體食物是絕對新鮮, 只是價錢中上, 感覺有點貴 🙃 可能場地細小, 只有一個部長加一個侍應, 服務正常沒有特別。…查看更多

位於九龍城嘅「大邊爐」係一間有二十年歷史嘅老字號火鍋。呢度每晚九點之後入座，仲可以享有半價優惠，好抵！我今次同朋友一行四人去食，揀咗鴛鴦鍋：沙嗲、冬瓜瑤柱，沙嗲就正正常常，但估唔到冬瓜瑤柱湯入面有咁多瑤柱，好足料！呢度火鍋配料都算多選擇，我哋點咗以下：⭐油麥菜 ⭐日本鳥冬 ⭐脆香腐皮⭐自制墨魚滑 ⭐陝西馬尾牛⭐三寶丸（牛丸、豬肉丸、墨魚丸）⭐炸魚皮⭐雞脾姑 ⭐安格斯肥牛（大）⭐西班牙黑毛豬呢度嘅肥牛、墨魚滑同黑毛豬特別好食。安格斯肥牛幾嫩，脂肪唔算太多，牛味幾濃。墨魚滑口感彈牙，好好味。至於西班牙黑毛豬，入湯燉煮之後非常鮮美，食落好滋味。呢度唔止食物好味，環境都好舒適，係一個值得同一大班朋友去打邊爐嘅好地方。…查看更多

今日約咗朋友食飯，兩個男仔想打邊爐，於是就去咗九龍城一間火鍋店「大邊爐火鍋店」，見幾多好評就去試吓。先講餐廳環境幾舒適，店員服務態度好好👍🏻我哋叫咗：特色魚蓉麵$46魚味香濃，咬落鬆軟，質地真係有啲似麵，好好食！😋白鱔片$88份量幾多，鱔片新鮮唔‘醒’脆香腐皮$60呢個值得推介，腐皮新鮮炸完之後上碟，所以勁脆，但又唔油膩！淥完幾秒之後仲保持到脆嘅口感，出色！👍🏻時令蔬菜$42幾好喎提供三款菜，菜都幾新鮮！四寶丸$168其實四款丸都幾好食，整體來講都爽口彈牙，尤其係牛丸同墨魚丸，兩款丸都好入味❤️四色餃$78呢個一般冇咩特別，鍾意食餃嘅可以試吓三色肥牛$388肥牛都要特別推介！首先牛肉好有牛味，淥完之後唔會好韌，而且油脂分布平均，增加左牛肉嫩滑嘅質感！啲牛肉粒淥咗好耐都唔覺‘老’同鞋口，證明肉質質素高😊總括嚟講以火鍋店黎講食物質素幾高又唔太貴，而且湯底清甜唔似味精湯👍🏻經過開嘅真係要試吓！😋…查看更多

生日飯局浪接浪，朋友帶我黎到九龍城打邊爐~ 九龍城出晒名係小泰國之稱。我黎親都係食泰國菜多，一係就xx牛肉館。朋友話呢間唔錯，想同我分享下~入口唔太起眼 ~ 行一層樓梯上去。上到去環境舒適，燈光鮮明。侍應好快送上餐牌同醬料俾我地自行"混醬"。冬瓜瑤柱湯 $64夏天熱辣辣，要咗個消暑袪濕嘅冬瓜瑤柱湯做湯底。湯底係用冬瓜丶瑤柱同唐排熬出黎，清甜唔油膩。湯底入面仲好多小瑤柱。竹蔗茅根水 $64打邊爐咁熱氣，梗係叫 jar 竹蔗茅根水。唔太甜，清熱又下火。手切安格斯肥牛(大) $288牛有4款選擇，我地要咗個中等價錢。牛肉新鮮呈鮮紅色，脂肪分佈平均，淥兩吓就有得食。放入口，牛味好濃郁又嫰滑，好正~ 係好好食~    (下次要試埋個手切肉眼邊肥牛先)加拿大桂花蚌 $138桂花蚌食落鮮甜，口感爽脆彈牙。海鮮蛋角 $88蛋角好食~ 嘩! 有蛋汁之餘，餡料仲好豐富，有杞子，鮮蝦仲有帶子花膠仔 $66朋友點咗個花膠仔，話俾我養下顏喎~ 好多膠原BB ~嘩…好大方，一碟有好多花膠仔。抵抵抵~ 咁大個女，都未試過打邊爐有花膠食，所以唔知都淥幾耐。於是問下侍應，佢都好好咁話我地知大約10-15分鐘就食得。四式餃 $72最鍾意叫d一碟有幾款嘅野，咁樣樣都可以試晒。四式餃有魚皮餃丶鮮蝦水餃丶瑤柱菜肉餃同西洋菜餃。新鮮，食落無雪藏味，皮薄多汁。四寶丸 $124 四寶丸有牛丸、豬肉丸、蝦滑同墨魚滑。    侍應介紹肉丸係佢地自家制，即叫即唧食落彈牙，真材實料 Juicy~脆香腐皮 $60三秒腐皮，淥三秒就要拎返上黎，吸到湯汁精華之餘，口感外脆內軟。唐生菜 $30新鮮~特式魚蓉麵 $42魚蓉麵有魚味，鮮甜口感煙靭。材料樣樣新鮮鮮甜，d精華去晒個湯到，最後忍唔住飲晒個湯底~水準唔錯，食物新鮮，值得再嚟嘅地方…查看更多

通常去親酒樓打邊爐都好嘈，不過如果你想靜靜地咁打邊爐，去大邊爐度打邊爐就啱晒啦。因為餐廳環境舒服又寧靜。打邊爐當然首選揀番個靚湯底，湯底足足有15款之多，任君選擇，我地揀左個海底椰青雞湯窩，喺未放食物之前，先飲左一啖湯，湯底味道清淡，有陣陣椰香雞味，湯中仲放左花膠，證明用料十足。另外，我們點左安格斯肥牛、脆香腐皮、牛丸拼梅菜豬肉丸同日本烏冬。安格斯肥牛色澤紅潤，紋理均勻，油花不絕，放入湯中輕輕涮幾秒半生熟即口，千萬唔好涮太耐時間，以免影響肉質，牛肉入口嫩滑，肉味濃厚，隨後脂香慢慢滲出，甘香可口。牛丸拼梅菜豬肉丸粒粒手打，咬落十分鮮甜彈牙有嚼勁。脆香腐皮鬆脆香口，入口即化。日本烏冬夠煙韌。…查看更多