影片
更多
2020-06-27
1145 瀏覽
😝你唔會失望既餐廳，店員態度十分好！及時觀察客人需要，主動協助。今時今日好難得💛加油！餐廳裝修亦都好靚中間設有好多點心擺設，環境較暗。有可能地段關係啦，都吸引好多外國人去食！食厭咗平時酒樓嘅點心？不妨都試吓呢間啊！雖然價錢較高，但質素都高，間中食下慰勞下自己1. 胡椒海皇灌湯餃 其實係好濃嘅龍蝦湯❤十分鮮甜，濃得黎就算食飽都唔會覺得好溜呀！餃子好大隻，皮夠薄，我比5⭐️⭐️⭐️⭐️⭐️！ 食完其實都飽飽地🍃滿足2. 上湯翡翠菜苗 雖然味道較其他菜為清淡，食落去好爽口，夠哂FRESH! 3. 黑松露蝦餃蝦餃皮薄餡靚，除了餡之外，皮亦加入了黑松露，口感濃郁，好食！但個人方面，我比較喜歡傳統點心蝦餃🌝因為過多嘅黑松露遮住咗個鮮味。4. 黑椒和牛酥外觀似傳統嘅蘿蔔絲酥，裏面嘅餡呢就用咗高質嘅和牛代替，酥皮夠薄而鬆脆，夾上嚟嘅時候都要勢力啲啊！和牛酥黑椒汁好濃，唔食得辣嘅人呢應該會覺得辣，不過如果少啲黑椒就好啦，因為我想個和牛味出少少。5.紅菜頭素餃都係果句，個皮做得好薄！晶凝通透你可以望到入邊嘅餡！皮加入了紅菜頭菜汁，天然嘅紅菜頭顏色，餡入邊有冬菇紅菜頭。鍾意食素嘅你一定要試吓啊！營養價值都好高！不過唔
1. 胡椒海皇灌湯餃
胡椒海皇灌湯餃
$88
16 瀏覽
0 讚好
0 留言
其實係好濃嘅龍蝦湯❤十分鮮甜，濃得黎就算食飽都唔會覺得好溜呀！餃子好大隻，皮夠薄，我比5⭐️⭐️⭐️⭐️⭐️！ 食完其實都飽飽地🍃滿足
2. 上湯翡翠菜苗
雖然味道較其他菜為清淡，食落去好爽口，夠哂FRESH!
3. 黑松露蝦餃
黑松露蝦餃
24 瀏覽
0 讚好
0 留言
蝦餃皮薄餡靚，除了餡之外，皮亦加入了黑松露，口感濃郁，好食！但個人方面，我比較喜歡傳統點心蝦餃🌝因為過多嘅黑松露遮住咗個鮮味。
4. 黑椒和牛酥
外觀似傳統嘅蘿蔔絲酥，裏面嘅餡呢就用咗高質嘅和牛代替，酥皮夠薄而鬆脆，夾上嚟嘅時候都要勢力啲啊！和牛酥黑椒汁好濃，唔食得辣嘅人呢應該會覺得辣，不過如果少啲黑椒就好啦，因為我想個和牛味出少少。
5.紅菜頭素餃
都係果句，個皮做得好薄！晶凝通透你可以望到入邊嘅餡！皮加入了紅菜頭菜汁，天然嘅紅菜頭顏色，餡入邊有冬菇紅菜頭。鍾意食素嘅你一定要試吓啊！營養價值都好高！不過唔鍾意食紅菜頭嘅人就唔會覺得好食㗎啦！
6.松茸菇包
唔好意思，我真係唔記得啲菜名，又懶得搵，所以簡短啲啦🌸 外型真係好似冬菇，個包軟熟鬆軟，配上冬菇餡❤正！
7.松露燒雞
熱賣嘅松露燒雞
20 瀏覽
0 讚好
0 留言
嗌左半隻啊，因為全隻嘅話呢可能你會覺得有少少溜，因為黑松露好重。面上亦放有少少黑松露，然後你會見到雞肉全部拌有黑松露❤完全係為黑松露嘅粉絲而設。雞皮烤得好脆，雞肉多汁嫩口😍絕對唔可以錯過啊
8.和牛鵝肝炒飯
雖然唔係啖啖都食到鵝肝同埋和牛，將飯放喺石鍋入邊，保持熱辣辣嘅口感，飯亦十分惹味，味道較為濃。
9. 櫻花蝦炒飯
面上放有香脆的炸米，拌勻口感一流，兩個炒飯飯粒粒粒分明，乾身，唯獨我認為鑊氣不夠！
總結整體評分，呢間餐廳絕對係值得食嘅，選擇多餐廳點心都好有自己嘅特色，亦都好花心思去設計，五星推介俾大家！
張貼
