蔥仔越南包

蔥仔越南包位於大角咀，店面毫不起眼🛖但門口長期有食客聚集👯‍♂️為買一個越南法包而等半個鐘以上亦實屬等閒😳令我不禁好奇這裡的出品究竟有何吸引之處🧐———————————————————————越南包外型偏長🥖縱使中間塞滿餡料但未會太粗👌🏻吃起來不會太過狼狽，非常貼心🥰法包外脆內軟😚不會過硬而變得𠝹口，餡料的醬汁亦恰到好處🙂未會過濕而令麵包變得軟爛👍🏻餡料方面有多達十款食材❗️非常豐富🥹一入口肝醬味道十分突出😋鹹香味濃又不會有腥味，與蛋黃醬的酸甜味道完美融合🥳扎肉、烤肉和豬肉鬆份量妥當🫡調味香料充滿越式風味🇻🇳除了這些濃味的食材，包內還有大量蔬菜以作平衡🥬甘荀絲清新爽脆🥕醃蘿蔔酸甜開胃😋再配以新鮮的青蔥和芫荽🌱大大中和了膩感，令整體感覺頓時變得十分清爽🍃各種食材的味道都十分突出👍🏻層次分明得來又十分和諧👏🏻絕對能帶來味蕾上的衝擊🤩———————————————————————蔥仔越南包各樣食材都絕不馬虎😎配搭比例得宜，才能成就如此令人驚艷的味道🥳而且價錢極度便宜🤯難怪會被大眾推舉為全港第一的越南法包🥇…Read More

蔥仔越南包我好耐之前已經聽過，店舖就淨係賣一款法包，長期都好多人排隊等買。黎到既時候記得一定要係門口位攞個黃色號碼牌，一個法包攞一個牌，跟住等叫號碼就可以嗌野食。今日星期六下就黎到，由攞牌到嗌野食都等左大概15-20分鐘。如果唔想等既話好似都可以whatsapp落定單先。  1⃣️經典越南法包（半個）（套餐B$ 45） 法包有得揀要半個（4.5寸）或者全個（9寸）。今次就揀左半個再加配湯同埋蔬菜既套餐。首先法包配料超級豐富🤩入面有扎肉、烤肉、紅蘿蔔絲、酸蘿蔔絲、肝醬、蛋黃醬、蔥、芫荽、辣椒、肉鬆，法包面頭烘得好脆，即叫即製，食落清爽而且啲醬味道啱啱好😌唔怪之得長期都咁多人排隊。另外餐湯係南瓜湯，入面有粒粒粟米，好好飲😋蔬菜當日有西蘭花、冬菇、秋葵，都好新鮮，仲有啲櫻花蝦係面😚每一樣嘢都做得好有心思～…Read More

呢間蔥仔越南包係我地既To eat list入面好耐，因為佢係一間黃店，而且我地好鍾意食呢d酸甜開胃既嘢，佢鋪面好細只坐得落五六個人，好多人都係外賣，同埋佢都係主打個越南法包，選擇就一定唔多㗎啦😀主要都淨係買越南包或者套餐A同套餐B💁🏻‍♂️套餐A包一碗湯或者兩個蔬菜、B就有齊晒湯同兩個蔬菜😀咁我哋兩個今次就揀咗A啦🤭分別就有蘑菇同埋南瓜湯，講真佢既食物真係好有驚喜😍比我地想像中好食好多，價錢更加係好平⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🌯經典越南法包 ($30半個) 8.5/10個包冇得揀配料嘅，全部都一式一樣，你只可以揀半個/全條，要唔要芫荽或者辣椒等等，佢上到嚟嘅時候個份量都唔會話太差啦，個包烘到脆脆地，咬落去呢個口感都幾清爽啦可能因為有蘿蔔甘筍嘅存在😌而且佢嘅肝醬同埋蛋黃醬呢令到個包更加昇華😀成個越南包嘅配搭都好好啦好快就食晒🤭有機會嘅話呢我地會再嚟食多次～🥣南瓜湯 & 蘑菇湯 ($38 Each) 7/10佢哋係自家製造嘅，南瓜湯同蘑菇湯都十分出色，濃厚度適中，配料都好充足🤪🍴環境：6.5/10🌯食物：8/10🤵🏼服務：6/10💰價錢：8/10…Read More

-{黃店💛大角咀越南法包🥖}好多人都介紹過依間😙依排黎大角咀終於食到依間啦🥳🤤經典越南法包🤤 9吋全個50蚊咋！入面超多菜😍法包好脆 鐘意酸酸地嘅蘿蔔絲好開胃~另外扎肉同烤肉份量都好多😆烤肉有汁唔乾 勁快食曬😂👖褲評: 8/10夜晚冇堂食只係得外賣㗎咋 可以叫走芫茜 辣等等🤪嗌個全個share2個人食啱啱好😌性價比: 9.3/10服務: 8/10環境: 7.5/10🚩蔥仔越南包🚩地址: 大角咀櫸樹街52號地舖…Read More

呢間係大角咀好出名嘅法包 之前睇YouTube都有介紹呢間好好食 不過鋪頭比較細 只有幾張枱都有.佢哋有個WhatsApp電話 可以喺電話落咗單先 去到可以直接攞 特別係lunch time時候 唔提早落咗單先去到就要慢慢排 由於老闆每個都即叫即做 排隊嘅話需要比d耐性🤣.🥖經典越南法包 （$30/半個 $50一個）一攞上手個法包好重手 入面都有好多餡料😍扎肉 醃蘿蔔 甘筍等等 一咬落去個法包好香脆 唔會好似出面有d餐廳食嘅法包咬極都咬唔開 配埋入邊啲肝醬同辣椒 鹹鹹地又辣辣地咁10分開胃 特別適合夏天太熱冇咩胃口嘅時候食🍄蘑菇湯 （+$8）蘑菇湯都幾濃 幾creamy 入面有好多蘑菇碎係一個又平又好味嘅湯😍…Read More

要對個包幾有信心先可以淨係賣1款包呢？不過呢間「蔥仔越南包」又幾值得專做一款🤩一開門就whatsapp落單，點知都已經要等大概45分鐘先有得拎😫 去到都排咗好多人•🥢 經典越南法包 $30/半個 $50/一個成個包好足料！有好多片扎肉、烤肉、肉鬆、醃蘿蔔同甘筍，好開胃！配料入面有啲辣椒，唔食辣嘅可以走，但有少少辣味都好正😋肝醬好香好惹味；個法包有烘過，但外賣返到公司凍咗就有少許韌，整好即食應該會仲正😌•🥢 餐湯(蘑菇湯/南瓜湯) +$8南瓜湯嘅南瓜味唔太濃，南瓜都溶晒，有啲稀，但有好多飽滿好甜嘅粟米粒，飲落似粟米湯多啲🤪 蘑菇湯嘅質地比較竭身，飲落菇味同cream味都超級濃郁😍 仲有好多蘑菇粒+蘑菇片，真係超足料🤤 雖然碗湯好細碗，但因為都幾creamy，所以有少少膩，比較細食嘅朋友表示，食半個包+飲完個湯都幾飽🤣•🥢 蔬菜 $8/一份今次同同事share，叫晒秋葵、菇同西蘭花，每人都可以食啲，蔬菜上面有嘅特制醬汁，好重麻油味，仲有啲蝦乾同蒜粒，幾惹味🤤…Read More