蔥仔越南包

食過幾次，因為味道可以。好食的東西要等唔緊要。 但係點解唔去多啲呢？因為驚俾人鬧。 所以次次去之前要預留時間，而且要鼓起勇氣。 忍忍忍。 老闆自己一個人做包，火氣很大。 客人入到小店應該會立即感覺到負能。 小店內放着較大音量的流行曲，但店內的人都不敢發聲。 靜靜的排隊好似小學生等待見訓導主任一樣。 店內有一個獨特的排隊制度。每次都會有客人不明白。多問一兩句結果就會給老闆嚴厲的訓話。比說話客人聽。我試過嘗試跟他傾閑偈。換來的是一盤冷水。老闆你可以寬容點嗎？太多負能量的食物不健康的。 非常可惜。…查看更多

最愛的越式法包店，去之前一定要留意營業時間，因為有落場時間，曾經都白行左幾次😅因為一去到大角咀就只會諗到哩間美食，每次到哩一區都一定幫襯。我心目中的世一法包，係香港食過最好味的❤️法包外脆，入面既料多到滿瀉，有紮肉，酸蘿白，芫茜，烤肉，肝醬等 同埋秘制醬料，每一啖都好豐富好有層次。中意食辣建議加辣，更加惹味😋👍🏻⭐️⭐️⭐️⭐️⭐️…查看更多

蔥仔越南包位於大角咀，店面毫不起眼🛖但門口長期有食客聚集👯‍♂️為買一個越南法包而等半個鐘以上亦實屬等閒😳令我不禁好奇這裡的出品究竟有何吸引之處🧐———————————————————————越南包外型偏長🥖縱使中間塞滿餡料但未會太粗👌🏻吃起來不會太過狼狽，非常貼心🥰法包外脆內軟😚不會過硬而變得𠝹口，餡料的醬汁亦恰到好處🙂未會過濕而令麵包變得軟爛👍🏻餡料方面有多達十款食材❗️非常豐富🥹一入口肝醬味道十分突出😋鹹香味濃又不會有腥味，與蛋黃醬的酸甜味道完美融合🥳扎肉、烤肉和豬肉鬆份量妥當🫡調味香料充滿越式風味🇻🇳除了這些濃味的食材，包內還有大量蔬菜以作平衡🥬甘荀絲清新爽脆🥕醃蘿蔔酸甜開胃😋再配以新鮮的青蔥和芫荽🌱大大中和了膩感，令整體感覺頓時變得十分清爽🍃各種食材的味道都十分突出👍🏻層次分明得來又十分和諧👏🏻絕對能帶來味蕾上的衝擊🤩———————————————————————蔥仔越南包各樣食材都絕不馬虎😎配搭比例得宜，才能成就如此令人驚艷的味道🥳而且價錢極度便宜🤯難怪會被大眾推舉為全港第一的越南法包🥇…查看更多

咁哩間暫時都係首選，始終佢係我第一間食過覺得好好食既越式法包店。幾年前第一次食都幾驚為天人。正唔正宗我就無深究，不過食料配搭就好大路，一般都係哩d料。包我估都係攞貨，但係個成品佢處理得好好。包皮鬆脆(偏少少硬脆所以要慢慢食，小心鎅上顎)包身鬆軟又唔會索晒汁淋晒，帶小小麵包香又唔會搶戲。材料豐富又唔會太over。難得在樣樣食材都食得出佢原本個味，加埋晒又好和諧又提升到成件事。哩個價錢我覺得係抵，不過店舖細細得企位，繁忙時間都好多人出出入入。如果買外賣要過陣先食又冇焗爐就唔建議。服務就正常啦，一人小店無期望。不過有一次買嗰陣老細見到個包皮甩咗d都主動問我介唔介意。我話無問題佢就照整俾我不過主動送個湯，好識做。…查看更多

想嚟好耐，呢日放半日，可以下晝嚟，原本諗住食成個set （有湯加沙律），點知原來冇堂食（見佢啲枱凳都放晒物資都冇問有冇得堂食，而且店內好多人排隊亦都冇呢個空間坐喺度食），咁就買咗一條包就走咗，要喺附近企喺度食，雖然非常狼狽，但值得一試，非常惹味同足料，芫茜份量剛剛好，要即刻食先好食。 住附近或者喺附近返工嘅人就有口福喇，可以成日過嚟買包。P.S.我嚟嘅時候係七月尾，唔知而家係咪仲未有堂食 。…查看更多

雖然這家小店已經不需要好評來招徠生意，因為每次去都需要排隊，但是還是認不住想寫一個好評！自從迷上了探索越南法包，我會到處尋覓越南法包品嚐，大角咀果真是一個五虎藏龍的地方，蔥仔是我目前吃過五六家最好吃的！感覺店家非常用心研究過法包，整個法包已經成為一個藝術品。整個法包融為一體，各種配料相得益彰，少一種味道都不對，各個部分都完美契合，不會「搶鏡」，融合的很好，已經達到一種完美的境界。之前吃過的法包有的豬肝醬特別腥，有的蔥是切細粒而不是像蔥仔一樣撕開，吃著容易撒，蔥仔的蔥是取蔥葉撕開掰成一寸左右的蔥絲，香菜只留嫩葉，沒有用桿，所以吃起來沒有香菜桿的干擾（像吃草），每一口都融合的很好。蔥葉絲和香菜葉摁在了烤雞肉和扎肉裡，表面撒上肉鬆和調味料。麵包本身不會很厚，更像一條法棍，切掉頭尾，薄厚均勻，保持每一口厚度都是均勻的，不會像有的麵包中間厚兩頭尖，吃著很不統一。蘿蔔醃的恰到好處，清爽微酸，貼著麵包最裡面抹著豬肝醬和蛋黃醬那層，很解膩。越南扎肉不知道是不是店家自己做的？切的約兩毫米厚，不會鹹，還挺鮮美，直接吃也好吃。總之，做到極致的小店！很有匠人的精神，價格也非常感人，湯品和蔬菜也請很用心做，很久都沒吃到這麼認真做事情的小店了。…查看更多

可以電話預約，好方便！我超級鐘意食越南法包，蔥仔越南包係我心目中數一數二愛店，我每次都會食9吋法包，實在太好食🥹蔥仔越南包只得一款包，內有扎肉、烤肉、甘荀、蘿蔔、肝醬、蛋黃醬、青蔥芫荽、辣椒、豬肉鬆，法包焗到外脆內軟，一d都唔硬！每樣食材嘅份量都配合得好好，食落充滿鹹香，加埋辣椒落去，又鹹又辣好開胃，我一個女仔食晒9吋長嘅法包都冇問題！另外值得一讚係甘筍、蘿蔔好新鮮，咬落好爽口，非常推薦大家試下呢間小店🥖👍🏻…查看更多

本身在尖沙咀返工，要到大角咀處理一些事，故趁午膳時段過去。去之前在網上找找有什麼好吃，因為不是太肚餓，故心水之選是輕食，看看Google同Openrice，鎖定這間越南法包。由於見有人分享可用WhatsApp預訂不用等，故坐車途中Whatsapp下單，大約是12.30pm，臨近1pm時才有人覆說預訂大約要1.30pm才有，說現場排隊買仲要快。這樣說沒計，我再看看吃不吃啦。去目的地時路過這鋪仔，目測店內約有5-6人在內，所以我沒有去排隊，辦完事後見店內得1位客人，應該不用等太耐便入去買了。店子小小，兩個員工，一個整包，一個負責執頭執尾預備湯菜，入去會叫你在牆上攞冧巴飛， 我要半份包加一個湯，等大約7-8分鐘便有了，付款找贖全是自動波，在整包的counter上有個紙幣兜同散錢兜，自己放錢落去同找錢。包加湯套餐$38，餐牌說個法包大約4.5吋長，返到公司個包仲係暖的同埋皮有點脆 (我大約坐左20分鐘車)，包內有扎肉、洋葱、酸蘿蔔、芫茜等，吃落酸酸甜甜又香口，很惹味開胃，我覺得個包很大個，不止4.5吋，看似近6吋長，吃後很飽肚，另外杯蘑菇湯亦非常好，拍得住Peko Peko的蘑菇湯，很香濃，吃完這兩樣飽到收工。路過大角咀值得一試，CP值高。…查看更多

想食呢間店既越式法包係唔太容易，因為營業時間平日亦不會太夜。加上平時都係老闆逐個即整係長龍店。幸好算是七日都營業只係時間有長短所以想食都要撞啱時間。今日有事經過小店見有人排隊。因為為食就排埋一份不過都排左30分鐘以上幸好天氣唔算太熱。如果再熱啲應該唔咁樣排隊喇。叫左長法包同是日例湯。因為番屋企都要一段時間包亦唔算熱但係餡料仍然充足。不過都係熱食更好。磨菇湯微暖但幾好飲。如果有缘路過唔洗排長隊可以再食。…查看更多

姊星期日去左大角咀，事先梗係睇定大角咀有咩好野食，係Openrice 見到間專賣越南法包既外賣店，即時勾起左去越南旅行時食過超好食既街邊法包，果時旅行尾聲趕去機場前，同友人都要專登再去食多一個先肯走。係完全冇懸念底下，決定去食尼間，買完之後走去M 記度嘆（所以d 相影得唔係好靚😅），睇下係咪真係咁經典～越南法包入面有扎肉、烤肉、醃甘荀、醃蘿蔔、肝醬、蛋黃醬、青蔥、芫荽、辣椒、豬肉鬆，勁豐富，亦都可以因應你個人口味要求唔要某d 野，或者要求個法包要軟啲都可以。我第一次食，梗係食返原裝既味道喇。一口咬落去，仍然係可以令我快樂同滿足既越南法包！法包外脆，唔難咬唔𠝹口，入面搽咗一層薄薄嘅肝醬，由於肝醬味道濃烈，所以薄薄一層我認為剛剛好，食到肝醬既味道，又唔會遮左其他食才味道。越南會用豬潤同雞潤做肝醬，如果接受唔到潤既味道，落單時就要走肝醬喇。姊覺得尼個法包味道好好，略嫌就係烤肉唔多，但扎肉唔少，可以搭救。除左法包，仲有套餐可以嗌，可以配湯&蔬菜，我就嗌左湯，果日係蘑菇湯，湯既質地好濃稠，蘑菇味好濃，值得嗌👍🏻半份法包+個湯 $38，簡直係超值🤤星期日下午2:10去到都要排隊，等9個人左右。係鋪入面既門口可以拎號碼牌，買一條法包拎一個號碼牌，門上面寫左當日既湯同蔬菜，然後會按號碼落單，拎野食之後自己俾錢自己找續。姊去到好彩有人教先知，哈🫢🫢一句：姊 will be back !!📍蔥仔越南包 (大角咀)大角咀櫸樹街52號地舖…查看更多

可能我只要半份包，包料多到滿瀉，係食完個包仲有成塊扎肉片及其他料未食。麵包表面係脆，可是肝醬唔夠香，第一口咬下去只食到美極醬油的味道，只是你見到才知有肝醬在裏便。扎肉夠厚有口感，但明顯剛從雪櫃出來，仲係凍凍地，放在一個熱包中未係好夾。酸蘿蔔切得夠粗，咬起來很有口感，味道唔太酸。整個包唔係好成為一體，包有包熱脆，料有料分開不同味道。…查看更多

雖然呢間應該好多人都識，但不得不表達一下我嘅愛💛 獨沽一味專注一道 Banh Mi，必須好出色先可以屹立咁多年葱仔作為一間主打越南法包嘅外賣自取店當然係無乜 service ，但真係又抵又好食！（無乜 service 因為舖頭通常得葱哥一個埋頭苦砌，所以食客們要自己拎籌號，自己比錢找贖😂 十分 free style。但當我計數慢面露迷惘，葱仔哥都有即刻話我知係找幾多）呢個全條九吋只需50蚊🤑🤑🤑 加8蚊有埋湯或者菜，建議要加埋，湯creamy 好飲🥣菜新鮮好食（每次兩款個款式都有少少唔同，有埋開盲盒嘅快感）。order 時可以按口味要求辣度，酸度，走香草等等，實啱你口味！濃味嘅扎肉，肝醬，烤肉，肉鬆混合清新解膩嘅甘荀🥕酸蘿蔔，仲有芫荽同埋辣椒🌶️調味增添一絲絲嘅刺激。法包夠新鮮脆身得嚟唔會戒口，用料唔馬虎，無偷工減料，好食😋通常去到都有條龍仔要等，如果唔想排隊可以預約 WhatsApp 比佢落單，覆實時間之後咁就去到比錢即可👍 一樣係可以 tailor made 你嘅個人口味，十分之方便 呢個係我淨低半舊擺過夜之後頹廢咗啲啲嘅樣，個包會無咁脆身但不影響個調味同內餡嘅滋味，不過建議大家都唔好似我咁好眼闊肚窄😂 新鮮食係風味最佳…查看更多

蔥仔越南包已經食左好幾年因為成日排隊加整包需時每次我都會先whatsapp or 打電話book 左先老細會同你講大約咩時間黎拎咁就慳返好多時間黎到walk in 既話要拎左個牌先再等冇時都要等成半個鐘去越南既時候都會搵呢個包食返香港成日搵唔返果種味道原來最大分別就係落肝醬既量蔥仔既肝醬同酸羅白真係好好食同果包好match果包通常我會叫多辣多西 , 好惹味通常我會叫包加配湯or 菜 不過今次有d 飽， 冇叫到set 成個set 好抵食…查看更多

探尋味蕾之旅，唔使去越南，大角咀就有廣受歡迎嘅越南法包！一試成主顧，餓嗰陣去咗，一睇個menu滿滿當當嘅越式滋味，心諗：今日實試咗喇！😍點嘅經典法包，幾個字形容？嘩！巧夠口，鮮夠味！包包表皮酥脆，啖啖肉嘅扎肉，燒肉香而唔腻，優勝！夾埋甜中帶酸嘅蘿白絲同甘荀，鮮爽得嚟開胃，肝醬咸香帶勁，整體感覺就似味蕾去咗一趟河內嘅小旅行。每啖都咬落去好有層次，夠晒夾，有滿足感！🤤嗰邊枱嘅朋友話餐牌上嘅蘑菇湯都正，下次一定要試吓！仲有，誤打誤撞揾到椰香咖啡，飲落去甜香帶勁，一款平靚正飲品。食物質素高，真係食得開心，肯定再嚟！🤩…查看更多

🤬🤬🤬做包個阿叔好有問題，我六點前去到未開門，用電話落單，開咗門啦要排隊入去，我嗰時後邊未有人，我話我電話落咗單有冇得攞？我唔明點解佢唔可以當我係排隊買而唔係電話落單 我都排咗隊囉，咁佢咪當我取消張電話單囉佢又唔係有其他嘢做緊，點解唔可以做咗俾我先？跟住佢就一路教訓我，有人行入嚟啦，仲話我小姐你唔可以只係諗自己阿叔你冇嘢啊？我而家係顧客俾錢仲要收你氣？冇見過人咁樣做生意 好差👎🏻👎🏻👎🏻👎🏻…查看更多