三一餃子 (通菜街)

營業中

休息中

無意中發現呢間餃子店好有驚喜🥟除了一般的湯餃、煎餃外，仲有好多創意餃子菜式，呢款新推出嘅「今次大鍋啦」個名已相當有新意，其他的小食亦好吸引，火焰醉雞翼賣相吸睛又好吃、而且打卡一流，期間限定的日shake炸餃好好玩呀🫠🍲今次大鍋啦(餃子鍋物) $68揀咗係外面少有的蒜芯餃子，食落爽脆有蒜香味，湯底熱騰騰，有8隻餃子🥟跟豆腐、芽菜、壽喜菇和椰菜，我哋仲加埋溫泉蛋、竹輪和芋絲，食得好滿足啊😍😍🍢關東煮 $38貓貓碗十分可愛😻日式昆布湯底清甜，蘿蔔夠腍，溫泉蛋夠流心，仲有竹輪卷、鮮冬菇和丸子🍶請店員同你飲番杯(日本清酒) $5其實小店已每人送一杯清酒，加$5就多兩杯🍻同店員一齊乾一杯有趣🤣🤣🦪吉列炸蠔 $46外面炸得鬆脆、裏面的蠔仲燙口好吃🫔絲網春卷 $28絲網賣相好靚、炸得外脆內軟，若餡料加多些西芹紅蘿蔔絲增加爽脆感就更佳🔥火焰醉雞翼 $52店員在雞翼上淋上烈酒再點火非常吸睛，雞翼有好香酒味，配埋柚子醬一齊吃超讚🤤🤤🥟日shake炸餃 $38餃子炸到金黃色，自行放入紙袋加埋自家製和風海苔粉shake shake吓好好玩🤭餃子饀的粟米粒增加口感唔錯👍

去開旺角睇聖誕禮物順便食個lunch, 天氣凍想食d暖笠笠嘅野，就去左食餃子😍✨Double松露流芝餃 - 見到期間限定仲要係芝士，我已經流晒口水~佢拎左兩塊芝士放喺枱，下面用蠟燭慢慢燒，見住佢溶好治癒🤩 跟住職員會幫我剷d溶左嘅芝士落去個冰花松露餃上面，勁拉芝之餘又幾香松露味，冬天補充下energy是必須的😎✨湯餃 - 叫左雙拼粟米豬肉餃mix蒜芯豬肉鬆，用貓貓碗裝住幾可愛，個湯幾清甜，粟米豬肉餃有粒粒粟米，香甜又有口感😻蒜芯豬肉餃幾特別，真係食到蒜香味，菜粒又夠爽口👍✨醉炸雞翼 - 香脆得嚟醃得夠味，食到淡香酒香，肉質好juicy🤤✨絲網春卷 - 裡面係蘿蔔同豬肉碎，外面嘅絲網薄得嚟夠脆😋✨飲品 - 叫左杯熱柚子茶同熱綠茶，冬天飲好啱，又解膩！

呢間小店由兩位80後港人主理，製作多款本土特色餃子，更首創餃子大阪燒🥟所有餃子自設工場製作，餃子皮更選用日產高級麵粉製成，確保食材質素🇭🇰💗雙拼湯餃 ($48/ 8隻)選用味噌蝦湯，有別於清湯底，味道更香濃鹹鮮👇🏼🌽粟米豬肉餃：鮮美豬肉餡配搭粟米粒，味道清淡香甜🥬韭菜蝦皮豬肉餃：新鮮豬肉餡配搭新鮮韭菜同預先炒香嘅蝦皮，絕對係經典口味💗雙拼煎餃 ($52/ 8隻)採用日式慢烤煎法，令底層形成鬆脆冰花脆皮👇🏼💎黑白松露豬肉餃：餃子加入大量黑松露同白松露油，入口充斥濃郁松露香，但豬肉餡略為乾，唔夠juicy🐙韭黃墨醉雞餃：嫩滑雞肉餡以醉雞汁同料理酒調味，配上彈牙墨魚漿，口感更豐富💗醉炸雞翼 ($35)雞翼炸得皮脆肉嫩，帶陣陣花雕酒香🥃💗絲網春卷 ($28)米網春卷炸得金黃酥脆，內餡簡單以豬肉碎、蘿蔔絲為主🫔