細滲

放假去大圍行下，見到呢間主打馬來西亞菜嘅小店，都幾多人食喎！果然一入去聞到陣陣香氣，啲味仲真係幾正宗🇲🇾😋🥣 細滲肉骨茶 湯底藥香濃郁，入口帶淡淡藥材味🌿，飲落溫潤舒服。入面料多又實在，有豬手、腩肉、雞腳、金菇、豆卜，每樣都入味又唔油。最正係可以無限添湯😌！🦐 龍蝦尾海鮮濃湯蝦麵呢個一定要早啲嚟，每日限量20份架咋‼️ 湯底濃厚得嚟唔膩，啖啖蝦香🦞～油麵掛湯力超高，每啖都好鮮味，食完齒頰留香🤤🍢 馬拉沙嗲串燒（豬牛雞） 燒得啱火候🔥，香氣十足～外脆內嫩，沙嗲醬甜中帶香料味，味道濃。一次過食晒三款肉，好過癮～ 🥬 玻璃生菜／淨芽菜 爽脆清香🥗，炒得乾淨俐落，用嚟送肉骨茶啱啱好，食落清新唔膩。 🌾 淨黃薑飯 金黃色飯粒粒分明，薑黃香同椰香融合得啱啱好🍚，單點都得，配返沙嗲或者肉骨茶特別夾。 🍫 美祿恐龍 & 冬瓜龍眼茶 美祿夠厚夠香，上面鋪滿粉末，飲落有返細個嗰種快樂感🥹。冬瓜龍眼茶甜度啱啱好，飲完清爽潤喉。 …查看更多

舖頭面積頗細，但係裝修都明亮企理乾淨。芽菜雞 呢個勁普通。冇加錢轉雞髀，結果係俾咗一大碟好大舊嘅雞胸肉。件件都大大嚿又好鞋口。個汁又只係普通豉油汁，冇咩特別。唔推介。 配淨豬油撈飯食到明顯又香嘅豬油味，但係又唔會覺得好油膩。舖頭阿姐介紹加少少黑豉油，加咗之後令到個飯增添咗一啲甜味嘅層次，好味。不過飯本身整得比較軟身唔係粒粒分明嗰種。手抓薄餅 薄餅都幾鬆軟酥香。係符合預期嘅手抓餅嗰種質感同味道。細滲 可以有無限添加嘅肉骨茶汁。肉骨茶嘅湯汁飲第一啖就會覺得藥材味頗重，係頗濃嘅醬油味同當歸味果種。當然飲得多慢慢就會覺得有啲鹹，但係本身攞嚟送肉食就覺得味道充足。細滲有唔同嘅材料，除咗排骨，仲有豬手、雞腳，豆腐卜等等，一次過可以食唔同嘅材料，覺得都幾好。姐姐牛丸牛丸係自家製手打嘅風味，口感比較粗同埋多粒粒嘅口感，牛肉味可以。比較欣賞佢嘅牛骨湯，佢係清湯湯底，再加比較濃郁充足嘅牛骨髓味道，而且冇咩味精湯嘅感覺，滿意。另外湯裡面仲有粉絲。👌🏼鮮牛油咖央多士多士都焗得鬆脆，咖央醬味道都香甜。不過對比起傳統馬來西亞食到嗰種，呢度嘅多士就係平時港式嘅口感，唔算非常好薄脆嗰種。美祿恐龍 …查看更多

東南亞菜中，馬拉菜算喺食得較多，再者，食友都知我鍾意食馬拉菜，就推介我嚟試試馬拉菜小店「佰古嗲」，話水準高，主打嘅肉骨茶頗有人氣，所以，就趁周五晚專程入嚟會一會佢。點解個名咁得意，睇埋餐廳嘅英文名字，就知喺肉骨茶（Bak Kut Teh）嘅音譯，真有意思！果然好有人氣，餐廳分上下兩層，下層已經坐得滿滿。而室內裝修簡樸，一室以白色為主調，但牆上大大幅馬拉風情手繪，畫功精緻，非常吸晴。而走到上層，同樣裝修樸素，亦坐得七七八八，此外，亦有巨型手繪壁畫，但主題貓貓，一樣畫得好靚，非常神似。餐牌印刷精美，部份菜式有圖片作參考，分類上包括小食、肉骨茶、飯品、麵類、喇沙、精選菜式及飲品，定價親民，更要讚喺唔收加一服務費。細滲 $88雖然呢度嘅招牌係肉骨茶，而且選擇非常之多，但著實仲有好多菜式都想試，所以，就叫個「細滲」一嚐。唔好見佢細細兜，其實裏面裝滿晒食材，包括五花腩、豬肚、豬腳、雞腳、豆卜、金菇……等等，樣樣食材都入晒味，確喺唔錯；而個肉骨茶本身非常濃郁，嗰陣陣藥材味入口帶甘，口感幾舒服，再者，啲肉骨茶喺可以無限添加，不過，呢一份「細滲」裝出嚟都夠三四碗，絕對夠晒飲。黃金醬虎蝦 $168另一道想試嘅就喺呢道虎蝦，馬來西亞三面環海，出產唔少海鮮，而海鮮菜式都做得唔錯。份量可不少，雖然無實質去數，但食吓食吓估計都有成十多隻，蝦肉好爽甜，而且，開咗邊，更入味，個黃金醬喺以鹹蛋黃、牛油、忌廉推出嚟，鹹香惹味。芽菜雞配黃薑飯 $88芽菜雞亦喺馬拉出名菜之一，道菜本身配黃薑飯，但我哋就更加想試椰漿飯，所以，加$5改一改，因為加咗班蘭葉去煮，所以，一身青色，班蘭本身無乜味，隨之而來喺微微椰香，飯粒鬆軟。至於啲雞非常嫩滑，皮下脂肪少，雞皮卻好爽口，無論沾上黑醬油定辣醬，都好好食；此外，肥嘟嘟嘅怡保芽菜，入口爽脆多汁。拉茶 $18友人話奶茶就飲得多，拉茶喺點？都好想試吓，杯面厚厚嘅泡沫喺其特色，倒有幾分似飲意大利嘅泡沫咖啡。佢話個茶底幾香，雖然揀咗少甜，但比起港式嘅會偏甜少少。冬瓜龍眼茶 $30本來都想飲白咖啡，喺馬拉特色，但今日嘅配額已用咗，只好健康啲飲杯冬瓜茶，茶味清爽，夠消暑，甜味自然，加埋有少少龍眼肉咬吓，好唔錯。鮮牛油咖央多士 $38印象中，馬拉菜無乜甜品，反而，富特色嘅咖央多士偏甜嘅個性正好當為甜點都得。睇見厚厚嘅鮮牛油，加上帶椰香嘅咖央醬，兩者嘅融合變得非常有特色，加上多士烘得酥脆，實在為今餐有個好嘅結尾。友人甚少食馬拉菜，甚至原來未去過馬拉，但佢就覺得今餐啲菜式好合口味，而且好好食，加上招呼好好，招呼我哋嘅姐姐不時問我哋有咩需要、使唔使加肉骨茶、清理枱面食完嘅碗碟並話聲慢慢坐，咁先喺留客之道。…查看更多

肉骨茶可以無限添是常識吧! 呢間大圍隱世小店主打東南亞菜，最出色是款款招牌菜都會配埋靈魂醬汁，有層次仲更有地道風味! 肉骨茶可以叫大滲 或細滲. 呢款細滲都有齊雞腳、豬肚、豬手、腩肉，好足料! 肉骨茶怯濕保暖，蒜蓉辣椒配埋黑豉油、頭抽，正! 黃金醬虎蝦，勁多蝦! 鹹蛋黃加紹酒製成黃金醬 ，靈魂醬汁咸香，蝦肉爽彈好掛汁，好味! 唔少得，馬拉沙嗲串燒，細食 嘅單叫三串都得，但個沙嗲汁勁多花生碎，最後我食完串燒，連個汁到撈埋。炸野仲叫左 青椒炸蠔，一碟有成12隻，炸粉香口偏厚但蠔味好濃，最出色係 青椒醬，印尼風味青辣酱係令人想食完再追食嘅 辣味! 2個人食曬12隻!…查看更多

第二次去食 依然滿滿享受今次叫左福建蝦湯麵，細滲，辣椒板麵，淨芽菜，鮮牛油架央多士，凍白咖啡同凍拉茶福建蝦湯麵湯㨂左滲滲麵底，油麵加米粉，腩肉配微辣湯底驚喜地好食，蝦煎香更出味，滲滲麵底馬拉風味好夾👍🏼辣椒板麵㨂左老鼠粉麵底，黑豉油風味唔錯，襯埋辣椒味口感有層次，味道夠得嚟唔會太咸太濃肉骨茶個人最愛 湯底藥材味香濃 加上排肉料熬製增加鮮甜味 回味無窮 點左肉骨茶店員會俾另外一碗淨肉骨茶享用 淨湯要襯熱飲 香味口中迴盪 會同有料既細滲唔同 配襯其他食物幾唔錯鮮牛油咖央多，牛油香口，如多士再香脆更好拉茶有馬拉風味，茶底唔錯，咖啡都口感幾幼滑上次晚餐時段六點零去唔駛等太耐， 今次午餐時間要幾旺，要等一等，但無礙再次幫襯👍🏼👍🏼…查看更多

好多餐廳初六先啟市，大圍呢間馬拉餐廳，初五都仲有開就嚟個馬拉lunch開返個靚頭，唔使下下食中菜咁悶呢間其中一個招牌係肉骨茶，仲要係任添，食極仲有夠晒好意頭今次嗌咗個細滲，乜料都有豬肉、雞腳同豆卜夠晒入味又嫩口，湯底好香濃平時食開蝦麵，趁新年食豪晒嗌碗特濃龍蝦湯底嘅龍蝦尾蝦麵，湯底濃到爆炸，啖啖鮮味入面有大量海鮮，有帶子、青口、魚片、魚蛋，龍蝦肉真係啖啖肉勁足料唔食炸嘢咁熱氣嘅話，可以嚟個芽菜雞，一份都幾多雞肉，煮得幾嫩，點醬食更醒胃，仲有黃薑飯跟，好大碗吓呢度仲有炸蠔食，冇諗過佢地又炸得幾出色，外表炸得勁脆，一咬就咇晒啲汁出嚟點呢個黃金醬食，超級掛汁，咖喱香非常出眾次次食馬拉嘢，點都要食呢個邪惡嘅代表—鮮油咖央多，咖央香甜，需有牛油襯托，整個組合令人太興奮飲品見佢有馬拉茶滲馬拉啡，喺出面好少見有呢鴛鴦組合原來溝埋一齊，味道更加濃郁，格外醒神，好特別…查看更多