杏甜品 (香檳大廈) (已結業)

星期六同老公去完買野之後，又到下午茶口痕時間，拉左佢一齊去食甜品甜一甜。我好貪心，叫左3款share黎食。貓山王榴槤爽冰老公唔食榴槤，所以我可以一個人獨享。榴槤真材實料，綿滑香甜，個冰都夠綿，唔需要咬冰粒，而且榴槤味好出，好好食又透心涼。芒果奶昔雙皮奶有三個層次，最面個層係清甜既芒果，跟住係芒果冰，最低個層係雙皮奶。雙皮奶好滑，有奶味，仲有種食豆腐花既感覺，正呀。紅豆咖啡雪糕咖啡雪糕好咖啡，口感偏冰感，仲有花奶俾你自己落，第一次食呢種配搭，幾新鮮。

Almond Dessert @almonddesserthk📍尖沙咀加拿分道40-46號香檳大廈地下6號舖.尖沙咀新開以杏仁主題港式甜品店 @almonddesserthk 😍 餐廳採用全球頂級杏仁同食材，提倡綠色健康，更採用天然果糖打造微糖無糖甜品👍🏻 除咗招牌杏仁製糖水，仲有豆腐花、沙冰、傳統糖水，價錢適中，記得喺尖沙咀行完街食埋碗糖水先走啦😙.🌹 咖啡杏仁茶 $48: 非常新奇有趣嘅食法！結了冰嘅齋啡冰粒，雕成玫瑰花形狀，融合熱辣辣杏仁茶，飲落口兩種味道，濃郁嘅咖啡香同香濃杏仁味，入口帶甘甜😝.🤍 杏仁茶燉蛋白 $55: 餐廳招牌甜品！杏仁茶入口順滑，杏仁味香濃，每日新鮮現磨，熱辣辣配埋燉蛋食，甜而不膩，養顏之選🤩.🤎 龍眼爽冰 $55: 用上金標龍眼製成招牌龍眼冰，龍眼肉打碎在冰入面，龍眼味清甜，同椰果好match，感覺好清新😙.☕️ 紅豆咖啡雪糕 $42: 香濃嘅咖啡雪糕加上香甜紅豆，仲可自行倒入花奶，調教自己喜愛嘅甜度😉.💛 榴蓮爽冰 $59: 用上泰國貓山王自家製成爽冰底，面頭就有一球榴蓮肉，啖啖都係新鮮榴槤肉，入口即溶，肉質綿軟，非常鮮甜😄

岩岩打左兩個風 作為服務業既我 打幾多號風都係要開工既 咁岩今次約左人 好彩臨收工前都落左8號波 就同朋友搵到依間新開既甜品店咁岩打完風就開番 就決定黎依度小聚一下位置方面 位於the one對上斜路 舊時好似印象係一間茶記定車仔麵檔 店面以Tiffany blue色調設計 絕對係幾搶眼既一間店 內裡是簡約Tiffany blue裝修 打卡一流個人超愛這種設計haha由於試業關係 堂食可享9折優惠 唔好以為試業階段就冇乜野食 反之 店舖推出好多甜品 樣樣好吸引 今次就分別點左 抹茶湯圓（$42） 、糖不甩（$15） 、 紅豆咖啡雪糕（$42） 基本上客人可以掃QR CODE落order,但要用visa master嗰啲網上俾錢先 ， 冇既就即時出去落單俾錢。首先到既糖不甩同抹茶湯圓 ， 抹茶湯圓據聞都係依間promote菜式之一。一碗有5粒 ， 先講個糖水 ， 不得不說好特別 是以桂花糖水作配襯， 一入口係清香既桂花味 感到好意外 而湯圓一咬 啲抹茶流水爆哂出黎 絕對真材實料， 濃郁既抹茶味絕對岩哂一眾既抹茶迷😋😋 糖不甩 一碗大概5粒左右 ， 細細粒，$15黎講算係抵 之後緊接既就係

最近尖沙咀開左一間小清新甜品店 主打每日新鮮製作杏仁茶同水果爽冰🤤 店舖以湖水綠色作主調 餐具等都好打卡able我地今晚終於去左一試 真係超正 推介大家係尖沙咀食完飯一定要去試下❤️Menu有精選既10款甜品推介 我哋一共揀左3款甜品 分別係龍眼爽冰 芒果奶昔雙皮奶同紅豆咖啡雪糕😍 龍眼爽冰真係超有驚喜 平時食到龍眼口味既甜品都係偏淡 但係呢個龍眼爽冰龍眼味真係超濃😱 同店員傾落先知原來一小杯龍眼爽冰已經用左超過30粒龍眼肉 先製作出咁好食既龍眼爽冰😋 冰面仲放左椰果同水晶珠作為配料 真係好值得一試🥰芒果奶昔雙皮奶香滑既雙皮奶上放上手打芒果奶昔 口感好似沙冰 酸酸甜甜好冰涼😋 面頭舖上大大片芒果果肉 整體唔會好甜好膩👍🏻紅豆咖啡雪糕咖啡既香濃程度令我哋震驚🤯 濃郁既咖啡香甜味係口腔徘徊 再加上香甜又好腍既紅豆 真係好正丫🤩 推薦大家一定要過嚟幫襯🌟