老街 (已搬遷) 新店位置

點了牛肉麵和炸豆腐拼鹽酥雞 - 不得了！全部都超好食！唯一要比較嘅可能係炸豆腐比鹽酥雞略勝一籌 - 外脆嘅皮加豆腐嘅香味，暫時係香港都食唔到呢隻味道。至於紅燒牛肉麵 - 牛肉夠腍，湯頭夠濃味之餘，飲完亦唔口乾。絕對會再嚟食多次！

一個人食lunch, 經過開呢間老街，突然好想食返碗台灣牛肉麵，唔使去到台灣老遠至食得到，近近地位於旺角就有得食啦第一次來老街食店，店舖裝潢有點古式懷舊，很別緻，這裡地方唔算大，但坐位都很舒適，我一個人無需等位，兩位或以上的要在門口等了，我坐下後當然點了個好想食既牛肉麵啦紅燒牛肉麵~牛肉好腍好入味，湯味夠濃郁但又唔肥膩，加上酸菜伴上面，好醒胃，唯麵質較硬身了點，可惜既係牛肉份量好少，多啲啲既份量就perfect啦

-紅燒牛肉麵🍜（$60）紅燒牛肉麵嘅賣相十分吸引，湯底十分香濃， 麵食落比較彈牙，煙韌，而且麵上面仲有好多酸菜😀香蔥，一條菜 再配上 三大件牛肉🥩牛肉食落超級淋，肉質好滑😍一咬就鬆開，真係煮到入曬味，真係好鍾意依個牛肉麵🤗-紅燒牛腩牛筋麵🍜（$60）依個牛腩牛筋麵 都係有酸菜，香蔥，一條菜再配上 三大件牛腩和牛根🥩，煮都好淋😋，好好食，牛腩肉質嫩滑，同樣，麵食落都好彈牙，十分Like 👍🏻-胚芽奶茶🍹（加珍珠）（$15）奶茶味不算太重，而且不太甜（我比較喜歡飲不太甜的奶茶），而且珍珠比較細小，沒有口感，不太煙韌😀-百香果QQ綠茶🍹（$12）依杯飲落真係好甜，下次飲一定要少甜，有好多珍珠和椰果係杯低，都算足料，不過飲落真係超甜😢-滷味切豬耳☺️（$28）豬耳嘅份量都好多，食落十分爽口彈牙😋，仲有好多芝麻係豬耳上面，食落好香😊，而豬耳切成細細條, 方便進食，而且豬耳鹵得都幾入味，味道不錯😃-涼拌小黃瓜🥒($28)依個小黃瓜食落比較甜，不太爽脆，但我就幾鍾意食依碟小黃瓜，充滿驚喜的涼拌小黃瓜-酥炸花枝丸 🍢（$ 28 ） 每份有點粒花枝丸 , 花枝丸炸到香😆 , 食落煙韌而且十分彈牙 , 仲食

台灣麵店在香港愈趨普及，大多數的台灣餐廳會打做文青風或高雅路線，但「老街」卻截然不同，故名思義是把餐廳設計成舊式的台灣風格。從黑色趟門以入，可看到餐廳以啡色和木為主，還有石屎和磚牆的設計，兩面石屎牆分別貼上不少舊式的海報和掛著一系列舊式台灣的照片，彷如置身如古老的台灣食肆中用膳，這種濃烈的舊台灣風格在其他台灣餐廳難以找到。當晚與友人一起到來感受一下舊式台灣風味，二人點了3款台灣餐廳必點菜式：最出名的台灣食品之一必然是牛肉麵，牛肉麵一上枱，最有心意莫過於選用了鐵匙羹，非常有台灣風味，麵的粗幼度如米線，麵質軟身，而牛肉大小如叉燒，但肉質非常腍身，幾乎不需用力便能咬開，至於湯底雖然有點油膩，但除了牛肉汁味外還有淡淡的蘿蔔味，少許的蘿蔔清新亦可覆蓋少許油膩感。隨牛肉麵附送一棵白菜和少許酸菜。滷肉飯比想像中來得大碗，相信連男士也會吃得飽，肉燥並不是港式煮法的免治豬肉加蠔油茨，而是用豬肉粒所煮出肉汁撈飯，並有可見的豬肉粒與不可缺少的肥豬肉， 滷肉飯還配上紅蘿蔔和粟米粒和滷水蛋半隻，兩者溫度皆屬冷，而滷肉與滷肉飯溫度屬暖。雞扒外皮除了經滷水腌製外還頗脆身，而且雞肉也很厚身。上圖左邊為炸豆腐，右邊為鹽

星期六想過一個懶洋洋的下午, 訓到自然醒後就同老公出去覓食. 今日我地無懼風雨咁去左旺角睇下有咩好食. 一出地鐵真係又熱又迫到想死所以好快咁就坐底左食台灣野. 店內既decoration 好有台灣眷村味道, 入到去同有feel 亦都舒適! 台灣的特式都有齊, 我地都好例牌咁叫左幾樣次次都必叫既食物. Menu design都好靚... 紅燒牛肉麵湯底香濃又唔會油, 麵質都爽滑彈牙. 上面有三片牛腩同牛根, 肥瘦各半唔會太乾,都算係入味. 另外再叫左個鐵路雞扒肉燥飯, 有別於平時一般的雞扒呢個係煎落燒汁而唔係用的酥炸. 個飯都好豐富,上面有菜甫,肉燥仲有粟米紅蘿蔔粒,配埋個燶味的雞扒口味真係十分夾. 正!! 跟餐叫左杯熱珍珠奶茶, 呢個係唯一港式左既地方店員會好似大x樂咁俾包白沙糖我地落甜味😂😂見到時都忍唔住笑左一下. 呢個鹽酥雞味道香口小小一粒粒,一粒一口夠脆又唔會油膩. 最後就係滷水拼盤,呢個就真係同台式唔同.反而係似港式,好焾好入味. 豬耳爽脆,牛根又夠林同滑. 好值得一讚既係豬大腸,洗得好亁淨食落又唔會臭,好味既!!

我地叫左2個主食，有個滷肉飯，冇影到相就食左。滷肉係大粒有肥膏果種，唔係雜肉躁，鐘唔鐘意好視乎個人口味。味道偏淡，略嫌肉躁唔夠多，但飯量好夠。炸豆腐拼鹽酥雞豆腐好滑，薄皮都算脆，醬汁酸酸甜甜幾開胃。雞炸得香口，但略嫌有d老，但大大舊味道尚可。紅燒牛肉麵，湯有少少油，但唔會太肥膩。味道好清淡，如果期待好香濃既牛肉湯頭，可能會失望啦牛肉中等份量，尚算軟熟。不能不提我叫左杯桂花冰梅汁，真係好伏，佢冇桂花味，淨係好濃烈既藥水味，我唔知冰梅係咪真係咁既味，但我最後冇辦法飲哂佢。可能原本期待幾高，所以最後有d失望，不過成餐水準都唔係差，只能講不過不失。

又係旺角喇🤭今次去左老街食台灣野一入到去裝潢十分懷舊 很復古的像舊台灣的嗎？還是說說食物好了🤤首先是男朋友點的#台灣滷肉飯 (大碗)($38)滷肉的份量也挺多的 味道也不錯之後就是我叫的#紅燒牛肉麵 ($58)牛肉大舊 入口不會太靭 肉和筋比例適中麵量也剛剛好 整碗牛肉麵我是滿意的另外還點了#滷味切大腸 ($28)我覺得大腸夠腍的 但不夠入味呢😢_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)________________________唔信我嘅可以自己去試試😂

聖誕同跨年買咗好多嘢俾A姐，所以銀包都乾晒塘喇，其實我家A姐雖然係一名港女，但好彩唔一定要去啲豪華餐廳，經濟實惠嘅小店，佢都好滿足架。加上近期好耐未食過台灣嘢，所以今日去到旺角嘅老街，店內座位唔多，而裝修設計配以舊台灣嘅風格同相片，仲播著台灣老歌，真係好有古早味呀。不過，如果閣下追求坐得舒適，呢度就未必啱你喇！紅燒牛肉麵啡色嘅湯底，上枱已經聞到好香濃嘅牛肉味，牛肉大大件又腍又入味。湯底同牛肉就相當吸引，不過，就唔見其他常見嘅配菜，如紅蘿蔔，蘿白喇。麻辣牛筋牛腩麵A姐話天氣凍，所以要食辣嘢暖身。呢個麻辣牛筋牛腩麵，麻辣味夠晒香又唔會搶晒牛肉嘅味道！除咗牛腩，牛筋都好有咬口，相當唔錯。滷肉飯（小）除咗牛肉麵，台灣菜嘅代表又點少得肉燥飯呢，叫碗小嘅諗住試吓，原來都好大碗。A姐就嫌啲肉燥太多肥豬肉，之但係計我話，肉燥就係多肥豬肉先好味。好彩食落又唔覺好油膩，用嚟撈飯一流！小香腸拼鹽酥雞鹽酥雞係店員另一推介，一啖一粒，外層香口酥脆，鹽味胡椒味啱啱好，炸皮唔算太厚，內裡嘅雞肉又夠嫩滑。而小香腸外層煎得香脆，內裡油香十足，唔錯。

每次去台灣旅遊，行程總是離不開食食食，上週末我就來到位於旺角的老街，發掘寶島古早味。小店面積不大，坐得比較擠擁，裝修風格帶有懷舊復古的文藝氣息。餐牌選擇頗多，不收加一服務費，價錢不貴。黃金脆薯 $25 作為蕃薯控，當然要點台式炸地瓜，可選擇灑上梅子或椒鹽。外皮炸得酥脆，而且炸漿亦不算太厚，稍嫌內裡的蕃薯未夠香甜。酥炸花枝丸 $26外層同樣炸得金黃脆口，裡面有一片片的魷魚粒，帶有鮮甜味，只是口感不算很彈牙。炸豆腐拼鹽酥雞 $42一上枱仍是熱辣辣的，而且一碟就可試到兩款小食，比散叫兩款更抵食。炸豆腐上撒滿木魚碎，相當惹味，口感外皮薄薄的酥香，但裡面的豆腐非常軟嫩，有點在口中化開的感覺，証明火候掌控得準確。鹽酥雞表層乾爽不油膩，可惜內裡的雞肉未夠嫩。夜市小香腸滷肉便當 $50小香腸比一般坊間的香腸較甜，肉質方面肥瘦適中，一咬下去爆出滿口鹹甜的的肉汁。滷好的肉燥質地軟嫩，醬油跟甜味不會太重，米飯煮得粒粒分明，不會過乾或過黏，以肉燥送白飯特別開胃。紅燒牛肉麵 $58湯頭喝起來溫和順口，沒甚麼浮油，不算過鹹，湯汁融合了牛肉香濃肉汁。麵條質地扎實，滑口有嚼勁，即使浸久了也不會過軟，卻又吸收了牛肉湯的

既然未有假期可以去到台灣，倒不如食一食台灣菜止下癮。雖是平日夜晚，但呢間餐廳都頗為多人，門外面都排咗大約十個人，不過好快入得，大概等咗10至15分鐘到啦。 店內裝潢充滿台灣氣息，枱同凳都係以木為基調，牆上面掛滿咗台灣嘅特色相片，例如： 九份，台南嘅環境等等。 夜市小香腸 $28先呢一個台灣必食嘅台灣腸，去親台灣都要瘋狂食。台灣腸切開一片片方便與友人共享，上面鋪咗少量青瓜絲同芝麻粒，增加爽脆感同香味。酥脆鹽酥雞 $30每分大約有八粒，外皮有椒鹽，炸得酥脆可口，裏面雞肉尚算嫩滑，唔會太乾鞋颯颯。五味小茄子 $28五味小茄子上面有蔥花同木魚，仲有類似甜醬同辣醬嘅醬料，令到原本淡而無味嘅茄子充滿著多層次嘅味道。但略嫌茄子有點油，先索索油會比較好。紅燒牛肉麵 $58紅燒牛肉麵喺今晚我最滿意嘅菜式，牛肉味濃，份量好多，質地軟硬適中。牛肉湯淆得好香，相信花咗唔少功夫同時間。麵條都條條分明冇黐埋一舊舊。台灣滷肉飯(小碗) $28點滷肉飯時，店員通知滷肉會改造肉燥，不過都冇所謂啦，反正都想有啲飯落下肚。肉燥算大粒，唔會畫散收收好似冇食過嘢咁。但成碗飯比較乾，肉燥量不太夠，如果多啲肉燥汁會好啲。不過呢個平

星期五晚上要準時下班 要迎接的是Happy Friday 約了好久不見的朋友去了老街～ 七點許去到都有很多人在等位了。不過大約等15分鐘左右就可以入座了。有很多不同的小菜 很適合配酒呢😍😍😍😍豬耳很爽口。醬汁是甜甜的天氣熱熱的食一口涼拌豆腐也不錯。店員說魯肉賣完了 就只有肉燥 也試試吧。不過我想始終是魯肉比較肥有油會再好吃一點。牛肉燉很軟林林⋯很入味。好吃呢～湯底也好不錯。又一個送酒好小食，金錢肚切絲很好咬口。麻辣汁錚不得了呢喜歡這個美好的星期五小聚

是日路過呢度，見到幾多人等位。八卦睇吓餐牌，原來價錢都幾平，仲唔駛加一，一於入嚟試吓~餐廳面積不大，但依然貼左唔少經典廣告poster佈置，仲播放經典國語歌。「特別的愛～給特別的妳，我的寂寞⋯」酥炸花枝丸$26 - 稍嫌唔夠彈牙，但墨魚味十足，炸到金黃色，幾香口。鹽酥雞滷肉飯$48 - 好多塊鹽酥雞，而且夠熱，味道亦好適中唔會過鹹，除左滷水蛋，伴菜仲有冬菜、粟米同紅蘿蔔粒，幾豐富。餸多過飯，好抵食～鹽酥雞大小適中，仲有成7件，一口一塊，食落好滿足。紅燒牛肉麵$58 - 湯底味道可以再濃少少，牛肉帶有牛筋位，肉質軟腍。麵條就幾爽口彈牙，口感唔錯。所有台灣特飲跟餐都只係$12，冷熱同價!  凍胚芽奶茶加$12 - 好大杯，而且胚芽夠多，飲落味道夠濃，絕不欺場。熱蜂蜜柚子茶加$12 - 蜂蜜味濃郁，杯底仲有唔少柚子肉。感覺呢度嘅飲品雖然賣相普通但味道足夠。晚餐時段，好多人，都幾迫吓。但兩個人一飯一麵一小食兩杯飲品先係$156，每人先係$78，真係好抵食!

因為要交收手信，約了朋友在旺角相聚，朋友強烈要求先來個輕食，再去附近吃甜品吹水聚舊，行到豉油街尾都未決定到食甚麼，但見有一堆人聚在此店門口，是一間主打台灣食品的小店，看了看餐牌，價錢合理，便登記等位。等了一陣便有位，我一早已決定要食牛肉麵，而有選擇困難症的朋友由等位開始到坐下來都未有定案！大熱天時，大家都叫了凍飲，朋友的荔枝QQ紅茶內有QQ的啫喱物體，甜味適中，我點的洛神花茶初時味道適中，但坐久了冰溶後就味道轉淡。叫了兩碟小食，魚酥皮蛋豆腐極力推薦！雖然明知是盒裝豆腐加皮蛋，但要調味得宜也考功力！而點了的細size鹽酥雞比想像中多很多，感覺好像正在吃台式麥樂雞。更要讚的是紅燒牛肉麵，麵條彈口，軟硬適中，濃濃的湯底，真的可以媲美在台灣吃過的！是很用心的製作。👍🏻👍🏻👍🏻而朋友點的三寶肉燥新竹米粉，最正的是台灣香腸和貢丸，而且份量很大。總的來說，小店雖小，但流動性很大，就算要花小小時間等一陣位也是值得的，而且價錢合理，是旺角區不錯的選擇。

台灣菜系有佢獨有既魅力，呢間個位置有點兒難搵，最尾搵到戈下磡有滿足感，btw今次都幾有驚喜入到去既環境真系似去左台灣人既餐廳咁，四周圍好多台式既壁畫、掛飾等等，感覺幾有台灣風味，不錯，但座位方面會同隔離枱比較近距離。食物方面就緊系叫招牌既紅燒牛肉麵啦，紅燒牛肉麵既牛肉好軟身同入味 湯底亦十分正，好濃味飲左好多啖，牛肉麵既精髓，正是這個模樣台灣菜當中鹽酥雞球相信系必叫既一樣食物，呢個真心好食，可以形容為炸到岩岩好既程度，脆卜卜既外皮，裡面系雞肉新鮮嫩滑，完全達致正宗鹽酥雞既標準P.s. 服務方面，侍應真系零笑容，又系叫極都冇人應，企埋一邊吾知做乜鬼野戈啲

大家都知旺角多台式餐廳，今次介紹呢間係超抵食咖！因為小食黎講十幾廿蚊都有（不過唔係全部），一班人嗌好多小食同主菜夾埋食都好平 — 老街！其實佢入面唔算大間，但座位都充足，我每次去都唔洗等位！今次都嗌咗幾多野食，首先由主菜講起啦！首先呢個係台灣腸滷肉飯，我幾推薦咖！滷肉唔太鹹唔太油飯係珍珠米，台灣腸好扎身！紅燒牛肉麵個湯底好濃郁香料味，但最出色係牛肉，入口即溶！整個紅燒牛肉麵都做出台灣嘅味道出黎！講完主菜，咁就食下小食啦！今次都嗌咗幾多款！鹵味拼盤係唔錯之選！最正係牛筋，入味又唔膩，滷蛋同牛耳都幾好咖！係香港就食得多蠔油時菜，而呢度嘅菜係配肉燥，肉燥比起滷肉少肥肉咖，唔怕菜會吸曬啲油嘛！呢碟炸花枝丸，價錢比較貴，廿八蚊但上枱只有四粒，味道普通。炸豆腐，我都幾推介！豆腐用咗類似吉列嘅方式炸，面上淋咗豆瓣醬同加咗青瓜絲，三樣夾埋都幾惹味咖！鹽酥雞，同出面食嘅都差不多！份量也ok！今次推介呢間餐廳性價比高，平價黎講都唔錯，大家行過都可以試下！