羅東肉焿番

營業中

休息中

𓂃𖠚∗ᤲ𑀇· ┈┈┈┈┈┈ · ꕥ · ┈┈┈┈┈┈ · ▎早兩日去咗元朗雞地試試雞地名物平價台菜小食店 — 『 羅東肉焿番 』鋪仔細細 唔喺朋友介紹都未必留意到下午茶餐抵食 同朋友每樣都試到少少 個日見門口仲有個「 買一送一優惠 」每日限量叭睡熊布丁芋圓刨冰嘅優惠個日「 肉焿番 」就賣晒 無得試 比較可惜 「 紅燒湯麵 」 藥材湯頭貼近台灣 而當地讀完書嘅朋友都贊同 相信之後值得再試試其他湯麵餸菜「 精選炸物籃 」分別有「 鹽酥一口雞粒 、 甜不辣」炸物酥脆唔油膩 甜不辣不過不失 奶茶茶底甘濃厚身「 夜市香腸蛋餅 」蛋餅軟淋而厚身 個人相較喜好薄身但佢比印象台菜嘅蛋餅更厚 更煙韌 更軟淋 未必人人受 勝在價錢親民 可以話 一分公 一分貨  就唔好要求太多 「  甘梅地瓜薯條  」酥脆唔油膩 切底厚身多梅粉薯肉 「 金磚肉鬆芋泥西多士 」新潮吐司配搭西式多士做法 傳統肉鬆足料滋味 爆滿厚底芋泥 甜鹹百搭 傳統又新潮「  叭睡熊布丁芋圓刨冰 」個日做緊二人同行一送一優惠熊仔除左「 甜牛奶味 」仲有最近大熱 「 開心果味 」＋38材料實在 介紹板寫用試 「 鮮牛奶、 開心果醬 」自家製作除左

好耐冇去元朗搵食，呢日咁啱去元朗搵朋友，然後醒起好幾年前食過嘅呢間台灣野，朋友話佢都好耐冇食，於是就一齊去食😂店舖細小，座位唔多，有假日自選下午茶套餐，包飲品，幾抵食👍🏻除咗下午茶餐，都可以揀單點/二人餐，食物種類包括台式飯麵、吐司、蛋餅、小食炸物等，飲品方面就只有冬瓜茶、冷泡茶、奶茶🥪芋泥吐司套餐 💰58▫️金磚肉鬆芋泥芝心西多士邪惡之選 表面係滿滿嘅肉鬆同煉奶 裏面係厚厚嘅芋泥同芝士 每啖都食到好豐富嘅餡料▫️凍冬瓜茶兩杯飲品比較深色嘅嗰杯就係冬瓜茶 甜度適中🍚輕盈常餐 💰49▫️魯肉飯套餐嘅飯係小碗 但其實份量都唔少 肉燥唔會太咸 拌飯食剛好 仲有半隻滷水蛋▫️精選炸物籃炸物籃有三款小食 花枝丸、鹽酥雞粒、甜不辣 鹽酥雞外脆內軟最好食▫️冷泡無糖高山茶淺色嗰杯就係無糖嘅綠茶 啱晒唔鍾意飲甜野嘅人🍡仙草芋圓1號 💰+20三色芋圓、紅豆、寒天 下面係滑溜嘅仙草 呢個價錢嚟講都算幾大碗🫓芋泥肉鬆蛋餅 💰45每次食台灣野都必叫嘅蛋餅 一份四件 每件都好飽滿 肉鬆配芋泥絕配 加上表面嘅醬汁酸酸甜甜 味道唔錯

上星期响附近食完晚餐，經過這家店發現有芋泥吐司，當晚太飽吃不下，心心念念想要試吓，決定今日來食。店內陳設簡單乾淨，進店時剛好趕及下午茶嘅尾班車。叫咗2個下午茶餐，再加一個鹽酥雞，當然唔少得好想食嘅芋泥吐司啦。第一個茶餐係肉焿湯米粉，加半隻溏心蛋，仲有個炸物籃。溏心蛋口感又滑又香。肉焿湯米粉嘅湯好厚身，大大舊豬肉質地鬆軟有肉香，又幾好味喎。炸物籃有花枝丸、甜不辣+台灣腸，最鍾意花枝丸有粒粒花枝，唔點醬都好味。鹽酥雞又香又脆，食到停唔到口，怕熱氣就飲返啖冬瓜茶中和吓。第一個茶餐係芋圓甜品套餐，有一碗細芋圓，加一份炸地瓜條。炸地瓜條表面香脆，內裡香軟口感黏糯，加埋梅甘粉台灣味出曬呀。我哋揀芋圓3號，好鍾意仙草加芋圓嘅口感，連埋煙韌黑白珍珠更加正，仲有咬爆爆珠嘅滿足感，好爽！最後最後就係今次嘅主角芋泥吐司，佢其實係紫薯蓉加芋泥蓉，吐司外皮烘脆，紫薯蓉同芋泥蓉都好香滑，一啖咬落去，香脆嘅口感，滿滿嘅餡料隨即塞滿口腔，真係~ 好！滿！足！啊！