風車

營業中

休息中

同朋友踩完單車嚟到大圍 又唔想頹食 想搵個有feel嘅地方坐低慢慢傾計enjoy下 見到呢間嘅review好似唔錯 所以決定試吓佢呢間嘅小店比較隱蔽 所以比較靜入到去覺得啲裝修有種好溫馨嘅感覺 再加上少少昏暗既燈光 好岩同朋友/情侶坐低傾計食飯研究左餐牌一輪 最後決定叫白酒煮蜆 西班牙黑毛豬肋眼同阿拉斯加蟹肉餅阿拉斯加蟹肉餅底係烘左嘅蒜蓉包 上面鋪滿蟹肉啲蟹肉好鮮甜 調味岩岩好白酒煮蜆配蒜蓉包不得不說真係好鍾意佢個汁 因為平時好怕會食啲好重酒味嘅嘢 覺得好似會蓋過哂原本食物既味道但係佢呢個酒味啱啱好 唔會太濃 而白酒既香更突顯左蜆既鮮甜🤤可以試吓將蒜蓉包沾少少醬去食 更加有風味黑毛豬肋眼（推薦7成熟！）呢個係今晚最有驚喜嘅菜式 千祈唔好俾佢嘅外表呃到 以為佢係一塊豬扒佢嘅肉質好嫩 一啲都唔乾身 好有肉汁 而且唔會有豬腥味 就咁唔沾任何醬都已經覺得好好味中意重口啲既都可以沾佢配既sauce 味道都好特別 有少少似Pizza上面嘅sauce 同個黑毛豬都夾得黎之餘唔會蓋過佢既肉香今餐好滿意！會推薦比其他朋友

今日晚餐黎到大圍，見到呢間外表好似酒包既風車食飯。風車鄰近大圍火車站，地點都算便利。我地兩個人叫左三樣野食，分別係黑椒雞翼，白酒煮蜆同埋厚切14oz肉眼。餐廳唔知係咪有心分批上菜，先上頭盤黑椒雞翼，黑椒雞翼一上枱已經聞到好香黑椒味，食落既感覺好似黑椒味既水牛城雞翼咁，濃濃既黑椒汁包住炸雞翼，硬落雞皮香脆，入面雞肉嫰滑多汁，好好味。之後上枱既係白酒煮蜆配蒜蓉包，餐廳揀選既蜆算係中size，唔係好大隻，勝在夠多蜆，而且每個蜆殼都有肉唔會係殼多過蜆肉，而且佢整既醬汁白酒味唔會太濃反而有一種creamy既感覺，配埋脆口既蒜蓉包真係非常咁夾。最後上枱既係14oz肉眼，餐牌已經寫明係足兩位用，上到枱真係冇講錯，真係好厚切好大份。牛扒食落口感好好，配埋醬汁，薯條，車厘茄真係可以飽住走。

今日約左兩個fd想坐低吹下水，係大圍search到呢間bar好似幾正，就黎左試下我以為係辣，但原來唔係，食落少少甜鹹甜鹹咁，同埋脆脆地西班牙火腿包住露荀，我都係第一次食好好味呀，個火腿又唔係好鹹，露荀又冇煮得過淋，保持返d咬口，超好食D汁唔錯，d蜆吸收哂d白汁好好食，蒜蓉包都好香！黎到主菜，呢個黑毛豬好juicy!! 我仲以為個汁係沙嗲，原來係一d洋蔥整成既醬，少少辣但好香口肉眼扒要求左五成熟，食落岩岩好，唔太生又唔太老，又唔韌，食落幾香牛味值得要讚既係個焦糖菠蘿，我第一次見咋！菠蘿上面有一層燒到脆哂既焦糖，食落又甜又juicy，真係好驚豔！好好食食到少少口渴叫左幾杯野飲，其實佢好多酒提供，不過呢兩版個d最吸引我好似smoothie，唔錯！呢杯好正！蘋果味出，薄荷味有但又冇搶到d蘋果味，好refreshing!!呢杯好重酒味，我仲以為會有少少甜，可能我唔太識飲酒唔識欣賞3個人食左咁多都係$1000蚊到，ok喎

大圍啲橫街小巷有好多食肆，呢日過黎搵朋友食飯志在吹水，行見呢間風車有酒水，有大電視，燈光暗暗，幾好feel坐低先黎睇openrice，原來呢間食西班牙菜，主打脆皮乳豬作為前菜，呢個可謂超出預期蟹肉份量多，無咩其他垃雜配料，真正試到啖啖蟹肉旁邊有蟹籽可拌，亦可製作一片蟹肉蒜蓉包每隻蜆都頗大嚐到用以調味的白酒香，牛油香且蜆肉爽厚，二人份量來說好足夠黎到主菜 西班牙脆皮乳豬配彩椒汁好好奇佢同平時中式酒樓食到嘅有咩唔同一切落去，外面嘅脆皮就好似玻璃咁啪斷肉質感覺上更需要順住紋路去切會比較容易食落口，酥脆外皮拌香嫩豬肉，肉質感覺鬆化但每口都鎖緊肉汁果然能媲美中式傳統乳豬!呢杯cocktail大有名堂，叫motherfuxker唔知嗰刻發明呢杯野嘅調酒師心情如何呢btw有vodka有rum，酒量淺嘅我爭啲企唔穩Mojito朋友話怕試其他有藥水味，就叫番啲安全款