金色不如帰 (國際金融中心商場)

📍#金色不如帰#MFJ中環 #MFJ日本菜人均消費: HKD145喺銅鑼灣食過另一間牡蠣不如帰，主打生蠔湯底，今日回一回佢哋本尊 @konjikihototogisuhk ！餐廳喺香港站最頂層，除非去開IFC/碼頭，如果唔係都幾唔方便🙈。 🆗貝汁醬油拉麵🍜$128湯底有蜆，豬骨，魚熬成，湯非常有鮮味，加上牛肝醬同黑松露醬，成個湯非常濃味！ 慢煮叉燒都算嫩滑，但唔係太熱！麵身較硬身，口感唔錯！ 問題係湯底太濃味，越食越鹹，越食越渴！🆗貝汁鹽味拉麵🍜$128鹽味湯底其實一樣，只係配料唔同！整體感覺其實幾相似，但就冇咁濃味，感覺上清新啲！不過湯底一樣都係越食越鹹，越食越渴！⭐️白豚骨拉麵🍜$115三款來講，白豚骨拉麵相對來講好少少，湯底豬骨味香濃，但唔會好似其餘兩款越食越鹹！不過去到豚肉超級肥，咬落去成口肥膏！依間同牡蠣不如帰相比，我覺得後者好食啲！其實兩間好似，十分注重湯底，但問題真的太濃味，食到味真係有少少食不下去嘅感覺！#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #japanesefood #japanesecuisine #ramen #相機食先 #中環美食 #日本菜 #拉麵 …Read More

早三個月試過「牡蠣不如帰」之後，一直好想找機會試試元祖版「金色不如帰」。今日就趁入去迪士尼前順道在香港的中環總分店朝聖。正如近兩三年在香港開業的其他人氣日式拉麵店，「金色不如帰」同樣是日本過江龍，不過來頭更大、名氣更響。於2006年在東京新宿地區創業，只有10個座位；經過幾年經營後，逐漸被日本權威飲食雜誌吹捧，並在2018年底首次在《米芝連 東京版》摘星，之後連續四年（包括今個年度）獲頒一星餐廳。開放式門面耀目搶眼、拉麵廚房及一排吧枱式座位又對正大門口，兩大原素正是吸引客人嘅最佳方法。拉麵廚房背面及兩側另外布置了幾張四人枱，整體室內裝修簡約中有細緻位，加上金黃色的牆身增添了點點奢華 ⋯⋯ 可以用精緻拉麵店去形容。去到時剛剛開門，成為今日第一組客人。餐牌設計同「牡蠣不如帰」如出一轍，印刷精美，但拉麵款式及小食就不盡相同。「金色不如帰」主打五款拉麵，另有四款丼及九款小吃。部分小食款式相當吸引，並非常見的雞唐揚或日式餃子，只是今天實在太早食午餐，沒有胃納容下小食，要留待下一次。香港分店雖然由香港人參與投資，但創店人山本先生全權主理廚房出品。每間分店開張前，山本先生皆會親臨香港，因應香港的水質及湯底材料，重新調節配方，以求盡量做到同日本本店的味道一模一樣。獨特湯底以蜆湯、魚清湯及豚骨清湯混合熬成，突破了傳統日式拉麵框框；由於是清湯，膠質含量較低，沒有傳統拉麵豚骨濃湯的稠身起膠。貝汁鹽味拉麵（$128）以此獨特湯底為基礎，再加入牛肝菌醬、煙肉碎、香草及白松露油。啖一口，混合了貝類海水鹹鮮及淡淡豚骨鮮甜；味道平衡，不是單純海鮮清湯或豚骨濃湯，並沒有側重任何一邊。品嚐過原汁原味湯底後，根據指引，混和所有配料再品嚐湯底，又有另一番滋味。貝汁醬油拉麵（$128）也是相同湯底，但就配搭了牛肝菌碎、牛肝菌油及黑松露醬；調味方面則用了特別調配的日式醬油替代鹽醬，湯底顏色也顯得較清澈。混和所有配料後，每啖湯的菌香較貝汁鹽味拉麵更濃，但松露的獨特香味就稍有不及。兩款湯底各有特色，亦同樣略為偏鹹，以貝汁醬油拉麵尤甚。憑記憶比較下，更加喜歡「牡蠣不如帰」的牡蠣鹽味拉麵，其牡蠣鹹鮮及香氣更勝蜆清湯的味道。麵條是最喜愛的幼身拉麵。沒有鹼水味；入口滑溜，軟身帶咬口、有合適韌度、少少彈牙，最鍾意這種日式拉麵質感。共有兩片叉燒。一片低溫叉燒，入口軟滑腍身、兼帶少少爽口，又有少少豚脂軟膏，好吃。另一片是用豬腩肉炮制而成的三層肉，但口感同中式料理的效果完全不同；切得薄身的三層肉腍身軟滑，豚脂則鬆化滑溜。日式拉麵店始終不能缺少經典口味白豚骨拉麵（$115）。湯底沒有加入蜆湯及魚清湯，係原汁原味嘅傳統豚骨湯底。稀稠度適中，有適度膠質；豚骨香氣明顯，味道濃郁，與貝汁拉麵比較，味道亦稍淡，更適合香港人口味。拉麵定價不便宜，但麵條及叉燒確實非常出色；湯頭味道亦與別不同，只嫌鹹味稍重，貝類鮮甜未夠突出，更喜歡「牡蠣不如帰」的濃郁牡蠣鮮味。整體來說，絕對值得一試；如果喜歡這裏的拉麵，更不要錯過「牡蠣不如帰」。…Read More

原本想食同層炸豬扒飯，見要等位已呢間有位同攞過米芝連就試吓。叫咗白豚骨拉麵。湯底比想像濃味，似醬油湯，麵底正常，但兩塊肉就好薄同肥，好彩加左隻溫泉蛋，老公加左叉燒，叉燒就冇咁肥。煎餃子都香。性價比唔高但服務好。…Read More

好少可拉麵可以有米芝蓮一星，一於同老婆搵日特登黎試白豚骨拉麵：濃厚豬骨湯香氣撲鼻，鮮味相當濃但無話死咸，湯體有相當傑度但又無話好似豚王咁粘口，拉麵屬較幼身係我鍾意嘅口感，傍住啲京葱絲食再增添爽脆口感，叉燒好夠淋有相當肥度同油香，但略嫌太薄，收得128我認為可以厚切番啲或者俾多兩片貝汁醬油拉麵：麵同叉燒同上，湯體較清及稀身但比豬骨湯更濃味及較咸，由於有加牛肝菌油因此有一大浸乾冬菇香味撲鼻，雖然牛肝菌提升左香氣但亦因為牛肝菌太濃味變左喧賓奪主，完全感覺唔到貝汁（蜆湯）嘅存在，我覺得改名做牛肝菌醬油拉麵會更貼切溏心旦：如相片所見溏心度相當靚，隻旦浸到啱啱好亦相當夠味，15蚊的確係物有所值上餐速度都幾快，可能當日唔壴好多客，落單後10分鐘內上晒所有食物，侍應亦相當有禮米芝蓮一星拉麵係可以一試，但收得128就唔會經常黎食…Read More

IFC 快食之選上菜速度快，又有禮貌！👍🏻雖然我趕時間，但都會叫多款小菜。😜京蔥味噌豆腐：外脆內滑，但豆腐味被醬汁完全蓋過。或者你當佢係臭豆腐+食醬 concept, 就ok自家製豚肉煎餃：絕對夠熱，再跟埋甜甜地的餃子豉油，又有同一般餐廳有別涼拌黑松露紋甲墨魚頭：呢個一定要試吓。酸酸地，又夠霖👍🏻👍🏻主食叫咗餐廳推介，白松露酒厚燒牛舌飯定食，完全feel唔到松露味，牛舌半生熟，但我咬唔開。牛舌放在沾滿蛋汁的飯，絕對有視覺享受，創意十足👍🏻。牛舌沙律反以是最好。兩款拉麵的湯都好味濃…Read More

金色不如帰既東京店拎左2019年同2020年既米芝連一星⭐️而全東京只係得三間拉麵店拎過一星咋！於香港開業半年，標榜無味精同埋用日本優質既水，餐牌中只有5款拉麵，3款小碗飯、小食、飲品，選擇唔算多。拉麵係自家製，用左北海道特製小麥粉黎做麵條，麵質軟硬度perfect💯又真係比其他拉麵店既拉麵好食！但麵底份量略少，對女仔黎講就剛好夠飽😆唔同既拉麵會配上唔同既叉燒或三重肉，兩款肉都係超薄切，味道同肉質普普通通唔係特別驚艷🤔如果lunch time去，去緊既時候可以預先喺「The Gulu」app拎飛，咁就唔使等太耐☺️ 夜晚就唔太多人的。•🥢白豚骨拉麵配上兩塊三重肉，湯底熱辣辣，豚骨味夠濃😋唔油膩，唔漏，食完都唔會覺得好頸渴。•🥢煙熏黑椒豚骨拉麵配上三重肉、豚肉碎同幾條炸牛蒡，湯底黑椒味同豚骨味好平衡，鍾意黑椒味既朋友要試下喇～•🥢豚骨辛拉麵呢碗特別地有塊三重肉加條菜🤣辣度係小辣至中辣之間，幾惹味。•🥢貝汁鹽味拉麵湯底用蜆湯，豚骨湯同魚湯，加入日本海鹽、白松露油、牛肝菌醬同煙肉碎。配上一塊叉燒和一塊三重肉，個人覺得咸味岩岩好，唔會搶左鮮味，算是平衡，但海鮮味會愈食愈濃烈，濃到最後要減少少分😅•🥢 溏心蛋 $15一篤開隻蛋，大量蛋汁湧出黎，蛋白超級滑，成隻蛋既味道非常香濃非常入味！好好食，推薦🥰 …Read More

貴為日本過江龍 呢間拉麵拎左2020年東京米芝蓮嘅一星殊榮 十分難拎 晉身成為拉麵之王 即刻去左朝聖 睇下係咪真係咁好食先🙌🏻-🔸貝汁鹽味拉麵 $128🔸本身有好高期望 因為師傅突登黎香港調味務求令大家食到日本本店嘅味道湯底飲落有貝味 亦都有鹽味但係就缺少左貝嘅鮮甜味主要成個湯都偏鹹🤔雖然個人覺得有啲名過其實 但係話哂係香港比較少機會食到 我覺得可以一試～-🔸白豚骨拉麵 $115🔸呢個白豚骨拉麵嘅湯底不過不失 但佢地嘅三層肉真係好有驚喜嘅 脂肪同肉嘅比例做得好好！一試難忘😍-🔸自家製黑豚肉煎餃 $68🔸個煎餃又係出奇地好食 皮脆肉嫩♥️一咬落去啲汁bit晒出黎發現佢有好多小食都好吸引 但由於胃得一個 食唔到咁多覺得小食嘅quality好似好過佢地嘅拉麵😂…Read More

睇宣傳 IFC 有間新米G連係香港落腳,  5個字, 我只識讀 4個  ,  好有求知欲既我, 決定去試新野, 順便問問究竟係金色不如乜 ?打去book位, 原來無得電話訂位, 去到見門口有 Gulu, 咁早知一早拎飛啦.   但可能我兩點先到, 又好好彩喎, 唔洗2分鐘就有張4人枱IFC 3樓, 門口好開揚Menu  好精緻枱面有張介紹點食佢主打拉麵白豚骨拉麵 - 麵幾唔錯, 係份量少左D, 女仕們食都唔夠飽,  塊豚肉片係好食, 但堅係紙咁薄.  豚骨湯底湯底, 但偏咸幾油下貝汁鹽味拉麵 - 有白松露油, 牛肝菌醬, 香草及煙肉碎.   松露味弱,  蜆肉湯底亦唔強, 反而豚骨湯味濃煙燻黑椒豚骨拉麵 - 黑胡椒醬油一般 ,  少少豚肉碎,  炸牛蒡條好幼整體來講,  加一後$130 - $140 一碗,  超貴又唔係,  抵又講唔上,  不過IFC地段來說, 差不多啦.  如果無咁細碗,  唔好咁咸就會好好多究竟金色不如乜  ??   原來係不如 "歸" 呀 …Read More