The Salted Pig (新城市廣場)

營業中

休息中

FD要離開香港，最後陪佢到新城市廣場購物。宜家新城市廣場開咗唔少新鋪頭，哩間好似好特別，咁試試。menu以食豬為主，有D美式風格。煎原條海鱸魚柳海鮮燴-鮮蝦-蜆-臘肉腸-麵包粒（半份），睇到名字都知道哩碟配料勁豐富。海鱸魚柳半份都有巴掌大，煎得啱啱好，皮好酥脆，肉又唔會覺得好柴。醬汁少少酸甜，同海鱸魚好match。蝦同蜆都幾多下，每種都有3-4隻，海鮮都很新鮮，唔錯。烤斧頭豬扒-煙肉椰菜仔-薯條，烤斧頭豬扒係第一次食，豬扒勁厚，有差唔多4CM厚。切落豬扒，內裡燒得唔算太熟，皮就脆啵啵，食落好有層次感。不過搭配果款醬汁偏甜咗少少，唔係我果杯茶。椰菜仔同薯條分量都幾大，點落番茄醬好好味。瘋狂香蕉雪糕新地，配料有棉花糖，香蕉，兩球雪糕同M豆。食落真係美式style，難怪叫瘋狂新地啦。哩間餐廳上菜速度都算快，服務唔錯，以後可以再encore！

上次去葵芳嗰間食過一次都覺得唔錯，今次去開沙田行街，一於又再食多次試下佢其他菜式~😝 環境幾舒適，服務都唔錯，不過當日假日晚上就比較多人，餐廳門外都有好多人等位，想食嘅朋友記得早少少去拎定位/book位呀~😂1. 🐟煎原條海鱸魚柳海鮮燴🦐 ($298)呢個菜式有原條海鱸魚柳、鮮蝦、蜆、辣肉腸粒、麵包粒，海鱸魚柳大約前臂咁長，有大2件，外皮煎到好香脆，肉質超嫩滑!😍 蜆和蝦都幾新鮮爽口，味道鮮甜😋👍 無諗過主打🐷嘅餐廳海鮮都可以咁高質!😌👍2. 太平洋蟹餅 ($138)有2大件，蟹餅炸得金黃香脆，望落蟹餅好飽滿，但又好似唔係食到好多蟹肉，可能溝咗啲麵粉去整🙊 再配埋青檸蒜香蛋黃醬，食落幾夾唔油膩~3. 🍝新豬肉肉醬意粉 (素) 配巴馬臣芝士🧀 ($168)一望落去已經覺得同平時真肉醬好似，面頭灑上好多巴馬臣芝士🧀和肉碎，唔講真係唔會知係用新🐷肉整成，意粉煮到幾煙靭彈牙，好掛汁，肉醬酸酸甜甜，好入味!😍， 低碳環保，新豬肉真係令我對素食改觀😙👍4. 🍨瘋狂香蕉雪糕新地 ($88)呢個雪糕新地上面放咗香蕉、棉花糖、朱古力豆、忌廉和朱古力，再配上好香的雲呢拿雪糕，好滿足!😈 為呢餐劃上完美嘅句