更多
2023-02-07
2367 瀏覽
知道荃灣呢間土耳其餐廳已經一段時間,一直未安排到時間去幫襯,今日終於試咗了,但係。。。。。。餐廳有不同人數嘅套餐,二人餐都有四款,但睇落唔太啱口味,所以都係散叫算了。鬆化咖哩角($48)有三大個,真係幾大件,外層都算鬆化香口,裡面塞得滿滿嘅咖哩薯蓉、薯粒、三色豆,而且仲有不少香料,味道濃厚,亦十分飽肚。異地烤羊肉卷餅($88)份量正常,卷餅軟熟,羊肉香料醃味十足,配以清爽生菜,味道不錯。可以自助加枱上嘅三款醬(蒜蓉、薄荷、微辣)增加味道層次。草原牛肉水稻飯($78)轉咗薯條,份量多,即炸,少少油,雖然唔係脆卜卜,但還可以的。牛肉份量亦多,同樣香料醃味十足,但肉質就比較乾身。另有些少沙律菜。串燒拼盤($119)餐牌上寫明羊、牛、雞,各四串,但上枱睇嚟睇去都係得兩款(一款淺色白肉似雞,另一款深色唔知羊定牛),問問員工,原來冇羊!!!吓,又唔早出聲。雖然串燒味道唔差,但本來叫拼盤就係想貪心試多幾款,有啲失望囉。芒果乳酸($42)酸酸甜甜,奶味唔算重,還算啱我口味。PS:另收加一服務費。扣分位一:串燒拼盤由三款變兩款。扣分位二:食完未夠一個鐘,都頗口渴。其實食物已經用咁多香料,又重口味,點解仲
餐廳有不同人數嘅套餐,二人餐都有四款,但睇落唔太啱口味,所以都係散叫算了。
鬆化咖哩角($48)
有三大個,真係幾大件,外層都算鬆化香口,裡面塞得滿滿嘅咖哩薯蓉、薯粒、三色豆,而且仲有不少香料,味道濃厚,亦十分飽肚。
異地烤羊肉卷餅($88)
份量正常,卷餅軟熟,羊肉香料醃味十足,配以清爽生菜,味道不錯。可以自助加枱上嘅三款醬(蒜蓉、薄荷、微辣)增加味道層次。
草原牛肉水稻飯($78)
轉咗薯條,份量多,即炸,少少油,雖然唔係脆卜卜,但還可以的。牛肉份量亦多,同樣香料醃味十足,但肉質就比較乾身。另有些少沙律菜。
串燒拼盤($119)
餐牌上寫明羊、牛、雞,各四串,但上枱睇嚟睇去都係得兩款(一款淺色白肉似雞,另一款深色唔知羊定牛),問問員工,原來冇羊!!!吓,又唔早出聲。雖然串燒味道唔差,但本來叫拼盤就係想貪心試多幾款,有啲失望囉。
芒果乳酸($42)
酸酸甜甜,奶味唔算重,還算啱我口味。
PS:另收加一服務費。
扣分位一:串燒拼盤由三款變兩款。
扣分位二:食完未夠一個鐘,都頗口渴。其實食物已經用咁多香料,又重口味,點解仲要加料呢?
扣分位三:餐廳內電視播 youtube 歌(疑似土耳其文歌),本人絕對唔介意。但開到超大聲,勁嘈,好似落咗 disco 咁,咁就唔太好啦。
結論:本來有啲期望,但結果有不少失望。雖然食物質素還可以,但應該只此一次了。
$48
35 瀏覽
0 讚好
0 留言
$48
39 瀏覽
0 讚好
0 留言
$88
67 瀏覽
0 讚好
0 留言
$88
59 瀏覽
0 讚好
0 留言
$78
95 瀏覽
0 讚好
0 留言
$119
44 瀏覽
0 讚好
0 留言
$42
36 瀏覽
0 讚好
0 留言
張貼