蠔站 (荃新天地)

營業中

休息中

食物質素真的不錯

上次生日食過一次 但係分得兩隻蠔 唔夠喉所以過嚟encore ～ 上次叫咗兩款主食（冬陰功海鮮意粉、軟殼蟹天使麵） 都係細細碟 味道不過不失 Pizza 都係偏細 味道一般 呢個價錢係第二間食仲好過 以上三款可以唔使試🇲🇽墨西哥辣椒意式牛肉丸🌶️辣味香濃、肉汁濃郁、飽滿 可以一試😋🍇🍑水果味嘅梳打 $98/Jar 西餐黎講 幾抵飲🤩同樣叫左🦪生蠔396/12 pcs 基本上都係韓國同日本嘅蠔 海水味濃 口感濃厚滑想食法國嘅Gillardeau 所以以每隻加$20嘅價錢轉左三隻 另外係店員推介下 以每隻加$10嘅價錢轉左另外嘅法國蠔x3🦪同預想嘅一樣 法國蠔一定好食啲雖然蠔肉唔算肥美但口感清爽 彈性脆口 係自己鍾意嘅口感🥹但係無論係 原本嘅蠔定加錢轉嘅法國蠔 都係偏細隻🥹味道都係爭咁啲 所以有啲失望 圍返每隻都唔平 九龍城嘅Oyster More 價錢差唔多 但會大隻少少 味道更加好 🈹$10蠔🦪真係好抵！叫左半打細細隻 少許甘甜 少許蠔味 普普通通唔算好食 對得住價錢 要求唔高 又想啪大量蠔 可以一試！Ps 店員哥哥服務唔錯 幾好笑容同禮貌👍🏻

和朋友慶祝生日🎂特別選擇中午時段🤫🤫因為冇咁多人😂😂比較安靜✅可以傾吓計💋而且在OpenRice訂位😍😍仲有七折👍🏻👍🏻非常抵！一去到侍應安排窗邊位置🥰🥰非常舒適生蠔$10/ 1隻😍勁抵食👍🏻👍🏻一定要叫😎 我哋叫咗一打😂另外我哋試咗鵝肝不過不失都算好食仲有個煎魚好食最後見到午餐咩咩豬扒⋯⋯😂我們都叫了✅侍應很好👍🏻我哋叫個甜品🍮因為係生日🎂要求佢寫字✍🏻佢都幫我哋😝本人比較喜歡午餐時段過嚟👉🏻因為上次晚餐過嚟😅太嘈😝很多人

上個月有日收工帶個女去食晚餐，個女話要食牛扒，於是帶佢黎這間餐廳，因為我都想食佢d生蠔。十蚊隻，上次老婆食過話幾好味！7點幾入去，自己揾位，都好full, 只剩近門口幾張枱。職員好少，全場見到只有2-3人，見佢地忙到暈，落單都等左好耐下。西冷牛扒要左5成熟，賣相好靚，煎得啱啱好，但係暗藏好大條筋，切左好多食唔到既。生蠔要左8隻，前面食果幾隻都幾好，夠鮮甜，但係最一隻係臭既，嘩！即刻嘔返出黎，唉，咩心情都無晒。賣單用匯豐卡有9折

黎到依到點可能唔食10蚊勁抵蠔，贏在性價比高！叫左一打生蠔以下比分比大家參考(5星為滿分):海水味***肥美程度***新鮮程度****價錢*****$132脆皮豬手，每次黎都必叫，唔係到到西餐都有豬手食，自己屋企又整唔到，依到豬手有專人預先切開，唔洗自己落手岩哂我依啲懶人，直接食大啖肉，ps 真係好脆！味道****肉汁程度***份量*****價錢****$278兩個人食豬手真係有啲濟，所以可以先食個沙拉，再叫pasta/pizza真係會食唔落凱薩沙拉新鮮程度*****味道***(少咸)份量****價錢***$78

悉逢週未都要四出覓食，蠍站一定係我最佳選擇之一。價錢親民，食蠔有平有貴岩哂鐘野食蠔既朋友。每次來到店員都好好服務態度，由是疫情既關係，基本上一來到就可以入座。咁來到一定要叫返個好耐無食既豬手先，外脆內軟，每次來親都要食，份量大可以3~4人食用，兩個人就比較劑一啲，不過對大胃王來講就根係無問題啦。 都無令我失望，依然都係咁有水準。

同老公慶祝生日，因老公鐘意食蠔，朋友介紹我到這間。她說價錢不貴和生蠔新鮮。我訂了星期四晚上7時的，在網上訂位有78折（正價食物）。一到餐廳，便看見一打生蠔只需要$120，我和老公吃了一人一打生蠔，再加兩杯白酒。然後再點了兩隻赤貝，價錢都是$58，再來是哈蜜瓜陪parma ham，熱食我們點了燒春雞，待應跟我們說要等45分鐘，因為即叫即焗，都無所謂，我地邊傾計邊等。哩隻春雞真係不得不讚，不太乾，肉很juicy,味道很好。真係無得輸。我還點了一個甜品代替生日蛋糕🎂。整體來說，這餐還可以，個人會再來吃。希望能再做更多的優惠更好。這餐我們共消息了$908已78折

呢一間os plus 不嬲都會2-3個月黎一次，每次都ok,不過不失.但今次真係起差囉，我地一行4人，21:15黎到，等咗一陣就入座，一黎叫咗2打生蠔，D蠔黎到，一擺入口，嘩！超鹹，每食一隻，都會隨口附送蠔殼，係隻隻都有，之後叫咗個清新沙律，還可以，但偏酸，之後再叫咗一份7成熟嘅西冷牛扒同一份黑松露意大利飯。呢份牛扒不得了，一黎到切開，大約只得3-5成熟，説好的七成呢？？都吾緊要，一放入口，即時爭啲媽媽都叫咗出來！D肉鞋到好似煲湯豬肉，都唔知食咗啲入口，之後個意大利飯，都係生米粒，平時食嗰啲都冇咁生嘅。今次嗰D食落去直情係索索聲。嘩完全唔掂囉。唯一可以嘅就係支白酒。今次呢餐直情係差到冇朋友。以後都唔會再嚟。

朋友聚會，想搵一個可以坐得耐又有好嘢食嘅地方，咁岩喺荃灣，見幾近就嚟咗呢間餐廳食晚飯。Book咗19:15，去到即刻入座，餐廳唔算多人，環境寬敞，四人枱夠大，枱同枱中間有足夠嘅空位，幾好坐。我哋三個人叫咗一個匯豐信用卡嘅優惠套餐，有南瓜湯，蟹肉青瓜沙律，炸魷魚，刺身拼盤（三文魚，生蝦，螺，生蠔兩隻）意大利飯，肉眼扒。另外再叫咗一打生蠔。食物賣相唔錯，分量足夠，三個人share都覺得飽。味道方面大部份都中上，特別鍾意意大利飯，飯質地岩岩好，好有菇味。刺身方面，樣樣都新鮮，三文魚同生蝦味道鮮甜。生蠔就比較細隻，好重海水味，都好新鮮。但係肉眼扒叫咗五成熟，唔太稔，又有渣，麻麻地，反而配菜幾好食，薯蓉好creamy幾香。價錢方面，$678埋單，每人二百幾蚊，可以食到生蠔，刺身，意大利飯，牛扒，算幾抵。生蠔一打$120，性價比頗高。

早係情人節之前透過openrice訂枱，所以去到只係等左一陣就即刻入得今次係我等二次食依間，情人節餐牌不變，$10生蠔依然可以任叫，非常抵讚今次海水味好重 比較鹹，前後總共叫左2打$10一隻黎講真係不錯熟食先上豬手，配埋個蜜糖芥末籽醬真係幾好食，個皮略嫌唔夠脆，份量都好多，2個人食完都飽飽地美國USDA頂級肉眼扒，5成熟肥厚適中，好大塊，旁邊伴菜都好好食非常滿意個扒估唔到豬手同扒份量都幾大，有小小食唔晒相信我會再黎第三次

同友人食生日飯 友人想食蠔揾咗有10蚊蠔嘅餐廳係荃灣City Walk入面 佢個入口都幾隱蔽 行過咗兩次先揾到入面好多客人都係食緊蠔=24隻 $10 是日精選生蠔=今日係法國黎嘅生蠔細細隻但都幾好肉好有海水味 以哩個價錢真係好抵食=冰鎮秋葵=無諗過西式餐廳會有冰鎮秋葵都幾驚喜 秋葵下面鋪咗冰保持冰冷=虎蝦配龍蝦汁燴米型粉=虎蝦口感無想像中咁彈牙但龍蝦汁的味很濃很香第一次食米型粉嘅我 頭兩啖仲以為係飯=南美海鮮薄餅=薄餅雖然唔係超薄底而較硬但食起上黎很有口感=炭燒西班牙極黑豬配青蘋果醬=豬雖然有骨食得無咁放便但口感很淋 很有慢煮的感覺青蘋果醬雖然食唔出蘋果嘅味道但配豬黎食都夾=蘋果金寶伴雪糕=訂位的時後有說明係生日飯所以要求寫名的甜點服務員哥哥好叻見我地枱上都吃完就咁問我地係咪所有菜都上咗就出甜品畀我地環境同食物都唔叫錯當然只有生蠔係性價比極高的

經OpenRice book位，正價食物有八折！結帳嘅時候，發現賬單內正價食物沒有打八折，詢問職員，他說我沒有主動交出OpenRice booking的證明，所以沒有8折🤬🤬🤬有冇搞錯啊，我經得OpenRice book位，我亦可以以呢個booking而入座，而由入座開始到食完結賬，都冇任何人要求出示證明😤跟住我攞證明俾佢睇，未有服務人員來睇，就已經自動俾返一張有八折嘅賬單我結帳！點解又唔需要睇我出事嘅證明，又能夠比八折呢！擺明係不良嘅營銷手法! 不老實😡8國生蠔：$199⭐️⭐️⭐️⭐️⭐️（新鮮、好味）生蠔：$10⭐️⭐️⭐️⭐️（新鮮、好味、細隻、有殻碎）德國豬手：$268⭐️⭐️⭐️（皮唔脆、肉類又乾又硬）手撕豚肉Pizza：$148⭐️⭐️（豬肉鬆pizza)軟殻蟹意粉：$128⭐️⭐️⭐️(好味，但非常細碟）

我個好朋友上次同佢親戚食完呢間餐廳，知道我係生蠔愛好者，就即刻介紹我黎食。初初聽到係$10一隻真心對眼已經發哂光，雖然心裏面諗可能生蠔質素唔會係十分好個啲，但嗌一打都係$120，真係好抵！不過最意外係生蠔質素一啲都唔差喎今次去左荃灣呢間到食，夜晚7點半左右去到都唔需要等位，入到去都有一半以上位置滿座，相信都幾多人中意黎呢到食野。餐廳環境幾正，枱與枱之間唔會好迫，少少昏暗既燈光加上音樂，好似入左間高級餐廳咁，我同朋友坐左窗口位置，望住荃新天地出面個空中花園，傾計食野都覺得好舒服。我地都唔太想食啲太heavy既野，話哂主要都係黎食生蠔，所以我地除左先嗌左一打生蠔之外，我地另外嗌左一客蒜蓉包同埋一客蠔站廚師沙律。等左一陣，個蒜蓉包就黎左，$28都有6片包，都比我想像中多，個包口感好脆仲熱，不過我覺得個蒜蓉味就可以再重啲。食完第一塊包，萬眾期待既生蠔終於到喇！佢每買6隻就會將其中一隻upgrade，今日仲每人額外送多一隻高級法國生蠔，真係好興奮！首先試左普通10蚊生蠔，一食落口一啲都唔差！雖然唔大隻，但好Creamy同埋充滿海水味，10蚊絕對超值。另外upgrade左個兩隻生蠔明顯大隻啲，食落