錦麗 (德福廣場1期)

營業中

休息中

錦麗係最經常聽到有朋友會去食既Pho店，OK, let's give it a try!個生河肉河既湯底，好鮮，好甜，好好味，所以你會忍唔住飲晒佢。啲牛肉好軟，超tender，不過我個人比較起歡有少少咬口既牛肉，所以呢種咁軟身既牛肉我就一般，但都係好鮮甜既。河粉，中規中矩，如果硬身少少，會更加好。啲香葉同芽菜係會分開用隻杯仔上，食既時候先加落去，保證唔會一黎就浸軟左，good。平時錦麗都會大排長龍，如果唔洗排我會再食，但如果要排隊，佢就未必係我首選啦。

九龍灣都有唔少東南亞野食。今晚約咗個friend食呢間幾出名既「錦麗」。平日夜晚唔算太多人，唔使等位就獲安排入座。餐牌選擇分3大類:牛肉粉、小食、飲品。我地叫左生牛肉河粉、錦麗綜合河粉。好鍾意飲佢個湯，多幾淡都唔會覺得口渴。配料（如：芽菜、辣椒、青檸）另外用一個小碗裝載，要吾要自己有得揀！ 啲粉既份量幾多，大胃王實like！略嫌牛肉唔夠多，食起黎唔夠個引～小食方面，我地order 咗春卷同埋大蝦扎肉米紙卷。OK wor，2個人2款小食剛剛好！而飲品就叫左特飲（唔記得嗰名），好爽好清涼，係甜咗少少姐。喺呢個商場食飯價錢中上。難得搵到滄海遺珠，無論價錢、味道、服務都令人滿意。如果俾錢加埋信用卡payment就更加方便。會再幫襯！