河內越式料理 (西洋菜南街)

營業中

休息中

西洋菜南街不嬲都多野食，見到呢間越式餐廳價錢親民，而且即使過咗中午時間依然係全場滿座，所以就決定喺到食返碗越式湯河嚕～生熟牛肉湯河粉💰HK$66牛肉份量多，有半肥半瘦牛腩同埋生牛肉片呢兩種，肉質唔會柴，而河粉就係偏幼身果一款，食落質感嫩滑有米香，仲要掛湯能力極高～極品牛三寶湯河粉💰HK$71有口感彈牙嘅牛丸、軟腍腍嘅牛展同埋生牛肉片！最中意就係碗麵個牛骨湯底真係好鮮甜，味道好濃厚～越式豬頸肉(細)💰HK$32豬頸肉用香茅香煎至金黃色，半肥半瘦，肉質爽口多汁，唔會令人覺得太油膩，配埋泰式辣醬，味道一流～(熱)杞子龍眼茶💰跟餐+HK$5因為唔想飲凍野，見到呢杯杞子龍眼茶好似好補咁樣，飲落去有啲似黑糖茶，而且仲好足料，好多杞子同埋龍眼肉，係一個養生嘅選擇～鮮芒果西米露💰 跟餐+HK$10呢杯西米露好有驚喜，好重椰汁味，原本好擔心會死甜，好彩係唔會太甜，飲哂成杯都唔會有罪惡感！面頭啲芒果肉超甜唔會酸，加埋西米，成杯野口感非常豐富～

👦🏻👧🏻想食清淡啲，係旺角揾咗間越式料理，性價比高，大份飽肚，又多選擇，有越式湯河、撈檬、飯類同各式各樣既特飲等等。生熟牛肉湯河粉 $66湯底用牛骨熬製，飲落清甜✨。牛肉肉質柔軟嫩滑😋，河粉份量多，男士食完一定好飽🤭。越式豬頸肉撈檬 $62豬頸肉外皮炸到脆身🥓， 肉質保留油脂香氣，爽口彈牙，配埋枱面上既泰式辣醬食，好好味。撈檬可以自己落酸汁落去，酸酸甜甜好開胃👍🏻。越式香茅豬扒（細）$24外皮煎得好香脆，肉質鬆軟🐷，一啲都唔鞋口，香茅味好出。椰果椰汁西米露 跟餐+$10椰汁味香濃，甜度剛好，仲有粒粒椰果🧊，增加口感。鮮芒果西米露 跟餐+$10同樣喺椰汁底，加咗細粒鮮芒果肉🥭，好似食緊甜品咁🥰📍 河內越式料理 (西洋菜南街) (旺角)旺角西洋菜南街204號地舖

📍旺角西洋菜南街204號地舖行完街就梗係要喺附近食過lunch，見到一間有好多人排隊嘅越南餐廳又咁耐冇食過越南野就同個friend 排隊入咗去😂😂最後等咗半個鐘🤦🏻‍♂️🤦🏻‍♂️🤦🏻‍♂️不過令我哋十分期待😚1. 河內牛丸湯河粉🐮🍜$48 + 香茅雞翼(2件) 🍗 $18 - 個湯好濃郁，用咗好多香料去熬製，超彈牙牛丸有香濃牛肉味👍🏻👍🏻👍🏻 香茅雞翼嗰脆皮一流😚😚😚2. 生熟牛肉湯河粉🐮🍜$52 + 上湯灼田園菜🥬$13 - 嗰湯飲落同牛丸湯一樣，薄薄嘅生牛肉片入口香滑，有適當嘅洋蔥份量，唔會搶咗濃湯嘅香味😋😋😋，生菜好新鮮夠晒爽口👍🏻👍🏻👍🏻餐廳整體乾淨，不過地方嗰啲細，👍🏻👍🏻👍🏻不過最緊要啲食物CP值高😂😂價錢好合理，會推介給朋友仔試吓😁😁😁