小皇府 (MOKO新世紀廣場)

營業中

休息中

今日去左MOKO新世紀行街，順便去小皇府飲下午茶。餐廳裝修好豪華，座位又舒服燈光又明亮又多卡位。啤梨鵝肝咸水角，個形狀真是好似啤梨，炸到外層好脆內里煙煙韌韌，內里有鵝肝粒和肉碎粒好香好好味。小蜜蜂流沙包小蜜蜂流沙包個包整到好靚靚，流沙包好流沙是奶皇餡，個包又唔會太甜好味道。狀元及第粥粥好綿綿，有豬潤，豬肚和肉丸粥好鮮甜。虎松茸魔鬼魚餃皮薄晶瑩通透餡又多又夠味道。小皇府鮮蝦餃皮薄蝦又大大隻蝦又爽口陣牙。生拆蟹粉小籠包皮薄又多肉汁，又啖啖蟹粉撈埋肉碎超鮮甜又香濃。

同媽媽出區外飲茶，火車沿線，旺角東MOKO新世紀廣場好方便，行一陣商場先去食嘢新派中式食肆，食物種類多到你唔信，點心，湯麵，粥品，炒粉麵，小菜，等等…..大閘蟹季節，見有生拆蟹粉小籠包，一人叫咗一隻。裏面肉汁飽滿，侍應很體貼的替我們把小籠包盛在小碟上，解除了我擔心夾出來會弄破的疑慮。皮薄餡靚，湯汁香濃逢星期一至五全日85折，試下啲相對較貴嘅點心，都唔會肉痛。原隻花膠灌湯餃，好大條花膠，滿滿補充骨膠原，足料灌湯餃，啖湯好清甜野菌獅子魚餃，外型好趣緻，黃色外皮晶瑩，可以透到裏面餡料豐富，色香味俱全飲茶又點少得蝦餃，分一籠兩件或四件，叫咗兩件，蝦肉彈牙仲想試下雲吞麵同粥，鮮蝦雲吞麵，面頭鋪滿雲腿絲，加添鹹香，一碗有五隻雲吞，新鮮彈牙，麵質也夠爽生菜鯪魚球粥，一碗也是有五粒鯪魚球， 媽媽最愛鯪魚球裏面有陳皮，粥底夠綿雖然兩個人，既可以飲茶，又可以食雲吞麵同粥，唔錯