萬麗咖啡室 (裝修中)

有幸地，北歐（主要喺挪威）算喺去過一次，不過，已經差不多喺6年前嘅事喇，當時喺一班老友為極光而去，喺一次幾好嘅旅遊體驗。最近就嚟到「萬麗咖啡室」大嘆自助餐，佢哋嘅自助餐一向有水準，而踏入12月就已經開始咗做聖誕加北歐主題「炫彩北歐佳節盛境 」， 別加入多款北歐菜式。可能好多人都同我有一樣嘅諗法，就喺提早慶祝聖誕，比起正日食得划算啲。而今晚只喺平日週中，目測都有8成滿，而個場勝在夠大，地方寬敞加上柔和燈光，食物區都喺二字左右排開，集中晌一個範圍，令到整體感覺幾舒服。由於北歐主題加上聖誕，所以睇到喺佈置上花咗唔少心思，尤其晌甜品、沙律吧上面，更做咗啲極光燈效，其次，晌唔少位置就會見到雪人小擺設:)。今次自助餐星期一至四晚計，成人收$910.80（小童收$ 547.80），星期五至日及公眾假期成人收$954.80（小童收$ 569.80），另收10%服務費，晌官網預訂有8折（https://bit.ly/3Yo9x8G），前者折實$745.20，後者折實$781.20，Klook有時仲推出限時搶買一送一，不過，真喺唔夠人咁快手。當然，去到12月24-25日同12月31日除夕就會再貴啲啦，有興趣就自行上網睇睇啦！冷盤、沙律、芝士盤、麵包籃先講講冷盤同沙律，就晌食物區嘅頭位，選擇非常多，尤其沙律，好多主題菜式，所以，今晚真喺要集中揀，唔可以乜都試晒，故此，一啲凍切肉腸呀、芝士呀就暫且放棄，瞄準多款特色冷盤同新鮮沙律，例如：煙燻瑞典鯖魚尼斯沙律、北歐沙甸魚薯仔沙律。聽經理講，節日嗰幾場，更加入挪威龍蝦沙律一啲更高檔菜式。小弟有個慣性，就喺搵啲頭盤開吓胃，所以，將最心水、最精選嘅沙律同冷盤放埋一齊，造就小弟呢碟超豐富頭盤，樣樣都有啲，夠晒多元化，色彩又夠繽紛，睇見都已經好醒神。幾款主題材式嘅沙律都非常之好食，特別推介喺醃製挪威三文魚配Caviar House & Prunier 魚子醬、風乾牛肉、西班牙黑毛豬火腿，真喺令呢碟頭盤升幾級，食完可以講更開胃，等一陣可以食得更多。冰鎮海鮮食自助餐最回本嘅一定喺啲冰鎮海鮮啦，餐廳供應5款海鮮，包括：法國麵包蟹、波士頓龍蝦鉗、雪蟹腳、澳洲青口、凍海蝦，佐以幾款醬汁，如雞尾汁、辣椒芫荌汁、紅酒醋，蜜糖蕃茄醬……都幾特別。就目測所見，呢啲回本嘢好搶手，但成晚都見補貨甚快，完全無間斷供應。小弟都好鍾意食海鮮架，不過，個自助餐實在好多嘢都好吸引，所以，冰鎮海鮮就樣樣拎一件試試。成份海鮮拼盤咁。每一款都有其獨特嘅鮮甜味，麵包蟹爆晒膏，而波士頓龍蝦鉗、雪蟹腳，啲肉勁鮮甜喎，凍海蝦鮮爽彈牙，沾上少少雞尾汁真喺一流，就連青口都食得出唔喺平價貨。刺身、壽司、卷物連同冰鎮海鮮，呢幾個大類放晒晌近入門口嘅長枱位置，所以，特別搶眼，包括三文魚、油甘魚、吞拿魚、帶子、八爪魚、鮑片，而壽司有北寄貝、灸燒三文魚、灸燒和牛同甜蝦，加上兩款卷物同迷你魚生丼。小弟唔喺唔鍾意食刺身、壽司，只不過覺得自助餐所提供嘅一般都喺啲大路貨色，不過，老友就好鍾意食三文魚同壽司，我就黐佢少少試吓。啲刺身果然好新鮮，而佢就話啲壽司唔錯，壽司飯捏得緊致卻唔死實，灸燒和牛壽司有驚喜。湯品湯品嘅選擇比較多，除了西式嘅粟米周打湯、中式嘅酸辣湯之外，最亮點莫過於佢哋嘅招牌是日燉湯，名稱就無講，但湯內響螺、淮山、桂圓、排骨，細細盅燉湯放滿料，絕對真材實料無欺場。食完幾樣生冷嘢，飲啲熱湯暖暖胃，個燉湯確喺夠晒火喉，湯味清甜且濃而不濁:)；而粟米周打湯亦都唔錯，口感滑溜，有粟米嘅清甜香味。龍蝦喇沙晌自助餐裡，通常都有啲即煮粉麵、即煮意大利麵……等等，這裡就以龍蝦做亮點，配馬來風嘅喇沙，真心吸引。故此，攞番一碗同朋友共享，試得到又唔會食得太飽。麵底可以揀米粉或油麵，食正宗啲就梗喺糝糝啦，即米粉溝油麵。除咗肉質鮮爽嘅龍蝦外，仲有好多配料，而個喇沙湯底真喺好正，香濃微辣，濃稠啱啱好。越橘醬鴨肝配牛肝菌清湯 未講熱盤類時，先介紹晌食物枱尾嘅特色菜越橘醬鴨肝，煎鴨肝本身都已經喺好矜貴嘅菜式，晌出面單叫一客往往都成嚿水。餐廳專登僻作一個專櫃製作，仲要有落單時先會整，出嚟嘅成品更喺成道單一前菜咁款。鴨肝煎得香嫩，入口口感綿密有油脂香，加咗啲酸酸甜甜嘅越南柑橘醬，已經好能夠平衡番鴨肝嘅油膩感，再墊上嫩滑嘅豆腐同加入牛肝菌清湯，實在喺美妙嘅組合。焦點菜式、熱盤盛會輪到講講熱盤，長長嘅熱盤枱擺放嘅食物琳羅滿目，加上好多焦點菜式、主題菜式……都非常之吸引，包你三心兩意唔知點揀好，概略簡單介紹一下有咩食，包括焦點嘅新鮮蒸焗波士頓龍蝦、印度咖喱、多款北歐主題菜式、聖誕烤火雞、烤帶骨牛肋排、烤西班牙乳豬、丹麥脆皮烤豬腩、丹麥烤鴨……等等， 當然顧及本地人口味，仲有啲中式小炒、蒸糯米飯……等等熱盤。咪以為小弟可以食到咁多碟，有啲黐吓老友嘅，不過，今晚我都算食唔少嘢，樣樣要啲，唔喺一心要食回本，而喺一次過可以試到唔同特色嘢，好似啲北歐主題菜、丹麥脆皮烤豬腩，平常就無乜機會接觸到啦，最緊要喺食得隨心所好，況且，有特色之餘，味道亦好唔錯，當然人人口味唔同，有啲啱我口味，有啲就啱老友口味。生果、甜品接近尾聲，又喺甜品絕殺嘅時候，睇到長長嘅甜品枱放滿近20款甜品，之後還有轉換款式，除北歐主題外，更有唔少喺襯番聖誕節，我就唔一一細數有咩款式，但一睇賣相你大概都知，而且，有好多款嘅賣相真喺好靚，好誘惑，絕對滿足到所有甜魔嘅喜好。 一口氣揀咗8款，砌成一大碟，五顏六色，睇見都開心啦。所揀呢8款都極有水準，由於都喺揀自己最合口味嘅款式，自然覺得樣樣都好食，個人推介有小紅莓吉士蛋糕杯、Valrhona朱古力慕絲杯、玉桂牛油蛋糕、香料雜莓朱古力蛋糕、朱古力紅桑莓慕絲蛋糕、紅酒啤梨，都喺超好食。 即做窩夫、XTC Gelato甜品時間未完，仲有即做迷你窩夫同XTC Gelato品牌嘅雪糕發及雪葩，共有7款口味，而且，好幾款口味非常獨特，如開心果味雪糕、紅桑子雪葩、肉桂味雪糕、橙薑雪葩，作為最後衝刺，點可以唔整番一份呢！食完份甜品拼盤仲有位，所以，一於一件窩夫拼上述所講4款特色嘅雪糕、雪葩，味道確喺好特別，並且再貪心啲加一件玉桂蘋果批，為今餐有個完滿嘅結束。 飲品區除咗每位客人奉送一杯果汁或汽水之外，都順便介紹埋飲品區，就晌甜品區附近，放置兩大部咖啡機，有多款意式咖啡供選擇，另一邊就放有檸檬片、鮮牛奶、數款茶包供自己由選擇。到臨尾食甜品時，襯番杯咖啡已不知幾好。 臨走，仲晌酒店大堂嘅北歐聖誕小屋度打打卡，雖然我去過挪威，但就未住過咩北歐聖誕小屋，晌度打卡補番數，哈哈！就快到普天同慶嘅聖誕節，唔知大又會點慶祝、點渡過？食足3個鐘，食吓傾吓，慢活人生嘛，勾起當年晌挪威慢活嘅時光。…Read More

又到聖誕，又到聖誕，去完旅行即收到「香港萬麗海景酒店」邀請優先試食「萬麗咖啡室」佳節限推嘅「穿梭炫麗之境」聖誕自助大餐！酒店大堂勁有氣氛，樓底最高嘅位置早已豎起一棵高高嘅聖誕樹，住客候房區旁亦設有一間聖誕屋仔供大眾打卡。咖啡室擺出不少應節嘅鹿車、薑餅人、雪人及聖誕老人公仔等裝飾，四周洋溢著溫馨暖意。自助食物區嘅擺位格局同往年差不多，琳琅滿目得黎仍保持衛生企理。最近門口為冰鎮麵包蟹、雪蟹腳、青口、鮮蝦等海鮮，及刺身壽司。當中加插咗細細杯嘅雜錦魚生丼，全部都好新鮮。冷盤有大路嘅凍肉、芝士、沙律吧。適逢普天同慶嘅日子，酒店就以北歐為主題，增添多款北歐菜式以作昇華，包括尼斯沙律、醃製酸菜、沙甸魚沙律等。幾款預先混出嘅沙律中，個人最欣賞紫艷爽脆且清新消滯嘅醃大頭菜沙律，同埋個挪威龍蝦沙律，入面啲蔬果同龍蝦肉一樣咁鮮爽甜美。肥潤香濃嘅挪威三文魚配圓鰭魚魚子醬亦簡單出色！雖然菜式尤其受歡迎，細佬留意到樓面嘅服務生及廚房團隊一直不停加添，絕不吝嗇，超讚！即點即煮嘅麵檔今期做緊龍蝦喇沙，可任意加配爽彈嘅魚片、溏心蛋蛋、芽菜同豆卜，惹味又暖胃。熱食嘅聖誕升呢版當然唔少得聖誕火雞啦！大師傅有求必應，想要邊件即管放心提出。今年加咗孖豬贈慶，一中一西、一細一大，中為脆皮BB豬、西為丹麥脆皮烤豬腩，各有特色。北歐代表有軟嫩嘅烤原條挪威三文魚。多國菜式另有甜濃嘅螺頭排骨燉湯、肉汁豐潤嘅烤鴨、咖哩、齋菜、炒蟹、鴨胸、即切和牛、蟠龍鱔等，相當豐富。搶手貨色有長做嘅新鮮蒸焗龍蝦，大大隻肉厚爽甜，又夠多膏，預先敲過嗰隻鉗鉗勁容易剝，無懈可擊！重點項目中，條隊最長就係新鮮煎出嘅越橘醬鴨肝配牛肝菌清湯汁，靚肝幼嫩軟滑，外層香脆，不甚膩口，建議第一時間排隊落咗單後先繞場一周取其他食物，再返轉頭攞鴨肝。單尾不妨選擇膏膏澎湃到震嘅籠仔蒸蟹飯，啲飯入哂味之餘啲蟹肉唔洗慢慢拆，掂呀！甜品項目眾多，要樣樣食齊確真有難度。其中五款水果多汁健康，邪惡少少可以淋上朱古力火鍋，再加啲糖果同雪糕喺面。即場炮製有熱辣鬆脆嘅窩夫。聖誕主題嘅特色糕點賣相十分吸睛，綠茶提拉米蘇有棵聖誕樹、蘋果蛋糕上擺咗個聖誕老人、藍白鏡面蛋糕則反映著北極光，心思盡露！XO仔始終鍾情菂薂嘅甜品小杯，軟滑嘅朱古力慕絲有脆卜卜嘅豆豆點綴，口感豐富討好。接緊年尾，「香港萬麗海景酒店」已換上盛裝佈置，節日氣氛濃厚，酒店服務團隊上下一心，好客非常。「萬麗咖啡室」現推廣集多國美食嘅聖誕大餐，今年以北歐作題之「穿梭炫麗之境」自助晚餐豐盛高質，早鳥貴客更可以優惠價預購，有心一試就要快啲郁手啦！…Read More

朋友介紹萬麗咖啡廳自助餐是東南亞主題，由於一家都喜歡東南亞食物，便訂了星期日的自助午餐，原來滙豐信用咭有6折優惠，只需要每位三百多元，性價比算高。冷盤有沙律、泰色鳳爪、cold cut等，凍海鮮有蝦、螺、蟹腳、蟹鋏，味道很好，尤其蝦爽口及甜。另外，當然有刺身及壽司。熱盤最吸引是龍蝦喇沙，放在自助區，可以任意取食，其他熱盤有咖哩、點心、蝦、牛肉、雞、魚、粥及肉骨茶等等，又是覺得蝦最好味。甜品區有蛋糕、窩夫及雪糕等，由於是東南亞主題，所以甜品及雪糕都有泰式奶茶口味，雪糕更有榴槤味，但個人不喜歡榴槤，所以沒有試味，但朋友說是不錯。自助餐包一杯橙汁或汽水，而自助餐區有飲品供應，奶茶、咖啡及檸茶，所以飲品很足夠。總括而言，覺得食物水準很好，而且有優惠後，更覺性價比高。…Read More

踏入暑假，酒店buffet優惠一浪接一浪，最近就發掘到香港萬麗海景酒店萬麗咖啡室Cafe Renaissance，由即日起至8月31 日推出最新主題「南洋小島自助餐」，於官網預訂有75折優惠價。餐廳環境寬敞，自助晚餐成人75折後連加一每位$686.8，晚上6:30pm – 9:30pm供應，可以不追不趕地食足3小時。香港人吃buffet 最在意就是要吃到回本，全晚冰鎮海鮮源源不絕地供應，refill 速度亦夠快。海鮮款式包括麵包蟹、龍蝦鉗、蟹腳、凍蝦和翡翠螺。熱辣辣的新鮮蒸加拿大龍蝦亦是酒店buffet少見，同樣可以無限量任吃，最原始簡單的做法原汁原味，反而更能突顯出食材本身的鮮味，不會蒸得過了火候。新主題buffet擷取南洋香料馥郁香濃的色彩元素，以東南亞地道特色佳餚迎接盛夏的熱浪。龍蝦喇沙即叫即煮，搭配豆卜、芽菜、雞蛋等配料，濃稠湯底滲出陣陣椰香和微微辣勁，黃麵質地爽彈帶咬口，掛湯力更強。蕉葉參巴燒魔鬼魚亦是坊間罕有的菜式，將塗滿香料的原條魔鬼魚鰭以蕉葉包裹，並慢烤至金黃入味，魚肉嫩滑帶嚼勁。胡椒蝦將辛香氣息逼入蝦肉中，肉質保持鮮嫩爽彈。新加坡辣椒蟹混合參巴醬及番茄汁，快炒至入味，辣度恰到好處。還有炸饅頭和Roti烤餅沾醬佐吃，完美吸附甜辣鮮香的醬汁精華。肉骨茶雖名為「茶」，卻並沒有茶葉或茶的成分，是一道用豬骨配合不同藥材及香料熬成的骨湯，蒸氣騰騰，芳香濃郁，猶如喝下一碗補身湯品，祛濕補氣。燒牛肋骨大約為七成熟，表面帶炭火焦香，中心仍保持嫩紅色，保留豐滿肉汁。香茅脆皮乳豬外皮泛著光澤，燒得脆卜卜，肥瘦勻稱，肉質幼嫩。龍蝦茶碗蒸蛋猶如豆腐花般彷彿吹彈而破，加入龍蝦肉使鮮味再度昇華。其他熱盤包括瑪莎曼牛肉咖哩、泰式香料烤豬頰配辣椒醬，越南風味檸檬辣椒牛肋排、蝦醬魷魚炒通菜、烤鴨胸、蒸比目魚、燒鴨、炸蝦球、魚頭咖喱、馬來蔬菜咖喱、班蘭飯、蝦片、炒粿條、烤蘆筍、焗薯、蘑菇忌廉湯、粟米龍蝦湯羹等等。魚生刺身即叫即切，款式包括帶子、三文魚、吞拿魚、油甘魚及八爪魚等。壽司亦有七款。冷盤同樣貫徹其東南亞主題，包括辣青瓜蟹肉沙律、新加坡風味綠豆粉皮沙律、青芒果魷魚沙律泰式酸辣鳳爪、免治肉碎粉絲、時令水果豬肉沙律等等，別有一番異國風味。煙三文魚脂肪條紋清楚利落，魚肉鮮嫩而有彈性。芝士拼盤有三款：古岡左拉藍芝士、愛蒙塔爾硬芝士和布里芝士，凍肉亦有西班牙風乾香腸、莎樂美腸和巴馬火腿，加上海量沙律款式，可隨個人喜好自行混搭。另有五款馬來西亞辣椒醬，大大刺激夏季不振的食慾。甜品區一大特色可算是賣相精緻的原個蛋糕，這晚就有菲律賓腰果蛋糕、斑蘭椰糖蛋糕、巴斯克芝士蛋糕、芒果蛋糕、馬來西亞布丁、杏桃撻、熱情果蛋糕、提拉米蘇、椰子果凍、泰式奶茶奶凍、紅豆布丁、果汁啫喱、曲奇餅、朱古力噴泉、即製窩夫、生果等等...海量款式同時滿足視覺、味覺享受。彩虹千層糕色彩繽紛悅目，口感軟糯煙韌。菲律賓腰果蛋糕以牛油忌廉與腰果碎層層相間，呈現出堅果原香。泰式奶茶奶凍入口軟滑水嫩，具有茶葉香及煉乳的甜。提拉米蘇做法正宗，咖啡香氣濃烈，質感細緻濕潤，入口即化。任食XTC Gelato亦是一大賣點，總共有七款雪糕口味：榴槤、芒果椰子、泰式奶茶、清薑、雲尼拿、朱古力和士多啤梨。還有小朋友最喜歡的Candy Corner，可愛夢幻的佈置喚發童心。每位包括一杯果汁或汽水，另有自助咖啡機、檸檬、茶包無限量供應，可以隨時自斟自飲。…Read More

舊年就到訪過「萬麗咖啡室」，睇番啲食評，原來剛好一年前嘅事，當時就為通番關嚟食餐好嘅。今次見到餐廳由依家到4月尾做緊西班牙主題自助餐，西班牙一向都頗有特色，加上又做緊啲優惠，所以，同老友嚟嘆番吓。眨吓眼又一年，個環境當然無乜點變啦，柔和燈光加寬敞空間，依然予人感覺舒適，所以，整體感覺幾舒服。而食物區都喺二字左右排開，集中晌一個範圍，唔使左兜右轉，亦都比較方便。上文都講，今次自助餐以「西班牙」為主題，四周嘅牆上都貼有唔少西班牙嘅裝飾，而菜式方面就有唔少西班牙特色菜。星期一至四晚計，成人收$808，星期五至日及公眾假期成人收$848，另收10%服務費，晌官網網上商店預訂有75折優惠。如果想再食平啲，可以考慮自助午餐，同樣供應西班牙主題自助餐。冷盤先講講冷盤同沙律，就晌食物區嘅頭位，選擇夠多喎，唔喺一般嘅凍切肉腸、莎樂美腸。有好多款都喺主題菜式，包括西班牙蕃茄凍湯、數款西班牙醃肉腸、一款牛奶芝士及一款羊奶芝士、西班牙沙甸魚、醋漬鯷魚、西班牙蕃茄麵包、煙三文魚，仲有啲橄欖呀、酸瓜……等配料。Joselito西班牙火腿而一入門口就見到有侍肉師傅即場將西班牙火腿切片（限星期五、六先即場為客人切片），薄薄一片，仲要砌到好靚仔。唔講真喺唔知，原來「Joselito」呢個西班牙品牌已有150年歷史，單喺呢點，啲火腿理應已夠晒質素啦。沙律沙律吧陣容夠晒鼎盛呀，4款沙律菜、大大少少近20款配料，如鮮蝦、煙肉碎、露筍仔，配以4款自家調製醬汁，唔鍾意嘅，可以簡簡單單淋啲油醋，但我就鍾情蜜糖芥末汁同牛油果醬。此外，仲有款預製好沙律，包括意粉沙律、煙鴨胸沙律、蕃茄水牛芝士沙律、烤和牛沙律、海鮮沙律，喺唔想煩嘅懶人之選。將最心水、最精選嘅沙律同冷盤放埋一齊，造就小弟呢碟超豐富頭盤，樣樣都有啲，夠晒多元化，色彩又夠繽紛，睇見都已經好醒神。幾款主題西班牙食材，果然有質素，尤其啲火腿，唔好見大片白色「肥膏」，出奇地無乜油膩感，反而有陣陣脂香，鹹鹹哋嘅味道，正呀喂！幾款預製好嘅沙律亦都好食，食完胃納大開。海鮮食自助餐最回本嘅一定喺啲冰鎮海鮮啦，今次所見，就有法國麵包蟹、澳洲青口、長蟹腳、翡翠螺同凍海蝦，佐以幾款醬汁，如雞尾汁、辣芫荽汁、紅酒醋同蜜糖蕃茄汁，都幾特別。就目測所見，呢啲回本嘢好搶手，但成晚都見補貨甚快，完全無間斷供應。刺身、壽司、卷物就晌近門口，凍海鮮傍，小弟平常比較少晌自助餐度食壽司，因為自助餐所提供嘅一般都喺啲大路貨色，但偶爾見到質素高嘅都會試試。今次就見啲帆立貝同八爪魚好靚，仲有一款炙燒和牛壽司好有興趣。冰鎮海鮮又喺樣樣試啲，拎滿一大碟，再加埋刺身嘅帆立貝同八爪魚，做成一份海鮮拼盤咁。每一款都有其獨特嘅鮮甜味，麵包蟹好多膏喎，蟹腳鹹鮮味十足，蝦肉同螺肉又爽，啲帆立貝果然喺刺身級，又大件，柔嫩鮮甜，真喺「鮮」入為主。老友原來都幾鍾意刺身、壽司，趁佢拎時我就搭單，再食啲帆立貝同八爪魚，但重點喺想試件炙燒和牛壽司，的確好正，壽司飯捏得緊致卻唔死實，燒和牛既有肉味，又帶點油香，正呀喂！湯品呢度嘅湯品喺亮點，因為佢哋有提供是日燉湯，名稱就無講，但湯內睇得出有好多料，加上上次飲過確喺正，今回就當然翻兜。此外，仲有1中1西嘅「例湯」，前者寫住龍蝦菜湯，其實似喺加咗龍蝦肉嘅碗仔翅咁，後者就喺南瓜忌廉湯。覇氣咁一次過試咗3款湯，包括西班牙蕃茄凍湯、南瓜忌廉湯同燉湯，可謂各有賣點。凍湯好少飲，入口清爽感極強；個南瓜忌廉湯亦都打得好滑溜，滿滿南瓜香味，等至於個燉湯，絕對喺高質量出品，飲落非常之清潤，味道醇和，可以講喺飲得出真材實料無欺場。即煮粉麵晌自助餐嘅即煮粉麵、即煮意大利麵……等等，都一律少試，因為太易飽肚，不過，偶有例外，就好似今晚咁，供應嘅喺馬來喇沙，仲要配半隻龍蝦，夠晒豪氣，又合晒小弟心水，就算易飽肚都想試試，好彩老友都鍾意，嗌一客兩個人「些牙」。個喇沙湯底入口真喺唔失禮，比一啲主打賣東南亞菜嘅餐廳所出品唔差得遠，香味四溢，而麵底可以揀油麵或米粉，識食當然梗喺揀摻摻啦，至於隻龍蝦啲蝦肉好爽口，充滿鮮甜味，加上成嚿蝦肉好易起出嚟，啖啖肉，食得超爽；此外仲有啲豆卜、芽菜同雞蛋作為配料，製作絕對唔馬虎。咖喱、熱盤、烤肉另一個「長區」就喺擺放多種熱食嘅食物區，晌呢度有好多精彩美食，先講重點，就喺多款西班牙主題熱盤，包括最大亮點嘅西班牙乳豬、西班牙海鮮炒飯，以及西班牙香菇炸丸子、西班牙薯仔蛋餅、西班牙欖油蒜香蝦、香烤西班牙腸、香烤豬肉串，淨喺呢幾樣已好精彩，仲有新鮮蒸焗波士頓龍蝦。以其餘嘅 熱盤，一口氣介紹埋先，計有印度咖喱雞肉、印度皇飯、鑊炒和牛粒、烤爐魚、炒蜆、咕嚕肉、煙肉芝士焗蠔、紅燒鮑魚、烤牛肋排、焗薯、炒野菜、龍蝦茶碗蒸、海南雞、蒸大鱔……等等，都喺睇相寫返出嚟，可能都有遺漏，總之，可以講喺種類繁多。講真， 邊可能試得曬所有嘢， 所以去到呢個大類都喺重點出擊，揀3、5、7款心水嘢嚟試。雖然喺咁，都砌咗成大碟「主菜」，蒸龍蝦當然喺以回本心態拎嚟食，不過，啲龍蝦好食就值得再回味:)；而西班牙乳豬非常之脆口，肉質好爽，香菇丸子咬落唔油膩，外脆內軟，味道幾特別，蒜香蝦充滿香蒜味，自然惹味十足，西班牙炒飯都做得有水準，至於其他嘅熱盤，就都樣樣拎少少嚟試下。慢煮牛柳晌熱盤類嘅篤篤最尾，仲有一個即做慢煮牛柳嘅檔口，點解要特別分開嚟講呢，因為，師傅會直頭好似啲高級餐廳咁做成一道主菜咁，墊上甘筍蓉再配烤青椒，賣相非常精緻。的而且確，牛柳入口肉質細緻嫩滑，肉味不俗，而墊底嘅甘筍容 亦都打得柔滑非常，清甜好食。生果、甜品食得幾飽都好，點都要留返10%空間進擊甜品嘅，呢度嘅甜品都好有亮點，擺到琳琅滿目，尤其今次更加咗數款西班牙主題甜品：西班牙油條、香橙米布甸、聖地牙哥杏仁蛋糕、巴斯克芝士蛋糕，此外，其他款式如朱古力紅莓慕絲蛋糕、天使蛋糕、香桃批、焦糖牛油蛋糕、桂花啫喱、意大利芝士餅、紅棗雪耳糖水、曲奇、蝴蝶酥、朱古力噴泉、糖果……等等，絕對滿足到所有甜魔嘅喜好。挑戰甜品時段就一口氣揀咗9款，砌成一大碟甜品大拼盤，老友睇見都覺得我瘋狂，唔喺講笑，小弟堅喺食得晒。好難逐一評價，但整體而言絕對無令人失望，滿足晒嗜甜嘅心癮。而個人最推薦就喺巴斯克芝士蛋糕、朱古力紅莓慕絲蛋糕、天使蛋糕、香桃批、意大利芝士餅，真心正呀！XTC Gelato、即做迷你窩夫XTC呢個品牌嘅雪糕比較少接觸，進擊完個「甜品拼盤」，真喺差唔多到頂，但點都貪心哋想試埋個窩夫拼雪糕，再搭啲生果。窩夫雖然攤涼咗，但新鮮製作關係，仲好脆口，仲喺綠茶口味添。雪糕就揀咗芒果雪葩、港式奶茶同開心果，個人覺得奶味無咁重，但3款嘅本身味道都好突出。飲品自助餐本身已包一杯果汁或汽水，然而，晌肉品自助區，就放置兩大部咖啡機，有多款意式咖啡供選擇，另一邊就放有檸檬片、鮮牛奶、數款茶包供自由取用。此外，另加$188 就可以無限暢飲果汁、汽水、精選啤酒、氣泡酒及紅白酒。由頭食到尾，食吓傾吓，抖吓又再食吓，今日狀態唔錯，夠持久力，所以，真喺食咗唔少嘢，可謂大滿足。順帶一提，呢度啲招呼幾好，侍應有禮，服務殷勤，收碗碟都好快手，補充食物又足。…Read More

同朋友慶祝生日喺Klook度買咗呢度嘅自助餐，星期六中午用餐時間係12點到2:30。環境好空曠，每張枱之間都唔會坐得好近。嗰度主要分為沙律、刺身、壽司、熟食、湯、甜品區，食物選擇唔算好多，不過質素都比較好。整體服務都唔錯，食到中段食物夾都會換乾淨的，服務員又會好快收起啲空碟，坐低後服務員會送上一杯凍飲可以揀橙汁或者汽水。值得推介嘅係牛扒，口感好好同好有牛味同埋刺身同埋甜品選擇很多，個栗子蛋糕同埋藍莓芝士蛋糕好好味。…Read More

今個月細佬👦🏻生日 早排史努比雖然已經親身下廚幫佢慶祝但都唔少得一餐有儀式感嘅celebration🤭咁啱見到萬麗海景酒店自助餐做一個買一送一嘅優惠計埋加一平均$509位😳聽L佛講呢間質素相對穩定所以就趁佢減價book咗位🤭有龍蝦和牛等等嘅嘢任食 史努比就覺得幾抵一於分享下有咩好食😆-🔸「萬」遊海陸自助晚餐 $509/位(折後價)由18:30食到21:30 總共3個鐘🦞凍海鮮 7.5/10選擇唔算特別多 但有嘅款式質素都唔錯👍🏿麵包蟹啖啖蟹膏好正 唔好錯過!!不過記住要第一輪攞 因為之後見佢冇再refil蟹蓋🥺淨返啲蟹鉗👍🏿蟹腳帶啲鮮甜 海水味亦唔會太重系略嫌佢肉質唔夠紥實👍🏿螺肉爽口彈牙 非常大粒 食得過😆史努比冇食蝦但屋企人都話唔錯嘅👌🏿唯一差啲嘅系青口 不過應該都系睇彩數史努比食到隻有少少唔新鮮 但屋企人又冇事喎🫣🍣刺身壽司 8/10 一開頭淨系見佢有三文魚 油甘魚 吞拿魚 鮑片同八爪魚後來竟然加咗原粒帆立貝😳即刻加分🤣👌🏿吞拿魚就好普通 但好彩冇筋👍🏿三文魚正常 切得好厚 食落都夠肥美👍🏿油甘魚唔錯 系近腩位魚油豐富入口充足油脂香🤤👍🏿當然唔少得壓軸嘅帆立貝原粒大大粒果然特別好食 口感好正厚肉肥美又鮮嫩👍🏿👍🏿仲有唔好錯過咗佢嘅和牛壽司史努比見到師傅都不停refill值得一讚系壽司飯唔會硬晒舦溫度質感醋味各方面都做得幾好😳加埋油脂含量啱啱好嘅和牛入口隨即成個口腔充滿牛脂香 軟嫩又有牛味😚真心值得試🫶🏿🥩熱葷 8/10明顯地西式熱葷佔嘅比例較重👎🏿中式真系好少 感覺上只有乳鴿🤔媽媽👩🏻話乳鴿整得麻麻地 所以史努比都冇試👍🏿西式熱葷入面必食嘅當然系和牛😍厚切得嚟一啲都唔鞋唔韌入口軟嫩多汁 牛脂豐富食落油香四溢但依然帶啲肉肉嘅口感🤤👍🏿仲有就系龍蝦當然為佢加咗唔少分🤪龍蝦即煮熱辣辣 肉質爽彈食到明顯嘅鮮甜🤭其如嘅就唔算話好特別👍🏿但燒牛扒同羊脾都唔錯嘅起碼肉質都算嫩 食得過🤪另外媽媽👩🏻推介紅酒燴牛尾 好淋好入味😚有讚當然亦有彈👌🏿燒魚嘅肉質稍為鞋咗少少👎🏿芝士焗蠔都系唔推薦嘅🥲蠔太細隻 芝士同忌廉汁佔嘅比例勁多搞到好漏😩🧀芝士冷盤 7/10冷盤吸引嘅地方唔多芝士有3款 cracker都有兩款🤣👍🏿Brie cheese口感軟滑幼細 帶淡淡嘅鹹香👌🏿Gouda cheese系硬芝士 質感偏粉狀👍🏿仲有一款寫住唔知咩gala cheese😂食落似藍芝士 味道較濃 但鹹香十足史努比覺得配crackers好食🫵🏻👍🏿煙三文魚幾特別 唔系平時食開嗰啲反而帶少少酒嘅甜味 食落有油香 唔錯👎🏿ham嘅部分史努比覺得可以skip 比較乾 冇乜油香😗🍜湯粉麵 7/10👌🏿最近佢哋主打龍蝦叻沙不過史努比就覺得叻沙湯龍蝦冇咁好食因為叻沙唔夠香濃 純粹得微微嘅辣味而且好似肉質都冇熱葷嗰邊嘅龍蝦咁好原味正啲🤣👍🏿屋企人推薦燉湯 嗰日系螺頭湯佢哋話清甜好飲 爸爸媽媽每人各飲3碗😂不過最後有一碗突然鹹咗啲🫣🍮甜品 7.5/10女仔都系鍾意食甜嘢🤭史努比覺得佢哋朱古力嘅甜品幾高質👍🏿特別推介朱古力mousse❤️質感滑溜 朱古力味非常濃郁食到明顯dark chocolate嘅甘香甜度適中 必試😚👍🏿Tiramisu都好食 cream好滑蛋糕嘅部分浸咖啡應該浸咗好耐😂比較濕潤 但唔會淋blabla 食到香醇嘅咖啡味😋👌🏿Basque burnt cheesecake就麻麻地 質感唔夠smooth 比較硬實👍🏿Passionate fruit cake酸甜調得啱啱好清新唔會好漏好滯😆👌🏿mango cheesecake似mousse多啲但味道普通😗👌🏿佢哋所有pie同曲奇都有同一個問題 質感偏硬 爭咁啲牛油香但overall系唔錯嘅🥰啲嘢唔會死甜🍨Gelato雪糕 7.5/10早幾日嘅story而家開估!!史努比食咗10球😂總共有7款口味 整體其實唔錯嘅 都算滑要挑剔嘅系有啲食食下有碎冰 扣咗啲分同埋有啲可惜嘅系佢哋冇咗轉盤雪糕變咗架雪糕車咁🥺👍🏿最推薦朱古力味 質感夠滑 甜中帶dark chocolate嘅甘香🤤👍🏿抹茶都唔錯 食得出茶味香醇👍🏿咖啡同樣濃郁 唔會好苦 食到奶嘅香甜❤️夠滑身👌🏿雲尼拿稍為甜咗啲👍🏿raspberry同埋芒果似sorbet 酸酸甜甜好refreshing 怕漏嘅可以揀呢兩款😆👌🏿唯一唔鍾意嘅系士多啤梨 有少少嘅藥水香精味 但唔系太過分嘅 都可以接受👎🏿隔離仲有即製窩夫 但味道麻麻一嚟唔夠脆 二嚟差咁啲牛油香食落麵粉味頗重🫣🍹飲品方面有咖啡/茶任飲另外只有每人一杯welcome drink得橙汁同汽水😗感覺有啲cheap ah😂😂不過史努比又唔好嘢飲 就由佢啦-總結呢間自助餐食物選擇唔多但系質素唔錯 唔會話有一個area啲嘢特別伏亦都有回本位例如龍蝦和牛帶子等史努比都幾鍾意呢種貴精不貴多嘅buffet😚以優惠價五百幾蚊嚟講絕對值嘅 食得過但如果原價$8XX 史努比就覺得唔抵啦🙌🏿.有一點要彈嘅系服務麻麻地佢哋好stubborn咁一定要喺buffet開始嘅5分鐘前安排入座 有啲啲唔願serve你嘅感覺21:15嘅時候突然收晒啲餐具話自助21:30完架啦但其實仲有15分鐘喎 有必要收餐具咩?🤔收碟速度快嘅 梗系啦餐具都收起晒唔會收碟慢嘅😌至於自助區嘅staff就好啲啲嘅有啲都幾好笑容好肯去serve你～雖然整體唔算好差 但以香港一間5星酒店嚟講服務上有好大嘅改善空間🤔.整體評分：味道: 7.5/10環境: 8/10服務: 5.5/10衛生: 7.5/10抵食: 8/10唔評回頭率啦 冇咁有錢成日食buffet😂…Read More

🍞 整體感覺：位於灣仔萬麗海景酒店內的Cafe Renaissance是性價比高，款式有噱頭，質素不俗，在其他同價位的餐廳未必有同等食物質量。🍞 餐後點評：自助餐的款式中規中矩，但有記憶點，包括一人一客的磯煮鮑魚 及 一人一隻即蒸波士頓龍蝦，令人印象深刻。一入座經理便告訴我們每人有一杯迎賓飲品，並遞上即蒸龍蝦的換領票。前菜方面：今次沒有試自助沙律區，只是嚐了和牛薯仔沙律，和牛肉質軟腍、有肉味，我幾鍾意。另外試了Parma Ham & Salami。一時忽發奇想，想重現M記早餐食法，在餐包上塗上士多啤梨醬，再加Salami，鹹甜、油香平衡一絕，真係好似食緊早晨套餐咁，哈哈。凍海鮮選擇該有的都有了：波龍、蟹腳、凍蝦、麵包蟹及海螺。波龍偏乾，有龍蝦味，肉質有點兒過老。蟹腳大大隻，十分厚肉，但海水味太搶，略嫌過鹹。熟蝦好食，鮮甜爽身。麵包蟹沒吃，螺有少少沙。關於海鮮，由於餐廳本身已安排一人一份鮑魚及全隻蒸龍蝦，這個安排令食客有種要留肚的感覺，所以凍海鮮區未見長長人龍。但我略嫌覺得食物種類有點重覆，最後我們只換了一隻蒸龍蝦，因為凍海鮮都食到3成飽了。熱葷區種類倘可，我見燒肉區排左小小人龍，一於都排下。這碟等左8分鐘的燒和牛柳大蝦伴薯蓉真心很有驚喜！牛柳軟熟，有肉味，大蝦燒得很香，肉質爽口，燒汁配薯蓉有濃厚的牛油香，整個菜式是當晚的最愛🥹刺身有三文魚、帶子、吞拿魚、油甘魚等，整體都很新鮮，油香十足。只於甜品則較為遜色，各款糕點都特別令我留下深刻印象，令整個體驗不夠滿足。🍞 總消費：KKday $718/pax 連加一🍞 推薦：7/10🍞 覆桌嗎：5/10…Read More

因手持快將過期嘅住宿優惠券，上星期再次去「香港萬麗海景酒店」玩多次Staycation，做咗萬豪旅享家後連間房房都升埋級，入住超級豪華嘅海港景套房！傍晚時份於貴賓室享用歡樂雞尾酒時跟接待生閒聊，得知「萬麗咖啡室」晚市啱啱換咗個以和牛及龍蝦作主角嘅強勢海陸自助餐，成人原價$833.8/位（已包加一）；另加$100或$168可以玩埋任飲限定汽水、果汁同酒酒，重點推介週一首晚嘅菜式會最齊全之外，仲提點網上訂座可享最抵嘅七五折優惠（七五折後$644.3/位），三小時任食和牛喎，明明減緊肥都決定要孖哥哥一試！酒店咖啡廳用餐大堂寬廣開揚，自助食物區企理衛生。海陸主題最值回票價嘅先有每人一件肥潤清甜嘅磯煮鮑魚！再有成隻碟咁大，同樣係每人一隻，爽脆厚肉、膏甜鮮美嘅新鮮蒸焗波士頓龍蝦！和牛均源自澳洲，個人首選菜式就係要排隊即點即煎嘅和牛牛板腱扒拼烤馬來西亞大蝦！橙美嘅蝦隻爽口彈牙；兩三成熟嘅和牛色澤紅潤，肉香軟腍，且肥膏不多，如果唔係先食咗幾輪冷盤的話，一定唔止食三碟咁少，呵呵呵！唔怕生的話，魚生除咗有大路嘅刺身同壽司款式之外。。。亦有兩款濃甜嘅火炙和牛壽司同和牛卷。凍食嘅和牛選擇中以意式生和牛薄片最為軟嫩:)，捲入沙律菜苗及芝士碎即倍添香濃。其餘三款和牛沙律入面嘅和牛生熟度都唔一樣，哥哥就鍾情只係輕輕燒過嘅「Seared wagyu Steak Mango and Radish Salad」，覺得酸酸地嘅芒果配櫻桃蘿蔔及羽衣甘藍清爽醒胃。意外地，全熟嘅泰式和牛沙律帶有微微辣勁，清新惹味得最啱細佬歡心！拌入薯仔同火箭菜嗰款可能感覺最飽肚，所以都唔見太多人攞。唔想食咁多肉，沙律可自選配搭。凍肉中，個人誠意推介以紅菜頭醃製，軟滑惹味嘅三文魚薄片「Marinated Beetroot Salmon Cured」（下圖左方紅色嗰件）。預先撈製嘅沙律部份含果仁，由於此乃普遍嘅致敏原，建議餐廳於標籤上加以註明。小弟一向唔好芝士，不過望落覺得三款嘅賣相都幾得。最多人排隊係冰鎮海鮮區。當中最受歡迎始終係膏多奪目嘅波士頓龍蝦。今期麵檔吻合地以和牛做主題，以濃郁嘅牛肉湯煮出越南和牛湯河。兩片薄薄嘅生牛肉淋上滾湯立即灼熟，一片軟滑一片有嚼口，個人偏愛前者。三款熱湯中以足料滋潤嘅沙參肉竹螺頭湯輕易取勝。和牛熱盤都比較重口味，好自然地想跟碗白飯，不過當晚嘅印度香米更為健康。慢煮和牛牛尾相當腍滑，就連配菜蘿蔔都入哂味。厚切嘅紅酒燴和牛面珠墩厚身得黎質感鬆軟細緻，潤腍不肥膩。請恕小弟直言，有比較下，難免會覺得蒜香和牛牛柳及川味紅燒牛腩普通咗少少。餘下嘅熱食有專人代切嘅原條烤魚、牛肋骨、烤牛肉、羊腿同燒雞。亞洲菜有咖哩羊、芝士焗蠔、蟠龍鱔、燒味、避風塘炒蝦、荷葉飯等。配菜仲有脆卜卜嘅炸蝦片、香口嘅芝士焗釀香菇、露筍、雜菜等。講真食完多味和牛及龍蝦菜式，甜品真係要精挑細選，其中必吃推介為即點即燒、巧薄香口嘅法式可麗餅，內外都可以按個人喜好加配鮮果、忌廉、朱古力醬等配料。嘻嘻，加埋球Häagen-Dazs雪糕可堪稱為完美呀！甜品杯同蛋糕仔都有好多款揀。簡單嘅有芒果芝士蛋糕同朱古力撻。特別啲有微甜嘅奶茶奶凍（下圖中最左方）。無添加則可以揀食生果粒粒。仲有不同口味嘅原個蛋糕及糖果。「香港萬麗海景酒店」各部門嘅服務都極之周到，「萬麗咖啡室」春季嘅和牛龍蝦海陸自助餐豐富味佳，網上訂座嘅七五折尤其優惠！當晚驚喜一浪接一浪，原本買唔到五月天演唱會飛失落咗好一陣子，勢估唔到與同為五迷嘅客戶主任閒談時發現酒店推出咗個連兩張五月天$1,380門票嘅房間優惠套餐，XO仔仲即場成功訂埋房加演唱會飛添，當真活現「運氣就像抽獎。。。你的神曲開唱，唱到你老到撐拐杖還拿螢光棒！」…Read More

曾經有一段時間都都幾鍾意食自助餐，不過見自助餐嘅定價飛升得幾快，所以就食少咗，然而，過去幾年嘅疫情日子，就反而因為去咗好幾次「宅渡假」而食多咗少少自助餐。睇番自己嘅食評，對上一次嚟「萬麗咖啡廳」喺2013年3月，與同事嚟食，當喺開年飯，今次再訪，啱啱好變相喺10週年紀念。 雖然時隔10年，再睇返10年前小弟嘅食評，睇落餐廳嘅環境都無乜大改動，但就依然保持到好新簇，加上柔和燈光，寬敞嘅空間，所以，整體感覺幾舒服，無太大拘束感。此外，食物區都喺二字左右排開，集中晌一個範圍，唔使左兜右轉，亦都比較方便。今次自助餐以「海陸雙饗之旅」為主題，以多種海鮮及澳洲和牛作主打，星期一至四晚計，成人收$758，星期五至日及公眾假期成人收$798，另收10%服務費，晌官網預訂有75折，前者折實$664.30，後者折實$678.30。飲品區晌甜品區附近放置兩大部咖啡機，有多款意式咖啡供選擇，另一邊就放有檸檬片、鮮牛奶、數款茶包供自己由選擇。 此外，本身亦包括一杯果汁或汽水。另加$168 就可以暢飲果汁、汽水、精選啤酒、氣泡酒及紅白酒。到臨尾食甜品時，襯番杯咖啡已好足夠。冷盤先講講冷盤同沙律，就晌食物區嘅頭位，算喺選擇多喎，唔喺一般嘅凍切肉腸、煙三文魚，而喺有莎樂美腸、自家製紅菜頭漬三文魚、高柏火腿、巴馬火腿、西班牙風乾肉腸，有啲都喺少見，所以，就梗加要試吓。 沙律沙律吧唔止陣容都算鼎盛呀，仲有幾款喺主題食物。簡單講吓先，4款沙律菜、大大少少20多款配料、4款醬汁，淨睇呢度都夠豐富啦。配料有阿枝竹、意大利乾蕃茄、紅菜頭……都未必間間都有，而醬汁除咗有心水嘅蜜糖芥末，仲有一款牛油果醬。 此外，仲有7款預製好沙律，當中好以款以和牛入饌，款式包括手撕豬肉青芒果沙律、華都夫沙律、照燒三文魚沙律、泰式烤和牛沙律、意式生和牛肉薄片、烤和牛牛扒配芒果櫻桃蘿蔔沙律、意式和牛牛扒配薯仔沙律。聽個名已好吸引，睇埋啲相真喺流晒口水。將最心水、最精選嘅沙律同冷盤放埋一齊，造就小弟呢碟超豐富頭盤，樣樣都有啲，夠晒多元化，色彩又夠繽紛，睇見都已經好醒神。冷盤嘅火腿、紅菜頭漬三文魚，以及幾款主題材式嘅沙律都非常之好食，食完反而可以幫助胃納大開。刺身、壽司、卷物連同凍海鮮，呢幾個大類放晒晌近入門口嘅長枱位置，所以，特別搶眼。小弟唔喺唔鍾意食刺身、壽司，只不過覺得自助餐所提供嘅一般都喺啲大路貨色，不過，今次俾吓面試咗少少，因為見到啲帆立貝好靚，仲有一款燒和牛壽司。同老友「些牙」嚟食，所以樣樣打孖。嘩！啲帆立貝果然好新鮮，柔嫩鮮甜，吞拿魚亦好爽口，至於燒和牛壽司都好正，壽司飯捏得緊致卻唔死實，燒和牛既有肉味，又帶點油香，正呀喂！六頭磯煮鮑魚未分享到啲冰鎮海鮮前，先介紹另外兩款海鮮美食，就喺磯煮鮑魚及新鮮蒸焗波士頓龍蝦，呢個喺是晚嘅特別菜式，每位客人均有一客。鮑魚會按每枱人數一併送上，講明六頭，自然有番咁上下大大隻，仲加埋少少裝飾，賣相好睇。而鮑魚口感柔韌有咬口，食落鮮味中有少少類似酒香嘅味道，帶點點甜。新鮮蒸焗波士頓龍蝦至於款蒸焗波士頓龍蝦則每位客人派張食物卡，自行到出面取，因為攤凍咗就唔好食，所以，一拎咗就埋位先試為快。位位都喺原隻上，夠晒霸氣，啲龍蝦非常高質素，內藏好多蝦膏，味道甘腴，而拆出大大嚿龍蝦肉，一啖入口，夠豪氣，兼且爽彈鮮甜。冰鎮海鮮食自助餐最回本嘅一定喺啲冰鎮海鮮，餐廳供應6款海鮮，包括：法國麵包蟹、澳洲青口、長蟹腳、翡翠螺、凍海蝦同波士頓龍蝦，佐以幾款醬汁，如雞尾汁、柑橘香草醬、紅酒醋，都幾特別。就目測所見，呢啲回本嘢好搶手，但成晚都見補貨甚快，完全無間斷供應。由於食過新鮮蒸焗波士頓龍蝦，所以，冰鎮海鮮就無拎龍蝦，但一樣拎滿一大碟，成份海鮮拼盤咁。每一款都有其獨特嘅鮮甜味，麵包蟹又多膏喎，蝦肉又爽，真喺「鮮」入為主。芝士盤、麵包籃接落嚟介紹吓啲芝士先，因為小弟都真喺幾鍾意食芝士。是夜就供應3款芝士，包括喺古達芝士、貢佐諾拉芝士、羊奶芝士，以及一啲乾果、水餅、牛油、果醬。我就好少好似啲人咁，飲住紅酒，襯啲芝士，大多數都喺夾埋啲沙律一齊食，或者配麵包，麵包籃內就有多款細細個嘅歐陸包、香草包。湯品湯品嘅選擇比較多，除了西式嘅蕃茄忌廉湯、大式嘅蓮子豬骨湯之外，最亮點莫過於佢哋嘅招牌是日燉湯，名稱就無講，但湯內有咩材料就擺晒出嚟，童叟無欺，細細盅燉湯放滿料，絕對真材實料無欺場。食完啲生冷嘢，飲啲熱湯暖暖胃，並襯一襯個麵包搭芝士。個燉湯喺拎到朋友試嘅，佢話超正，夠火喉，湯味清甜且濃而不濁；而小弟所試嘅蕃茄忌廉湯亦唔錯，好香滑，蕃茄味亦算香濃，個香草麵包好軟熟，3款芝士各有特色，好好食:)。即煮粉麵晌自助餐嘅即煮粉麵、即煮意大利麵……等等，都一律少試，因為太易飽肚，不過，偶有例外，就好似今晚咁，因為喺以和牛入饌所做成嘅越南生牛肉河粉，真喺唔試都唔得，好在有朋友撐我，拎碗少少哋兩個人分嚟食。廚師阿姐話唔止用上M5級和牛，仲用上兩個唔同位：肩胛位同腿部，啲牛肉真喺靠啲熱湯輕灼，入口鮮嫩軟滑，正到呢……，而個牛骨湯底亦記一功，鮮濃清香，絕對啖啖喺牛嘅精華。咖喱、熱盤、烤肉另一個「長區」就喺擺放多種熱食嘅食物區，其實，依家再慢慢睇番啲相真喺有好多選擇，先一口氣介紹有啲咩：咖喱羊肉、印度皇飯、焗蠔、烤薯、烤魚、煙肉芝士焗薯、烤野菜、炸蝦、蒸鱔、烤鴨、金沙骨、荷葉飯……等等，而幾款主題菜就有慢煮和牛牛尾、紅酒燴和牛牛面頰、黑椒蒜香和牛牛柳、四川紅燒和牛牛腩；此外，烤肉類則包括烤牛肋排、烤羊腿同烤雞，可以講喺種類繁多。 老實講，咁多熱盤嘢，試就試唔晒架啦，亦好難話點食到回本，所以，隨心揀咗啲自己喜歡嘅嘢食，不過，都喺以肉類為主，配少少野菜。啲烤肉真喺幾正，無論牛肋排，抑或羊腿，都充滿肉香；幾款主題菜亦出色。喺當其時錯過咗個「飛弗」咖喱羊！ 其實，晌呢區最尾仲有個即煮攤檔，烤和牛配大虎蝦，不過，今日破戒咗食壽司同湯河，真喺近乎用盡啲配額，仲要預返甜品一環，所以無奈地要放棄。 生果、甜品食得幾飽都好，點都要留返10%空間進擊甜品嘅，睇到長長嘅食物枱放滿10多款甜品，琳瑯滿目，都非常吸引。又係概略介紹一下有咩甜品選擇先：芒果芝士餅、奶茶奶凍、木糠布甸、紅豆抹茶奶凍、朱古力撻、紅豆沙湯圓、焦糖蘋果蛋糕、斑蘭戚風蛋糕、柚子芝士餅、雜莓撻、朱古力芝士蛋糕、紅桑莓朱古力慕絲蛋糕、純朱古力粒、糖果、曲奇……等等，絕對滿足到所有甜魔嘅喜好。 挑戰甜品時段就一口氣揀咗9款，砌成一大碟，五顏六色，睇見都開心啦。所揀呢9款都極有水準，由於都喺揀自己最合口味嘅款式，自然覺得樣樣都好食，個人推介有紅豆抹茶奶凍、朱古力撻、柚子芝士餅、紅桑莓朱古力慕絲蛋糕、純朱古力粒，超好食，喺讓人有再翻兜嘅衝動之選。 即做法式薄餅呢個我都好想試，不過進擊完個「甜品拼盤」，真喺差唔多到頂。朋友就拎咗，所以，小弟就叉咗少少嚟試，餅皮夠薄有蛋香，裏面塞滿芒果同士多啤梨，好清香，襯埋杯即磨咖啡就一流喇。但喺，嫌老友手緊，都唔加多啲配料嘅！ Häagen-Dazs雪糕雪糕櫃裏面整齊排列得滿滿嘅'HD雪糕，口味有忌廉曲奇、咖啡、芒果紅桑莓、朱古力、雲呢拿。作為最後衝刺，兩杯心水口味嘅雪糕夠晒喇，為今餐有個完美結束。 老實講，食自助餐就無話一定要回唔回本，主要都係一晚之內食到好多自己心水嘅食物，有一種盡情、盡興嘅感覺，我哋食足3個鐘架，食吓傾吓，慢活人生嘛。順帶一提，呢度啲招呼幾好，侍應有禮，服務殷勤，收碗碟都好快手。個人意見，如果啲食物牌加返啲中文名，可能對唔太識英文，或對食材名稱唔太熟嘅人嚟講會好少少。…Read More

吃Buffet 其實就是一班朋友聚在一起可以因應自己不同的喜愛吃不同的東西當然最適合的人 就是大胃王🤭🤭😋灣仔萬麗海景酒店的自助餐記得在疫情前曾經吃過一次今次剛看到klook有買4送1優惠兼送紅/白酒一枝人均大概$560以有生蠔來說都算合理我對自助餐的要求最基本要有生蠔吃疫情前大概吃過文華東方、金鐘JW、旺角康得思及今次選的萬麗海景今次萬麗的生蠔屬美國生蠔淡淡的海水味肉質尚算肥美沒有法國蠔的金屬味大小適中而蒸龍蝦方面 每人一隻就用簡單調味即蒸方法製成每人入場都有一張取龍蝦用的小卡本人就覺得龍蝦雖然肉質彈牙但不知為何帶有一點點泥味沒有龍蝦的鮮甜熱葷方面欣賞它的慢煮三文魚用慢煮方法煮熟後廚師接到客人order後就會即煎香三文魚外層使三文魚外表微微煎香而外層就相當嫩滑再以紅菜頭蓉墊底賣相都相當吸引甜品方面我最推介是Chocolate Raspberry Mousse Cake 濃郁朱古力味 微微的莓酸味道很匹配 是我必吃中式甜品有黑芝麻糊不太甜 我都吃了半碗其他食物方面刺身新鮮肥美烤牛排肉質嫩滑烤的時間剛好湯有蟲草花雞肉燉豬展味道不錯壽司試了其中一款火炙壽司 值得一試另外亦有試喇沙、蕃茄海鮮湯、煎蝦、羊、沙律……全都不過不失…Read More

今晚來到灣仔Renaissance hotel裏Cafe Renaissance食dinner buffet,有訂位，我最中意就係呢度油甘魚，好肥美，好新鮮，有法國即開生蠔，質感好，唔漏👍🏻👍🏻，還有麵包蟹，好多膏😋😋😋，長腳蟹好大條，肉汁鮮甜💯💯，其實熱盤有海南雞，個汁就最正，雞肉都好滑😍😍，另外我都係主打甜品，haagen dazs有brownie and mochi口味😍😍🥂🥂，其他有綠茶蛋糕🍰，朱古力蛋糕等，我好快會返嚟再食…Read More

當日生日跟太太來到萬麗酒店食午市自助餐慶祝，主因是同事極力推薦，而價格亦相宜，便前來試試位置：萬麗酒店位於香港會展旁，交通算是方便環境：餐廳裝修明亮，座位多且枱與枱間距離感足夠服務：店員有禮貌，收碟速度快食物：主打冷盤海鮮，前菜、熱葷、甜品選擇適中未到12時已入座，侍應細心安排位置及端上兩杯味道很不錯的橙汁，而侍應在進餐時很主動給我們添加橙汁冷盤由於太太很喜歡海鮮，一開始就拿了不少松葉蟹腳、青口、海螺及海蝦，其中松葉蟹腳非常大件，且很鮮甜太太也有再安歌一番至於本人對煙三文魚、火腿及煙肉較有興趣，配合芝士及面包吃，不會太咸，味道不錯:)壽司及刺身選擇一般，刺身有三文魚、吞拿魚、八爪魚及鮑魚片，算是新鮮但絕不是高級的款式熱葷有即煮上海粉麵、印度薄餅、咖哩、蒸魚、雞、豬扒、即切牛柳、羊架等等，款式不多但足夠飽肚，味道非常規中矩甜品絕對的重點，外表精緻、味道有五星級酒店的水準，尤其是美式芝士蛋糕，非常濃郁，簡直一試難忘雪糕是自取的哈根達斯雪糕，忍不住食了三杯結帳用恆生信用卡有七折優惠，以250港元一個人來說，實在非常實惠，絕對再來光顧呢:)…Read More

家人生日，慶祝又豈止於吹蠟燭、切蛋糕？！所以上週末就來到香港萬麗海景酒店萬麗咖啡室Cafe Renaissance品嚐龍蝦、生蠔及國際自助晚餐。餐廳環境寬敞，店員勤快收碟執拾，食物refill 速度亦夠快。食buffet的十居其九都是衝著海鮮而去，海鮮吧集合各種冰鎮海鮮如生蠔、麵包蟹、青口、長腳蟹、鮮蝦、海螺及各款時令海鮮等等，海鮮全晚源源不絕供應，海鮮控必定能大飽口福！即開生蠔size雖然不算大隻，但肉質厚實爽滑，海水味濃烈，蠔味留在口腔久久不散。麵包蟹內儲滿豐富的蟹膏，甘香軟滑，封存海中鮮味。爽彈蟹肉雪白細膩，來貨夠新鮮，鎖住原始鮮甜海味。魚生刺身即叫即切，壽司都有極多款式，應有盡有。芝士焗龍蝦表面鋪滿澎湃芝士，配上啖啖肉的開邊龍蝦，但有點可惜龍蝦本身的鮮味被濃烈的芝士味蓋過了。除了常見的肉眼扒之外，還有燒至約五成熟牛肋骨，牛味濃郁，不過肉質就略為韌了點。鋸扒可配上傳統英式Yorkshire Pudding，在坊間的酒店buffet中比較罕見，外皮香脆，中間凹陷及綿軟，更容易吸附肉汁。燒魚則是燒三文魚，難得熟透後魚肉依然豐腴細嫩，不會變得鞋口。燒豬腩肉亦是驚喜之選，而且做法亦和平時的中式芝麻皮不太一樣，頗有特色。厚切格紋的外皮酥脆無比，肥瘦相間，肉質軟嫩，滲出肉香。熱盤款式以buffet來說其實算是少款，幸好貴精不貴多，提供即叫即製的菜式，包括串燒、鴨肝、魚柳、牛扒、德國香腸等。個人最喜歡魚柳，煎香過後保持外脆內嫩，魚肉潔白鮮滑，雞肉串燒香口惹味。中式燉湯則是淮山杞子螺頭燉豬展，上湯原盅蒸燉，真材實料。全場最壯觀可算是多不勝數的沙律款式，還可配搭各式沾醬。而且沙律款式比較特別，例如三文魚沙律魚肉鮮美而有彈性。魷魚仔沙律帶點泰式風味，鹹香酸辣夠醒胃。自助沙律吧有蝦肉、多款沙律菜、煙肉、麵包粒等，可隨個人喜好自行混搭沙律款式。雖然已經吃到十成飽，但吃甜品的又是另一個胃  朱古力蛋糕鏡面晶瑩剔透，裡面有紅桑子夾層，酸酸的中和甜度。紅桑子鮮果撻賣相繽紛艷麗，撻皮堅挺，配搭份外清新。70% 比利時朱古力慕絲朱古力純度極高，不禁令我這個朱古力迷忍不住口encore 完一杯又一杯。榛子奶油布丁口感柔滑，榛子果仁香氣濃得化不開。一粒粒Chocolate Truffle中間有軟心效果，一口咬下柔軟濃滑。除了西式糕點之外，也有中式芝麻糊糖水供應，表面泛起光澤，口感濃稠細滑，突出芝麻的香氣。即製窩夫有原味和朱古力兩種口味選擇，外層烘得香脆，裡面卻像是蛋糕般鬆軟，還可配上Haagen-Dazs紅桑子雪葩。吃得再飽也不要忘記可以任食Häagen-Dazs雪糕，這裡供應足足有六款口味之多。…Read More

龍蝦超新鮮，勁正，不用多餘既調味。入場仲有百事，七喜，橙汁任飲。另外，刺生壽司都好新鮮，本人最鐘意帶子刺生，鮮味得很。生蠔方面，尚算新鮮，雖然只有一款選擇，但沒有數量限制，味道還可以，有點海水味，只是比較小肉。燒味方面，有叉燒、雞、鴨，叉燒雖瘦了一點，但味道唔錯。麵類更加有銀針粉選擇，湯亦十分唔錯，可以一試。甜品方面，大力推薦芒果拿破拿，有一個獨立既櫃位可以拎到，超級欣賞，好味到不停食，餅底真係十分有水準，連小朋友都大愛。…Read More