牛站(駅)麻辣火鍋放題

營業中

休息中

之前食過晚餐（觀塘分店）覺得幾好，所以就試吓旺角店的午市放題。 叫左最貴的，諗住坐到3:30，但2點幾左右就被提醒埋單😕牛小排不錯，種類豐富，海鮮新鮮，但今次海蝦比較細隻，飲品多選擇，但冇珍珠奶茶有少少失望。乳鴿好食。都keep 到水準。Overall good, went there for dinner before and now lunch.Beef quality is great (ordered the most expensive one as there’s more selection regarding seafood and meat). Seafood is fresh! Disappointed as they didn’t have bubble tea at lunch time.

牛站(駅)麻辣火鍋放題，位於旺角彌敦道601號創興廣場2樓。 餐廳在創興廣場2樓全層， 環境整潔光猛， 自助區有很多不同種類的食物、 飲品和甜品。 火鍋放題有三款選擇📌， 我揀了SRF 美國極黑和牛片 $298， 湯底是香濃蕃茄豬骨鍋。 $298 一位這個價錢已經包括任食肉類、海鮮、多款打邊爐配料、醬料、熟食、甜品和飲品等等。 熟食必點乳鴿，口感嫩滑美味。 推介的肉類有美國極黑和牛、安格斯牛板腱和美國肩胛肉，三款的肉質都很新鮮，牛味濃厚😋。海鮮有海蝦、帶子和脆肉鯇，肉類還有田雞，是在放題裏比較少見的食材。丸類有多種選擇， 自助區裏應有盡有👍🏻。 推介的菜類有羽衣甘藍和冰菜，尤其是冰菜口感爽甜，平時食放題都好少有。 推介的甜品有häagen-dazs雪糕和奶凍， 甜品種類好多，甜品控一定很開心。 飲品方面有樽仔奶茶、珍珠奶茶、冷泡茶、花茶、 罐裝飲品、紙包飲品、清酒、梅酒和啤酒等， 還有熱櫃供應熱飲， 非常貼心。 整體而言性價比高， 款式種類非常多， 任食120分鐘cp值超高， 真心推介😊。🏷️溫馨提示～ 整個用餐體驗均屬個人分享意見， 只作參考😊。

生日飯食放題就最開心，朋友鍾意打邊爐，咁就近近地揀左呢度食。一早訂左位，嚟到好快就可以入座。第一時間去自助區睇吓先。呢度嘅自助區都幾勁，先講飲品，個飲品櫃仲大個便利店果d，除左汽水、果汁、茶，仲有波覇珍珠奶茶。除左飲品櫃，仲有熱飲櫃、清酒、梅酒、涼茶。菜櫃見到都有10款蔬菜，而且全部顏色翠綠、新鮮乾淨。丸類有過10款選擇，較特別係有蛋餃。其他嘅火鍋料都仲有好多，黑柏葉、豬血糕、煎午餐肉、魚糕串、蟲草花、長蟹捧、萵笋、紫蘿蔔、不同類嘅粉麵等等。冷盤有生果、泡菜、醃菜。打邊爐必備嘅響鈴、山根、炸魚皮，特別一提，呢度個炸魚皮真係唔錯，薄身、脆卜卜，夠香口。雪糕/雪條、甜品一樣好多選擇，杯裝雪糕有正常size嘅HD都較少見；仲有軟雪糕；甜品櫃有豆腐花、牛乳布甸、木糠布甸、仲有三色芋圓。最估唔到係，就連時令食品糯米飯同蛇羹都有。講真剩係食自助區嘅食品都食唔晒！到自選餐單，當然必定要食牛啦，我地分別點左安格斯牛板踺、封門柳、同和牛片，最好食係封門柳，有牛肉味，而且夠軟腍，重點係細細片，可以留胃食其他。😂實在太多嘢食，不能盡錄，呢度絕對係性價比極高嘅火鍋放題，雖然無驚為天人嘅頂級好食嘢，但就絕對係對

出到旺角，常去創興食自助餐或唱K，今次見到二樓新開了牛駅。走去二樓，很多人已在等先看看個環境：看看有很多野食，如任食清酒、梅哂和啤酒, 再行入去就有一打開就好香的麻辣小龍蝦，飲品很多，甜品櫃有多款雪條、哈根大師雪糕任食、榴蓮雪糕，大量丸類和新鮮蔬菜。再看看價錢，好抵晚市都做到$288?! SRF牛肉，這個價錢不易找到，所以立即去排隊入場，通知朋友食這間。湯底也有很多選擇，選了冬瓜瑤柱豬骨鍋，上到枱，好足料，有冬瓜、枸杞在手機落單，竟然有乳鴿任食! 還點了RF美國極黑和牛片，美國安格斯牛皮腱和巴西牛脷托，海鮮類的選擇也很豪華：鮑魚、帶子、象拔蚌、花膠等等......手機落單後，出去拿醬料、菇、粟米、菜和炸豆腐。除了有酒、也有暖飲品櫃，咖啡機，好周全。特式冷飲有多款冷泡茶、珍珠奶茶這些手搖飲品，心動由於氣管情況麻麻，所以食唔到哈根大師，好返再食過，甜品類選了熱銀耳露、不太冷的三色芋圓、脆皮泡芙、泡芙、糯米滋、芝士蛋糕、木糠布甸。大滿足的一餐~