影片
更多
2023-07-21
1335 瀏覽
🍽️🍰🍱歷山酒店Semi-buffet lunch 今次係因為公司活動，吾洗錢有得食，只有星期一至五有semi-lunch buffet，上網睇約$300，假期會係早午餐，價錢會吾同。首先，酒店內部的確好grand,但門口吾係甘易搵，同一般酒店有個大門吾同，呢到要行過一個幾窄嘅門口，再搭扶手電梯落一層，仲要繞過餐廳及宴會廳門口才到lobby。講返semi-buffet lunch先，有刺身、焗蠔、幾款海鮮如蝦、螺、凍盤、沙律、餐湯、4款生果、甜品、窩夫、飲品，雪糕吾包，要另外俾$20一杯。服務都好好👍🏻收碟快，職員有禮貌，一叫就埋黎吾會扮見吾到。🔘刺身🍣有三文魚、吞拿魚、魷魚及甜蝦4款，有師傅現場切，一個人佢每款都會厚切4件，魷魚冇試，甜蝦ok的，但三文魚同吞拿魚感覺一般，三文魚見到有黑點，吞拿魚口感較差。🆗餐湯🥫有中西湯各一款，今次試左西湯磨菇湯，有d稀，但味道ok，見到有蘑菇粒，應該吾係金寶湯開出黎。🆗沙律🥗及冷盤🦪沙律正常，有沙律菜、羅馬生菜、粟米粒、紅腰豆、脆面包粒、芝士粉及幾款沙律醬。冷盤有幾款，麻辣茄子吾錯，夠麻辣惹味，另外烤椰菜花都好味，醋雲耳冇咩味，而長通粉就感覺未夠熟，
歷山酒店Semi-buffet lunch
今次係因為公司活動，吾洗錢有得食，只有星期一至五有semi-lunch buffet，上網睇約$300，假期會係早午餐，價錢會吾同。
首先，酒店內部的確好grand,但門口吾係甘易搵，同一般酒店有個大門吾同，呢到要行過一個幾窄嘅門口，再搭扶手電梯落一層，仲要繞過餐廳及宴會廳門口才到lobby。
講返semi-buffet lunch先，有刺身、焗蠔、幾款海鮮如蝦、螺、凍盤、沙律、餐湯、4款生果、甜品、窩夫、飲品，雪糕吾包，要另外俾$20一杯。服務都好好👍🏻收碟快，職員有禮貌，一叫就埋黎吾會扮見吾到。
🔘刺身🍣
有三文魚、吞拿魚、魷魚及甜蝦4款，有師傅現場切，一個人佢每款都會厚切4件，魷魚冇試，甜蝦ok的，但三文魚同吞拿魚感覺一般，三文魚見到有黑點，吞拿魚口感較差。
🆗餐湯🥫
有中西湯各一款，今次試左西湯磨菇湯，有d稀，但味道ok，見到有蘑菇粒，應該吾係金寶湯開出黎。
🆗沙律🥗及冷盤🦪
沙律正常，有沙律菜、羅馬生菜、粟米粒、紅腰豆、脆面包粒、芝士粉及幾款沙律醬。
冷盤有幾款，麻辣茄子吾錯，夠麻辣惹味，另外烤椰菜花都好味，醋雲耳冇咩味，而長通粉就感覺未夠熟，有d硬。蝦螺等海鮮本人冇試。
☑️主食 - 咸蛋黃醬軟殼蟹薄餅🍕
主食有中西式之選，我選左呢款薄餅。好大份，有成8塊，食完前菜都飽左大半，我只食左2塊，好彩可以打包走，吾係就好浪費。個pizza除左個邊硬左d，整體黎講好好味（同事試咗都讚不絕口），上面嘅軟殼蟹好脆，新鮮炸起，而pizza餅底都好重鹹蛋黃味，有少少流心，好邪惡，所以會有d滯。
咸蛋黃醬軟殼蟹薄餅
13 瀏覽
0 讚好
0 留言
☑️甜品🍰
有椰汁西米露及幾款蛋糕。蛋糕質素吾錯的，試左海鹽芝士蛋糕、朱古力蛋糕、士多啤梨蛋糕、班蘭蛋糕，味道都ok，但感覺芒果布甸有d甜，但面果d芒果粒都甜的就好食。
☑️飲品
試咗cappuccino同埋蘋果汁，2款都正常。另外會有橙汁、檸水提供。
張貼
